لیڈی ڈیانا کے بعد کیٹ میڈلٹن کو ”پرنسس آف ویلز” کا خطاب مل گیا-
باغی ٹی وی : تفصیلات کے مطابق شہزادہ ولیم کو ”پرنس آف ویلز” جبکہ کیٹ مڈلٹن یعنی اپنی بہو کو”پرنسس آف ویلز” کا خطاب دینے کا اعلان کیا جس کا اعلان کنگ چارلس نے ملکہ الزبتھ کے بعد کیے جانے والے پہلے خطاب میں کیا ہے۔
ملکہ برطانیہ الزبتھ دوم کی وفات سے برطانیہ کی قدیم روایات اور اقدارہی بدل گئیں
کنگ چارلس کو پرنس آف ویلز کا خطاب 1958 میں دیا گیا تھا ، اب کوئین کی موت کے بعد انہوں نے یہ خطاب اپنے بڑے بیٹے کے نام کر دیا۔
یاد رہے لیڈی ڈیانا اور کنگ چارلس کی شادی 1981 میں ہوئی، جس کے بعد انہیں ”پرنسس آف ویلز” کا خطاب دیا گیا تھا. اب ان کی موت کے 25 سال بعد ان کی بہو کو یہ خطاب دیا گیا ہے۔
واضح رہے کنگ چارلس کی دوسری اہلیہ کمیلا نے اپنی مرضی سے ”پرنسس آف ویلز” کا خطاب اپنے ساتھ نہیں جوڑا، کیونکہ دنیا بھر میں لوگ لیڈی ڈیانا کو ہی اس خطاب سے منسوب رکھنا چاہتے تھے۔
گزشتہ روز کنگ چارلس نے اپنے پہلے خطاب میں مزید کہا کہ ملکہ نے اپنی ذمہ داریوں کو ادا کرنے کے لیے بہت قربانیاں دیں ، ان کی لگن اور محنت کا کوئی مقابلہ نہیں کرسکتا۔
برطانیہ کے نئے بادشاہ چارلس کا قوم سے پہلے خطاب میں آنجہانی ملکہ کو زبردست خراج عقیدت
واضح رہے کہ برطانیہ پر سب سے طویل عرصے تک حکمرانی کرنے والی ملکہ الزبتھ دوم 96 برس کی عمر میں انتقال کرگئی تھیں۔ انہوں نے 70 سال تک برطانیہ پر حکمرانی کی جس کے فوری بعد بغیر کسی تقریب کے ان کے جانشین پرنس آف ویلز چارلس بادشاہ بن گئے ہیں۔
یاد رہے کہ ملکہ کے انتقال کا اعلان بکنگھم پیلس نے پاکستانی وقت کے مطابق ساڑھے دس بجے کیا۔بکنگھم پیلس کی جانب سے ایک بیان میں کہا گیا ہے کہ ’آج دوپہر ملکہ الزبتھ سکاٹ لینڈ میں واقع بیلموریل پیلس میں انتقال کر گئیں۔‘ملکہ کے انتقال پر برطانوی حکومت نے ملک بھر میں 10 روزہ سوگ کا اعلان کیا ہے۔
بی بی سی کے مطابق جمعرات کو ہی ملکہ کے خاندان کے افراد سکاٹ لینڈ میں واقع بلموریل پیلس میں کو جمع ہوگئے تھے۔ملکہ الزبتھ 1952 میں تحت نشین ہوئیں اور اس دوران انہوں نے کئی سماجی تبدیلیاں دیکھیں۔
