یورپی یونین نے امریکا کے صدر ڈونلڈ ٹرمپ کے انتباہ کے باوجود گوگل پر 2.95 ارب یورو (3.47 ارب ڈالر) جرمانہ عائد کر دیا ہے۔
یورپی کمیشن کے مطابق گوگل کا رویہ پبلشرز، مشتہرین اور صارفین کے مفادات کے خلاف تھا اور یہ یورپی اینٹی ٹرسٹ قوانین کی خلاف ورزی ہے۔گوگل پر الزام ہے کہ اس نے اپنی اشتہاری خدمات میں مسابقت کو نقصان پہنچاتے ہوئے غالب پوزیشن کا غلط استعمال کیا۔گوگل نے اس فیصلے کے خلاف اپیل کرنے کا اعلان کیا ہے۔ٹرمپ نے خبردار کیا تھا کہ اگر یورپ نے امریکی ٹیکنالوجی کمپنیوں کو نشانہ بنایا تو وہ بھی ڈیجیٹل مارکیٹ اور پالیسیوں پر اپنے قوانین کے ذریعے جوابی کارروائی کریں گے۔
رپورٹ کے مطابق اینٹی ٹرسٹ کمشنر ٹریسا ریبیرا نے پہلے امریکی ردعمل کے خدشات کے باعث جرمانے پر توقف کیا تھا، تاہم بعد میں برسلز نے فیصلہ سناتے ہوئے گوگل کو حکم دیا کہ وہ اپنے ’خود پسندی کے طرز عمل‘ اور مفادات کے موروثی تنازعات کو ختم کرے۔یورپی یونین اب بھی اس انتظار میں ہے کہ امریکا جولائی میں طے پانے والے تجارتی معاہدے کے تحت کاروں پر ٹیرف کم کرنے کے وعدے کو پورا کرے۔
یوٹیوبر رجب بٹ کو جوئے کی ایپس کی تشہیر پر 9 ستمبر کو طلبی
اسلام آباد سمیت مختلف شہروں میں زلزلے کے جھٹکے
بھارتی فوج سرحدی علاقوں میں، پاک فوج نے ڈرون مار گرایا، سیلاب سے مارنے کی تیاری