Baaghi TV

Tag: کھٹمنڈو

  • کھٹمنڈو سے دبئی جانے والی پرواز سے ٹیک آف کے دوران پرندہ ٹکرا گیا

    کھٹمنڈو سے دبئی جانے والی پرواز سے ٹیک آف کے دوران پرندہ ٹکرا گیا

    متحدہ عرب امارات: فلائی دبئی کی پرواز کھٹمنڈو سے ٹیک آف کے دوران پرندوں سے ٹکرا گئی جس کے نتیجے میں طیارے میں آگ لگ گئی-

    باغی ٹی وی : غیر ملکی میڈیا کے مطابق طیارے سے پرندہ ٹکرانے کا واقعہ اس وقت پیش آیا جب طیارے نے نیپال کے دارالحکومت کھٹمنڈو سے دبئی جانے کیلئے پرواز بھری تھی۔


    فلائی دبئی کی پرواز کھٹمنڈو سے ٹیک آف کے دوران پرندوں کے ٹکراگئی تاہم کسی بھی قسم کے نقصان سے محفوظ رہی اور مقامی وقت کے مطابق 11 بجے پہنچنے والی فلائٹ 3 گھنٹے کی تاخیر سے دبئی ایئرپورٹ پر بحفاظت اتر گئی۔

    دبئی: 253پاکستانیوں سمیت 319 گداگر گرفتار


    ایئر لائن نے بتایا کہ بوئنگ 737-800، رجسٹریشن A6-FED پرفارم کرنے والی پرواز FZ-576 کھٹمنڈو (نیپال) سے دبئی سے ٹیک اف کر رہی تھی کہ پرندے سے ٹکرا گئی معیاری آپریٹنگ طریقہ کار پر عمل کرنے کے بعد عملے نے دبئی کے لیے پرواز جاری رکھی –


    ایوی ایشن حکام کے مطابق پائلٹ نے بہت مہارت اور حاضری دماغی کا مظاہرہ کرتے ہوئے طیارے کو بحفاظت دبئی لینڈ کرایا طیارے کا مکمل معائنہ کیا جارہا ہے جب کہ طیارے میں سوار مسافر اور جہاز کا عملہ بھی محفوظ رہا۔

    ایئر لائن نے ایک بیان میں کہا کہ طیارہ معمول کے مطابق دبئی میں اترا اور مزید معائنہ کیا جائے گا-

    دوران پروازامریکی ائیرلائن کے طیارے سے پرندہ ٹکرا نے کے باعث آگ لگ گئی


    ائیر لائن کے ایک ترجمان نے کہا کہ ہمارے تجربہ کار فلائٹ عملے نے معیاری آپریٹنگ طریقہ کار پر عمل کیا اور اس بات کا تعین کرنے کے بعد کہ انجن نارمل آپریٹنگ پیرامیٹرز کے اندر تھا آگے کا سفر جاری رکھا۔ ہمارے مسافروں اور عملے کی حفاظت ہماری اولین ترجیح ہے۔ ہم اپنے مسافروں کے سفر کے شیڈول میں ہونے والی کسی بھی تکلیف کے لیے معذرت خواہ ہیں۔

    نائیجیرین نوجوان نے کچرے سے ریموٹ کنٹرول ماڈل طیارہ بنا لیا

  • نیپالی اور بھارتی مسافرطیاروں کا تصادم

    نیپالی اور بھارتی مسافرطیاروں کا تصادم

    کھٹمنڈو: ملائیشیا سے نیپال آنے والے نیپال ایئر لائن کا طیارہ بھارتی دارالحکومت نئی دہلی سے کھٹمنڈو آنے والے ایئر انڈیا کے طیارے سے ٹکرا گیا۔

    باغی ٹی وی: نیپالی میڈیا کے مطابق جمعہ کو پیش آنے والے ہولڈنگ زون میں ہونے والے اس واقعے میں دو پروازیں دیکھی گئیں، ایک ایئر انڈیا کی اور ایک نیپال ایئر لائن کی درمیانی فضا میں خطرناک حد تک ایک دوسرے کےقریب آ گئی جہاز میں انتباہی نظام نے سینکڑوں مسافروں کی جان بچائی۔

    نیپال میں سمارا کے آسمان پر ایئر انڈیا کا طیارہ 19 ہزار فٹ سے 7 ہزار فٹ نیچے اتر رہا تھا جبکہ نیپال ایئر لائنز کا طیارہ اسی مقام پر 15 ہزار فٹ کی بلندی پر تھا اور دونوں طیارے آمنے سامنے آگئے۔

    نیپال کی فضائی حدود میں ہونے والے مسافر بردرا طیاروں کا تصادم بہت معمولی قسم کا تھا جس کے باعث دونوں طیارے معمولی ہچکولے کھانے کے بعد سنبھل گئے اس حادثے میں کوئی جانی اور مالی نقصان نہیں ہوا۔ تصادم میں دونوں طیاروں کے بازو آپس میں ٹکرائے تھے تاہم خوش قسمتی سے طیارے کے پر نہیں ٹوٹے اور نہ ہی کوئی مسافر زخمی ہوا۔


    نیپال کی سول ایوی ایشن اتھارٹی کے ترجمان جگناتھ نیرولا نے بتایا کہ لاپرواہی اور غفلت برتنے پر ایئر ٹریفک کنٹرولر ڈیپارٹمنٹ کے تین ملازمین کو معطل کر دیا گیا اور تحقیقات کے لیے 3 رکنی کمیٹی تشکیل دیدی گئی۔

    نیپال کی سول ایوی ایشن اتھارٹی نے ان واقعات میں ایئر انڈیا کے پائلٹوں پر بھی پابندی لگا دی اور ڈی جی سی اے کو خط لکھا ہے۔ مزید یہ کہ نیپال کی سول ایوی ایشن اتھارٹی (CAAN) نے اس فیصلے کے بارے میں بھارتی کمیشن کو خط لکھا ہے۔

    نیپال کی سول ایوی ایشن اتھارٹی کے مطابق، انہوں نے اسی دن کھٹمنڈو میں لینڈنگ کے بعد عملے سے اس واقعے پر پوچھ گچھ کی اور پائلٹ ان کمانڈ نے اپنی غلطی تسلیم کی اور اس کے لیے معافی مانگی۔ پائلٹس کے ساتھ کھٹمنڈو ٹاور پر ڈیوٹی دینے والے 3 ایئر ٹریفک کنٹرولرز کو بھی گراؤنڈ کر دیا گیا ہے۔

    یہ واقعہ جمعہ کی صبح پیش آیا، جب ملائیشیا کے کوالالمپور سے کھٹمنڈو آنے والا نیپال ایئر لائن کا طیارہ اور نئی دہلی سے کھٹمنڈو آنے والا ایئر انڈیا کا طیارہ تقریباً آپس میں ٹکرا گئے-

  • گاڑیوں بسوں کو دھکا لگاتےتو دیکھا ہوگا اب جہاز کو بھی دھکا لگانے کی ویڈیو وائرل

    گاڑیوں بسوں کو دھکا لگاتےتو دیکھا ہوگا اب جہاز کو بھی دھکا لگانے کی ویڈیو وائرل

    آپ نے اکثر راستے میں خرابی کے باعث گاڑیوں کو دھکا لگاتے دیکھا ہوگا مگرا ب جہاز کو گھکا لگانے کی ویڈیو بھی سامنے آ گئی ہے جو سوشل میڈیا پر خوب وائرل ہو رہی ہے-

    باغی ٹی وی: نیپال کے ایک ہوائی اڈے سے ایک عجیب و غریب ویڈیو سامنے آئی ہے جس میں ایک درجن سے زائد افراد طیارے کو رن وے سے ہٹانے کے لیے پوری قوت سے دھکیل رہے تھے یہ ویڈیو "العربیہ ” نے اپنے ٹوئٹر اکاؤنٹ پر شئیر کی ہے-

    رسیوں میں جکڑی سینکڑوں سال پرانی ممی دریافت


    العربیہ کی جانب سے شئیر کی گئی ویڈیو میں لوگوں کو جہاز کو دھکا لگاتے دیکھا جا سکتا ہے رپورٹ کے مطابق یہ ویڈیو بدھ یکم دسمبر کو دارالحکومت کھٹمنڈو سے 7,000 کلومیٹر سے زیادہ کے فاصلے پر مغربی نیپال کے سوڈورباچیم ضلع کے باگورا کے کلتی میونسپل ایئرپورٹ پربنائی گئی تھی۔

    اٹلی میں ایک ہی مقام سے 11 ڈائنوسار کا پورا ریوڑ دریافت

    یہ واقعہ اس وقت پیش آیا جب مسافرہوائی اڈے پر پروازپکڑنے کا انتظارکر رہے تھے ان کا جہاز ہوائی اڈے پر اترنا تھا لیکن ایسا نہیں ہو سکا کیونکہ تارا ایئر کا ایک اور طیارہ رن وے کے بیچ میں پھنس گیا تھا۔

    فرانس: معمر شخص کے گھر سے 100 بلیوں کی لاشیں، گلہریوں اور چوہوں کی باقیات برآمد

    نیپال نیوز ویب سائٹ کی رپورٹ کے مطابق جو لوگ طیارے کو رن وے سے دھکیل رہے تھے ان میں سے ایک نے تصدیق کی کہ اس کے ایک ٹائر میں پنکچر لگنے کی وجہ سے یہ رن وے کے درمیان میں کھڑا تھا اپنی پرواز پکڑنے کے لیے مسافروں نے چھوٹے طیارے کو رن وے سے دھکیل دیا تاکہ دوسرا طیارہ لینڈ کر سکے۔

    روزانہ 500 گرام ریت کھانے والی 80 سالہ خاتون