سینیئر اداکارہ اور ہدایتکارہ و پروڈیوسر سکینہ سموں نے اپنے مداحوں کو بتایا کہ ان کی فیچر فلم ’انتظار‘ کو آئندہ ہفتے امریکی ریاست نیویارک میں میں ہونے والے ’ہارلم انٹرنیشنل فلم فیسٹیول‘ میں پیش کیا جائے گا۔
باغی ٹی وی : تفصیلات کے مطابق 15 ویں ’ہارلم انٹرنیشنل فلم فیسٹیول‘ جس کا انعقاد رواں برس مئی میں ہونا تھا مگر کورونا کی وبا کے باعث اسے رواں ماہ 10 سے 13 ستمبر کے درمیان امریکی ریاست نیویارک میں منعقد کیا جا رہا ہے جس میں دنیا کے 25 ممالک کی 94 فلمیں اور ویب سیریز سمیت میوزک ویڈیوز پیش کی جائیں گی جن میں سے 47 فیچر فلمیں ہیں اور ان میں پاکستانی فلم ’انتظار‘ بھی شامل ہے
’انتظار‘ اداکارہ سکینہ سموں کی بطور ہدایتکار و پروڈیوسر پہلی فلم ہے فلم کے پہلے ٹیزر کے ساتھ ہی فلم کو مارچ میں ریلیز کرنے کا اعلان کیا گیا تھا مگر کورونا کی وبا کے باعث فلم کو ریلیز نہیں کیا جا سکا۔
https://twitter.com/SakinaSamo/status/1300079969956229120?s=20
اداکارہ سکینہ سموں نے اپنی ٹوئٹ میں فلم ’انتظار‘ کا پوسٹر شیئر کرتے ہوئے بتایا کہ ان کی فلم کو امریکہ میں ہونے والے ہارلم فلم فسیٹیول میں پیش کیا جائے گا۔
’انتظار‘ کی کہانی خاندان کی مجبوریوں کے گرد گھومتی ہے جس میں بوڑھے والدین مرنے کی عمر کو اپنے بچوں کا انتظار کرتے اور موت کے خوف سے زندگی گزارتے ہیں فلم میں رشتوں کی اہمیت اور نئی نسل کی جانب سے عمر رسیدہ افراد اور والدین کو بھلانے اور والدین کی جانب سے بچوں کا انتطار کرتے ہوئے دکھایا گیا ہے۔
https://www.youtube.com/watch?v=_B6JyLlYXqE&feature=youtu.be
فلم کی کاسٹ میں ثمینہ احمد،کیف غزنوی، عدنان جعفر، رضا علی عابد اور خالد احمد شامل ہیں جب کہ اس کی کہانی ڈر سی جاتی ہے صلہ جیسے ڈرامے لکھنے والی لکھاری بی گل نے لکھی ہے۔
https://www.youtube.com/watch?v=XjunbrJTIuk&feature=youtu.be
امید ظاہر کی جا رہی ہے کہ فلم کو ہارلم فلم فیسٹیول میں پیش کیے جانے کے بعد پاکستان سمیت دنیا کے دیگر ممالک میں بھی ریلیز کیا جائے گا-