Tag: کھمبے

قصور
لیسکو سب ڈویژن مصطفی آباد للیانی کے شیر جوان رشوت لینے میں نمبر ون چار روز سے گرے بجلی کے کھمبے نصب کرنے کے پندراں ہزار وصول کر لئے
تفصیلات کے مطابق 4 روز قصور میں شدید آندھی چلی جس کے باعث حویلی بارے کی میں بجلی کے کھمبے گر گئے جس سے سارا علاقہ تاریکی میں ڈوب گیا اگلے دن لیسکو واپڈا سب ڈویژن مصطفی آباد للیانی کے شیروں نے کھمبے گرنے والے علاقے پل جبومیل کی بجلی کی سپلائی لائن کاٹ کر باقی علاقے کی بجلی بحال کر دی اور گرے ہوئے کھمبے نصب کرنے کے پندراں ہزار بطور رشوت مانگ لئے جس پر مجبور ہوتے ہوئے پل جبومیل کے رہائشیوں نے پیسے بطور رشوت کل رات سب ڈویژن لیسکو مصطفیٰ آباد کے شیروں کو ادا کر دئے مگر ابھی تک کھمبے زمین پر جوں کے توں پڑے ہیں چار روز سے بجلی معطل ہونے سے کوگ پانی کی بوند بوند کو ترس گئے ہیں
لوگوں نے محکمہ اینٹی کرپشن،ڈی سی قصور اور ایس ای لیسکو قصور سے راشی اہلکاران کے خلاف کاروائی کا مطالبہ کیا ہے

قصور
شہر اور گردونواح کے دیہات میں لگے بجلی کے کھمبے لوگوں کیلئے موت کا پروانہ 3 سے 4 دہائیاں پرانے کھمبے کسی بھی بڑے حادثے کا سبب بن سکتے ہیں
تفصیلات کے مطابق قصور شہر اور گردو و نواح کے دیہات میں لگے ہزاروں میں سے سینکڑوں بجلی کے کھمبے لوگوں کیلئے بہت بڑا خطرہ بن چکے ہیں 30 سے 40 سال پرانے کھمبے اپنی مدت پوری کر چکے ہیں بعض سیمنٹ کے کھمبے تو بلکل ٹوٹ چکے ہیں جبکہ لوہے کے کھمبے زنگ آلود ہو کر گل چکے ہیں جن میں سے بیشتر کو شہریوں نے اپنی مدد آپ کے تحت بانس و لکڑی کے سہارے سے کھڑا کیا ہوا ہے خدانخواستہ اگر کوئی کھمبا گرے تو بہت بڑا حادثہ رونما ہو سکتا ہے حالانکہ لوگوں نے کئی بار لیسکو قصور کے حکام کو بتایا بھی ہے مگر لیسکو اہلکاران کے کان پر جو تک
نہیں رینگی
شہریوں نے ڈی سی قصور اور ایس ای لیسکو قصور سے مطالبہ کیا ہے کہ ان پرانے بوسیدہ کھمبوں کی جگہ نئے کھمبے لگائے جائیں تاکہ لوگ حادثے سے بچ سکیں