پاکستان شوبز انڈسٹری کی خوبرو اداکارہ ہانیہ عامر کی دُنیا بھر میں مقبول ترین تُرک شیف براق اوزڈیمیر کے ساتھ ویڈیو اور تصاویر انٹرنیٹ پر وائرل ہوگئیں جسے صارفین کی جانب سے خوب پسند کیا جا رہا ہے-
باغی ٹی وی : اداکارہ ہانیہ عامر نے اپنے سماجی رابطے کی ویب سائٹ انسٹاگرام اکاؤنٹ پر کچھ تصویریں اور ویڈیو شیئر کی ہیں۔
ہانیہ عامر کی جانب سے انسٹاگرام پر شئیر کردہ تصویروں میں ہانیہ عامر کو معروف ترک شیف براق کے ساتھ دیکھا جاسکتا ہے جبکہ ایک ویڈیو میں ترک شیف ہانیہ عامر سے کہتے ہیں کہ وہ اُن کے منفرد انداز میں ڈش پلٹیں۔
ترک شیف کے کہنے پر ہانیہ عامر کوشش کرنے لگتی ہیں لیکن پھر وہ کہتی ہیں کہ اُن سے نہیں ہوگا جس کے بعد ترک شیف براق باآسانی اپنے منفرد انداز میں ڈش سے کھانا ٹیبل پر نکالتے ہیں۔
میں بہت جلد پاکستان آ رہا ہوں ۔ مشہور ترک شیف اور سوشل میڈیا سٹار براق اوزڈیمیر کا اردو میں ویڈیو پیغام
ہانیہ عامر نے یہ دلچسپ ویڈیو اور تصویریں شیئر کرتے ہوئے کیپشن میں ترک شیف براق سے مخاطب ہوکر لکھا کہ یہ ایک زبردست رات تھی۔
خیال رہے کہ ترک شیف براق نے دبئی میں اپنا نیا ریستوران کھولا ہے اور ہانیہ عامر نے بھی اُن سے وہیں ملاقات کی۔
واضح رہے کہ تُرک شیف براق اوزڈیمیر نے گزشتہ سال پاکستان کا دورہ کیا تھا، اُنہوں نے اسلام آباد میں پریس کانفرس کرتے ہوئے کہا تھا کہ پاکستان آکر اُنہیں خوشی ہوئی ہے، پاکستان اور ترکی کے تعلقات ہمیشہ بہترین رہے ہیں میں زلزلے پر پاکستانیوں کے پیغامات کا شکریہ ادا کرتا ہوں، ترکی میں زلزلے کے باعث جلدی واپس چلا جاؤں گا۔ آئندہ پاکستان آیا تو لاہور، کراچی سمیت مختلف شہروں میں جاؤں گا اور مزید پاکستانی کھانے بنانا سیکھوں گا-