Tag: گورنمنٹ

کراچی:عوامی احتجاج رنگ لے آیا :بلدیاتی ایکٹ پر اپوزیشن جماعتوں سے مذاکرات کیلیے کمیٹی قائم ،اطلاعات کے مطابق سندھ کابینہ نے بلدیاتی ایکٹ پر اپوزیشن جماعتوں سے مذاکرات کیلیے کمیٹی قائم کر دی۔ کابینہ نے بنڈل اور بڈوآئی لینڈ کو محفوظ جنگلات قرار دے دیا جبکہ سب رجسٹرار کو پاکستان اسٹیل کی اراضی منتقل کرنے سے روک دیا۔

وزیراعلیٰ سندھ مراد علی شاہ کی زیر صدارت کابینہ کا اجلاس ہوا، جس میں حکومت نے بلدیاتی ایکٹ پر اپوزیشن جماعتوں سے مذاکرات کیلئے کمیٹی قائم کر دی۔ وزیر بلدیات ناصر شاہ نے لوکل گورنمنٹ قانون کے حوالے سے اپوزیشن جماعتوں سے بات چیت پر کابینہ کو بریفنگ دی۔ ناصر شاہ نے جماعت اسلامی، پاک سرزمین پارٹی اور دیگر جماعتوں سے بات چیت کے حوالے سے کابینہ کو آگاہ کیا۔

اجلاس میں اپوزیشن جماعتوں سے متفقہ نکات پر مکمل عملدرآمد کا فیصلہ کر لیا گیا۔ وزیراعلیٰ سندھ نے کہا کہ ناصر شاہ کی جو بات چیت ہوئی ہے، اس کو لاگو کریں گے۔ کابینہ نے بنڈل اور بڈوآئی لینڈ کو محفوظ جنگلات قرار دے دیا جبکہ سب رجسٹرار کو پاکستان اسٹیل کی اراضی منتقل کرنے سے روک دیا۔ کابینہ نے ہدایت کی کہ سندھ حکومت کی جانب سے اسٹیل ملز کو دی گئی اراضی فروخت نہیں کی جاسکتی۔

کابینہ نے گندم کی امدادی قیمت 2200 روپے مقرر اور 1 اعشاریہ 4 ملین میٹرک ٹن گندم خریدنے کی منظوری دے دی۔ سندھ کابینہ نے گندم خریدنے کیلئے 4 ہزار 450 ملین روپے فنڈز کی خریداری کے لیے منظوری بھی دی۔ کابینہ اجلاس میں بتایا گیا محکمہ جیل میں گریڈ 5 سے گریڈ 15 کی 2 ہزار 113 آسامیاں خالی ہیں۔ کابینہ نے بھرتی کے لیے تھرڈ پارٹی اوپن بڈنگ کی منظوری دے دی۔

سندھ کابینہ نے کوآپریٹو مارکیٹ اور وکٹوریہ مارکیٹ کے متاثرین کو معاوضہ دینے کی منظوری دے دی۔ مارکیٹس میں 14 نومبر 2021 کو آگ لگی تھی، سندھ کابینہ نے 91 کروڑ روپے سے زائد فنڈز مختص کرنے کی منظوری دی۔

راولپنڈی :ایوی ایشن سمیت فضائی سروس میں بہتری کی تجاویزکے ساتھ سکائی ویزکی درخواست:حکومت نے مسترد کردی،اطلاعات کے مطابق سکائی ونگزکو ایوی ایشن کے لائسنس کے اجراء کیلئے حکومت کودی جانے والی درخواست التواء کا شکار ہو گئی سکائی ونگز نے اپنی درخواست میں پروازوں میں عالمی معیار کی خدمات فراہم کرنے سمیت دیگر شعبوں میں جدت لانے کے نکات درج کئے ہیں

ذرائع کے مطابق اس درخواست پر مختلف شعبوں کی جانب سے قانونی اور تیکنیکی آراء لی جا نی ہے قانونی نکات مکمل ہونے کے بعد منظوری کا مرحلہ آئے گا اطلاعات کے مطابق کیبنٹ ڈویژن میں سکائی ونگز ایوی ایشن کے لائسنس کی درخواست التواء کا شکار ہو گئی،

سکائی ونگز کی جانب سے اس عزم کا اعادہ کیا گیا کہ کرپشن فری اور ملک کو ترقی کی راہ پر گامزن کرنے والی حکومت سیاحت کے فروغ اور ملک میں انٹرنیشنل اور لوکل سرمایہ کاری بڑھانے پر گامزن ہے وزیر اعظم عمران خان کے ویژن کے مطابق ہمارے محکمے ملک کو ڈیجیٹل انداز سے ترقی کی نئی راہوں پر چلانے کیلئے واضح سمت اختیار کر چکے ہیں

یہ بھی معلوم ہوا ہے کہ اسکائی ویز نے حکومت کو سول ایوی ایشن اور فضائی سروس کے دیگر شعبوں میں تجاویز دینے کے ساتھ ساتھ کہا ہے کہ یہ تنظیم لائسنس کی تجدید کے بعد ملک میں سیاحت کے فروغ کیلئے سکائی ونگز بھرپور کردار ادا کرے گی اور زیر اعظم کے ویژن کے مطابق روزگار کے بھی نئے مواقع ملیں گے، اداروں میں شفافیت کے ساتھ سرخ فیتے کا بھی مکمل خاتمہ ہونا چاہیے