Tag: گورنرپنجاب

لاہور: ‘گورنرپنجاب کوئی درباری اوتھ کمشنرنہیں’:کسی دباوپرغیرآئینی کام نہیں‌ کرسکتا:اطلاعات کے مطابق گورنر پنجاب عمر سرفراز چیمہ کا کہنا ہے کہ آئین کسی کو اختیار نہیں دیتا کہ کوئی مجھ پر غیرآ ئینی کام کیلئےدباؤ ڈالے۔

تفصیلات کے مطابق سماجی رابطے کی ویب سائٹ ٹوئٹر پر جاری بیان میں گورنر پنجاب عمر سرفراز چیمہ نے دو ٹوک انداز میں کہا کہ آج گورنر پنجاب کوئی درباری اوتھ کمشنر نہیں ہے، اپنے حلف کی پاسداری اور ذمہ داری سے بخوبی واقف ہوں۔

انہوں نے کہا کہ آئین کسی کو اختیار نہیں دیتا کوئی مجھ پر غیر آئینی کام کیلئےدباؤ ڈالے۔

آج گورنر پنجاب کوئی درباری اوتھ کمشنر نہیں

اپنے حلف کی پاسداری اور ذمہ داری سے بخوبی واقف ہوں

آئین کی کوئی شک یا قانون کسی کو یہ اختیار نہیں دیتا کہ وہ ممجھے زبردستی غیر آئینی کام کرنے کے لئے دباؤ ڈالے

— Omar Sarfraz Cheema (@OmarCheemaPTI) April 22, 2022

واضح رہے کہ لاہورہائی کورٹ نے صدر مملکت کو نومنتخب وزیر اعلیٰ پنجاب حمزہ شہباز سے حلف لینے کیلئے دوسرے فرد کو مقرر کرنے کا حکم دیا گیا ہے۔

چیف جسٹس لاہور ہائی کورٹ نے چار صفحات پرمشتمل تحریری فیصلہ جاری کیا، تحریری فیصلے میں کہا گیا کہ آئین کے تحت گورنر نو منتخب وزیر اعلیٰ سے فوری حلف لینے کا پابند ہے، آئین کے آرٹیکل 130 کے تحت گورنر کو نومنتخب وزیر اعلیٰ کو بلانے کے علاوہ کوئی چارا نہیں ہے۔

تحریری فیصلے میں کہا گیا کہ امید ہے صدر مملکت گورنر کے خط کا انتظار نہیں کریں گے۔

زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

10 سالہ بچے کے ساتھ مسجد کے حجرے میں برہنہ حالت میں امام مسجد گرفتار

بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

ڈیجیٹل میڈیا ونگ ختم،ملک میں جاری انتشار اب بند ہونا چاہیے،وفاقی وزیر اطلاعات

پارلیمنٹ لاجز میں صفائی کرنے والے لڑکے کو مؤذن بنا دیا گیا تھا،شگفتہ جمانی

لاہور:مریم نواز کو گورنرپنجاب لگانے کے منصوبے بن رہے ہیں:اہم شخصیت کا انکشاف،اطلاعات کے مطابق پاکستان کی ایک معتبرشخصیت نے ایک اہم شخصیت کے حوالے سے انکشاف کیا ہے کہ نوازشریف اپنے بھائی کووزیراعظم ، بھتیجے کووزیراعلیٰ پنجاب اور اب اپنی بیٹی کو گورنرپنجاب لگانا چاہتے ہیں ،

اس حوالے سے سماجی رابطے کی ویب سائٹ ٹویٹر پراپنے پیغام میں سینئرصحافی مبشرلقمان نے انکشاف کرتے ہوئے لکھا ہے کہ ان کو موجودہ گورنرپنجاب عمرسرفرازچیمہ نے یہ بتایا ہے کہ ن لیگ اب مریم نواز کو گورنرپنجاب لگانا چاہتی ہے جس کے لیے ان کے منصوبے مکمل ہیں‌

یاد رہے کہ اس سے پہلے گفتگو کرتے ہوئے ورنرپنجاب عمرسرفرارچیمہ نے سینئرصحافی مبشرلقمان کے ساتھ گفتگو کرتے ہوئے آنے والے دنون میں مشکل حالات کا مقابلہ کرنے کے حوالے سے اپنا موقف گوش گزار کردیا ہے ،

اطلاعات کے مطابق پی این این پرکھرے سچ پروگرام کے میزبان مبشرلقمان کے ساتھ گفتگو کرتے ہوئے گورنرپنجاب نے اس بات کا اعادہ کیا کہ وزیراعظم عمران خان کی طرح ان کا بھی یہ نظریہ اور ماٹو ہے کہ کوئی بھی ہوہرکسی نے اپنا حساب دینا ہے اوراگرکسی کا کوئی رشتہ داربھی اس میں ملوث ہے تو وہ بھی جوابدہ ہوگا

اس حوالے سے جب سینئر صحافی مبشرلقمان نے ایک سوال پوچھااور آنے والے دنوں کے حوالے سے خبردار کیا کہ ہوسکتا ہے کہ اگلے چند دنوں تک آپ کی پارٹی کے بہت سے لوگوں کے خلاف کیس بنائے جارہے ہیں تو اس کے جواب میں گورنرپنجاب نے کہا کہ ہمارے گاون میں اکثریہ مثال دی جاتی ہے کہ جنّہے کھادیاں گاجراں پیٹ اونہاں دے پیڑ، جو کرے سو بھرے گا

عمرسرفرازچیمہ نے مبشرلقمان سے گفتگو کرتے ہوئے کہا وہ آئین کے مطابق کام کررہے ہیں اورکوئی غلط کام نہیں کریں‌گے ان کایہ بھی کہنا تھا کہ وہ صوبے میں آئینی کردار کے حوالےسے بہت کلیئر ہیں

گورنرپنجاب عمرسرفراز چیمہ نےکہا کہ پی ٹی آئی انتقام پریقین نہیں رکھتی بلکہ احتساب کوسسٹم کے لیے اچھا سمجھتی ہے ، پی پی پی اور ن لیگ کے ایک دوسرے کے خلاف کیسز ان کے اپنے دور کے ہیں ، عمران خان نے ان پرکوئی کیس نہیں کیا

ایک اور سوال کے جواب میں انکا کہنا تھا کہ پی ٹی آئی میں ہمیشہ ایسے لوگوں کو موقع دیا گیا جن کے بارے میں یہ خیال تھا کہ وہ ممکن ہے کہ بہتر انداز سے کام کرسکیں ، ان کا یہ کہنا تھا کہ 1996 میں بننے والی پارٹی میں مڈل کلاس کو آگے لانے کی کوشش کی گئی ، شایدیہی وجہ ہے کہ کچھ لوگوں کو موقع دیا گیا

ایک اور سوال کے جواب میں سرفراز چیمہ نے کہا کہ بہرکیف عثمان بزدار نے نیک نیتی سے کام کیا ، ان کا یہ بھی کہنا تھا کہ عمران خان نے عالمی برادری میں پاکستان کا مقام بلند کیا اوریہ ہے کسی ملک کی عزت کے لیے بڑا اعزاز ہے

لاہور: یونیورسٹی آف ہیلتھ سائنسز کا تیسرا کانووکیشن:گورنرپنجاب مہمان خصوصی ،اطلاعات کے مطابق صوبائی وزیرصحت ڈاکٹریاسمین راشد کی یونیورسٹی آف ہیلتھ سائنسز کے تیسرے کانووکیشن2022 میں بطور گیسٹ آف آنرشرکت اس کے علاوہ گورنرپنجاب چوہدری محمد سرور کی بھی کانووکیشن میں بطور مہمان خصوصی شرکت کی

کانووکیشن میں سیکرٹری محکمہ سپیشلائزڈہیلتھ کئیراینڈمیڈیکل ایجوکیشن ڈاکٹراحمدجاویدقاضی،چیئرمین بورڈآف گورنرزجسٹس(ر)تصدق جیلانی،سینیٹراعجاز چوہدری، وائس چانسلرکنگ ایڈورڑمیڈیکل یونیورسٹی پروفیسرڈاکٹرخالدمسعودگوندل، وائس چانسلرفاطمہ جناح میڈیکل یونیورسٹی پروفیسرڈاکٹرعامرزمان خان، پرنسپل امیرالدین میڈیکل کالج پروفیسر ڈاکٹر سردار الفرید وطلباء طالبات اور والدین کی کثیرتعدادنے شرکت کی۔

گورنرپنجاب چوہدری محمد سروراور وائس چانسلر پروفیسرڈاکٹرجاوید اکرم کی جانب سے صحت کے شعبہ میں تاریخی اقدامات اٹھانے پر وزیر صحت ڈاکٹریاسمین راشدکی کاوشوں کوخراج تحسین پیش کیاگیا، کانووکیشن کاباقاعدہ آغازتلاوت قرآن پاک اور قومی ترانہ سے کیاگیا،گورنرپنجاب چوہدری محمد سرور،وزیرصحت ڈاکٹریاسمین راشداور وائس چانسلرپروفیسرڈاکٹرجاوید اکرم نے نمایاں کارکردگی کے حامل طلباء و طالبات اور ان کے والدین کو مبارکباد پیش کی۔

صوبائی وزیر صحت ڈاکٹریاسمین راشد نے اظہارخیال کرتے ہوئے کہاآج تما م گریجوایٹس،والدین اور اساتذہ کو کامیابی پر مبارکباد دیتی ہوں،بچوں کی کامیابی میں اساتذہ کے علاوہ والدین بھی برابرکے خراج تحسین کے حق دارہوتے ہیں،یونیورسٹی آف ہیلتھ سائنسزنے طب کی دنیامیں تحقیق کے حوالہ سے اہم کرداراداکیاہے،کسی بھی یونیورسٹی کا بنیادی کام تحقیق ہوتاہے،

فیٹل میڈیسن میں سپیشلائزیشن کیلئے لندن میں اساتذہ سے بہت سیکھا،اس وقت پنجاب میں تھیلیسمیاء کا دنیاکاسب سے بڑا پروینشن پروگرام چلارہے ہیں اور کسی بھی بیماری کی تشخیص اور علاج میں اعدادوشمارکی بڑی اہمیت ہوتی ہے، پاکستان میں کوروناکا مقابلہ این سی اوسی کے قیام کے بغیر شایدناممکن تھا،ساری دنیااس وقت کوروناکا مقابلہ کرنے پر پاکستان کی تعریف کررہی ہے،

آج پاکستان کوروناکامقابلہ کرنے کے حوالہ سے نمایاں ممالک کی فہرست میں کھڑاہے،یونیورسٹی آف چائلڈ ہیلتھ سائنسزکی منظوری موجودہ حکومت کی کامیابی ہے۔برصغیرمیں یونیورسٹی آف چائلڈ ہیلتھ سائنسزاپنی نوعیت کی منفرد یونیورسٹی ہوگی ہماری حکومت نے پنجاب کی یونیورسٹیزکو مضبوط کیاہے، آج کے نوجوان ہمارافخراوراثا ثہ ہیں۔تحریک انصاف کی حکومت قوم کا پیسہ قوم پر لگارہی ہے جبکہ وزیراعظم عمران خان پاکستان کے عام آدمی کا معیارزندگی بلندکرنے کیلئے کام کررہے ہیںنیا پاکستان قومی صحت کارڈ،احساس کارڈاورکسان کارڈ بھی وزیراعظم کی جانب سے عام آدمی کی زندگی بہترکرنے کیلئے اہم قدم ہے،پنجاب میں 23نئے سرکاری ہسپتال بنائے جارہے ہیں،پنجاب میں 23نئے ہسپتالوں میں سے آٹھ مدراینڈچائلڈ ہسپتال شامل ہیں نیاپاکستان قومی صحت کارڈ عام آدمی کیلئے تھنڈی ہواکا تازہ جھونکاہے۔ماں اور بچہ کی صحت کی بہترسہولیات فراہم کرناوزیراعظم عمران خان کا ویژن تھا۔گنگارام ہسپتال میں 600بستروں پرمشتمل مدراینڈچائلڈ بلاک بنارہے ہیں گنگارام ہسپتال میں مدراینڈچائلڈبلاک اپنی نوعیت کا منفردہسپتال ہوگا گنگارام ہسپتال کے مدراینڈچائلڈ بلاک میں یوروگائیناکولوجی اور آنکولوجی سمیت تمام سپرسپشلٹیزکے شعبہ جات ہونگے،

گنگارام ہسپتال میں مدراینڈچائلڈ بلاک ٹیسٹنگ بی بے کی سہولت دینے والاملک کا پہلاہسپتال ہوگا گنگارام ہسپتال کے مدراینڈچائلڈ بلاک کو19ماہ کے قلیل ترین عرصہ کے دوران مکمل کیاجارہاہے گنگارام ہسپتال میں مدراینڈچائلڈبلاک کو انشاء اللہ جون کے مہینے میں فعال کردیں گے گنگارام ہسپتال کا مدراینڈچائلڈ بلاک ایک ریفرل ہسپتال ہوگا،ماضی کی کسی حکومت نے عوام کو صحت کی بہترسہولیات فراہم کرنے کا سوچانہیں،وزیراعظم عمران خان نے حلف اٹھانے کے بعد اپنی پہلی تقریر میں ماں اور بچہ کی صحت کی بہترسہولیات فراہم کرنے پرزوردیاتھا

حکومت نیاپاکستان قومی صحت کارڈکے ذریعے عوام کو صحت کی مفت سہولیات فراہم کرنے کیلئے اگلے تین سال میں 400ارب روپے خرچ کررہی ہے 31مارچ2022تک پنجاب کے تمام3کروڑسے زائدخاندانوں کو نیاپاکستان قومی صحت کارڈ فراہم کردیاجائے گا،پنجاب میں نیاپاکستان قومی صحت کارڈ کیلئے 700سے زائدہسپتالوں کو ام پینل کرچکے ہیں،وزیراعظم عمران خان کے ویژن کے مطابق پاکستان کو ریاست مدینہ بنارہے ہیں،گزشتہ حکومت محکمہ صحت کو50فیصدخالی اسامیوں کے ساتھ چلارہی تھی،

محکمہ صحت میں ابھی تک 48000ڈاکٹرز،نرسزاور پیرامیڈیکل سٹاف کی بھرتی کرچکے ہیں محکمہ پرائمری اینڈ سیکنڈری ہیلتھ کئیرنے مزید15000نوکریوں کا اشتہاردیاہے محکمہ سپیشلائزڈہیلتھ کئیراینڈمیڈیکل ایجوکیشن نے مزید4000نوکریوں کا اشتہاردیاہے انشاء اللہ محکمہ صحت میں ایک لاکھ نوکریاں دیں گے ہماری حکومت نے نرسزکی750مزیدسیٹوں میں اضافہ کیاہے پنجاب کے تمام نرسنگ سکولوں کو اپ گریڈکردیاگیاہے۔کانووکیشن کے آخرمیں گورنرپنجاب چوہدری محمد سروراور وائس چانسلر پروفیسر ڈاکٹر جاوید اکرم نے وزیرصحت ڈاکٹریاسمین راشدکو یادگاری شیلڈپیش کی۔

لاہور: بہا ؤالدین زکر یا یونیورسٹی سے الحاق شدہ 41 لاء کالجز کے 10ہزار طلبا کا بڑامطالبہ منظور،اطلاعات کے مطابق گورنرپنجاب چانسلر بہاوالدین زکریا یونیورسٹی چوہدری محمد سرور نے پنجاب کے ہزاروں طلبا کا دیرینہ مطالبہ پورا کردیا ہے ،

اس حوالے سے معلوم ہوا ہے کہ گورنر و چانسلر بہاالدین زکریا یونیورسٹی چوہدری محمد سرور نےبہا ؤالدین زکر یا یونیورسٹی سے الحاق شدہ 41 لاء کالجز کے 10ہزار طلبا کا بڑامطالبہ منظور کر لیا

اطلاعات ہیں کہ گورنرپنجاب چوہدری محمد سرور کی ہدایت پر BZU نے طلباء کے متعلق سینڈ یکٹ کےمحفوظ فیصلےکا نوٹی فکیشن بھی جاری کر دیا جس کے بعد طلباء کو گور نر پنجاب سے اپیل کا بھی حق مل گیا ہے۔

یاد رہے کہ بہاالدین زکریا یونیورسٹی سے منسلک 41 لاکالجز کے ہزاروں طلبا کی طرف سے اس سلسلے میں درخواست کی گئی تھی ، یہ بھی سننے میں‌آیا ہے کہ گورنرپنجاب کی طرف سے طلبا کے اس دیرینہ مطالبے کی منظوری کے بعد طلبا نے بہت زیادہ خوشی کا اظہار کیا ہے اور کہا ہےکہ وہ گورنرپنجاب اور پاکستان تحریک انصاف کی حکومت سے اسی خیر کی توقع رکھتے تھے جو آج پوری ہوگئی ہے

لاہور:فاطمہ جناح میڈیکل یونی ورسٹی کا کانووکیشن:گورنرپنجاب کی شرکت کے تذکرے ابھی تک جاری ،اطلاعات کے مطابق لاہور کی فاطمہ جناح میڈیکل یونیورسٹی کے چھٹے کانووکیشن میں ستاون طالبات کو گولڈ میڈل اور دو سو پچاسی طالبات کو اسناد دی گئیں ۔ تقریب کے مہمان خصوصی گورنر پنجاب چوہدری محمد سرور نے گریجویٹ ہونے والے طالبات کے لیے نیک خواہشات کا اظہار بھی کیا

ذرائع کے مطابق اس موقع ہر آنکھوں میں خوشی اور چہرے پر مسکراہٹ فاطمہ جناح میڈیکل یونیورسٹی کی فارغ التحصیل ہونے والی طالبات دو سو پچاسی طالبات کو اسناد سے نوازا گیا ۔

گورنر پنجاب چوہدری محمد سرور نے گریجویٹ ہونے والی طالبات کو تلقین کی کہ وہ ایمانداری سے اپنا فرض ادا کریں، بولے جس بھی یونیورسٹی میں جاتا ہوں زیادہ گولڈ میڈل طالبات ہی حاصل کرتی ہیں۔

گورنرپنجاب چوہدری محمد سرور نے اس موقع پر کہا کہ حکومت تعلیم کے حصول کے لیے تمام تراقدامات بجا لا رہی ہے اور اس کے ساتھ ساتھ اعلیٰ تعلیم کے لیے سکالرشپس دے کراپنے طالبعلوں کو ہرممکن مدد فراہم کررہی ہے

صوبائی وزیر صحت ڈاکٹر یاسمین راشد نے تقریب سے خطاب میں کہا کہ صحت کے شعبہ میں کام حکومت کی اولین ترجیح ہے، حکومت کے اختتام تک اسی ہزار افراد کو صرف محکمہ صحت میں ہی نوکریاں مل چکی ہوں گی۔ڈاکٹر یاسمین راشد بولیں کہ گنگا رام اسپتال میں مدر اینڈ چائلڈ بلاک کا قیام ایک انقلابی قدم ہے، سو سے زائد ہیلتھ کیئر سینٹر کو اپگریڈ کرنے کا کام بھی جاری ہے،

لاہور:’عام انتخابات وقت سے ایک دن بھی پہلے نہیں ہوں گے،بڑی امید ہے عمران خان کی ہی حکومت ہوگی:،اطلاعات کے مطابق گورنر پنجاب چوہدری محمد سرور کا کہنا ہے کہ کوئی بھی عمران خان کو اقتدار سے نہیں نکال سکتا، وہ 2023 تک وزیراعظم رہیں گے۔

یاد رہے کہ گورنر پنجاب چوہدری محمد سرور نے جنوبی پنجاب کے ورکرز کے اعزاز میں ناشتے کا اہتمام کیا۔اس موقع پر اظہار خیال کرتے ہوئے چوہدری محمد سرور کا کہنا تھا کہ عمران خان کو اقتدار سےکوئی نہیں نکال سکتا وہ 2023 تک وزیراعظم رہیں گے۔

ان کا کہنا تھا کہ سب جانتے ہیں وزیراعظم عمران خان کسی سے بلیک میل ہونے والے لیڈر نہیں ہیں، اپوزیشن جماعتیں تقسیم ہیں ان کے احتجاجی مارچ بھی سیاسی مشہوری کے لیے ہوں گے۔

گورنر پنجاب کا کہنا تھا کہ عام انتخابات وقت سے ایک دن بھی پہلے نہیں ہوں گے، ناکامی اپوزیشن کا مقدر ہے، اپوزیشن سڑکوں پر آنے کے بجائے الیکشن کا صبر و تحمل سے انتظار کرے۔

چوہدری محمد سرور کا اس موقع پر یہ بھی کہنا تھا کہ جنوبی پنجاب کے عوام کو زیادہ سے زیادہ سہولیات کی فراہمی ہماری اولین ترجیح ہے۔

چوہدری محمد سرور نے پارٹی کارکنوں اور رہنماوں کو امید دلاتے ہوئے کہا کہ بڑی امید ہے کہ انتخابات کے بعد پاکستان میں اگلی حکومت بھی عمران خان کی ہوگی ، کیوں کہ وہ پاکستان اور پاکستان کے اتحادیوں کی چاہت ہیں‌