Baaghi TV

Tag: گجرات

  • بھارت:گجرات میں ژالہ باری اور آسمانی بجلی گرنے سے 24 افراد ہلاک

    بھارت:گجرات میں ژالہ باری اور آسمانی بجلی گرنے سے 24 افراد ہلاک

    بھارت کی ریاست گجرات میں گزشتہ 2 دنوں میں ژالہ باری اور آسمانی بجلی گرنے سے 24 افراد ہلاک ہوگئے ۔

    باغی ٹی وی: برطانوی نشریاتی ادارے بی بی سی کے مطابق بھارتی ریاست گجرات میں اتوار سے شروع ہونے والی بارش کے دوران آسمانی بجلی گرنے اور ژالہ باری سے کم از کم 24 افراد کی موت ہوگئی، کئی مکانات کو نقصان پہنچایا جبکہ کئی مویشی بھی ہلاک ہوگئے، شدید بارشوں کے دوران ہلاک ہونے والے 24 افراد میں سے 18 اموات آسمانی بجلی گرنے سے ہوئیں۔

    ماہرین موسمیات کے مطابق موسم سرما کے دوران گجرات میں طوفان غیر معمولی ہیں، یہی وجہ ہے کہ شدید بارش نے اس سال بھی بہت سے لوگوں کو اپنی لپیٹ میں لے لیا بھارت میں ہر سال سیلاب اور آسمانی بجلی گرنے سے ہزاروں افراد ہلاک ہو جاتے ہیں سائنسدان خبردار کر رہے ہیں کہ عالمی درجہ حرارت میں اضافہ انتہائی موسمی تباہ کاریوں میں اضافے کی وجہ بن رہا ہے۔

    میدانی علاقوں میں صبح کے اوقات میں سموگ اوردھند چھائے رہنے کا امکان

    ن لیگ نے عام انتخابات کے لیے مرکزی پارلیمانی بورڈ تشکیل دے دیا

    کتاب میں عمران خان کے بارے میں جو لکھا سب سچ لکھا اُس …

    بھارت کے وزیر داخلہ امیت شاہ نے شہریوں کی اموات پر گہرے دکھ کا اظہار کرتے ہوئے مقامی حکام کو امدادی کاموں میں تیزی لانے کی ہدایات دی ہیں۔

  • بھارتی فوجی افسران کے موبائل ہیک کر کے حساس ڈیٹا پاکستان بھجوانے کے الزام میں شہری گرفتار

    بھارتی فوجی افسران کے موبائل ہیک کر کے حساس ڈیٹا پاکستان بھجوانے کے الزام میں شہری گرفتار

    بھارتی فوج بارے حساس معلومات پاکستان بھیجنے کے الزام میں ایک شہری کو بھارت سے گرفتار کیا گیا ہے

    انسداد دہشت گردی فورس گجرات نے کاروائی کی ہے اور حساس معلومات پاکستان بھیجنے کے الزام میں تاراپور سے شنکرمانیشوری نامی شخص کو حراست میں لیاہے، حکام کا کہنا ہے کہ شنکر پاکستانی تھا جس نے بعد میں بھارتی شہریت لی،شنکر نے بھارتی فوج کے بارے میں حساس معلومات پاکستان بھجوائی ہیں،حکام کے مطابق شنکر نے بھارتی فوج کے افسرا ن کے موبائل فون کو ہیک کیا اور اسکے لئے جدید طریقہ استعمال کیا گیا، بھارتی فوج کے افسران کے ملنے والے موبائل فونز سے ملنے والی معلومات کو شنکر نے پاکستان بھجوایا

    گجرات انسداد دہشت گردی فورس کے ایس پی اوم پرکاش جٹ کا کہنا تھا کہ بھارتی فوج کی حساس معلومات پاکستان بھجوانے کے جرم میں ہم نے ایک ممکنہ پاکستانی ایجنٹ کو گرفتار کیا ہے،جو بھارتی سم کارڈ پر واٹس ایپ استعمال کر رہا تھا جس سے معلومات پاکستان بھجوائی گئی ہیں،شنکر بھارتی فوجی افسران کے موبائل فون سے معلومات لیتا تھا، جو سم وہ چلا تھا وہ محمد ثقلین کے نام پر ہے،

    بھارتی میڈیا رپورٹس کے مطابق شنکر پاکستانی تھا، بھارت آیا اور یہاں بھارتی شہریت لے لی ، اسکے خاندان کے لوگ پاکستان میں ہیں، الزام عائد کیا گیا کہ وہ بھارت میں رہ کر جاسوسی کر رہا تھا،

    لداخ میں انڈیا اور چین میں سرحدی کشیدگی، سینئر صحافی مبشر لقمان نے کیا دی تجویز

    ‏یہ وہ لات ہے جو ایک چینی فوجی نے لداخ میں ایک بھارتی فوجی کو تحفہ میں دی

    لداخ میں چین کے ہاتھوں شرمناک شکست پر جنرل بخشی نے ایک سائیڈ کی مونچھیں کٹوا دیں

    "پلیز گو بیک چائنہ” بھارتی فوج کے ترلے، بینر اٹھا لیے

    جنگ کی تیاری کرو، چینی صدر کا فوج کو حکم

    چائنہ نے لداخ کے قریب اپنے ایئر بیس کو مزید پھیلانا شروع کر دیا،جنگی طیارے بھی پہنچا دیئے

    لداخ پر پنگے بازی پر چائنہ نے بھارتی فوج کو رگڑ دیا مگر کشمیر پر ہم احتجاج سے آگے نہ بڑھ سکے

  • گجرات میں پولیس کانسٹیبل قتل

    گجرات میں پولیس کانسٹیبل قتل

    گجرات میں پولیس کانسٹیبل کو فائرنگ کر کے گھر کی دہلیز پر قتل کیا گیا ہے۔

    باغی ٹی وی: فائرنگ کے واقعے میں شہید ہونے والے پولیس اہلکار کی شناخت کانسٹیبل بابر شہزاد کے نام سے ہوئی ہے فائرنگ کا واقعہ تھانہ انڈسٹریل اسٹیٹ کی حدود میں پیش آیا ڈی پی او کے مطابق کانسٹیبل کو زمین کے تنازع پر قتل کیا گیا ہے کچھ عرصہ سے کانسٹیبل کا اپنے چچا امتیاز کے ساتھ زمینی تنازعہ چل رہا تھا۔

    دوسری جانب تھانہ منڈی عثمان والا کی حدود میں زمین کے تنازعے پر فائرنگ سے تین افراد قتل کر دیئے گئےپولیس انسپکٹر اور کانسٹیبل شدید زخمی ہو گئےگزشتہ روز منڈی عثمان والا کے علاقہ میں زمین کے تنازعہ پر مبینہ فائرنگ سے پنجاب پولیس کے انسپکٹر طارق بشیر چیمہ اور ایک باوردی پولیس اہلکار زخمی ہوگئے زخمی انسپکٹر اور پولیس اہلکار کی جوابی فائرنگ سے فائرنگ کرنے والے اکرم ٹونڈا، مقصود عرف صودا اور عمران موقع پر جاں بحق ہو گئے۔

    انتخابی عمل کو پاکستان کے قوانین کے مطابق آگے بڑھایا جائے،امریکا

    زخمی پولیس انسپکٹر اور اہلکار کو علاج کے لیے ڈسٹرکٹ ہسپتال قصور منتقل کردیا گیا ہےانسپکٹر طارق بشیر چیمہ انویسٹی گیشن انچارج جو کہ نصیر آباد لاہور تعینات ہیں، طارق بشیر چیمہ کو پیٹ اور ٹانگوں میں گولیاں لگیں ہیں مقامی افراد کا کہنا ہے کہ انسپکٹر طارق بشیر چیمہ کا مقتول پارٹی کے ساتھ عرصہ دراز سے زمین کا تنازعہ چلا آرہا تھا۔ آج دونوں پارٹیاں آمنے سامنے ہوگئیں۔ یاد رہے کہ اس علاقہ میں کئی پولیس اہلکاران نے اپنے فارم ہاﺅسز بنا رکھے ہیں۔ پولیس تھانہ منڈی عثمانوالہ جائے وقوعہ پر پہنچ گئی۔ جبکہ فرانزک لیب کی ٹیم نے موقع سے ضروری شواہد اکٹھے کیے۔

    بجلی چوروں کے خلاف جاری کریک ڈاؤن،درجنوں گرفتاریاں، ٹرانسفارمرزبھی اُتارلیے گئے

    ڈی پی او قصور طارق عزیز سندھو نے بتایا ہے کہ تفتیش میرٹ پر ہو گی علاوہ ازیں آئی جی پنجاب ڈاکٹر عثمان انور نے ریت کی ٹرالیاں گزرنے کی وجہ سے راستہ خراب ہونے پر لڑائی جھگڑے کے نتیجہ میں فائرنگ سے 3 افراد کے جاں بحق ہونے کے واقعہ کا نوٹس لیتے ہوئے آر پی او شیخوپورہ سے واقعہ کی رپورٹ طلب کر لی ہے اور ڈی پی او قصور کو واقعہ کی ہر پہلو سے تفتیش اور ملزمان کے خلاف سخت کارروائی کی ہدایت کی۔

  • رشتے کا تنازعہ؛ تین افراد قتل

    رشتے کا تنازعہ؛ تین افراد قتل

    نارووال کے محلہ گرین سٹی میں رشتے کے تنازع پرایک ہی خاندان کے تین افراد کو فائرنگ کو قتل کردیا گیا جبکہ پولیس کےمطابق گھر کے سربراہ محمد نواز کو فون کرکے باہر بلایا گیا اور بعدازاں بیٹےافضال اور بیٹی تحمینہ کو باہر آنے کو کہا گیا۔ ملزمان نے فائرنگ کرکے گھر کے سربراہ محمد نواز،بیٹے محمد افضال اور بیٹی تحمینہ کو موقع پر ہی اندھا دھند فائرنگ کرکے موت کے گھاٹ اتاردیا اور فرار ہوگئے ہیں ۔

    جبکہ پولیس نے بتایا ہے کہ ملزم حمزہ مقتولہ تحمینہ سے شادی کا خواہش مند تھا تاہم اہلخانہ نے اپنی بیٹی کی شادی دوسری جگہ پر کردی تھی تاہم بعدازاں تینوں مقتولین کی نماز جنازہ دربارعالیا قلی شریف پر ادا کر دی گئی، جس میں تمام مکاتب فکر کے لوگوں نے کثیر تعداد میں شرکت کی۔

    دوسری جانب گجرات کے نواحی علاقہ باغانوالہ میں دھماکا ہوا ہے جس کے نتیجے میں بچوں سمیت 4 افراد زخمی ہوگئے، ابتدائی طور پر دھماکے کی نوعیت معلوم نہیں ہوسکی ہے اور ریسکیو ذرائع کے مطابق دھماکے میں زخمی ہونے والے تمام افراد کو تشیویشناک حالت میں ڈی ایچ کیو اسپتال منتقل کیا گیا۔
    مزید یہ بھی پڑھیں؛
    انٹربینک میں ڈالر 302 روپے کا ہوگیا
    بجلی بحران کے فوری حل کیلیے نگران وزیراعظم پاکستان کو پانج نکاتی مشورہ
    نوازشریف ہی عوام کومہنگائی، بجلی کے بلوں میں اضافے سے بچائیں گے،مریم نواز
    تاہم زخمیو ں کی شناخت 3 سالہ افنان، سات سالہ فیضان، 12 سالہ شہزاد اور 22 سالہ رضوان کے نام سے ہوئی، ڈاکٹرز کے مطابق چاروں زخمیوں کی حالت انتہائی تشویشناک ہے طبی امداد فراہم کی جارہی ہے اور ابتدائی طور پر دھماکے کی نوعیت کے حوالے سے بم ڈسپوزل اسکواڈ کا کہنا ہے کہ ہینڈ گرینڈ تھا یا لینڈ مائن دھماکا تھا چیک کیا جارہا ہے۔

  • بھارت میں طوفانی بارشوں اور سیلابی ریلوں سے تباہی،مزید بارشوں کی پیشگوئی

    بھارت میں طوفانی بارشوں اور سیلابی ریلوں سے تباہی،مزید بارشوں کی پیشگوئی

    بھارت میں طوفانی بارشوں اور سیلابی ریلوں سے تباہی پھیل گئی، ہماچل پردیش میں مسافر بس سیلابی ریلے میں بہہ گئی، 3 لاشیں نکال لی گئیں جبکہ 11 مسافر لاپتہ ہیں۔

    باغی ٹی وی : بھارتی میڈیا کے مطابق جونا گڑھ شہر میں خوفناک سیلاب آیا، ریلے ہر شے بہا کر لے گئے، مختلف علاقوں میں کئی فٹ پانی جمع ہوگیا سیلابی پانی میں گھر بھی ڈوب گئے، چوبیس گھنٹے کے دوران دو سو اکتالیس ملی میٹر بارش ریکارڈ کی گئی۔

    بھارتی ریاست گجرات میں بھی سیلابی صورتحال سنگین ہونے کا خدشہ ہے گجرات، مہاراشٹر سمیت کئی ریاستوں میں بارش کی وجہ سے کہرام مچ گیا ہے۔ دہلی میں بھی جمنا خطرے کے نشان سے اوپر ہے۔ دہلی میں جمنا کے کنارے رہنے والے لوگوں کو ریلیف کیمپوں میں منتقل کر دیا گیا ہے۔ آنے والے دنوں میں بھی کئی ریاستوں میں موسلادھار بارش ہو سکتی ہے۔ اس کے ساتھ ہی محکمہ موسمیات نے کئی ریاستوں کے لیے ریڈ الرٹ جاری کیا ہے۔

    اپوزیشن لیڈر کے لیے رعنا انصارکا نام فائنل، 24 گھنٹوں میں نوٹیفکیشن جاری ہونے کا …

    گجرات کے جوناگڑھ اور نوساری میں شدید بارش کی وجہ سے کئی علاقوں میں سیلاب جیسی صورتحال پیدا ہوگئی ہے۔ پانی کا کرنٹ اس قدر تیز تھا کہ کئی کاریں اور جانور پانی کے تیز کرنٹ میں بہہ گئے۔ احمد آباد ایئرپورٹ میں بھی پانی داخل ہوگیا ہے۔ این ڈی آر ایف کی کئی ٹیمیں اضلاع میں تعینات ہیں۔ اس کے ساتھ ہی مرکزی وزیر داخلہ امت شاہ ریاست کے وزیر اعلی بھوپیندر پٹیل سے مسلسل رابطے میں ہیں اور لمحہ بہ لمحہ معلومات حاصل کر رہے ہیں۔

    گجرات میں، این ڈی آر ایف کی ٹیم نے ہفتہ کو جوناگڑھ ضلع میں بچاؤ آپریشن کیا۔ این ڈی آر ایف کے اہلکاروں نے عام لوگوں تک پہنچ کر انہیں پانی بھرے علاقوں سے محفوظ مقامات پر منتقل کیا۔ ہفتہ کو نوساری شہر میں ایک شخص لاپتہ ہوگیا تھا۔

    بھارتی محکمہ موسمیات نے شدید بارشوں کی پیش گوئی کردی بھارت میں حالیہ بارشوں کے دوران مختلف حادثات میں اب تک سو سے زائد اموات رپورٹ ہوچکی ہیں۔

    سوال پوچھنے پرچئیرمین پی ٹی آئی کے گارڈ نے صحافی پر حملہ کر دیا

    مہاراشٹر میں بھی موسلادھار بارش ہو رہی ہے اور کئی اضلاع میں سیلاب جیسی صورتحال پیدا ہو گئی ہے۔ مہاراشٹر کے پالگھر، تھانے اور رائے گڑھ سمیت سات اضلاع میں شدید بارش ہوئی ہے۔ آپ کو بتاتے چلیں کہ اب تک پورے وسطی مہاراشٹر کو اورنج الرٹ پر رکھا گیا تھا، لیکن اب یہاں بھی ریڈ الرٹ جاری کر دیا گیا ہے۔

    محکمہ موسمیات کے مطابق جمعرات تک ہماچل پردیش، اتراکھنڈ اور راجستھان میں ہلکی سے درمیانی بارش ہوسکتی ہے۔ دوسری جانب پنجاب، ہریانہ، چندی گڑھ، دہلی اور اتر پردیش میں منگل سے جمعرات تک بارش کی پیش گوئی کی گئی ہے۔ مدھیہ پردیش، ودربھ، چھتیس گڑھ، اروناچل پردیش، آسام، میگھالیہ اور کرناٹک میں بھی بارش کا امکان ہے-

    آئی ایم کی شرائط پر بجلی کے نرخ مجبوراً بڑھا ئے گئے،وزیراعظم

  • مسلسل عدم پیشی،رانا ثناء اللہ اور ضمانتی دونوں کو عدالت نے کیا طلب

    مسلسل عدم پیشی،رانا ثناء اللہ اور ضمانتی دونوں کو عدالت نے کیا طلب

    انسداد دہشت گردی عدالت میں وزیر داخلہ رانا ثناء اللہ کیخلاف گجرات میں درج مقدمے سے متعلق سماعت ہوئی،

    عدالت نے مسلسل عدم پیشی پر رانا ثناء اللہ کے وکلاء پر برہمی کا اظہار کرتے ہوئے وزیر داخلہ رانا ثناء اللہ کو نوٹس جاری کرتے ہوئے 25 جولائی کو طلب کر لیا ،عدالت نے حکم دیا کہ پولیس رانا ثناء اللہ کو پابند کرے کہ وہ ہر صورت پیش ہوں ،انسداد دہشت گردی عدالت نے وزیر داخلہ کے ضمانتی رانا سعد کو بھی 25 جولائی کیلئے نوٹس جاری کر دیا جس میں کہا گیا کہ آپ نے رانا ثناء اللہ کیلئے 5 لاکھ روپے کے ضمانتی مچلکے جمع کرائے آپ نے لکھ کر دیا کہ ملزم ہر حاضری پر پیش ہوتا رہے گا اقرار کیا گیا تھا رانا ثناء اللہ پیش نہ ہوئے تو 5 لاکھ روپے بطور تاوان ادا کریں گے ملزم عدالت سے غیر حاضر ہو گیا اور مقدمہ سننے سے گریزاں ہے

    واضح رہے کہ مقدمہ میں وارنٹ گرفتاری جاری ہونے پر رانا سعد نے وزیر داخلہ کی ضمانت دی تھی ،وزیر داخلہ رانا ثناء اللہ کیخلاف گجرات کے تھانہ انڈسٹریل میں اگست 2022ء میں مسلم لیگ ق کے مقامی رہنما کی مدعیت میں درج کیا گیا تھا ،ایف آئی آر میں چیف سیکرٹری پنجاب اور ان کے اہلخانہ کو دھمکیاں دینے کا الزام لگایا گیا

    سیما کو گرفتاری کے بعد ضمانت مل گئی 

    ضمانت ملی تو ملک کے بعد مذہب بھی بدل لیا،

    سیما کو واپس نہ بھیجا تو ممبئی طرز کے حملے ہونگے،کال کے بعد ہائی الرٹ

     سیما حیدر کے بھارت میں گرفتاری کے ایک بار امکانات

  • یونان کشتی حادثے میں زندہ بچ جانے والا پاکستانی واپس گھر پہنچ گیا

    یونان کشتی حادثے میں زندہ بچ جانے والا پاکستانی واپس گھر پہنچ گیا

    یونان کشتی حادثے میں زندہ بچ جانے والا پاکستانی واپس گھر پہنچ گیا-

    باغی ٹی وی : گجرات کے نواحی علاقے کالیکی کا رہائشی 28 سال کا عثمان محکمہ پولیس میں کانسٹیبل تھا، عثمان کے مطابق وہ اپنے چار دوستوں کے ساتھ اٹلی جانا چاہتا تھاکشتی میں 700 افراد سوار تھے جن میں 350 پاکستانی تھے،کشتی میں سوار ہونے سے قبل ان سے لائف جیکٹس کے لیے رقم وصول کی گئی تھی، 6 روز سمندر میں کشتی چلتی رہی کوئی کنارہ دیکھا نہ کوئی جزیرہ ایک کارگو جہاز نے رک کر پانی اور خوراک سے مدد دی-

    عثمان نے بتایا کہ حادثے سے قبل ایک ہیلی کاپٹر بھی آیا اور وہ تصاویر لینے کے بعد چلا گیا،ہیلی کاپٹر آنے کے بعد وہ پرامید ہوگئےکہ اب انہیں ریسکیو کرلیا جائے گا، عثمارسی ڈال کر کشتی کو کھینچا گیا تو بیلنس بگڑ گیا اور کشتی ڈوب گئی، رسی ڈال کر کھینچنے والے دور کھڑے رہے اور وہ پانی میں غوطے کھاتے رہے-

    انہوں نے دعویٰ کیا کہ لیبیا میں انسانی اسمگلروں کے سیف ہاؤسز میں اب بھی 20,000 کے قریب پاکستانی موجود ہیں، جنہیں کشتی کے ذریعے اٹلی بھیجے جانے کا انتظار ہے ان کے تین دوست بھی ان سیف ہاؤسز میں موجود تھے جبکہ ایک اور پولیس کانسٹیبل بھی اس سانحے میں جان کی بازی ہار گیا تھا اسمگلر نے پاکستان چھوڑنے کے 10 دن کے اندر ہمیں منزل تک پہنچانے کا وعدہ کیا تھا، لیکن انہوں نے رقم وصول کرنے کے باوجود وعدے کبھی پورے نہیں کیے-
    https://twitter.com/FIA_Agency/status/1677960873183420416?s=20
    دوسری جانب وفاقی تحقیقاتی ادارے (ایف آئی اے) کے اینٹی ہیومن ٹریفکنگ سرکل گجرات نے بڑی کارروائی کرتے ہوئے یونان کشتی حادثے میں ملوث اہم سرغنہ کو گرفتار کرلیا ہے،ایف آئی اے نے مرکزی ملزم آصف سنیارے کے بھائی محمد سلیم سنیارے کو گجرات سے گرفتار کیا ملزم نے متعدد پاکستانیوں کو غیر قانونی راستے سے یورپ بھجوانے کے لیے کروڑوں روپے بٹورے۔

    ملزم کے خلاف 9 مقدمات ایف آئی اے گجرات سرکل میں درج تھے ایف آئی اے ذرائع کے مطابق ملزم یونان کشتی حادثے کے بعد روپوش ہوگیا تھا، جسے جدید ٹیکنالوجی کا استعمال کرتے ہوئے گرفتار کیا گیا گرفتار ملزم سلیم حوالہ ہنڈی کے ذریعے اپنے بھائی آصف کو پیسے بھجواتا تھا، جو کہ اس وقت لیبیا میں موجود ہے آصف سنیارے نے لیبیا میں متعدد سیف ہاؤسز بنائے ہوئے ہیں۔

  • یونان کشتی حادثہ کے بعد کاروائیاں،35 انسانی سمگلرز گرفتار

    یونان کشتی حادثہ کے بعد کاروائیاں،35 انسانی سمگلرز گرفتار

    یونان کشتی حادثہ، ایف آئی اے گجرات کے چھاپوں میں مزید تیزی آئی ہے،

    کشتی حادثہ میں ملوث مزید 6 ایجنٹ گرفتار کر لئے گئے ہیں، ڈپٹی ڈائریکٹر ایف آئی اے گجرات کا کہنا ہے کہ ایف آئی اے گجرات نے مجموعی طور پر 35 انسانی سمگلرز کو گرفتار کیا ہے ریڈ بک میں شامل بدنام زمانہ ایجنٹس کو بھی گرفتار کیا گیا ہے گرفتار ایجنٹوں میں اسلم اور حسنین شاہ کو گجرات سے گرفتار کیا گیا ،صفدر بھاگٹ کو منڈی بہاوالدین اور ارشد گجر کو جہلم سے گرفتار کیا گیا ، محمد اشرف اور ممتاز حسین شاہ کو ملکوال سے گرفتار کیا گیا ،بدنام زمانہ انسانی سمگلرز متاثرین کے اہل خانہ کو اٹلی بھیجنے کے لیے بھاری رقوم بٹوریں،

     یونان کشتی حادثے میں 3 انکوائریاں اور 6 مقدمات درج

    کشتی حادثہ،میتوں کو جلد از جلد پاکستان لانے کے فوری انتظامات کئے جائیں ،نواز شریف

    کشتی حادثہ پر مریم نواز کا ردعمل

    کشتی ڈوبنے کے حادثے پرنسل پرستانہ تبصرہ،یونانی رکن پارلیمنٹ کی پارٹی رکنیت معطل

    انسانی اسمگلنگ میں ملوث گینگ کے خلاف کریک ڈاؤن

    لیبیا کشتی حادثہ میں ملوث انسانی سمگلر کو گرفتار 

    حادثے کے مرکزی ملزم ممتاز آرائیں کو وہاڑی سے گرفتار کیا گیا

    انٹر ایجنسی ٹاسک فورس کا ساتوں اجلاس ایف آئی اے ہیڈ کواٹر میں منعقد ہوا

    شہری ڈوب چکے، کئی کی لاشیں ملیں تو کئی ابھی تک لاپتہ ہیں،

    گجرات کا ایک جیولر بھی اس گروپ کے ساتھ کام کرتا ہے
    ایف آئی اے نے انسانی سمگلروں کوگرفتار کیا تو انہوں نے دوران تحقیقات اہم انکشافات کئے، ایک ایجنٹ کے مطابق لیبیا میں مقیم پاکستانی اپنے تین بھائیوں کے ساتھ مل کر نیٹ ورک چلا رہا تھا،اس کام کے لئے ایک بھائی پاکستان میں بیرون ملک جانے کے خواہشمند تلاش کرتا ہے اور ان سے پیسے لیتا ہے، دو بھائی لیبیا سے آگے لوگوں کو بھیجنے میں معاونت کرتے ہیں ،پنجاب کے شہر گجرات کا ایک جیولر بھی اس گروپ کے ساتھ کام کرتا ہے،انسانی سمگلروں کے اس گروپ کے ایجنٹ گجرات، گوجرانوالہ، سیالکوٹ، کوٹلی اوردیگر شہروں میں موجود ہیں یونان کشتی حادثے میں متاثرہ تمام افراد بھی اسی گروہ کے ذریعے یورپ جارہے تھے ، گروہ دو برسوں میں تین ہزار سے زائد افراد کو پاکستان سے یورپ تک لے جا چکا ہے

    نعمان نامی نوجوان نے دوران سفر کشتی سے گھر والوں کو ویڈیو پیغام بھیجا تھا
    پنجاب کے شہر گجرات کے اور چار نوجوان کشتی حادثے میں لاپتہ ہیں، اروپ موڑ کا رہائشی ناصر علی ، کھیالی کا نعمان ، منڈیالہ کا سانول اورسنسرہ کا ابوبکر بھی کشتی میں سوار تھے،نعمان نامی نوجوان نے دوران سفر کشتی سے گھر والوں کو ویڈیو پیغام بھیجا تھا جس میں کہا تھا کہ وہ کشتی میں سوار ہے اور اٹلی پہنچ کر دوبارہ رابطہ کرے گا، کشتی حادثہ میں لاپتہ ہونے والے افراد میں گوجرانوالہ سے تعلق رکھنے والے تین دوست بھی شامل ہیں، جن کا عاطف نامی دوست اپنے دوستوں کی معلومات حاصل کرنے کیلئے مختلف ٹریول ایجنسیوں کے چکر کاٹ رہا ہےعاطف کا کہنا ہے کہ افسوسناک حادثہ میں 3 دوست کھو دئیے ہیں ان کیساتھ گزرا ہوا ہر پل یاد کرکے دن رات روتا ہوں ، یونان کشتی حادثے میں جاں بحق ہونے والوں میں شیخوپورہ کے تین مزید نوجوانوں کے بارے میں پتہ چلا ہے جن کے لواحقین نے انسانی سمگلروں کو 25سے 30لاکھ روپے فی کس اد اکیے تھے۔

  • سمندری طوفان سے بھارتی ریاست گجرات کے متاثرہ علاقوں میں سیلابی صورتحال

    سمندری طوفان سے بھارتی ریاست گجرات کے متاثرہ علاقوں میں سیلابی صورتحال

    سمندری طوفان بپر جوائے نے بھارتی ریاست گجرات کے ساحلی علاقوں میں تباہی مچادی جبکہ مختلف حادثات میں دو افراد جاں بحق ہوگئے۔

    باغی ٹی وی : سمندری طوفان بپر جوائے جمعرات کی رات بھارتی گجرات سے ٹکرایا تھابپر جوائے سے گجرات کے متاثرہ علاقوں میں سیلابی صورتحال ہے، پانی سڑکوں پرموجود ہے جب کہ بجلی کے سیکڑوں کھمبےگرنے سے بجلی کانظام درہم برہم ہوچکا ہے اور 15 سو دیہات بجلی سے محروم ہیں۔

    متاثرہ علاقوں میں صاف پانی کی فراہمی معطل ہے، تاہم7 سو سے زیادہ مکانات کو نقصان پہنچا ہے،مختلف حادثات میں 2 افراد ہلاک، 20 سے زائد زخمی ہوئےساحلی اضلاع سے لوگوں کے انخلا کی وجہ سے زیادہ جانی نقصان نہیں ہوا، ساحلی اضلاع سے ایک لاکھ سے زائد افراد کا انخلا کرا لیا گیا تھا۔

    سعودی وزیر خارجہ کی تہران میں ایرانی صدر سے ملاقات

    امریکی وزیر خارجہ 2 روزہ دورے پر چین پہنچ گئے

    بیرون ملک چین کے خفیہ "تھانے”

    دوسری جانب پاکستان میں سمندری طوفان بپر جوائے کا خطرہ ٹل گیا ہے، طوفان کے خطرے کے پیش نظر کیٹی بندر، بدین اور سجاول کے ساحلی علاقوں سے نقل مکانی کرنے والے لوگوں کی گھروں کو واپسی شروع ہوگئی ہے، متاثرین نے اپنے گھروں کی تعمیر دوبارہ شروع کردی اسسٹنٹ کمشنر ٹھٹھہ کے مطابق کیٹی بندر میں زندگی معمول پر آنا شروع ہوگئی ہے-

    دوسری جانب سجاول میں سمندری طوفان ختم ہونے کے بعد لوگ اپنے گھروں کو واپس آ گئےدیہاتوں اور گھروں میں کاروبارِ زندگی معمول پر آنے لگا خواتین کھانا پکانے، بچے کھیل کود اورمرد کاشت کاری میں مصروف ہیں سجاول، جاتی، چوہڑ جمالی، شاہ بندر اور کھارو چھان میں موسم معتدل ہے۔

    علاوہ ازیں بدین کے ساحلی مرکز زیرو پوائنٹ پر ماہی گیروں کی سرگرمیاں دوبارہ شروع ہو گئیں ماہی گیر اپنی کشتیوں کی مرمت اور کشتیوں سے پانی نکالنے میں مصروف ہیں جبکہ کئی ماہی گیر کھلے سمندر میں شکار کے لیے بھی روانہ ہو رہے ہیں۔

    دنیا بھر میں مہنگائی کے اعداد و شمار جاری، پاکستان میں مہنگائی کی شرح میں …

    ڈپٹی کمشنر بدین نے کہا ہے کہ آج زیرو پوائنٹ کے ماہی گیروں کو ان کے گھر راشن پہنچائیں گے ماہی گیروں کی بستی میں7 ہزار سے زائد افراد میں آج راشن تقسیم کیا جائے گا۔

  • سمندری طوفان،بھارتی گجرات میں ایمرجنسی نافذ ،ہزاروں افراد کا انخلاء

    سمندری طوفان،بھارتی گجرات میں ایمرجنسی نافذ ،ہزاروں افراد کا انخلاء

    سمندری طوفان بپرجوائے کے پیش نظر بھارتی گجرات میں ایمرجنسی نافذ کردی گئی۔

    باغی ٹی وی: بھارتی میڈیا کے مطابق گجرات کے ساحلی علاقوں سے 74 ہزار سے زائد افراد کی محفوظ مقامات پر منتقلی کردی گئی ہے سمندری طوفان کے آج شام ضلع کچ میں داخل ہونے کا امکان ہے جبکہ ریاست گجرات کے کئی علاقوں میں ریڈ اور اورنج الرٹ جاری کیا گیا ہےسمندری طوفان بپرجوائے گجرات کے ساحل سے 200 کلو میٹر دور ہے جو پاکستانی کے ساحلی علاقوں سے ہوتا ہوا شام 4 سے رات 8 بجے کے درمیان سوراشترا اور کچ کے اضلاع کو کراس کرے گا-


    بھارتی محکمہ موسمیات نے طوفان کو انتہائی طاقتوراورکیٹیگری تھری کا طوفان قراردیا ہے جس کے باعث آج دوپہر 115 سے 125 کلو میٹر فی گھنٹہ کی رفتار سے ہوائیں چلنے کا امکان ہے۔

    حکومت نجم سیٹھی کی صلاحیتوں سے کسی اور جگہ استفادہ کرلے،رہنما پیپلز پارٹی

    بھارتی میڈیا کے مطابق نیشنل ڈیزاسٹر رسپانس فورس کی 18، اسٹیٹ ڈیزاسٹر فورس کی 12، اسٹیٹ روڈ اینڈ بلڈنگ ڈیپارٹمنٹ کی 115 اور اسٹیٹ الیکٹرسٹی ڈیپارٹمنٹ کی 397 ٹیموں کو ساحلی علاقوں میں تعینات کیا گیا ہےجبکہ فوج، بحریہ اور ائیرفورس سمیت تمام فورسز نے گجرات میں شہریوں کو ضروری امداد کی فراہمی کے لیے تیاری مکمل کررکھی ہے علاوہ ازیں 76 ٹرینیں بھی منسوخ کردی گئی ہیں۔

    ہر10میں سے7پاکستانیوں کاخیال ہےکہ ملک میں کامیاب کاروبارکیلئےرشوت دینایا لینالازمی ہے،سروے