پنجاب پولیس نے رحیم یار خان میں کچہ ماچھکہ کے علاقے میں انٹیلی جنس بیسڈ ٹارگٹڈ آپریشن کے دوران 2 ڈاکوؤں کو ہلاک کردیا۔
ترجمان پولیس کے مطابق ہلاک کیے گئے ڈاکوؤں کی شناخت سرمد بھیو اور ساجن ملوکانی کے ناموں سے ہوئی ہے۔آپریشن کے دوران ملزمان کے ساتھی اندھیرے کا فائدہ اٹھا کر فرار ہوگئے، ہلاک ڈاکو انسداد دہشت گردی سمیت متعدد سنگین جرائم میں مطلوب تھے، ڈاکوؤں کے قبضہ سے 2کلاشنکوف اور متعدد گولیاں بھی برآمد ہوئیں ہیں۔دوسری طرف شکارپور پولیس اور رینجرز نے کچے کے علاقے گڑھی تیغو میں مشترکہ آپریشن کیا، آپریشن کے دوران فائرنگ کے تبادلے میں 5 ڈاکو اور 2 پولیس اہلکار زخمی ہوگئے۔پولیس کے مطابق گڑھی تیغو میں5 روز سے مغویوں کی بازیابی کے لئے مشترکہ آپریشن جاری ہے، جس میں ڈاکوؤں کے متعددگھروں اور مورچوں کوجلایا گیا ہے اور کئی ٹھکانے مسمار کردیئے گئے جبکہ پولیس اور رینجرز نے علاقے کو گھیرے میں بھی لیا ہوا ہے۔
کراچی پولیس کی سرچنگ،پی ٹی آئی کے 8 کارکن حراست میں لے کر تھانے منتقل
فلسطین سے اظہار یکجہتی کیلئے آل پارٹیز کانفرنس کل منعقد ہوگی
ایران نے اسرائیل پر میزائل حملے کرنے والے جنرل کو تمغۂ فتح سے نواز دیا
