لاہور: وزیراعظم شہباز شریف کے خلاف ہرجانے کے کیس میں بانی پی ٹی آئی عمران خان کی جانب سے گواہوں کو تحریری گواہی دینے کی اجازت دینے کے خلاف درخواست لاہور ہائیکورٹ میں ناقابل سماعت قرار دے دی گئی۔ لاہور ہائیکورٹ کے جسٹس چودھری محمد اقبال نے یہ فیصلہ سنایا۔

عمران خان نے اپنے وکیل کے ذریعے درخواست دائر کی تھی جس میں یہ موقف اختیار کیا گیا تھا کہ وزیراعظم شہباز شریف کے خلاف 10 ارب روپے ہرجانے کا دعویٰ دائر کیا گیا تھا، تاہم انہیں ٹرائل میں طلب نہیں کیا گیا۔ عمران خان نے کہا کہ ٹرائل کورٹ کا فیصلہ حقائق کے برعکس ہے اور عدالت نے گواہوں کو تحریری صورت میں گواہی دینے کی اجازت دی ہے جو کہ غلط تھا۔ ان کا کہنا تھا کہ گواہ کمرہ عدالت میں آ کر گواہی دیں، اور ٹرائل کورٹ کے فیصلے کو کالعدم قرار دیا جائے۔اس درخواست پر گزشتہ روز لاہور ہائیکورٹ نے فیصلہ محفوظ کیا تھا اور آج عدالت نے اسے ناقابل سماعت قرار دیتے ہوئے عمران خان کی درخواست کو مسترد کر دیا۔

شہباز شریف نے درخواست میں کہا تھا کہ عمران خان نے میرے اوپر دھرنہ ختم کرنے کے حوالے سے پیسے دینے کا بے بنیاد الزام عائد کیا، عمران خان نے کروڑوں روپے آفر کا بے بنیاد الزام عائد کیا،عمران خان کیخلاف 8 جولائی 2017 کو ہرجانے کا دعویٰ دائر کیا گیا تھا۔شہباز شریف نے عمران خان کے خلاف دس ارب روپے ہرجانے کا دعویٰ دائر کر رکھا ہے ، شہباز شریف نے یہ درخواست وزیراعظم عمران خان کی25 اپریل 2017 میں شوکت خانم ہسپتال میں تقریر کے خلاف دائر کی تھی تقریر میں عمران خان نے الزام عائد کیا تھا کہ انہیں پاناما کیس پر خاموشی اختیار کرنے کے عوض 10 ارب روپے کی پیشکش کی گئی تھی.بعدازں عمران خان نے ایک انٹرویو کے دوران مالی پیشکش کرنے والے شخص کا نام تو نہیں بتایا البتہ ان کا کہنا تھا کہ وہ شخص وزیراعلیٰ پنجاب شہباز شریف کا بہت قریبی ہے جولائی 2017 میں شہباز شریف کی جانب سے تحریک انصاف کے چیئرمین اور عمران خان کے خلاف 10 ارب روپے ہرجانے کا دعویٰ دائر کیا گیا تھا.

عمران کے چھ، بشریٰ کی ایک مقدمے میں‌عبوری ضمانت میں توسیع

توہین الیکشن کمیشن کیس،عمران خان کو پیش نہ کیا جا سکا،سماعت ملتوی

فحش فلم اداکارہ سے تعلقات،ٹرمپ کی سزا کیخلاف درخواست مسترد

پاکستانی نژاد امریکی کاروباری شخصیت ضیاء چشتی نے نیریٹیوز (Narratives) میگزین اور اس کے ایڈیٹر عامر ضیاء کے خلاف جھوٹے، ہتک آمیز اور بدنیتی پر مبنی الزامات پر ہتک عزت کا مقدمہ جیت لیا ہے

ایڈیشنل ڈسٹرکٹ جج لاہور نے اپنے فیصلے میں کہا کہ ” میگزین نے ضیاء چشتی پر سنگین الزامات لگاکر ان کی ساکھ کو نقصان پہنچایا، میگزین اپنے دفاع میں ٹھوس ثبوت پیش نہ کرسکا، نیریٹیوز میگزین ضیاء چشتی سے معافی مانگے، وضاحت شائع کرے اور بطور ہرجانہ 50 لاکھ روپے بھی دے،میگزین کے ایڈیٹر نے عدالت کا فیصلہ چیلنج کرنے کا اعلان کیا ہے۔

نیریٹیو میگزین نے ضیا چشتی کے خلاف سنگین الزامات عائد کیے تھے، ان کے خلاف جنسی بدانتظامی اور سیکیورٹیز اور دیگر کارپوریٹ قوانین کی خلاف ورزی کے الزامات کا حوالہ دیا تھا۔ ضیا چشتی ایک سیریل ٹیک انٹرپرینیور ہیں جنہوں نے Invisalign ڈینٹل بریسس کے پیچھے ملٹی بلین ڈالر کی کمپنی کی بنیاد رکھی اور ملٹی بلین ڈالر کی مصنوعی ذہانت کمپنی Afiniti کی بنیاد رکھی۔ صدر مملکت ممنون حسین نے ضیا چشتی کو 2018 میں ستارہ امتیاز سے نوازا۔

عدالت نے اپنے فیصلے میں کہا کہ ضیا چشتی کو بغیر کسی بنیاد اور بددیانتی کی وجہ سے بدنام کیا گیا۔ جج محمد فرحان نبی نے کہا کہ نیریٹیو میگزین نے اپنے دفاع میں کوئی قابل اعتبار ثبوت پیش نہیں کیا، اور میگزین نے ضیا چشتی کی ساکھ کو شدید نقصان پہنچایا۔

ضیا چشتی نے عدالتی فیصلے کے بعد کہا کہ "مجھے انصاف فراہم کیا گیا میں عدالت کا شکر گزار ہوں۔ میں اپنے خاندان اور اپنے قریبی دوستوں کا بھی شکریہ ادا کرنا چاہتا ہوں جنہوں نے غیر معمولی مشکل وقت میں میرا ساتھ دیا۔ یہ بہت سے کیسز میں سے پہلا کیس ہے جو میں جیتا ہوں.

ہارورڈ کے پروفیسر ایمریٹس اور معروف قانونی چارہ جوئی کرنے والے ایلن ڈرشووٹز نے کارروائی میں ذاتی دلچسپی لی۔ انہوں نے تبصرہ کیا: "پاکستان میں عدالت کا فیصلہ ضیا چشتی کے اس موقف کی توثیق کرنے والا پہلا فیصلہ ہے کہ ان کے خلاف صرف الزامات ہیں، میں نے چشتی صاحب کو مشورہ دیا اور دلچسپی سے اس کیس کی پیروی کی۔ یہ مسٹر چشتی کی طرف سے لائے گئے ہتک عزت کے مقدمات کے وسیع تر سیٹ کا حصہ ہے، جس میں امریکہ میں ان پر الزام لگانے والے کے خلاف اور برطانیہ میں ٹیلی گراف کے خلاف مقدمہ بھی شامل ہے۔

اس کیس میں ضیاچشتی کی نمائندگی بیرسٹر فیصل نواز نے کی۔ فیصل نواز کا کہنا تھا کہ مجھے اس کیس میں ضیا چشتی کی نمائندگی کرنے پر فخر ہے، اور انصاف ہوتا دیکھ کر خوشی ہوئی۔ جیسا کہ عدالت نے فیصلہ دیا ہے، نیریٹیو میگزین نے غلط بیانی سے کام لیا عامر ضیاء نے جھوٹی خبریں شائع کرنے سے پہلے کبھی جناب چشتی سےرابطہ نہیں کیا.