Tag: ہالی وڈ

ہالی وڈ‌ اداکار ٹام کروز جو کسی تعارف کا محتاج نہیں ہیں، ان کی مشن امپاسبل سیریز نے پوری دنیا میں شائقین کے دل جیت لئے. اس سیریز کی ساتویں فلم اگلے سال ریلیز ہونے جا رہی ہے. اور فلم کی شوٹنگ زورو شور سے جاری ہے. ٹام کروز کو ان کے مداح دیکھنے کےلئے کافی بے تاب ہیں. ان کی آمد باکس آفس پر ہمیشہ ایک نیا رنگ جماتی ہے. پوری دنیا میں ٹام کروز کے مداح‌پائے جاتے ہیں اور ان کی مشن امپاسبل سیریزنے تو شائقین کو اپنے سحر میں

جکڑ رکھا ہے. مشن امپاسبل سیریز میں ٕٹام کروز کے اسٹنٹس کو ان کے مداح کبھی نہیں بھولے.مشن امپاسبل سیریز کی ساتویں فلم کی شوٹنگ آج کل جاری ہے ، ٹام کروز نے شوٹنگ کے دوران ہی انوکھے انداز میں اپنے مداحوں‌کا شکریہ ادا کیا . ٹام کروز نے اپنے مداحوں کے لئے ایک سپیشل پیغام وڈیو کی صورت میں سوشل میڈیا پر جاری کیا انہوں نے اس وڈیو میں کہا کہ میں اس سال کا اختتام آپ سب کا شکریہ ادا کئے بغیر نہیں‌کرنا چاہتا ، یہ کہتے ہوئے انہوں نے طیار سے چھلانگ لگا دی ، ٹام کروز کے انوکھے انداز میں مداحوں کا شکریہ کرنے پران کے چاہنے والے خوش ہونے کے ساتھ ساتھ حیران بھی ہیں.

امبرہرڈ اور ان کے سابق شوہر جونی ڈیپ نے ایک دوسرے پر کیس کیا ، امبر ہرڈ کو عدالت میں ناکامی کا سامنا بھی کرنا پڑا جب فیصلہ ان کے خلاف آیا ، اور وہ جونی ڈیپ پر گھریلو تشدد کے لگائے گئے الزامات کو ثابت نہ کر سکیں. ورجینیا کی جس عدالت نے فیصلہ ان کے خلاف دیا اس نے اداکارہ کو جونی ڈیپ کو35 لاکھ ڈالر ادا کرنے کا حکم دیا تھا لیکن امبر ہرڈ کے وکیل نے عدالت سے کہا کہ وہ ہرجانے کی اتنی بڑی رقم ادا نہیں کر سکتیں اور اب امبر ہرڈ نے اپنا کیس واپس لیتے ہوئے تصفیے کا صلح کا فیصلہ کیا ہے. اس فیصلے کا اعلان انہوں نے اپنے انسٹاگرام اکائونٹ پر کیا، اس میں انہوں نے لکھا کہ میں اپنی اپیل واپس لے رہی ہوں اور کیس کا تصفیہ چاہتی ہوں

کیونکہ میں ایک اور ٹرائل کا سامنا نہیں کرنا چاہتی۔میری اس کیس میں‌بری طرح‌سے شہرت خراب ہوئی ہے میری ذاتی زندگی بے حد مشکلات کا شکار ہوئی ہے. انہوں نے کہا کہ عدالت کا فیصلہ آنے کے بعد میں‌پریشان ہوئی میں‌کیس نہیں‌کرنا چاہتی تھی لیکن اپنے دفاع میں‌سب کچھ کیا لیکن اب میں‌کیس واپس لیتے ہوئے صلح صفائی سے معاملے کو وائنڈ‌اپ کرنا چاہتی ہوں . یاد رہے کہ امبر ہرڈ نے جونی ڈیپ پر گھریلوتشدد کے الزامات لگائے جن کو وہ عدالت میں ثابت نہ کر سکیں.

بالی وڈ کے کنگ شاہ رخ خان کے بیٹے آریان کب فلموں میں‌ آئیں گے یہ سوال بہت سے لوگوں کے زہنوں میں رہتا ہے.لیکن اب آریان خان نے کر دیا ہے کلئیر کہ وہ فلموں میں آئیں گے یا نہیں. تفصیلات کے مطابق آریان خان نے اپنے انسٹاگرام پر اپنی ایک تصویر شئیر کی ہے جس میں ایک کتاب پر ہاتھ رکھے ہوئے نظر آرہے ہیں جس پر لکھا ہوا ہے تحریر تو ختم ہو گئی ہے بس اب ایکشن کہنے کا انتظار نہیں کر سکتا۔ بیٹے کی انسٹاگرام پوسٹ کے کمنٹس باکس میں ماں اور باپ یعنی گوری اور شاہ رخ خان نے لکھا کہ ہماری دعائیں تمہارے ساتھ ہیں اور تمہیں بہت ساری کامیابیں

ملیں. جن لوگوں کے زہن میں یہ سوال تھے کہ آریان کب فلموں میں نظر آئیں گے شاید ان کو آریان خان کی اس پوسٹ نے کلئیر کر دیا ہے کہ وہ اداکاری نہیں کریں گے بلکہ بطور سکرپٹ رائٹر کام کر یں گے اور رہیں گے بالی وڈ‌کا حصہ ہی . یاد رہے کہ شاہ رخ خان کا بیٹا آریان خان منشیات کیس میں گرفتار ہوا تھا لیکن بہت جلد بری ہو گئے تھے. آریان خان نے اپنے والد کی فلم کبھی خوشی کبھی غم میں والد کے بچپن کا کردار ادا کیا تھا.

عالیہ بھٹ کا شمار بالی وڈ کی بہترین اداکارائوں میں‌ہوتا ہے ان کی فلم گنگو بائی کاٹھیواڑی میں ان کے کردار نے ان کو امر کر دیا ہے. اس کردار کو کرکے عالیہ نے ثابت کیا ہے کہ وہ کسی سے کم نہیں ہیں .عالیہ بھٹ کی اداکاری کو نہ صرف پرستاروں نے بلکہ ناقدین نے بھی بے حد سراہا . اپنے حالیہ انٹرویو میں عالیہ بھٹ نے کہا ہے کہ اس کردار کو کرکے میں نے بہت کچھ سیکھا، اور اس کردار کرنے کے لئے بہت محنت اور تیاری کی . اس کردار سے میں نے بہت ساری مثبت چیزیں سیکھیں ایسی چیزیں جو میری شخصیت سے ملتی جلتی ہیں . انہوں نے کہا کہ میں ڈائیلاگ بولنے کےلئے بالکل نہیں گھبرائی. عالیہ بھٹ نے مزید کہا کہ بطور ماں بہترین انداز سے ذمہ داریاں نبھا رہی ہوں، میری بیٹی کے آنے کے بعد تو جیسے

ہماری دنیا ہی بدل گئی ہو. یاد رہے کہ عالیہ بھٹ کرن جوہر کی فلم راکی اور رانی کی پریم کہانی میں نظر آئیں گی، جس میں ان کے ساتھ رنویر سنگھ، شبانہ اعظمی، دھرمیندر اور جیا بچن بھی اہم کرداروں میں نظر آئیں گے. راکی اور رانی کی پریم کہانی اگلے برس 28 اپریل 2023 کو ریلیز ہونے جا رہی ہے ہے۔ عالیہ ہارٹ آف سٹون ساتھ ہالی ووڈ میں بھی ڈیبیو کرنے جا رہی ہیں اس میں ان کے ساتھ گیل گیڈوٹ اور جیمی ڈورنن بھی نظر آئیں گے .

سری دیوی کی بیٹی جھانوی کپور نے بہت جلدی بالی وڈ میں اپنا ایک مقام بنا لیا ہے انہوں نے ابھی تک جتنے بھی کردار کئے ہیں وہ سب کے سب چیلنجنگ ہیں.جھانوی کپور نے 2018 میں ریلیز ہونے والی فلم دھڑک کے ساتھ اپنے کیرئیر کا آغاز کیا یہ فلم مشہور مراٹھی فلم سیرت کا آفیشل ریمیک تھی۔ اداکارہ نے حال ہی میں ایک انٹرویو دیا ہے جس میں انہوں نے اپنی بہن خوشی کپور کو دئیے ہیں کچھ دلچپسپ مشورے، خوشی بالی وڈ میں ڈیبیو کرنے کی تیاری کررہی ہیں. انٹرویو میں جھانوی سے جب کہا گیا کہ آپ خوشی کپور کو کیا مشورہ دینا چاہیں گی تو انہوں

نے کہا کہ کسی اداکار کو ڈیٹ مت کرو، جھانوی نے کہا کہ میں‌ہوں یا مجھ جیسی اور لڑکیاں یہ مشورہ ہم سب کے لئے ہے، انہوں نے ان ڈائریکٹ یہ بھی اعتراف کیا کہ وہ ماضی میں ایک اداکار کو ڈیٹ کرتی رہی ہیں. جھانوی کپور نے یہ بھی کہا کہ مجھے بہت خوشی ہے کہ میری بہن بالی وڈ میں ڈیبیو کرنے جا رہی ہے. یاد رہے کہ خوشی کپور ذویا اختر کی فلم دی ”آرچیز کامکس” سے کیرئیر کا آغاز کرنے جا رہی ہیں اس فلم میںان کے ساتھ شاہ رخ خان کی بیٹی سہانا خان بھی ہیں .اس فلم میں زیادہ تر کاسٹ نوجوانوں‌پر مشتمل ہے.

کمل ہاسن کی بیٹی شروتی ہاسن ناقدین پر برس پڑی ہیں ان کا کہنا ہے کہ سرجری کے زریعے چہرے کو خوبصورت بنانے میں کوئی برائی نہیں ہے.شروتی حسن نے کہا کہ میں نے جب پہلی فلم کی تو میری ناک ٹوٹی ہوئی تھی اور اسی ٹوٹی ہوئی ناک کے ساتھ میں نے اپنی پہلی فلم مکمل کروائی اس کے بعد میں نے اپنی ناک کی سرجری کروائی. شروتی حسن نے کہا کہ خوبصورت نظر آنا ہر کسی کا حق ہے اور یہ حق کسی سے چھینا نہیں جا سکتا. جس طرح سب کا حق ہے میرا یہ بھی یہ حق ہے لہذا میں اس حق کا استعمال کرتے ہوئے سرجری کروا کے خوبصورت نظر آنے کی اگر کوشش کرتی ہوں تو کسی کو کیا مسئلہ یا تکلیف ہے؟ میری زندگی ہے میری مرضی ہے میں جیسی مرضی بنوں یا بننے کی کوشش کروں میں

کسی کو جوابدہ نہیں ہوں. مجھے بالکل فرق نہیں پڑتا کوئی میری سرجری کا مذاق بنائے یا میری ناک یا خوبصورتی کا مذاق بنائے. میں نے کبھی یہ نہیں دیکھا کہ کون سرجری کروا رہا ہے کون نہیں کروا رہا، ہر کسی کی اپنی مرضی ہے ہر کوئی اپنی زندگی اپنے مطابق جینے کا حق رکھتا ہے لہذا میں‌کسی کے کسی بھی کام میں دخل کیوں دوں؟. یاد رہے کہ شروتی حسن بالی وڈ کی بہترین اداکارائوں میں سے ایک ہیں انہوں نے کم وقت میں اپنا نام اور مقام بنایا .

جانی ڈیپ اور ایمبر ہرڈ کے معاملے نے ایک بار پھر ایک ایسا موڑ لے لیا ہے کہ جس کے بارے میں سن کر آپ حیران ہوجائیں اور آپ بھی شاید سوچنے پر مجبور ہو جائیں کہ کیا واقعی جانی ڈیپ کو ملنے والا انصاف میرٹ پر ہے یا نہیں. حال ہی میں جانی ڈیپ اور ان کی سابقہ اہلیہ، اداکارہ ایمبر ہرڈ کے درمیان ہونے والی گفتگو منظر عام پر آئی ہے اس آڈیو میں جانی ڈیپ ایمبر ہرڈ کو کہتے ہوئے سنے جآ سکتے ہیں کہ آپ میری مدد کریں میں‌آپ کی مدد کروں گا . یہ‌آڈیو عدالت میں بھی چلائی گئی ہے.اس آڈیو ٹیپ میں ہتکِ عزت کے مقدمے کی سماعت کے حوالے سے

جانی ڈیپ کی قانونی ٹیم کی جانب سے چھپائی گئی کچھ تفصیلات سامنے آئی ہیں۔جب سے جانی ڈیپ اور ایمبرہرڈ کے درمیان ہونے والی گفتگو منظر عام پر آئی ہے عدالت سمیت لوگ حیران ہیں . واضح رہے کہ ایمبرہرڈ نے اپنے شوہر پر مار پیٹ کے الزامات لگائے تھے اس کے بعد جانی ڈیپ نے ہتک عزت کا دعوی دائر کیا جسے وہ جیت گئے لیکن ایمبر ہرڈ اس فیصلے سے ناخوش تھیں لہذا انہوں نے ایک بار پھر سے عدالت کے ساتھ رجوع کیا اور اب جو تٍفصیلات سامنے آ رہی ہیں وہ کافی حیران کن ہیں‌دیکھنا یہ ہے کہ اب کیس کا فیصلہ کیا ہوتا ہے.

عالمی شہرت یافتہ ہالی وڈ اداکارہ اور اقوام متحدہ کی خصوصی سفیر انجلینا جولی جنہوں نے حالیہ سیلاب کے بعد پاکستان کا دورہ کیا. اس سے پہلے بھی وہ زلزلہ اور سیلاب کے دوران 2005 اور 2010 میں پاکستان کا دورہ کر چکی ہیں.اپنے حالیہ دورہ پاکستان میں انجلینا جولی نے سیلاب زدہ علاقوں کا بین الاقوامی ریسکیو کمیٹی اور مقامی تنظیموں کے ساتھ وہاں کا دورہ کیا. انجلینا جولی پاکستان سے جیسا کہ سیلاب زدہ علاقوں کا دورہ کرکے واپس جا چکی ہیں اب وہ واپس جا کر دنیا کی توجہ پاکستان میں سیلاب سے ہونے والی تباہ کاریوں کی طرف

مبذول کروا رہی ہیں. انہوں نے سوشل میڈیا پر سیلاب سے ہونے والی تباہ کاریوں‌کی تصاویر شئیر کرتے ہوئے لکھا ہے کہ میں گزشتہ ہفتے پاکستان کے دورے پر تھی وہاں سیلاب نے ملک کی ایک تہائی اراضی کو تباہ کر دیا ہے. میں نے ان تباہ کاریوں کو اپنی آنکھوں سے دیکھا ہے. انہوں نے لکھا کہ پاکستان میں سیلاب سے 33 ملین لوگ متاثر ہوئے ہیں، اور 6 ملین سے زائد کو ہنگامی بنیاد پر امداد کی ضرورت ہے۔یوں انجلینا جولی نے پاکستان میں سیلاب سے ہونے والی تباہ کاریوں کو سنجیدگی سے لیتے ہوئے دنیا کو باور کروایا ہے اور کہا ہے کہ پاکستان کی اس مشکل وقت میں مدد کرنا بے حدضروری ہے وہاں لوگ پریشان ہیں اور امداد کے متنظر ہیں.

ہالی وڈ کی ادا کارہ اور اقوام متحدہ کی خیرسگالی سفیر انجلینا جولی سیلاب متاثرین کے ساتھ اظہار یکجہتی کے لئے پاکستان پہنچیں ہوئی ہیں. انجلینا متاثرین کی امداد اور حالات کا جائزہ لینے کیلئے پاکستان آئیں ہیں. یہ پہلا موقع نہیں ہے کہ جب انجلینا نے پاکستان کا رخ کسی مشکل وقت میں کیا ہے اس سے پہلے بھی وہ 2005 میں آنے والے زلزلے اور 2010 میں آنے والے سیلاب کے دوران پاکستان آئیں. انجلینا انسانیت کا درد رکھتی ہیں یہی وجہ ہے کہ جب بھی خصوصی طور پر پاکستان میں کوئی قدرتی آفت آتی ہے اور اس کے نتیجے میں مالی جانی نقصان بڑے پیمانے پر ہوتا ہے تو انجلینا لازمی طور پر اپنے پاکستانی بہن بھائیوں کے ساتھ اظہار یکجہتی کرنے کےلئے پاکستان پہنچتی ہیں. ان کے اس روپ کو بہت سراہا جاتا ہے. انجلینا

جب بھی پاکستان آتی ہیں وہ پاکستان کے کلچر اور روایات کا خاص احترام کرتی ہوئی دکھائی دتی ہیں وہ شلوار قمیض زیب تن کرتی ہیں. اس بار بھی انہوں نے روایت قائم رکھی اور شلوار قمیض زیب تن کرنے کے ساتھ سر باقاعد دوپٹہ بھی لیا.سوشل میڈیا پر اسی ھوالے سے چند روز سے ایک بحث چل رہی ہے جس میں کہا جا رہا ہے کہ اگر انجلینا جولی پاکستان میں آ سکتی ہیں سیلاب زدہ علاقوں کا دورہ کر سکتی ہیں تو ہمارے فنکار کیوں نہیں؟. سوشل میڈیا صارفین کا کہنا ہے کہ ماہرہ خان، فواد خان ، راحت فتح علی خان ، ہمایوں سعید، عاطف اسلم ، آئزہ خان ، سجل علی، صبا قمر ، احد رضا میر، ریما ، کبرا خان ، فیصل قریشی، ندا یاسر، اقرا عزیز، احسن خان ، ساحر علی بگا ، ثنا جاوید، فہد مصطفی، شان کب سیلاب متاثرین کی داد رسی کریں گے ؟. یوں پاکستانی فنکار انجلینا جولی کی آمد کے بعد ہیں کافی زیادہ ترتنقید کی زد میں.