Tag: ہرتیک روشن

بالی وڈ‌ اداکارہ ہرتیک روشن اپنے دونوں بیٹوں کے ساتھ فلم براہمسٹرا کی سکریننگ کے لئے سینما پہنچے واپسی پر ان کے مداحوں نے دیوانہ وار اپنے پسندیدہ اداکار کے ساتھ تصویریں کھچوانا چاہیں. رپورٹس کے مطابق اداکار ہرتیک روشن اور ان کے بیٹے گاڑی میں بیٹھ رہے تھے کہ ایک پرستار آیا اور اس نے سیلفی لینے کےلئے اداکار اور ان کے بیٹے کو ہی پُش کر دیا اور کوشش کی کہ بس اس کی سیلفی بن جائے. اس پر اداکار ہرتیک روشن خفا اور ہوگئے اور انہوں نے کہا کہ ” کیا کررہا ہے تو دھکا تو مت دو ” .اس واقعہ کی وڈیو سوشل میڈیا پر وائرل ہو رہی ہے جس میں دیکھا جا سکتا ہے کہ ہرتیک کے مداح کو کتنی جلدی تھی کہ اسکی سیلفی نہ مس ہوجائے. ہرتیک روشن کے پرسنل گارڈز نے اس بچے کو پیچھے ہٹانا

چاہاتو وہ واپس ہرتیک کی طرف بڑھنا چاہتا تھا جس پر اداکار نے گاڑی کے دروازے کے پاس کھڑے ہو کر کہا کہ ” کیا کررہا ہے تُو؟. یاد رہے کہ آج کل ہرتیک روشن سیف علی خان کے ساتھ اپنی فلم کرم ویدھا کی شوٹنگ میں‌ مصروف ہیں ہرتیک روشن کو اس فلم سے کافی امیدیں وابستہ ہیں سیف علی خان اور ہرتیک روشن پہلی بار بڑی سکرین ایک ساتھ شئیر کررہے ہیں.دونوں کے مداح ان کو ایکساتھ دیکھنےکےلئے کافی پرجوش ہیں.

ہریتک روشن کا شمار بالی وڈ انڈسٹری کے مقبول ترین ستاروں میں ہوتا ہے اور وہ اپنی بہترین اداکاری اور دلکش شخصیت کی وجہ سے مداحوں کے دلوں پر راج کرتے ہیں.ہرتیک روشن نے ثابت کیا ہے کہ وہ ایک بہترین باپ ہیں وہ اکثر اپنے بچوں کے ساتھ وقت گزارتے ہوئے نظر آتے ہیں. ہرتیک روشن کے حوالے سے تازہ اطلاعات یہ ہیں کہ وہ اپنے بچوں، ہریان روشن اور ہریدھان روشن کے ساتھ ممبئی میں فلم برہمسترا کی خصوصی اسکریننگ کے لیے پہنچے۔ہرتیک روشن ہلکے نیلے رنگ کی جینز کے ساتھ زیتون کے سبز سویٹ جیکٹ کے ساتھ سرمئی رنگ کی قمیض پہنے ہوئے تھے ان کے بچے بھی اسپاٹ لائٹ میں تھے جب وہ اپنے والد کے پیچھے چل رہے تھے۔ جب کہ ایک نے سیاہ ٹی شرٹ پہنی ہوئی تھی جبکہ

دوسرے نے جینز کے ساتھ سفید رنگ کی ٹی شرٹ زیب تن کر رکھی تھی. واضح رہے کہ ہریتک روشن کے والد راکیش روشن اور رنبیر کپور کے والد رشی کپور کی آپس میں بہت زیادہ دوستی تھی ان کی گہری دوستی ہی ان دونوں کے تعلق کی خاص پہچان تھی. ہرتیک روشن نے اس دوستی کی روایت کو برقرار رکھتے ہوئے رنبیر کپور کے ساتھ اچھے تعلقات رکھے ہوئے ہیں. ہرتیک روشن سیف علی خان کے سات فلم وکرم ویدھا میں نظر بہت جلد نظر آئیں گے، یہ فلم اسی نام کی تامل فلم کا ریمیک ہے۔ ہریتک روشن سدھارتھ آنند کی ایکشن فلم فائٹر میں بھی کام کریں گے جس میں دیپیکا پڈوکون اور انیل کپور مرکزی کردار ادا کریں گے۔

بونی کپور کے بیٹے اور بالی وڈ اداکار ارجن کپور نے کر لیا ہے اپنی غلطی کا اعتراف ان کا کہنا ہے کہ جب عامر خان کی فلم لال سنگھ چڈھا کے بائیکاٹ کی مہم چل رہی تھی اس وقت ہمیں بولنا چاہیے تھے مجھے افسوس ہے کہ میں کیوں نہیں بولا. ہمارے نہ بولنے کی وجہ سے فلم ناکامی کا شکار ہو گئی اور ایک بڑے طبقے نے فلم نہیں دیکھی. انہوں نے کہا کہ صرف مجھ سے نہیں ہم سب سے غلطی ہوئی ہے کہ ہم بائیکاٹ کے ٹرینڈ پر بولے نہیں. ہم سب بالی وڈ والوں کو چاہیے کہ متحد ہوجائیں اور بائیکاٹ کے ٹرینڈز کی حوصلہ شکنی کریں. کہا جا رہا ہے کہ اکشے کمار بائیکاٹ کے ٹرینڈ پر بولے تھے اس لئے وہ

بھی بائیکاٹ کی مہم کا شکار ہو گئے اور نتیجہ یہ نکلا کہ عامر خان کی فلم لال سنگھ چڈھا کے ساتھ ریلیز ہونے والی فلم رکشہ بندھن بھی بری طرح فلاپ گئی لوگ دیکھنے گئے لیکن ایک بڑے طبقے نے فلم نہ دیکھی. کہا جا رہا ہے کہ جو بھی آرٹسٹ بائیکاٹ جیسی مہم کے خلاف آواز اٹھا رہا ہے اس کی فلم بری طرح ناکامی سے دوچار ہو رہی ہے. ارجن کپور نے جہاں غلطی کا اعتراف کیا وہیں انہوں نے تشویش کا اظہار کیا انہوں نے کہا کہ یہ رجحان بالی وڈ کی فلموں کے لئے زہر قاتل ہو گا ہم سب کو مل کر اس پر بات کرنی چاہیے اور اس ھوالے سے ایک پلیٹ فارم پر اکٹھا ہوجانا چاہیے.

ہرتیک روشن کی سابقہ اہلیہ سوزین خان اور ان کا بوائے فرینڈ ارسلان گونی اکثر سرخیوں میں رہتے ہیں۔دونوں ایک دوسرے کے ساتھ رہ رہے ہیں اور ایک ساتھ چھٹیاں منانے کے لئے باہر کے ملک بھی جاتے ہوئے دکھائی دیتے ہیں.دونوں ہی سوشل میڈیا پر کافی متحرک رہتے ہیں جہاں وہ ایک دوسرے کی پوسٹوں پر تبصرے کرتے رہتے ہیں۔دونوں کی شادی کی خبریں بھی گردش کرتی رہتی ہیں لیکن اس بار ارسلان گونی بھڑک اٹھے ہیں انہوں نےاپنے حالیہ انٹرویو میں کہا ہے کہ وہ سوزین سے کب شادی کریں گے کب نہیں یہ ان کا نجی معاملہ ہے. ”میں اور سوزین شادی کررہے ہیں مجھے سمجھ میں نہیں‌آتی” کہ یہ

خبر کس نے اڑائی ہے. انہوں نے کہا کہ یہ جو خبریں گردش کررہی ہیں میں نہیں جانتا کہ کس طرف سے آئیں ہیں اور کون کررہا ہے میں کسی کو جوابدہ نہیں ہوں، میرا اور سوزین کا ذاتی فیصلہ ہے جب ہم شادی کریں گے سب کو بتا دیں گے.
ارسلان نے یہ بھی کہا کہ انہوں نے جان بوجھ کر اپنی ذاتی زندگی کے بارے میں بات نہ کرنے کا فیصلہ کیا ہے ایسا فیصلہ کرنے کی ایک ہی وجہ ہے کیونکہ میں اپنی ذاتی زندگی کے بارے میں بات کرنا پسند نہیں کرتا .یاد رہے کہ سوزین خان کی شادی اداکار ہرتیک روشن سے ہوئی تھی دونوں کے درمیان طلاق 2014 میں ہوئی تھی. ہرتیک آج کل صبا آزاد کو ڈیٹ کررہے ہیں.

چھوٹے نواب سیف علی خان کا شمار بالی ووڈ کےباصلاحیت اداکاروں میں ہوتا ہے۔ انہوں نے کاک ٹیل، گو گوا گون، دل چاہتا ہے جیسی دیگر فلموں میں اپنی اداکاری کا لوہا منوایا ہے۔سیف علی خان جتنا مرضی اپنے کام میں‌مصروف رہیں لیکن اپنی فیملی کو پورا وقت دیتے ہیں وہ اکثر اپنے بچوں‌کے ساتھ وقت گزارتے ہیں. سیف علی خان نے ہمیشہ جو بھی کیا ہے وہ اس کے بارے میں‌بہت کلئیر رہے انہوں نے بڑے بڑے فنکاروں‌کے ساتھ کام کیا وہ اتنا کام کر چکے ہیں اور ان کا کام کا اتنا تجربہ ہے کہ وہ آج بہت سارے معاملات پر کھل کر بات کر سکتے ہیں.سیف علی خان مانتے ہیں‌کہ وہ جب انڈسٹری میں آئے تھے تو ان کا جو رویہ

یا طرز عمل تھا اس کے نتیجے میں ان کو ناکامی کا سامنا بھی کرنا پڑا. سیف کا خیال تھا کہ سیٹ پر بس اچھا وقت گزارنا ہے اسکے علاوہ انکو کسی چیز کی پرواہ نہیں تھی. اداکار کو جب ہرتیک روشن کے ساتھ فلم ”نہ تم جانو نہ ہم” میں کرنے کی آفر ہوئی تو انہوں نے 2001 کے ایک انٹرویو میں کچھ یہ باتیں کہیں تھیں.انہوں نے اس وقت کہا تھا کہ ہرتیک بہت بڑے سٹار ہیں جو کامیابی اور رتبہ ان کو ملا ہے وہ اتنا آسان نہیں ہوتا اور سٹار بننا ویسے بھی آسان نہیں ہوتا .اداکار نے یہ بھی کہا تھا کہ لاکھوں لوگوں کو متاثر کرنا بھی ایک بات ہوتی ہے. اداکار نے اُس وقت یہ بھی کہا کہ میں جانتا ہو‌ں کہ میک اپ وین میں مجھ سے بڑے اداکار بیٹھے ہیں اور مجھے ابھی بہت طویل سفر طے کرنا ہے. میں ہرتیک کے ساتھ کام کرنے کے حوالے سے اوکے ہوں میرا اس حوالے سے کوئی انا کا مسئلہ نہیں ہے. اس حقیقت سے انکار ممکن نہیں کہ ہرتیک آج ایک بہترین سٹار ہیں اور میں اس بہترین سٹار کے ساتھ کام کرنا چاہوں گا. یاد رہے کہ سیف علی خان آخری بار فلم بھوت پولیس میں نظر آئے تھے.اداکاراب وکرم ویدھا میں ہریتک روشن اور رادھیکا آپٹے کے ساتھ نظر آئیں گے۔ یہ فلم 30 ستمبر 2022 کو ریلیز ہو رہی ہے۔

سوزین خان اور ہرتیک روشن کی جوڑی جب سے ٹوٹی ہے تب سے دونوں اپنی اپنی زندگیوں میں مصروف ہو چکے ہیں. سوزین خان ارسلان گونی کو جبکہ ہرتیک روشن صبا آزاد کو ڈیٹ کررہے ہیں. صبا آزاد اور ہرتیک روشن ھال ہی میں چھٹیاں منانے کی غرض سے بیرون ملک تھے، ان کی ملک واپسی کے بعد یہ خبریں زور پکڑ گئیں کہ یہ جوڑا بہت جلد شادی کے بندھن میں بندھ رہا ہے. انڈیا ٹوڈے میں شائع ہونے والی ایک رپورٹ کے مطابق، "ہریتک روشن اور صبا آزاد خوشگوار تعلقات میں ہیں وہ دونوں ایک دوسرے کے ساتھ بہت خوش ہیں.یہاں تک کہ صبا آزاد کے ہرتیک روشن کے دونوں

بچوں کے ساتھ بھی بہت اچھے تعلقات ہیں۔صبا آزاد اور ہرتیک کے شادی کے بندھن میں جلد ہی بندھنے کی خبروں کے حوالے سے نئی رپورٹس آئی ہیں جن کے مطابق اس جوڑے کا کہنا ہے کہ ہم ایک دوسرے کے ساتھ بہت خوش ہیں اچھا وقت گزار رہے ہیں لیکن فی الحال ہمارا شادی کرنے کا کوئی اردہ نہیں ہے. یاد رہے کہ ہرتیک روشن کی سابقہ اہلیہ سوزین خان اور صبا آزاد کے درمیان دوستی کا تعلق ہے سوزین اکثر و بیش تر صبا آزاد کی تصاویر کے نیچے کمنٹس کرتی ہوئی نظر آتی ہیں وہ باقاعدہ صبا کی خوبصورتی کو سراہتی ہیں. ہریتک روشن کی کافی فلمیں پائپ لائن میں ہیں انہوں‌نے تقریبا تمام بڑی ہیروئینز کے ساتھ کام کیا ہے لیکن ابھی تک دیپیکا پاڈوکون کے ساتھ نظر نہیں آئے لیکن سدھارتھ آنند کی فائٹر میں یہ دونوں شائقین کو ایک ساتھ نظر آئیں گے فلم اگلے سال 28 ستمبر کو سینما گھروں کی زینت بنے گی۔

ہر تیک روشن اور کترینہ کیف نے فلم بینگ بینگ اور زندگی ملے نہ دوبارہ جیسی فلمیں کی ہیں. دونوں کی آن سکرین جوڑی کو خوب سراہا جاتا ہے. ہرتیک روشن بتاتے ہیں کہ انہوں نے کترینہ کیف سے جب کہا کہ آپ ایک مزدور کی طرح کام کرتی ہیں تو انہوں نے بہت برا منایا اور ہرتیک کے اس طرح کے کمنٹ کو اپنی توہین سمجھا. ہرتیک روشن نے کہا کہ میں نے کترینہ کیف کے لئے مزدور کا لفظ اس لئے استعمال کیا کیونکہ وہ ناقابل یقین حد تک نیک نیتی سے کام کرتی ہیں کام میں کھو جاتی ہیں میرے حساب سے وہ ان بہترین مزدوروں اور کارکنوں میںسے ایک ہیں جن سے میں نے کبھی ملاقات کی ہے،ہرتیک روشن نے کہا کہ کترینہ خوبصورت ہیں نازک دکھائی دیتی ہیں لیکن اندر سے وہ ایک مزدور ہیں اور ایسی مزدور جو بہت محنتی ہے اور جس کے ساتھ کام کرنا آسان ہے. ہرتیک نے کہا کہ میرے ان الفاظ کو کترینہ توہین کے طور پر لیتی ہے اسے ایسا نہیں کرنا چاہیے بلکہ میری بات کا مطلب سمجھنا چاہیے.
یاد رہے کہ کترینہ کیف نے 2003 میں اپنا کیرئیر شروع کیا انہوں نے اپنے دور کے تمام بڑے ہیروز کے ساتھ کام کیا ان کی سپر ہٹ فلموں میں بینگ بینگ، ایک تھا ٹائیگر، زندگی نہ ملے گی دوبارہ، عجب پریم کی غضب کہانی، نمستے لندن، اور دیگر شامل ہیں۔ بار بار شامل ہیں.کترینہ نے ہر فلم کے ساتھ ثابت کیا کہ وہ ایک باصلاحیت اداکارہ ہیں.

بھارتی اداکارہ کنگنا رناوت اپنے الٹے سیدھے بیانات کی وجہ سے بھارتی میڈیا کی توجہ کا مرکز بنی رہتی ہیں. کنگنا بغیر سوچے سمجھے کچھ بھی بول دیتی ہیں ، انہوں‌نے کئی بار ایسا کیا اور کئی بار تو انہیں‌سخت ذلت کا سامنا بھی کرنا پڑا. انہوں نے جاوید اختر کے بارے میں بھی الٹے سیدھے بیانات دئیے اور دعوے کئے تو انہوں نے کنگنا پر ہتک عزت کا دعوی کر دیا اب مقدمہ زیر سماعت ہے. کنگنا نے عدالت کو بتایا ہے کہ جاوید اختر چاہتے تھے کہ میں اداکار ہرتیک روشن سے معافی مانگوں اور اگر میں‌نے ایسا نہیں کیا تو مجھے سنگین نتائج بھگتنے پڑیں گے.کنگنا نے تو یہاں تک کہہ دیا کہ جاوید اختر نے انہیں‌ یہاں تک کہہ دیا تھا کہ اگر اس نے ہرتیک سے معافی نہ مانگی تو اسے بہت زیادہ بدنام کر دیاجائیگا اتنا بدنام کر دیا جائے گا کہ سوائے خود کشی کے کوئی راستہ سمجھ نہیں‌آئیگا. اداکارہ نے کہا کہ وہ جاوید اختر

کی کسی قسم کی دھمکی میں‌ نہیں آئی. لیکن انہوں نے مجھے شدید قسم کی ذہنی اذیت دی . یاد رہے کہ ہرتیک روشن پر کنگنا رناوت نے دھوکہ دینے کا الزام لگایا تھا انہوں نے ایک انٹرویو میں‌کہا تھا کہ وہ ہریتک سے شادی کرنا چاہتی تھیں اور دونوں کے درمیان اس بارے میں بات بھی ہوئی تھی۔ کنگنا نے یہ بھی کہا تھا کہ
ہریتک نے اپنی بیوی سے طلاق کے بعد کنگنا سے وعدہ کیا تھا کہ وہ سے شادی کریں گے لیکن بعد میں پہچاننے سے بھی انکار کر دیا۔

ہرتیک روشن اور سوزین خان کی خوبصورت جوڑی کو بہت پسند کیا جاتا تھا، ہرتیک کی جب پہلی فلم آئی اُس وقت اس رومینٹک جوڑے کے بہت چرچے تھے.دونوں نے سال 2000 میں شادی کر لی. لیکن 2014 میں ان دونوں نے اپنے راستے الگ کر لئے دونوں کے دو بیٹے ہیں. دونوں اب اپنی اپنی زندگیوں میں آگے بڑھ چکے ہیں.ہرتیک روشن صبا آزاد کے جبکہ سوزین اپنے بوائے فرینڈ ارسلان کے ساتھ کافی خوش دکھائی دیتے ہیں. ہرتیک روشن اور سوزین خان اکثر ایکدوسرے کے ساتھ دکھائی دیتے ہیں اور دونوں اپنے پارٹنرز کے ساتھ ہوتے ہیں. گزشتہ رات سوزین خان نے ایک پارٹی میں‌ شرکت کی اس پارٹی میں سوزین کا بوائے فرینڈ ارسلان اور سابق شوہر ہرتیک روشن بھی موجود ہے. سوزین نے پارٹی کی تصویر انسٹاگرام پر شئیر

کی ،تصویر میں سونالی باندرے بھی کھڑی نظر آرہی ہیں. اس سے قبل یہ دونوں اپنے پارٹنرز کے ساتھ گوا میں چھٹیاں منانے بھی گئے تھے. سوزین خان ہرتیک روشن کی گرل فرینڈ صبا آزاد کی خوبصورتی کی اکثر تعریف کرتی بھی نظر آتی ہیں گزشتہ دنوں صبا آزاد نے اپنی ایک تصویر سوشل میٍڈیا پر جاری کی تو سوزین نے کمنٹ کے زریعے ان کی خوبصورتی کی تعریف کی . یاد رہے کہ سوزین خان اور ہرتیک روشن کے درمیان علیحدگی کی کئی وجوہات سامنے آئیں ایک وجہ ماڈل و اداکار ارجن رامپال بھی بتائے گئے. کہا جاتا رہا کہ سوزین جلد ہی ارجن کے ساتھ شادی کر لیں گی لیکن ایسا نہ ہوا اور دونوں کبھی بھی ایکساتھ دکھائی نہیں‌دئیے.

اداکارہ کترینہ کیف نے کی ہرتیک روشن کے داڑھی والے روپ کی تعریف اور یہ تعریف ان کو پڑ گئی مہنگی کیونکہ ان کےشوہر کو ہرتیک کی اس طرح کھل کر تعریف کرنے کا انداز شاید پسند نہیں آیا. رپورٹس کے مطابق کترینہ کیف نے اپنی انسٹاگرام سٹوری میں ہرتیک روشن کی ایک وڈیو لگائی جس میں وہ ایکشن کرتے ہوئے دکھائی دے رہے ہیں اورکترینہ نے اس وڈیو میں‌ ہرتیک کے انداز اور ان کی داڑھی کو بہت سراہا بلکہ اس روپ سے پیار کا اظہار کیا. ان کی اس سٹوری کے بعد ان کے شوہر نے دیا رد عمل اور وہ رد عمل بھی انہوں نے دیا سیدھا سوشل میڈیا پر. اپنی اہلیہ کترینہ کیف سے کہا کہ ہمیں اس پر بات کرنے کی ضرورت ہے.

یوں وکی کوشل کے اس رد عمل نے لوگوں کو چونکا دیا اور وہ ہوئے حیران کہ کترینہ نے اپنے ساتھی اداکار کی صرف تعریف ہی کی ہے اور ان کے شوہر کو انکی یہ تعریف ہضم نہیں‌ہوئی. وکی کوشل کے اس رد عمل کے بعد سوشل میڈیا پر کافی تبصرے کئے جا رہے ہیں. یاد رہے کہ وکی کوشل اور کترینہ کیف کی محبت کی شادی ہے اور اس شادی کی تقریبات میں دبنگ سلمان خان آگے آگے رہے. کترینہ کیف نے بالی وڈی میں‌اپنا نام اور مقام بہت جلد بنا لیا تھا حالانکہ ان کو ہندی زبان پر مہارت نہیں تھی لیکن وقت کے ساتھ ساتھ انہوں نے خود امپورو کیااور آج وہ نہ صرف اچھی ہندی بول لیتی ہیں بلکہ ان کا شمار بالی وڈ کی بہترین اداکارائوں میں ہوتا ہے.