Tag: ہمایوں سعید

اداکار و پرڈیوسر ہمایوں سعید نے اپنے ایک حالیہ انٹرویو میں کہا ہے کہ جب تک میرے پرستار میرے لئے ٹکٹ خرید کر سینما کا رخ کرتے رہیں گے میں کام کرتا رہوں گا جس دن انہوں نے میرے لئے ٹکٹ خریدنا چھوڑ دی یا میرے لئے سینما گھر آنا چھوڑ دیا اس دن میں خود پیچھے ہٹ جائوں گا اور کام نہیں‌کروں گا. میرے پرستار چاہتے ہیں‌کہ میں‌ کام کروں اس لئے کام کررہا ہوں.ہمایوں سعید نے اپنی فلم لندن نہیں‌جائونگا کے حوالے سے بات کرتے ہوئے کہا کہ یہ فلم دل سے بنائی ہے اس کی ساری کاسٹ نے بہت محنت کی ہے اور خلیل الرحمان قمر نے بہت خوبصورت انداز میں کہانی لکھی ہے یقینا شائقین کو

پسند آئیگی. ہمایوں سعید نے کہا کہ میں نے کبھی اپنی کسی فلم کے بارے میں‌بڑے بڑے دعوے نہیں‌کئے میں تو بہت نروس ہوتا ہے کہ پتہ نہیں‌فلم لوگوں کو پسند آئیگی یا نہیں. ہمایوں سعید نے مزید یہ بھی کہا میں‌تین سال میں اداکاری کا ایک پراجیکٹ کرتا ہوں بطور پرڈیوسر مجھے سال کے دس گیاراں ڈرامے بنانے ہوتے ہیں یہ ذمہ داری کافی بڑی ہے اس لئے اداکاری کم کم کرتا ہوں وقت ہی نہیں‌ہوتا،. بھارت میں جا کر مہیش بھٹ کی دوستی میں ایک فلم میں‌کردار کیا تھا لیکن اس کے بعد ابھی تک جو بھی آفر آئی مصروفیت کی وجہ سے قبول نہیں‌کی. ہمارے اپنے ملک میں ہی اتنا کام اور مصروفیت ہے کسی دوسرے ملک جا کر کیا کام کریں .

ہمایوں سعید کی فلم لندن نہیں‌ جائونگا جو کہ عید الاضحی پر ریلیز ہونے جا رہی ہے اسکا پریس میٹ آج کے دن لاہور میں رکھا گیا تھا لیکن اسے موخر کر دیا گیا ہے. اس حوالے سےکہا جا رہا ہے کہ لندن سے فنکاروں کو واپسی کے ٹکٹ کا ایشو ہو رہا ہے اور سٹار کاسٹ کی عدم دستیابی ہے. ہماری اطلاعات کے مطابق ہمایوں سعید اور مہوش حیات دبئی میں ہیں جبکہ کبری خان لندن میں‌ ہیں. پہلے ہمایوں سعید کی طرف سے کہا گیا کہ وہ آج کے دن لاہور پہنچ کر پریس میٹ میں‌پہنچیں گے. ساری تیاریاں مکمل کی جا چکی تھیں اور میڈیا کو کوریج کے دعوت نامے بھی بھیجے جا چکے تھے لیکن عین ٹائم پر اس پریس میٹ کو موخر کر دیا گیا ہے. نئی تاریخ کا اعلان پوری

سٹار کاسٹ کی دستیابی پر کیا جائیگا. لندن نہیں‌جائونگا کی پرموشن کے لئے پچھلے چند دن سے پوری کاسٹ لندن مینں موجود تھی لیکن ہمایوں سعید اور مہوش حیات دبئی آچکے ہیں کبری خان کے بارے میں اطلاعات یہی ہیں وہ لندن میں‌ ہیں.کہا جا رہا ہے کہ جب تک سٹار کاسٹ پوری نہیں ہو گی پریس میٹ یا لاہور میں پرموشنز شروع نہیں‌ہوں گی.یاد رہے کہ لندن نہیں‌جائونگا پنجاب نہیں‌جائونگی کا ری بوٹ ہے اسے ندیم بیگ نے ڈائریکٹ کیا ہے اور ہمایوں سعید کے ساتھ اس میں گوہر رشید بھی نظر آرہے ہیں جبکہ کبری خان اور مہوش حیات اہم کردار کر رہی ہیں.

پاکستان ٹی وی کے سنہرے دور کے سنہرے آرٹسٹ محمود اختر خاصے علیل ہیں ان کی صحیتابی کے لئے دعائیں کی جا رہی ہیں فنکار ان کی صحیتابی کی دعاﺅں والی پوسٹیںلگا رہے ہیں ۔حال ہی میں معروف اداکار نبیل ظفر نے انسٹاگرام پر محمود اختر اور تنویر جمال دونوں کی تصویر شئیر کرتے ہوئے لکھا کہ اللہ تعالی ان دونوں کو جلد از جلد صحیتاب کرے ۔تاہم ہمایوں سعید نے بھی دونوں اداکاروں کی صحیتابی کے لئے دعا کی ۔

یاد رہے کہ اداکار،پرڈیوسر اور شاعر محمود اخترنے 1974میں اپنے کیرئیر کی شروعات کی اور پہلا ڈرامہ ہی ادکار عابد علی کے ساتھ کیا ۔ان کے مشہور ڈراموں میں ہوائیں ،گل رعنا،انار کلی ،جورو کا غلام،ہوائیں و دیگر قابل ذکر ہیں ۔انہوں نے ایم کام کر رکھا ہے ،محمود اختر نے بینک اور پی آئی اے میں ملازمت بھی کی ۔محمود اختر بھارتی اداکار نوازالدین صدیقی کے بہت بڑے مداح ہیں کہا جاتا ہے کہ محمود اختر بھارتی فلم کی شوٹنگ کےلئے بیرون ملک تھے وہاں ان کو ہارٹ اٹیک آیا تو نوازالدین صدیقی نے ان کی بہت خدمت کی اسلئے وہ نوازالدین کی بہت عزت کرتے ہیں اور ان کو سراہتے ہیں ۔محمود اختر کے کام میں ورائٹی دیکھی جا سکتی ہے انہوں نے ہر کردار دل سے کیا اور ایسا کیا کہ آج تک یاد کئے جاتے ہیں ڈرامہ سیریل ہوائیں میں ان کا کردار ان کے پرستار آج بھی نہیں بھولے۔

اداکار ہمایوں سعید اور مہوش حیات جو آج کل ”لندن نہیں جاﺅنگا “ کی پرموشنز کے سلسلے میں مختلف ٹی وی شوز میں جا رہے ہیں گزشتہ دونوں ایک شو میں شریک ہوئے ان دونوں سے میزبان نے سوال کیا کہ آپ دونوں خود کو کیسے فٹ رکھتے ہیں تو مہوش حیات بولیں کہ میں تو زیادہ پروٹین لیتی ہوں گندم ، چینی چاول کا استعمال زیاد ہ نہیں کرتی ،جاگنگ کرتی ہوں ڈائیٹ پلان پر پورا عمل کرتی ہوں بالکل بھی بے احتیاطی نہیں کرتی۔ہمایوں سعید نے کہا کہ میری جب بھی کسی فلم کی شوٹنگ شروع ہونی ہوتی ہے میں شوٹنگ سے دس دن پہلے ڈائٹنگ شروع کر دیتا ہوں ،اس کے علاوہ کھانے میں بھی کمی کر دیتا ہوں یوں میرا وزن کافی حد تک کم ہوجاتا ہے اور یہ پریکٹس میں ہر بار کرتا ہوںہر بار اچھے نتائج برآمد ہوتے ہیں ۔

یاد رہے کہ ہمایوں سعید اور مہوش حیات کی فلم ”لندن نہیں جاﺅنگا“ ریلز کے لئے تیار ہے اور اس کے لئے فلم کی پوری کاسٹ پرموشنز کررہی ہے ،فلم کا ٹریلر ریلز ہو چکا ہے جو کہ کافی دلچپسپ ہے ،فلم کے پوسٹر پر جو تصویر ہے اس میں ہمایوں سعید دھوتی قمیض زیب تن کرکے گھوڑے پر سوار ہیں جبکہ مہوش حیات ایک ماڈرن لڑکی کا کردار نبھاتی ہوئی دکھائی دے رہی ہیں۔کبری خان بھی اہم کردار میں ہی نظر آرہی ہیں ۔یاد رہے کہ فلم کی ڈائریکشن ندیم بیگ نے کی ہے۔

ہمایوں سعید جن کو ہر عمر کے لوگ بے پناہ پسند کرتے ہیں ،پردے پر بے شک وہ سنجیدہ کرداروں میں نظر آتے ہیں لیکن ذاتی زندگی میںکافی ہنسی مذاق کرنے والے انسان ہیں ۔ ہنسی مذاق میں کچھ ایسی باتیں بھی کہہ جاتے ہیں کہ جو ان کے پرستاروں کے لئے دلچپسی کا باعث بنتی ہیں ۔ایسی ہی ایک بات انہوں نے گزشتہ روز کہہ دی۔ ہمایوں سعید نے کہا کہ کچھ لڑکیوں کو یقینا تھور کا مرکزی کردار پسند ہے لیکن میںاتنا جانتا ہوں کہ لڑکیاں مجھے اور فہد مصطفی کو بہت زیادہ پسند کرتی ہیں ۔ہمایوں سعید نے یہ بات اس وقت کہی جب وہ کسی تقریب میں شریک تھے ۔ان کی کہی ہوئی یہ بات سوشل میڈیا پر دلچپسی کا باعث بن گئی ۔لوگ اپنے اپنے انداز سے اس بات پر کمنٹ کررہے ہیں اور زیادہ تر صارفین ہمایوں سعید کی اس بات سے اتفاق کرتے ہوئے محظوظ ہورہے ہیں ۔

یاد رہے کہ فہد مصطفی اور ہمایوں سعید دونوں ہی ٹاپ کے پرڈیوسر بھی ہیں ان دونوں کے درمیان دوستی تو کسی سے ڈھکی چھپی نہیں ہے ۔ فہد اور ہمایوں دونوں کی فلمیں عید الاضحی پر ریلیز ہو رہی ہیں دونوں فلموں کے ٹریلر جا ری ہو چکے ہیں ٹریلر دیکھ کر شائقین کافی پسند بھی کررہے ہیں ۔فہد مصطفی کی قائداعظم زندہ باد اور ہمایو ں سعید کی لندن نہیںجاﺅنگا کی ریلیز کا شدت سے انتظار کیا جا رہا ہے فلموں کی ٹریلر لانچ پر دونوں پراجیکٹس سے جڑے لوگ کافی پر امید دکھائی دئیے ۔

اداکارہ میرا جو اپنی گفتگو کی وجہ سے اکثر خبروں میں رہتی ہیں اورصحافیوں کی بھی کوشش ہوتی ہے کہ میرا سے کوئی نہ کوئی ایسا سوال کیا جائے کہ جس کا جواب وائرل ہو اور میرا کے کیا ہی کہنے وہ کسی بھی بات پہ جواب دینے سے نہیں رکتیں ۔حال ہی میں فلمسٹار میرا نے ہمایوں سعید کی فلم لندن نہیں جاﺅنگا کے لئے دعائیں مانگی ہیں ان کا کہنا ہے کہ میری دعا ہے کہ فلم کامیابی سے ہمکنار ہو ،انہوں نے شائقین سے اپیل کی کہ اس فلم کو دیکھنے کے لئے ضرور جائیں میں بھی دیکھنے جاﺅں گی ۔

یاد رہے کہ فلم لندن نہیں جاﺅں گا میں مرکزی کرداروں میں ہمایوں سعید ،مہوش حیات اور کبری خان ہیں ۔ہدایتکاری ندیم بیگ کی ان کا حال ہی میںڈرامہ صنف آہن اور اس سے قبل میرے پاس تم ہو آیا تھا دونوں ڈراموں نے کامیابی کے ریکارڈز قائم کئے ۔ندیم بیگ اور ہمایوں سعید کی جوڑی جب بھی کسی پراجیکٹ میں ساتھ آتی ہے وہ ہٹ ثابت ہوتا ہے ۔مہوش حیات اور ہمایوں سعید کی جوڑی تو ویسے ہی بہت پسند کی جاتی ہے ڈرامہ سیریل دل لگی ہو جوانی پھر نہیں آنی ۔رپورٹس ہیں کہ دونوں کا ڈرامہ ایک ساتھ ڈرامہ میں منٹو نہیں ہوں بہت جلد آن ائیر جائیگا ۔

عید الاضحی پر ریلیز کی جانے والی فلم ’’لندن نہیں جائونگا‘‘ کا ٹریلر آج کراچی میں لانچ کر دیا گیا ہے۔تقریب میں ہمایوں سعید ،ندیم بیگ ،علی رحمان خان ، واسع چوہدری ،ثنا شاہنواز، گوہر رشید ،مہوش حیات و دیگر نے شرکت کی۔ ہمایوں سعید،واسع چوہدری ، گوہر رشید دھوتی پہنے ہوئے تھے۔فلم کی پوری کاسٹ کا کہنا تھا کہ فلم دیکھ کر آپ سب بہت محظوظ ہوں گے اور امید ہے کہ پچھلی فلموں کی طرح اس فلم کو بھی پسند کریں گے۔ لندن نہیں جائونگا کے ٹریلر لانچ میں ہمایوں سعید اور ندیم بیگ نے سرمد سلطان کھوسٹ کی ڈائریکشن میں بننے والی فلم ’’ کملی‘‘ کی تعریف کی اور تالیاں بھی بجائیں۔

یاد رہے کہ لندن نہیں جائونگا کی ہدایتکاری ندیم بیگ نے کی ہے لکھی خلیل الرحمان قمر نے ہے۔ دو روز قبل ہمایوں سعید نے اپنے سوشل میڈیا اکائونٹ سے فلم کا پوسٹرجاری کیا تھا۔ ٹریلر لانچ ہو چکا ہے اور شائقین فلم دیکھنے کےلئے کافی پرجوش بھی ہیں۔ فلم میں ہمایوں سعید ایک پنجابی کے کردار میں جبکہ کامیڈین سہیل احمد اہم کردار میں نظر آرہے ہیں۔ سہیل احمد اور ہمایوں سعید کی جوڑی کو فلم پنجاب نہیں جائوں گا میں بھی کافی سراہا گیا تھا۔

ڈرامہ سیریل ” منٹو نہیں ہوں “ کا پوسٹر جا ری کیا گیا ہے اس پر اداکار ہمایوں سعید کی تصویر ہے پوسٹر دیکھ کر شائقین ڈرامے کے آن ائیر جانے کا شدت ست انتظار کرنے لگے ہیں ۔اے آروائی پر چلنے والے اس ڈرامے کی کاسٹ میں ہمایوں سعید کے علاوہ مہوش حیات اور مایا علی مرکزی کرداروں میں نظر آئیں گی ۔کہانی خلیل الرحمان قمر نے لکھی ہے جبکہ ہدایتکاری ندیم بیگ نے کی ہے ۔ کہانی ہمایوں سعید ،مہوش حیات اور مایا علی کے گرد گھومتی ہے ،ڈرامے میںایکشن ،رومینس اور جذبات دیکھنے کو ملیں گے ۔
یاد رہے کہ ہمایوں سعید کے ساتھ مہوش حیات کا ڈرامہ ”دل لگی“ جو کہ اے آر وائی پرپانچ سال پہلے چلا تھا نے دھوم مچا دی اس سال کا یہ سب سے بڑا ہٹ ڈرامہ قرار پایا تھا یوں ان دونوں کی جوڑی کو شائقین خاصا پسند کرتے ہیں اسی طرح سے ان کی فلم پنجاب نہیں جاﺅں گی اور جوانی پھر نہیں آنی نے بھی شائقین کے دل جیت لئے تھے دونوں فلموں نے باکس آفس پر اچھا بزنس کیا تھا.

مایا علی جنہوں نے علی ظفر کے ساتھ طیفا انٹربل میں کام کیا ان کی فلم بھی ہٹ ثابت ہوئی تھی اسی طرح سے انہوں نے ڈرامہ سیریل من مائل میں مرکزی کردار ادا کیا ۔یوں ان تینوں فنکاروں کو عوام بے ھد پسند کرتی ہے اب دیکھنا یہ ہے کہ تینوں کی جوڑی کیا رنگ لاتی ہے ۔ہمایوں سعید کا ڈرامہ ”میرے پاس تم ہو“ نے کامیابی کے سارے ریکارڈز توڑ دئےے تھے یہاں تک کہ ا س ڈرامے کی آخری قسط سینما میں دکھائی گئی تھی اس ڈرامے کے بعد اب ہمایوں سعید کسی ڈرامے میں نظر آنے جا رہے ہیں۔

سب جانتے ہیں‌ کہ ہمایوں سعید اور صبا قمرعمران خان کو بہت زیادہ سپورٹ‌ کرتے ہیں اور ان کی حنمایت میں بات بھی کرتے رہتے ہیں لیکن حیرت کی بات یہ ہے کہ آج جب عمران خان لوگوں کا سمندر لیکر اسلام آباد کی طرف رخ کررہے ہیں ان دونوں اداکاروں‌ کے ٹویٹر اکائونٹس بالکل خاموش دکھائی دے رہے ہیں اب سوال یہ ہے کہ عمرا ن خان کو دل و جان سے سپورٹ کرنے والے یہ فنکار کیا چھبیس تاریخ کو ان کے ساتھ اسلام آباد میں‌موجود ہوں گے؟ شان شاہد جو ایک عرصے سے جب بھی ٹویٹر پر آتے ہیں عمران خان کی تصویر کے ساتھ ٹویٹ کرتے ہیں اور لکھتے ہیں کہ آپ پاکستان کی آخری امید ہیں آج انہوں نے لانگ مارچ کے حوالے سے تو کوئی ٹویٹ نہیں کیا نہ ہی لوگوں‌ کو موٹیویٹ کیا کہ آپ لانگ مارچ میں شریک ہوں‌یا کل میں بھی اسلام آباد میں موجود ہوں گا بس عمران خان کی ایک تصویر لگا کر اتنا لکھا کہ ”حق پر ڈٹے ہوئے جھکتے نہیں” . ایسے ہی صبا قمر بھی عمران خان کے حق میں بولتی ہیں انہوں نے بلکہ اپنے حالیہ انٹرویو میں کہا کہ عمران خان نے پاکستان کے حق میں بہت اچھے فیصلے کئے ہیں اسلئے میں ان کو سپورٹ کرتی ہوں ان کا ٹویٹر اکائونٹ بھی آج کے دن لانگ مارچ کے حوالے سے خاموش ہے.ا ہمایوں سعید نے تو لانگ مارچ کے حوالے سے کوئی ایک ٹویٹ بھی نہیں کی انہوں‌نے آج کے دن صرف ایک ٹویٹ‌ری ٹویٹ‌کیا ہے.