قصور: گڈی اور ڈور کی خرید و فروخت میں ملوث 3 افراد گرفتار
قصور: تھانہ بی ڈویژن پولیس نے کارروائی کرتے ہوئے گڈی اور ڈور کی خرید و فروخت میں ملوث تین افراد کو گرفتار کر لیا۔
پولیس کے مطابق ایس ایچ او وحید عارف کی ہدایت پر TASI محمد ادریس اور ان کی ٹیم نے بھٹہ سوہن دین کے علاقے میں کارروائی کی، جہاں ملزمان گڈیوں کی خرید و فروخت کے معاملے پر آپس میں جھگڑ رہے تھے۔
گرفتار ملزمان کی شناخت انس، علی رضا اور ابرار کے ناموں سے ہوئی ہے۔ پولیس نے ان کے قبضے سے بڑی تعداد میں پتنگیں اور ڈور کی چرخیاں بھی برآمد کر لیں۔
پولیس کا کہنا ہے کہ ملزمان کے خلاف TASI محمد ادریس کی مدعیت میں کائیٹ فلائنگ ایکٹ کی خلاف ورزی کے تحت مقدمہ درج کر کے مزید تفتیش کا آغاز کر دیا گیا ہے۔