پیرس: انٹرنیشنل فیڈریشن آف جرنلسٹس نے بھی پنجاب ہتک عزت قانون کی مخالفت کردی ہے۔
باغی ٹی وی :سیکرٹری انٹرنیشنل فیڈریشن آف جرنلسٹس انتھونی بلانگر نے اپنے ویڈیو بیان میں کہا ہے کہ حکومت پنجاب کا ہتک عزت بل آئین اور یو این چارٹر کے خلاف ہے پنجاب ہتک عزت بل آزادی صحافت کے لئے خطرناک ہے، پاکستانی صحافی اپنے حقوق کی جنگ کے لئے کھڑے ہو جائیں،آئی ایف جے پاکستانی صحافیوں کی آزادی کے لئے جد و جہد میں ان کے ساتھ ہے۔
دوسری جانب پنجاب میں اپوزیشن نے ہتک عزت بل کی ہر فورم پر مخالفت کا اعلان کر دیا، لاہور میں پریس کانفرنس کرتے ہوئے اپوزیشن لیڈر ملک احمد خان بھچر کا کہنا تھا کہ ہتک عزت کا بل مخصوص ذہنیت کی عکاسی کرتا ہے، بل کی 12 شقوں میں تضاد ہے، جب انہوں نے دیکھا کہ لوگوں میں شعور آ چکا ہے تو ہتک عزت کا بل لے آئے، دیکھنا چاہئے تھا کہ ہتک عزت کے بل میں کیا کیا خامیاں ہیں۔
خان صاحب کو موجودہ اسٹیبلشمنٹ سے مسئلہ ہے کیونکہ وہ ان کے حق میں نہیں …
انہوں نے کہا اگر بل پاس ہو گیا تو ہم سمجھیں گے پیپلز پارٹی دونوں طرف سے کھیل رہی ہے، پیپلزپارٹی وفاق میں ان کا بل پاس نہ ہونے دیں، ہائیکورٹ میں ہم بحیثیت جماعت اس بل کی مخالفت میں جا رہے ہیں،اب یہ لوگ پنجاب سے پورے پاکستان کو چلانا چاہتے ہیں، 1985 سے یہ لوگ پنجاب پر حکومت کر رہے ہیں، ہم نے اب آگے دیکھنا ہے کہ آگے کیا کرنا ہے۔
