نارس: بھارت کے شہر بنارس (اب وارانسی) کی ایک ضلعی عدالت نے تازہ فیصلے میں نارس کی گیان واپی مسجد سے متعلق مقدمے میں کہا ہے کہ آرکیالوجیکل سروے آف انڈیا کی رپورٹ فریقین کو فراہم کردی جائے۔
باغی ٹی وی : انڈین میڈیا کے طابق ضلعی عدالت نے فریقین سے اس سلسلے میں بیانِ حلفی طلب کرلیا ہے بیانِ حلفی عدالت میں جمع کرائے جانے کے بعد ہی آرکیالوجیکل سروے آف انڈیا کی جامع رپورٹ فریقین کو دی جائے گی۔
ٹائمز آف انڈیا کے مطابق ہندو فریق کے وکیل وشنو شنکر جین نے بدھ کو کہا کہ آج، عدالت نے دونوں فریقوں کو سنا اور اس بات پر اتفاق کیا گیا کہ اے ایس آئی کی رپورٹ کی ہارڈ کاپی دونوں فریقوں کو فراہم کی جائے گی اے ایس آئی نے ای میل کے ذریعے رپورٹ فراہم کرنے پر اعتراض کیا دونوں فریقوں نے رپورٹ کی ہارڈ کاپی حاصل کرنے پر اتفاق کیا۔
کتنے افغان باشندے پاکستان چھوڑ کر گئے؟یو این افغان مشن نے اعدادوشمار جاری کر …
ہندوؤں کا دعویٰ ہے کہ گیان واپی مسجد سترہویں صدی میں ہندوؤں کے مندر کی باقیات پر تعمیر کی گئی تھی جبکہ مسلمانوں کا دعویٰ ہے کہ یہ زمین باضابطہ طور پر خریدی گئی تھی اور اس کی تعمیر کے سلسلے میں اس دور کی تمام قانونی کارروائی مکمل کی گئی تھی رام مندر کے افتتاح کے فوراً بعد بنارس کی ضلعی عدالت کی طرف سے مسلمانوں کے خلاف جاری ہونے والے اس فیصلے سے مسلمانوں میں تشویش کی لہر دوڑ گئی ہے-