وزیراعلیٰ پنجاب مریم نواز نے خواتین کے عالمی دن کے موقع پر تقریب سے خطاب کرتے ہوئے کہا ہے کہ یہاں کوئی روایتی تقریر کرنے نہیں آئی،جو مسائل دیکھے اور فیس کیے اس پر بات کروں گی
وزیراعلیٰ پنجاب مریم نواز کا کہنا تھا کہ پنجاب نے ایک خاتون کو وزیر اعلیٰ منتخب کر کے مثال قائم کی ہے،یہ پاکستان کی ہر ماں، بہن اور بیٹی کی عزت ہے،خواہش ہے میری جگہ آگے کوئی دوسری خاتون بھی وزیر اعلیٰ بنے،خواتین کا ایک دن نہیں ہوتا، 365 دن خواتین کے دن ہوتے ہیں،جو خاتون گھر میں بیٹھی پورے خاندان کو اسپورٹ دیتی ہے وہ گمنام ہیرو ہے،ہمارے نظام میں ابھی بہت سی خرابیاں ہیں،افسوس ہمارے معاشرے میں شکایت کرنے پر پابندیاں خاتوں پر ہی لگتی ہیں،خواتین کے تحفظ کیلئے سیفٹی ایپ بنائی گئی ہے،بچی اپنے گھر اور ماں کی گود سے اعتماد لے کر نکلے گی تو زیادہ طاقتور ہوگی،ماں باپ اور بہن بھائیوں کو چاہیے کہ خواتین میں اعتماد پیدا کریں،
وزیراعلیٰ پنجاب مریم نواز کا کہنا تھا کہ خواتین کو ہراسانی سمیت بہت سے معاملات برداشت کرنا پڑتے ہیں،مسلم لیگ (ن) مرد برتری کی ایک سیاسی جماعت رہی ہے،مجھے بھی اپنا آپ منوانے میں 12سال لگ گئے،مجھے بھی ہراسانی سمیت دیگر معاملات نے کندن بنایا ہے،خواتین زندگی کے کسی بھی شعبے میں کارکردگی دکھانا چاہتی ہیں تو ضرور دکھائیں،افسوس زیادتی کے کیس روز کا معمول بن چکے ہیں، ایک خاتون کو اپنے آپ کو ثابت کرنے کیلئے مردوں سے دوگنا کام کرنا پڑتا ہے۔ مجھے بھی اپنی جماعت میں جگہ بنانے کیلئے بارہ برس بہت زیادہ محنت کرنا پڑی، پابندیاں توڑکرآگے بڑھنے والی خواتین کوسلام پیش کرتی ہوں، مجھے اندازہ ہے خواتیں کن کن مراحل سے گزر کر یہاں پہنچتی ہیں
وزیراعلی پنجاب مریم نواز کی جانب سے خواتین پولیس آفیسر کو اسٹیج پر بلا کر شاباش دی اور کہا کہ ان خواتین نوجوان پولیس آفیسرز کو دیکھ کر بہت زیادہ خوشی ہوتی ہے۔سی ٹی او لاہور عمارہ سے میری ملاقات میٹنگ میں ہوئی تھی آج بھی وہ یہاں موجود ہیں،
قبل ازیں پاکستان کی پہلی خواتین کی سربراہی میں شجر کاری مہم کا آغاز کر دیا گیا،وزیر اعلیٰ مریم نواز شریف نے وویمن ڈے پر پودا لگا کر شجر کاری مہم کا باقاعدہ افتتاح کیا۔وزیر اعلیٰ پنجاب مریم نواز شریف شیخو پورہ کےدرگئی گل فارسٹ پارک پہنچ گئیں ،سینئر صوبائی وزیر مریم اورنگزیب نے بھی برگد کا پودا لگایا.
ایف سی بلوچستان ساؤتھ کی خواتین سولجرز نے کی قومی دفاع میں ایک نئی روایت قائم
خواتین کو مساوی حقوق کی فراہمی حکومت کی ترجیح ہے ،وزیراعظم
قصور میں ایک اور جنسی سیکنڈل،خواتین کی عزت لوٹ کر ویڈیو بنا کر بلیک میل کرنیوالا گرفتار
یومِ خواتین مریم نواز کے نام، تحریر:محمد نورالہدیٰ
خواتین کو با اختیار بنا نے کیلیے صلاحیتوں کو نکھارنے پر کام کرنا ہو گا،نیلوفر بختیار
عورت مارچ رکوانے کے لئے درخواست خارج
عورت مارچ کے خلاف برقع پوش خواتین سڑکوں پر آ گئیں، بے حیائی مارچ نا منظور کے نعرے
عورت مارچ پر پتھراوَ کرنے والوں کے خلاف مقدمہ درج
حنا پرویز بٹ "عورت مارچ” کے حق میں کھڑی ہو گئیں
وویمن ڈے، وویمن سیفٹی ایپ”نیور اگین“ کا افتتاح
وزیر اعلیٰ مریم نواز شریف نے وویمن ڈے کے حوالے سے پنجاب کی خواتین کے لئے بڑے اعلانات کئے اورخواتین کا تحفظ یقینی بنانے کیلئے انٹرنیشنل وویمن سیفٹی ایپ ”نیوراگین“کا افتتاح بھی کیا۔ وزیر اعلیٰ مریم نواز شریف نے خواتین پولیس اور دیگر افسروں کو سٹیج پر ساتھ کھڑا کرکے خطاب کیا۔ وویمن ڈویلپمنٹ ڈیپارٹمنٹ کی تقریب سے خطاب کرتے ہوئے وزیر اعلیٰ مریم نواز شریف نے پنجاب پبلک سروس کمیشن میں خواتین کے جاب کوٹہ کو 10سے بڑھا کر 15فیصد کرنے کا اعلان کیا اور ہر محکمے میں خالی آسامیوں پر خواتین کی بھرتی مکمل کرنے کی ہدایت کی۔
وزیراعلی مریم نواز شریف نے کہا کہ ورک پلیس پر ڈے کئیر سینٹرز بنانے کے لئے ایک ارب روپے کا فنڈ مختص کیا جائے گا۔ورکنگ وویمن کے لئے ہوسٹلز بنائے جائیں گے۔ خواتین کے لئے پیڈ انٹر ن شپ شروع کی جائے گی۔ آن لائن بزنس کے لئے خواتین کو 50فیصدقرضے دیئے جائیں گے۔ بورڈ آف ریونیو بیٹیوں کے حصہ کا تعین کرکے ورثہ کو جائیداد منتقل کرے گا۔ بہن اور بیٹی کو پراپرٹی گفٹ کرنے پر انتقال فیس نہیں لی جائے گی۔ 3دن میں ورکنگ وویمن کے لئے میٹرنٹی لیو منظور کرنے کا قانون بنایا جائے گا۔ جمنیزیم اور سٹیڈیم میں خواتین کے لئے الگ جگہ اور اوقات کار مقررکیے جائیں گے۔ حکومتی اداروں میں خواتین کے لئے الگ واش رومز اور نماز کے لئے جگہ مختص کی جائے گی۔رائیڈر بالخصوص لڑکیوں کو پنک بائیک د ی جائیں گی اور تحفظ کے لئے قانون سازی ہوگی۔یونیورسٹی فیس واپسی میں خواتین کا تناسب 50سے 70فیصد ہوگا۔ انٹر نیشنل سکالر شپ میں خواتین کا تناسب 50سے 70 فیصد ہوگا۔ پنجاب بھر میں دستکاریوں کے فروغ کے لئے صنعت زار کو بحال کیا جائے گا۔
وزیراعلیٰ مریم نواز شریف نے کہاکہ پنجاب بھر میں کمسن بچیوں کی گھریلو ملازمت کے سدباب کے لئے سخت قانون سازی کی جائے گی۔ ماں با پ بیٹیوں کو اعتماد،اعتبار اور مواقع دیں۔ بیٹی یا بہن انجینئر یا ڈاکٹر بننا چاہتی ہے تو اسے بننے دیا جائے۔ بیٹی پڑھنا چاہتی ہے یا کھیلنا چاہتی ہے تو اسے آگے آنا کا موقع ملنا چاہیے۔ اللہ تعالیٰ نے پنجاب کی پہلی خاتون وزیر اعلیٰ ہونے کا اعزاز دیا ہے۔ وزرت اعلیٰ کا اعزاز صرف میرا نہیں بلکہ ہر ماں،بیٹی اور بہن کا ہے۔ یہ اعزاز ہر اس مردکاہے جو اپنی خواتین کو آگے بڑھتے دیکھنا چاہتے ہیں۔ میر ی خواہش ہے کہ وزرات اعلیٰ پر خاتون کے فائز ہونے کاسلسلہ جاری رہے۔ سیکرٹری وویمن ڈیپارٹمنٹ خواتین کا عالمی دن منانے کے لئے بہترین انتظامات کیے ہیں، آپ کا شکریہ کہ دل کی باتیں خواتین سے کرنے کا موقع دیا۔میں سمجھتی ہوں کہ خواتین کا صرف 8مارچ دن نہیں ہے بلکہ سال کے 365 دن ہی خواتین کے ہیں، وزیر اعلیٰ آفس سے آتے ہوئے دیکھا کہ میرے آگے تینوں پائلٹ آفیسر خواتین ہیں۔پائلٹ آفیسر، صباء، عروسہ اوراسماء کے دیکھ کر بہت خوشی ہوئی اور ان کے ساتھ تصاویر بھی بنوائیں۔ سی ٹی او لاہور عمارہ اطہرایک ذہین خاتون ہیں۔ سی ٹی او لاہور عمارہ اطہر ٹریفک کے مسائل حل کے میں بہت فائدہ مند کردار ادا کررہی ہیں۔خواتین ٹریفک وارڈن ہمارے قافلے کو لیڈ کررہی ہیں۔ ایس ایس پی انوش، اے ایس پی سدرہ خان اور شازیہ کو سٹیج پر بلا کر خراج تحسین پیش کرنا چاہوں گی۔خواتین ہر جگہ پر کمال کا کام کررہی ہیں، مجھے دیکھ کر فخر ہوتا ہے۔سینئر وزیر مریم اورنگزیب،صوبائی وزیر عظمیٰ بخاری ہماری ایم این ایز اور ایم پی ایز سب قابل فخر انداز میں فرائض سرانجاد دے رہی ہیں۔ ایک خاتون کو اپنا لوہا منوانے کے لئے مرد سے دو گنا زیادہ محنت کرنی پڑتی ہے۔ مجھے بھی مسلم لیگ ن میں 12سے13سال سخت محنت کرنی پڑی اور ایسے ہی مسائل کا سامنا رہا۔ ہرماں، بہن اور بیٹی کے لئے پیغام ہے کہ عورت ہونا آپ کے خواب میں رکاوٹ نہیں ہوسکتا۔مجھے بہت فخر ہے آپ سب خواتین پر۔ خواتین خصوصاً بچیاں اگر سکول، کالج اور یونیورسٹی میں اعلیٰ تعلیم حاصل کرنا چاہتی ہیں توان کے گھروں والوں کو مکمل ساتھ دینا چاہیے، حکومت معاونت کرے گی۔خواتین میں بہت زیادہ پوٹینشل ہے جسے ملکی ترقی کے لئے استعمال کرنے کی ضرورت ہے۔ماں باپ اور بھائی، اپنی بیٹوں اور بہنوں کو پر اعتماد بنائیں تاکہ بیٹوں کی طرح بیٹیاں اپنے والدین کا نام روشن کر سکیں۔تقریب میں امریکن قونصل جنرل کرسٹین کے ہاکنز کی خصوصی شرکت کی۔سینئر صوبائی وزیرمریم اورنگزیب، ارکان اسمبلی،آئی جی،حکومت پنجاب اور پولیس کی لیڈی افسران کی بہت تعداد بھی اس موقع پر موجود تھی.
وزیر اعلیٰ مریم نواز شریف کی وویمن ڈویلپمنٹ ڈیپارٹمنٹ کی تقریب میں شرکت، سٹالز کا معائنہ،وویمن ڈے بینر پر دستخط،پیغام بھی لکھا
وزیر اعلیٰ پنجاب مریم نواز شریف نے پنجاب وویمن ڈویلپمنٹ ڈیپارٹمنٹ میں خواتین کے عالمی دن کے حوالے سے تقریب میں شرکت کی۔وزیراعلی مریم نواز شریف اپنے آفس سے روانہ ہوئیں تو تین لیڈی وارڈن صباء ،اسماء،عروسہ نے وویمن ڈے کی مناسبت سے پائلٹ کے فرائض سرانجام دئیے۔وزیراعلی مریم نواز شریف نے مقامی ہوٹل میں منعقدہ تقریب میں پہنچنے پر تینوں وارڈن کا شکریہ ادا کیا اور تصویر بنائی۔ وزیر اعلیٰ مریم نواز شریف نے فوڈ اتھارٹی، صنعت زار، قصرہ بہبود،پی آئی ٹی بی اور بینک آف پنجاب کے سٹالز کا معائنہ کیا اور سٹالز پر رکھی اشیاء میں گہری دلچسپی کا اظہار کیا۔پنجاب فوڈ اتھارٹی کے سٹالز پر خواتین کے لئے خوراک اور دیگر امور کے بارے میں معلومات حاصل کیں۔ وزیر اعلیٰ مریم نواز شریف نے دستکاریوں اور ہاتھ سے بنی اشیاء کا معائنہ کیا اور خوبصورت دستکاری سے مزین اجرک نما سوٹ خود ادائیگی کرکے خریدا۔ وزیر اعلیٰ مریم نواز شریف کو بینک آف پنجاب کے سٹالز پر سکوٹی سکیم سے آگاہ کیا گیا۔ بینک آف پنجاب نے خواتین کے لئے مخصوص ناز اکاؤنٹ ہولڈرز کو قرعہ اندازی کے ذریعے تین سکوٹی مفت دیں۔ وزیر اعلیٰ مریم نواز شریف پنجاب سمال انڈسٹری کارپوریشن کے سٹال پر بھی گئیں اور ٹیوٹا کے سٹال پر سلائی کڑھائی اور پینٹنگ کرنے والی طالبات سے بات چیت کی۔ وزیر اعلیٰ مریم نواز شریف نے وویمن ڈویلپمنٹ ڈیپارٹمنٹ کے بینر پر دستخط کیے اور اپنا پیغام لکھاکہ ہر میدان میں نام روشن کرنے والی خواتین پر مجھے فخر ہے۔سینئر صوبائی وزیر مریم اورنگزیب، صوبائی وزیر اطلاعات عظمیٰ زاہد بخاری، ارکان اسمبلی، چیف سیکرٹری اور دیگر حکام بھی موجود تھے۔
