Tag: ہم ٹی وی

لاہور میں ہونے والے سہہ روزہ برائیڈل کٹیور ویک کا گزشتہ روز آغاز ہوا. فیشن شو میں پہلے روز نو فیشن ڈیزائنرز نے اپنی اپنی کلیکشن متعارف کروائی. جن میں فہد حسین ، حارث شکیل ، دیپک اینڈ فہد ، شعیب اسماعیل ، علی حیدر ، کنول ملک ، منیب نواز ، ریما احسن اور ذونیا انور کے نام شامل ہیں. جو سلیبرٹیز ان ڈیزائنرز کے شوز کی شوسٹاپر بنیں ان میں ،حریم فاروق ، سرمد سلطان کھوسٹ‌، صبور علی اور علی انصاری ، محسن اور منال خان ، آئزہ خان اور دیگر کے نام شامل ہیں. اس بار ریمپ پرایک چیز مختلف کی گئی ، گلوکاروں کو بلوا کر ان سے ریمپ

واک کے دوران پرفارمنس کروائی گی ، سحر گل اور کیو بی کی پرفارمنس نے سماں باندھ دیا. سرمد سلطان کھوسٹ نے ڈیزائنر منیب نواز کےلئے ریمپ پر واک کی اور یہ پہلا موقع رہا کہ جب سرمد کسی ڈیزائنر کے شوسٹاپر بنے. گزشتہ چند برسوں کی طرح اس بار بھی ماڈلز میں نئے چہرے دیکھنے کو نہ ملے ، گیتی آراء ، مہرین سید ، آمنہ بابر و دیگر ریمپ پر اپنی جلوے ضرور بکھیرتی رہیں لیکن نیا چہرہ کوئی بھی نظر نہ آسکا. یہ فیشن شو ہم ٹی وی نے آرگنائز کیا تھا اور سلطانہ صدیقی اس موقع پر کراچی سے خاص طور پر لاہور تشریف لائیں. شوکے انتظامات بڑے پیمانے پر کئے گئے.

گزشتہ ماہ پاکستان کو سیلاب کی آفت نے آن گھیرا ہر حوالے سے بڑے پیمانے پر نقصان ہوا ہے. پوری دنیا میں اس سیلاب کی وجہ سے تشویش کی لہر دوڑ گئی.یہی وجہ ہے کہ ہالی وڈ اداکارہ انجلینا جولی پاکستان تشریف لائی ہیں اور سیلاب زدہ علاقوں کا دورہ کررہی ہیں. ہم ایوارڈز جو کہ پہلے سے ہی طے کئے جا چکے تھے کہ کینڈا میں 24 ستمبر کو انجام پائیں گے. یوں ایوارڈز کے انعقاد کی تاریخ اور تیاریاں پہلے سے ہی چل رہیں تھیں ٹکٹیں بھی آرٹسٹوں کو موصول ہو چکی تھیں. اسلئے ان ایوارڈز کا رکنا ناممکن تھا ورنہ بہت بڑے پیمانے پر نقصان ہوجاتا. لیکن ہم ٹی وی پر اس موقع پر ایوارڈز کا انعقاد کروانے پر بہت زیادہ تنقید ہو رہی ہے. ایسے میں ہم ٹی وی کو وضاحت دینی پڑ گئی ہے اس نے ایک نوٹ

جاری کرتے ہوئے کہا ہے کہ ہم پہلے بھی اعلان کر چکے ہیں کہ ہم ایوارٍڈز کے پلیٹ فارم کو ہم سیلاب متاثرین کے لئے فنڈز اکٹھے کرنے کے لئے استعمال کررہے ہیں. ہم ٹی وی نے یہ بھی کہا ہے کہ ہم گالا نائٹ بھی کروا رہے ہیں اور اس سے حاصل ہونے والی رقم کو سیلاب زدگان کے نام کر دیا جائیگا. یوں ہر طرف سے بے انتہا تنقید کے بعد ہم ٹی وی کو اپنا موقف دینا پڑا یوں انہوں نے کلئیر کر دیا ہے کہ وہ وہاں سیلاب زدگان کو نہیں بھولے ان کے لئے فنڈز اکٹھے کررہے ہیں.

پاکستان میں حالیہ سیلاب سے ہونے والی تباہی نے ایک تاریخ رقم کر دی ہے، سینکڑوں لوگ موت کے منہ میں جا چکے ہیں ، گھر اور دیہات صفحہ ہستی سے مٹ چکے ہیں. ایسے میں ہر کوئی اپنے تائیں جتنا ہو سکے سیلاب زدگان کی مدد کررہا ہے. ہم ٹی وی بھی اس میں پیچھے نہیں رہا. ہم ٹی وی کے سی ای او درید قریشی نے اعلان کیا ہے کہ وہ ہم ایوارڈز کینڈا کے پلیٹ فارم کو سیلاب متاثرین کیلئے فنڈز اکٹھا کرنے اور ٹکٹوں کی فروخت سے حاصل ہونے آمدنی کا ایک حصہ امداد اور بحالی کی کوششوں کیلئے عطیہ کریں گے. انہوں نے یہ اعلان ہمدرد فنڈ ریزنگ ٹیلی تھون کے دوران کیا .اس سے پہلے بھی ہم نیٹ ورک نے سیلاب متاثرین کےلئے فنڈز اور اشیائے ضروریہ کے لئے ٹیلی تھون کا اہتمام کیا جس کی میزبانی احسن خان‘

صنم جنگ اور کرن خان نے کی تھی. اس میں مختلف شعبہ ہائے زندگی سے تعلق رکھنے والے افراد نے عوام سے اپیل کی کہ وہ سیلاب زدگان کی مدد کریں. یاد رہے کہ پاکستان کی تاریخ میں ایسا بدترین سیلاب پہلے کبھی نہیں آیا جیسا اس بار آیا ہے. سیلاب زدگان کھلے آسمان کے نیچے امداد کے منتظر بیٹھے ہوئے ہیں . اس سیلاب کی تباہ کاریوں کی متعدد وڈیوز سوشل میڈیا پر موجود ہیں یہ تمام وڈیوز دل دہلا دینے والی ہیں.