پاکستان واپڈا ٹیم ماڑی پیٹرولیم آزادی کپ ہاکی ٹورنامنٹ کی چیمپین بن گئی
پاکستان ہاکی فیڈریشن کے زیر انتظام ماڑی پیٹرولیم کمپنی لمیٹڈ کے زیر اہتمام دوسرا ماڑی پیٹرولیم آزدی کپ ہاکی ٹورنامنٹ 2023ء لیفٹیننٹ جنرل اشفاق ندیم ہاکی اسٹیڈیم ایوب پارک میں کھیلا جارہا تھا پاکستان واپڈا کی فتح کے ساتھ اختتام پذیر ہو گیا۔پاکستان واپڈا نے 2 کے مقابلے میں 3 گول سے ماڑی پیٹرولیم کو شکست دیکر دوسرے ماڑی پیٹرولیم آزادی کپ کی ٹرافی اپنے نام کرلی۔مہمان خصوصی چیئرمین فوجی گروپ آف کمپنیز اینڈ ایم ڈی فوجی فاؤنڈیشن وقار احمد ملک ( ستارہ امتیاز) نے فائنل میچ کے اختتام پر کھلاڑیوں میں انعامات تقسیم کئے۔تفصیلات کے مطابق دوسرا ماڑی پیٹرولیم آزادی کپ ہاکی ٹورنامنٹ کا فائنل میزبان ماڑی پیٹرولیم اور پاکستان واپڈا کی ٹیموں کی مابین کھیلا گیا ۔ پاکستان واپڈا اور ماڑی پاکستان واپڈا کی جانب سے عمر بھٹہ، توثیق ارشد اور سلمان رزاق نے ایک گول سکور کر کے اپنی ٹیم کی فتح میں اہم کردار ادا کیا جبکہ ماڑی پیٹرولیم کی جانب سے سفیان خان اور ارباز احمد نے ایک ایک گول سکور کیا۔اس میچ میں ایمپائرنگ کے فرائض یاسر خورشید انٹرنیشنل اور امیر حمزہ نے ادا کئے ان کے ساتھ اسد عباس اور عرفان طاہر ریزرو ایمپائر تھے۔ ٹیکنیکل آفیسر مرتضیٰ بھٹی کے ساتھ آصف بیگ، حمزہ طفیل، گلفام کھوکھر، اختر علی اور رفیق الرحمن نے ججز کی زمہ داریاں بخوبی ادا کیں۔
فائنل میچ کے اختتام پر مہمان خصوصی چیئرمین فوجی گروپ آف کمپنیز وقار احمد ملک ( ستارۂ امتیاز ) نے ونر ٹیم پاکستان واپڈا کو ٹرافی اور بیس لاکھ روپے نقد انعام دیا جبکہ ماڑی پیٹرولیم ٹیم کو رنرز اپ ٹرافی کے ساتھ پندرہ لاکھ روپے نقد انعام دیا۔
مہمان خصوصی چیئرمین فوجی گروپ آف کمپنیز وقار احمد ملک ستارۂ امتیاز نے اپنے خطاب میں کہا کہ قومی کھیل ہاکی کی ترقی اور چوبارہ عروج کے حصول کے لئے حکومتی اداروں کے ساتھ ساتھ نجی کارپوریٹ اداروں کو آگے بڑھ کر اپنا کردار ادا کرنا ہوگا تاکہ پاکستان ہاکی کو دنیا بھر میں پھر سے وہی عروج حاصل ہو سکے ۔
اپنے مختصر خطاب میں ایم ڈی ماڑی پیٹرولیم فہیم حیدر نے ماڑی پیٹرولیم آزادی کپ ہاکی ٹورنامنٹ کے بارے میں اسٹیڈیم میں موجود شائقین کو آگاہ کیا اور اس عزم کا اظہار کیا کہ ماڑی پیٹرولیم کمپنی پاکستان ہاکی فیڈریشن کے ساتھ مل کر قومی کھیل ہاکی کی ترقی و ترویج میں اپنا بھرپور کردار ادا کرتی رہے گی۔
اس موقع پر سیکریٹری جنرل پاکستان ہاکی فیڈریشن سید حیدر حسین، سیدہ شہلا رضا، ٹورنامنٹ ڈائریکٹر اولمپیئن ناصر علی ، اولمپیئن شہناز شیخ ، اولمپیئن نعیم اختر، اولمپیئن سعید خان ، اولمپیئن رحیم خان، اولمپیئن دانش کلیم، رانا شفیق انٹرنیشنل، ٹورنامنٹ آرگنائزنگ سیکرٹری کرنل محمد یامین، اسسٹنٹ ٹورنامنٹ ڈائریکٹر میجر طارق ورک، اسسٹنٹ ٹورنامنٹ ڈائریکٹر راجہ شجاع اقبال، ایمپائرز مینیجر ذوالفقار حسین ، اسسٹنٹ ایمپائرز مینیجر کامران شاہ ، اسسٹنٹ ایمپائرز مینیجر مبارک علی ، ایونٹ میڈیا کوآرڈینیٹر ذوالفقار بیگ ، اسسٹنٹ میڈیا کوآرڈینیٹر محمد حفیظ ،حاجی نعیم اور ان کی ٹیم کے ساتھ شائقین ہاکی کی کثیر تعداد اسٹیڈیم میں موجود تھی
ہوشیار۔! آدھی رات 3 بڑی خبریں آگئی
بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف
لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان
لوگ لندن اور امریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
