لاہور:لاہورکی شان لاہورکی آن:اولڈ راوین آف پاکستان:سالانہ عیشائیہ:نامورشخصیات کی شرکت:مبشرلقمان بھی مہمان،اطلاعات کے مطابق آج لاہور میں گورنمنٹ کالج کے نامور،روشن ستارے اورہونہارسابق طالب علموں کو اولڈراوینز تنظیم کی طرف سے سالانہ عیشائیہ دیا گیا ،
باغی ٹی وی ذرائع کے مطابق اس سالانہ عیشائیہ کے خصوصی مہمان ڈاکٹر امجد ثاقب تھے اوراس میں بڑے بڑے معروف چہروں اور اعلیٰکردار کے مالک گورنمنٹ کالج کے پرانے طالب کی کثیرتعداد شامل تھی ، ان میں سے ایک معروف صحافی مبشرلقمان کو بھی یہ اعزاز حاصل ہوا کہ ان کو بھی اولڈ راوین کے گزرے ہوئے ماضی کی یادوں میں شمولیت کی دعوت دی گئی
۔
تفصیلات کے مطابق اولڈراوینز کا سالانہ عشائیہ اور میوزیکل پروگرام اوول گراؤنڈ گورنمنٹ کالج لاہور میں منعقد ہوا۔چیئرمین اخوت فاؤنڈیشن ڈاکٹر امجد ثاقب نے بطور مہمان خصوصی شرکت کی۔صدر اولڈراوین یونین جہانزیب نزیر خان نے صدارت کی ۔ وائس چانسلر گورنمنٹ کالج یونیورسٹی پروفیسر اصغر زیدی بھی شریک ہوئے ۔سیکریٹری جنرل ڈاکٹر عبدالباسط نے سٹیج سیکریٹری کے فرائض سرانجام دیے۔
ذرائع کے مطابق چیئرمین پارلیمانی کمیٹی کشمیر افیئرز شہریارآفریدی، سابق گورنر پنجاب سردار لطیف خان کھوسہ، وائس چانسلر کنگ ایڈورڈ میڈیکل یونیورسٹی پروفیسر ڈاکٹر خالد مسعود گوندل، ڈی جی والڈ سٹی اتھارٹی کامران لاشاری ، سابق وفاقی سیکریٹری قاضی آفاق ،معروف صحافی مبشر لقمان ، اسامہ غازی ، بیرسٹر احتشام امیرالدین، ڈپٹی کمشنر لاہور عمر شیر چٹھہ، ڈپٹی کمشنر شیخوپورہ رانا شکیل اسلم ، چیئرمین بورڈ آف گورنرز کنگ ایڈورڈ میڈیکل یونیورسٹی/میو ہسپتال پروفیسر ڈاکٹر محمود شوکت نے شرکت کی
اولڈ راوینزکے اس عیشائیہ میں دیگراہم مہمانوں میں گلوکار جواد احمد ، اداکار عثمان پیرزادہ ، کالم نگار روزنامہ جنگ پروفیسر نعیم مسعود ، گلوکار وارث بیگ ، سینیٹر زرقا تیمور سہروردی ، صدر پی ٹی آئی یو کے رانا ستار ، ممبر پنجاب بار کونسل منیر بھٹی ، اداکار عدیل ہاشمی ، ڈی آئی جی جیل خانہ جات مبشر ملک ، ایڈوائزر اولڈراوین افئیرز صدیق اعوان ، سابق پرنپسل جنرل ہسپتال پروفیسر ڈاکٹر محمد طیب ، پروفیسر ڈاکٹر صفدر علی خان ،پروفیسر ڈاکٹر اشرف ضیا ، معروف بزنس مین ڈاکٹر آفتاب اقبال شیخ ، اشفاق موہلن ، پروفیسر ڈاکٹر محمد ناصر ، فیصل ڈار ، منصور فیروز خان ، شیخ منصور الہی ، انس غازی ، ڈاکٹر سلمان کاظمی ، میاں احمد چھچھر اور دیگر شعبہ ہائے زندگی سے ممتاز اولڈراوینز نے خصوصی شرکت کی
اس اہم تقریب کو زینت بخشنے والے ہونہاراولڈراوین یونین کابینہ اراکین طیب حسین رضوی ، ڈاکٹر تنویر بھٹی ، رابعہ افضل واہلہ ، ڈاکٹر عبدالباسط ، جہانگیر اقبال میو ، کنور عثمان سعید ، مہتاب احمد ، ڈاکٹر ابرار الہی ملک ، ڈاکٹر زکریا بٹ ، الطاف سکھیرا ، سلطان نثار سرویا اور بابر بھٹہ شریک ہوئے ،
ڈاکٹر امجد ثاقب نے گفتگو کرتے ہوئے کہا کہ گورنمنٹ کالج میں گزرے دن آج بھی زندگی کے سب سے یادگار دن ہیں۔ہم سب کو مل کر اس معاشرے کی بہتری کے لیے کام کرنا چاہیے۔
وائس چانسلر گورنمنٹ کالج یونیورسٹی پروفیسر اصغر زیدی نے صدر جہانزیب نزیر خان اور دیگر کابینہ اراکین کو کامیاب پروگرام پر مبارکباد دی۔پروگرام کے اختتام پر گلوکار امانت علی نے فن کا مظاہرہ کیا۔
یاد رہے کہ ولڈ راوین یونین برصغیر کے معروف تعلیمی ادارے گورنمنٹ کالج یونیورسٹی لاہور کے سابق طلبا و طالبات پر مشتمل ایک یونین ہے۔ اس کے 9ہزار سے زائد ممبران ہیں جن میں سابق وزرائے اعظم، فوجی افسران، ججز حضرات، وکلا، صحافی، ڈاکٹر، انجینئر، استاد، بیوروکریٹ اور دیگر طبقہ ہائے زندگی سے منسلک لوگ شامل ہیں
۔
