نگران وزیر اعلیٰ خیبر پختونخواہ محمد اعظم خان نے صوبے میں جانی و مالی نقصانات پر افسوس کا اظہار کیا ہےوزیر اعلی نےجاں بحق افراد کی معفرت اور پسماندگان کے لئے صبر جمیل کی دعا، اور جاں بحق افراد کے لواحقین سے تعزیت اوردلی ہمدردی کا اظہار کیا ہے
متاثرین کے دکھ درد میں برابر کے شریک ہیں، اس حوالے سے وزیر اعلی کا چیف سیکرٹری اور متعلقہ ڈویژنل اور ڈسٹرکٹ انتظامیہ کے ساتھ رابطہ ہوا ہے جس میں متاثرہ علاقوں میں فوری امدادی کارروائیاں شروع کرنے کی ہدایت جاری کر دی ہیں متاثرہ علاقوں میں ریسکیو اور ریلیف سرگرمیاں بغیر کسی تاخیر کے شروع کی جائیں، وزیر اعلی اعظم خان نےمتاثرہ آبادی کو محفوظ مقامات پر منتقل کرنے اور انہیں فوری ریلیف فراہم کرنے کے لئے ہنگامی بنیادوں پر اقدامات اٹھانے کا حکم دیا ہیں، اور اس مقصد کے تمام دستیاب وسائل بروئے کار لائے جائیں، محمد اعظم خان نے کہا ہیں کہ نگران صوبائی حکومت مشکل کی اس گھڑی میں متاثرین کے ساتھ ہیں، متاثرین کو ریلیف اور امداد کی فراہمی کے لئے ہر ممکن اقدامات اُٹھائے جائیں گے، وزیر اعلی نے مزید کہا تمام اضلاع میں ہونے والی جانی و مالی نقصانات پر دلی افسوس ہوا، لہذا صوبائی حکومت متاثرین کو تنہا نہیں چھوڑے گی اور ان کی ہر ممکن معاونت کی جائے گی۔ وزیر اعلی کی محکمہ صحت کے حکام کو متعلقہ ہسپتالوں میں ایمرجنسی نافذ کرنے اور زخمیوں کو بروقت طبی امداد کی فراہمی یقینی کی ہدایات بھی جاری کر دی ہیں، دوسری جانب خیبرپختونخوا میں طوفانی بارشوں سے پیدا ہونے والی صورتحال کے بعد ڈپٹی سپیکر قومی اسمبلی زاہد اکرم درانی نے وزیر اعظم شہباز شریف سے ٹیلیفونک رابطہ کیا، اور وزیر اعظم کو بنوں اور لکی مروت کی صورتحال سے آگاہ کیا۔
وزیراعظم شہباز شریف نے صورتحال سے نمٹنے کیلئے چیف سیکرٹری خیبرپختونخوا اور این ڈی ایم اے حکام کو ہنگامی اقدامات کرنے کی ہدایت کی، زاہد اکرم درانی نے شہباز شریف سے شہداء اور زخمیوں کیلئے وزیراعظم پیکیج کے تحت مالی امداد کا مطالبہ کیاہیں،
Tag: کے پی کے
کے پی کے نگران وزیر اعلیٰ کی طوفانی بارشوں سے متاثرہ عوام کے ساتھ اظہار ہمدردی
خیبر پختونخواہ بار کونسل اجلاس، وکلاء کے لئے فنڈ مقرر
خیبر پختونخواہ بار کونسل نے فوت شدہ ، بیمار عمر رسیدہ وکلاء کو ریلیف دینے کے لیے فنڈ کی منظوری دیدی ۔ بار کونسل نے ایک کروڑ 63 لاکھ اور پچاس ہزار ریلیف فنڈ منظور کیا ۔ جس کے لئے پشاور ہائیکورٹ کے چیف جسٹس رولز میں ترمیم کریں گے۔ بار کونسل کے مطابق سائلین کو انٹرا کورٹ اپیل کا حق دیا جائے تاکہ انصاف کے تقاضے پورے ہو سکے ۔ کے پی کے بار کونسل نے اجلاس میں وکلاء ٹرینگ ، ہاسٹلز ، بار کونسل لاء کالج اور وکلاء ہاؤسنگ سوسائٹی کے مختلف تجاویز پر بحث کی اس کے علاوہ اجلاس میں آرمی ایکٹ ریفارمز پر بھی بات ہوئی بار کونسل نے آگے کہا کہ آئین ، قانون انسانی حقوق کے تحفظ کے لیے آل پاکستان لائرز کنونشن بھی منعقد کیا جائیگا ۔
موسم گرما کی تعطیلات کا اعلان
خیبرپختونخوا کے گرم علاقوں میں 12جون سے مڈل اور ہائی اسکولز کی تعطیلات ہوں گی، یہ اعلان مشیر تعلیم رحمت سلام خٹک کی جانب سے کیا گیا ہے انھوں نے کہا گرمی کی شدت میں اضافے پر اسکولز کی تعطیلات کا فیصلہ کیا گیا ہے، گرمی کے باعث مختلف اضلاع میں اسکولوں میں بچے بے ہوش ہو رہے ہیں، جس کی وجہ سے سلولز بند کرنے کا فیصلہ کیا گیا ہے مشیر تعلیم رحمت سلام خٹک نے موقف اختیار کیا کہ نگراں وزیراعلیٰ نے مقررہ تاریخ سے3 دن پہلے تعطیلات کی منظوری دے دی، ڈائریکٹرتعلیم اور ڈی ای اوز کو 12 جون سےموسم گرما کی چھٹیاں دینے کی ہدایت کردی، مشیر تعلیم نے مزید کہا کہ مڈل اور ہائی اسکولز میں 15 جون سے موسم گرما کی تعطیلات کا اعلامیہ جاری کیا تھا،
ہلاک ہونے والے دھشتگرد کی ویڈیو وائرل کرنے پولیس اہلکار معطل
سی سی پی او پشاور سید اشفاق انور نے پشاور متنی تھانہ کے ایس ایچ او کو معطل کر دیا ہے،ایس ایچ کو ایک روز قبل دھشتگردوں سے مقابلے کے دوران ایک شر پسند کے ہلاک ہونے کے بعد اسکی ویڈیو سوشل میڈیا پر وائرل کرنے پر نوٹس لے کر معطل کر دیا گیا، پولیس کے مطابق تھانہ متنی کے حدود میں ایس ایچ او عمران الدین اور ملزم ایاز کے درمیان فائرنگ کا تبادلہ ہوا تھا جس کے نتیجے میں ملزم عمران ہلاک ہونے کے بعد اس کی لاش پولیس بکتر بند کی فرنٹ ونڈو سکرین پر رکھ کر تھانے منتقل کیا گیا، جبکہ اسکے چار ساتھیوں کو گرفتار کر لیا گیا تھا، واقعے کے بعد ہلاک دھشتگر د اور اسکے گرفتار دوستوں کی ویڈیو سوشل میڈیا پر وائرل کر دی گئی جس کے نتیجے میں سی سی پی او پشاور کے جانب سے کاروائی عمل میں لانے کے بعد ایس ایچ او کو معطل کر دیا گیا، جبکہ معاملے کے مزید تحقیقات کے لئے کمیٹی بھی بنائی گئی ہے،
بنوں میں طوفانی بارشوں نے تباہی مچا دی
بنوں، لکی مروت ،اور گردونواح میں موسلادار بارش اور ژالہ باری شدید نقصان کا باعث بنی ہے ،بارش اور طوفان کی وجہ سے دیواریں اور چھتیں گرنے کے واقعات میں مجموعی طور پر 13 افراد جاں بحق جبکہ درجنوں زخمی ہو گئے ہیں جن میں بچے اور خواتین بھی شامل ہیں، بنوں میں 8 افراد جاں بحق جبکہ 30 افراد کو زخمی حالت میں ہسپتال پہنچا دیا گیا ہے،بنوں ہسپتال میں ایمرجنسی نافذ کر دی گئی ہے، ڈی جی ریسکیو کے مطابق تیز طوفان اور بارش کی وجہ سے لکی مروت میں چھتیں گرنے کے واقعات میں 5 افراد جان بحق جبکہ 10 سے ذائد زخمی ہونے کی اطلاعات ہے ،ریسکیو اہلکار کی جانب سے مختلف علاقوں میں امدادی سر گرمیوں کا عمل جاری ہے تیز طوفان کے باعث کئی دکانوں کی چھتیں گرنے اور درخت جڑ سے اکڑنے کے واقعات بھی سامنے آئے ہے ، ژالہ باری کی وجہ سے متعدد علاقوں میں فصلوں اور باغات کو شدید نقصان پہنچا ہے،
مردان میں سج گیا کتابوں کا میلہ
مردان میں ضلعی انتظامیہ کے زیر اہتمام دو روزہ کتب میلہ سج گیا . کتب میلے میں موبائل لائیریری سب کو بھا گئی،کتب میلے کا مقصد عوام میں شعور اجاگر کرنا ہے، کتب میلے کی تقریب خیبر پختون خوا ہاؤس مردان میں منعقد کی گئی ہے جس میں ہائیر ایجوکیشن کی سیکرٹری محترمہ انیلہ محفوظ درانی مہمان خصوصی تھیں۔تقریب سے خطاب کرتے ہوئے انیلہ محفوظ نے کہا کہ اس طرح کی سر گرمیاں آنے والے نسلوں کےلئے مدد گار ثابت ہو گی،کتاب کی اہمیت کو اجاگر کرنا ہماری زمہ داری ہے،انہوں نے کمشنر مردان یوسف رحیم کو اس اقدام کے لئے بہت سراہا اور انکی طرف سے اس طرح کی کاوشیں کرنے پر شکریہ ادا کیا،انہوں نے مزید کہا کہ موجودہ دور میں ہمارے بچے کتابوں سے دور جا رہے ہے لیکن ہمارے اساتذہ اور والدین کی زمہ داری بنتی ہے کہ آنے والے نسلوں میں کتاب سے محبت اور لگاؤ کو جنم دے،کتب میلہ میں مختلف شعبہ ہاے زندگی سے تعلق رکھنے والے لوگوں سمیت مختلف اداروں کےسربراہان ، طلباء طالبات اور سول سوسائٹی کے افراد شریک ہوئے،
پی ٹی آئی یوتھ ونگ کے صدر ضمانت پر رہا
پی ٹی آئی یوتھ ونگ صدر مینا خان آفریدی اور مقامی رہنما جلال مہمند کی انسداد دھشتگردی عدالت میں درخواست ضمانت پر سماعت ہوئی،جس کو عدالت کی جانب سے منظور کر لیا گیا ہے،انسداد دہشتگردی عدالت نے محفوظ فیصلہ سناتے ہوئے مینا خان اور جلال مہمند کو ضمانت پر رہا ئی کا حکم دے دیا ہے،عدالت کا ملزمان کو ایک ایک لاکھ روپے کے مچلکے جمع کرانے کی ہدایت کی گئی،فیصلہ کے مطابق ملزمان کے خلاف فی الحال کوئی ثبوت موجود نہیں تمام سی سی ٹی وی اور فرانزک کا جائزہ لینے کے بعد عدالت رہائی کا حکم دیتی ہے،
فیصلہ میں مزید کہا گیا ہے کہ ملزمان اس سے قبل بھی کسی جرم میں ملوث نہیں رہے لہذا عدالت ضمانت منظور کرتے ہوئے رہائی کے احکامات جاری کرتی ہے،یاد رہے عدالت نے مینا خان اورجلال مہمند کا فیصلہ دو روز قبل محفوظ کر لیا تھا ،ملزمان کو 9 اور 10 مئی کے جلاؤ گھیراؤ کے الزام میں گرفتار کر لیا گیا تھا،
چیف جسٹس پشاور ہائیکورٹ کا ہنگو سب جیل کا دورہ
چیف جسٹس پشاور ہائیکورٹ مسرت ہلالی نے ضلع ہنگو کا دورہ کیا ہے جہاں انھوں نے ضلعی محکمے کے ججز سے ملاقات کر کے عدالتی نظام کو بہتر بنانے پر بات چیت کی ہے،چیف جسٹس پشاور ہائیکورٹ نے ہنگو جوڈیشل لاک اپ کا بھی دورہ کیا ہے جہاں انھوں نے قیدیوں کے حالات کا جائزہ لیا ہے چیف جسٹس مسرت ہلالی نے ہنگو ڈسٹرکٹ سیشن جج حیات گل مہمند،سینیئر سول جج ایڈمن ولی محمد،ڈپٹی کمشنر ہنگو فضل اکبر ،ڈپی او کے ساتھ مل کے ہنگو سب جیل کا بھی دورہ کیا ہے،جہاں پہ انہوں نے موجود قیدیوں سے ملاقات کی ہے اور جیل میں پیش آنے والے مسائل کے بارے میں سنا ہے،،اس موقع پر چیف جسٹس مسرت ہلالی نے جیل میں قیدیوں کے مشکلات کو فوری طور پر حل کرنے کی ہدایت کی ہے،
مدرسے میں تشدد کا شکار بچہ ایک آنکھ سے محروم
ضلع مردان تخت بھائی کے دینی مدرسہ میں 10سالہ طالب علم پر وحشیانہ تشدد کیا گیا ہے جس کے نتیجے میں بچے کی ایک آنکھ سخت متاثر ہوئی ہے، واقعے کے بعد بچے کےوالد نے مدرسہ کے استاد کے خلاف مقدمہ درج کروا لیا ہے،پولیس کی جانب سے موقف اپنایا گیا ہے کہ بچے کو سبق یاد نہ کرنے پر استاد نے شدید تشدد کا نشانہ بنایا جسکی وجہ سے بچے کو شدید چوٹیں آئی،اس کے علاوہ ایک آنکھ کو بھی سخت نقصان پہنچا ہے جس کی وجہ سے بچے کو آنکھ کی بینائی سے محروم ہونے کا خطرہ ظاہر کیا گیا ہے،تاہم بچے کو فوری طور پر طبی امداد دی گئی ہے ،جبکہ واقعے میں ملوث مدرسے کا استاد موقع سے غائب ہے،واقع کے بعد ایف آئی آر درج کر کے ملزم کی تلاش جاری ہے جسکی گرفتاری جلد عمل میں لائی جائے گی،
منشیات سمگلنگ کا منصو بہ ناکام
تھانہ ایکسائز مردان کی رشکئی بائی پاس پر کا میاب کاروئی کے نتیجے میں 12 کلو چرس بر آمد،، ترجمان ایکسائز منشیات گاڑی کے خفیہ خانوں میں رکھا گیا تھا،جو پشاور سے براستہ نوشہرہ پنجاب سمگل کی جا رہی تھی، پولیس نے شک کے بنیاد پر گاڑی کو روکا اور تلاشی لی جس کے نتیجے میں منشیات برامد ہوئی،گاڑی چلانے والے ملزم کی نشاندہی احمد حسن کے نام سے ہوئی ہے جسکا تعلق پشاور سے بتایا جا رہا ہے،تاہم ملزم کو گرفتار کر کے مقدمہ تھانہ ایکسائز مردان میں درج لیا گیا ہے ،ملزم سے مزید تفتیش جاری ہے،جس کے نتیجے میں منشیات فروش گروہ تک رسائی حاصل کی جا سکتی ہے،
