سندھ حکومت نے آثار قدیمہ اور ہیریٹیج عمارتوں کی حفاظت کیلئے ایک ارب روپے کا فنڈ قائم کرنے کا فیصلہ کیا ہے۔
باغی ٹی وی: وزیرسیاحت، ثقافت، آثار قدیمہ و نوادرات سردارشاہ کا کہنا ہے کہ آثار قدیمہ اور ہیریٹیج عمارتوں کی حفاظت کیلئے فنڈ کی رقم سے آثار قدیمہ کے تحفظ، مرمت اور بحالی میں مدد ملے گی۔
پاکستان ڈالر کا ایکسچینج ریٹ مارکیٹ کےمطابق کرے،آئی ایم ایف
صوبائی وزیر ثقافت اور نوادرات سردار شاہ کی زیر صدارت اجلاس ہوا جس میں 1 ارب روپے کا فنڈ قائم کرنے کا فیصلہ کیا گیا اجلاس کے اعلامیے کے مطابق اینڈومینٹ فنڈ کی مدد سے آثار قدیمہ کے تحفظ، مرمت اور بحالی میں مدد ملے گی۔
صوبائی وزیر سردار شاہ نے کہا کہ اینڈومینٹ فنڈ میں پرائیویٹ سیکٹر کی شراکت کو بھی خوش آمدید کہا جائے گا بین الاقوامی اداروں کو بھی فنڈ میں حصہ لینے کی دعوت دیں گے، فنڈ سے ثقافتی ہنر کی ترویج، تربیت، تحقیق کرنے والوں کی بھی مدد کرنا ممکن ہوسکے گا۔
سردار شاہ نے مزید کہا کہ اینڈومینٹ فنڈ فار آرکیالوجیکل سائٹس اینڈ ہیریٹیج بلڈنگز کے لیے 25 کروڑ روپے بھی جاری ہو چکے۔