بھارت اور کینیڈا کے درمیان تعلقات میں بہتری آنا شروع ہوگئی ہے، دونوں ممالک نے اپنے بھارت اور کینیڈا کے تعلقات کا اعلان کر دیا۔
خبر رساں ادارے کے مطابق بھارت اور کینیڈا کے تعلقات اُس وقت کشیدہ ہوگئے تھے جب سابق کینیڈین وزیراعظم جسٹن ٹروڈو نے سکھ علیحدگی پسند رہنما ہردیپ سنگھ نجر کے قتل کا الزام بھارت پر عائد کیا تھا۔کینیڈا میں تعینات بھارتی ہائی کمشنر نے اکتوبر 2024 میں ملک چھوڑ دیا تھا۔ اعلیٰ حکام کے مطابق وہ اُن چھ سفارتکاروں میں شامل تھے جنہیں کینیڈا نے ملک بدر کیا، تاہم بھارت نے مؤقف اپنایا تھا کہ اس نے اپنے سفارتکار کو واپس بلا لیا۔ اسی روز بھارت نے بھی 6 سینئر کینیڈین سفارتکاروں کو، جن میں قائم مقام ہائی کمشنر بھی شامل تھے، ملک چھوڑنے کا حکم دیا تھا۔
جسٹن ٹروڈو کے بعد کینیڈا کے نئے وزیراعظم مارک کارنی اور بھارتی وزیراعظم نریندر مودی نے جون میں اپنی پہلی دو طرفہ ملاقات میں اتفاق کیا تھا کہ سینئر سفارتکاروں کو دوبارہ تعینات کیا جائے گا۔کینیڈا کی وزارتِ خارجہ کے مطابق گزشتہ برس سے خالی ہائی کمشنر کا عہدہ تجربہ کار سفارتکار کرسٹوفر کوٹر سنبھالیں گے۔
پی ٹی آئی چیئرمین سمیت 18 اراکین کے قائمہ کمیٹیوں سے استعفے
کشتی کی سواری اور فضائی سفر، سب ڈرامے،سیاسی پارٹیوں کو مبشر لقمان کا چیلنج
80 ارب واجبات،پی ٹی اےکمپنیوں کے لائسنس معطل کردیئے