Tag: یاسر حسین

اداکار و میزبان اور لکھاری یاسر حسین اپنے نامناسب بیانات کی وجہ سے کافی مشہور ہیں دوسری طرف ان کی اہلیہ اقراء عزیز اتنا ہی سوچ سمجھ کر بولتی ہیں کبھی انہوں نے ایسا بیان نہیں دیا کہ جس کے بعد انہیں ٹرول کیا جائے. لیکن یاسر حسین باز نہیں آتے. حال ہی میں ان کو پروگرام ہنسا منع ہے میں بطور مہمان مدعو کیا گیا اس میں ان سے پوچھا گیا کہ انہیں کیوں لگتا ہے کہ نعمان اعجاز کو ایکٹنگ چھوڑ دینی چاہیے. یاسر حسین نے کہا کہ جی میں نے بالکل کہا ہے کہ نعمان اعجاز کو ایکٹنگ چھوڑ دینی چاہیے، وجہ بتاتے ہوئے انہوں نے کہا کہ میری نعمان اعجاز سے بہت زیادہ دوستی ہے ، ہمارا آپس میں کافی ہنسی مذاق بھی ہے ، ایک دن میری ان سے بات ہو رہی تھی تو میں نے ان سے کہا کہ میں شوز میں جاتا ہوںٕ

تو مختلف سوال پوچھے جاتے ہیں جواب نہ دینے پرکبھی مرچیں کھانی پڑتی ہیں اور کبھی تیل پینا پڑتا ہے تو مجھے سمجھ نہیں آتی کہ کیا کروں ، ایک سوال تو بہت زیادہ پوچھا جاتا ہے کہ کس کو ایکٹنگ چھوڑ دینی چاہیے تو میں کسی کا بھی نام لوں گا تو یقینا وہ ناراض ہو جائیگا تو بندہ کرے تو کیا کرے ، تو نعمان اعجاز نے کہا کہ یار تم میرا نام لے دیا کرو میں مائنڈ نہیں‌کروں گا ، اسلئے میں نے کہا کہ نعمان اعجاز کو ایکٹنگ چھوڑ دینی چاہیے انہوں نے مزید کہا کہ نعمان اعجاز سے پاکستان میں کوئی دوسرا بڑا اداکار نہیں ہے.

یاسر حسین کی اہلیہ اور اداکارہ اقرا عزیز اپنی بےمثال اداکاری کی وجہ سے ہیں‌ہر دلعزیز . انہوں نے نہایت کم عرصے میں وہ شہرت سمیٹی جو کسی نئے آنے والےفنکار کا خواب ہی ہوسکتی ہے. اقرا عزیز نے حال ہی میں ایک انٹرویو دیا ہے اس میں میزبان نے اقرا سے کیوریس curious کا معنی پوچھا تو اقرا عزیز نہیں‌بتا سکیں . پروگرام کے میزبان نے ان کو بہت موقع دیا لیکن وہ نہیں‌ بتا سکیں. اقرا عزیز نے کہا کہ میں اس لفظ کا مطلب نہیں‌بتا سکی میں آج گھر جائوں گی تو میرے شوہر کے ہاتھوں‌میری خیر نہیں. یاسر مجھے بہت ڈانٹیں گے. اقرا کے اس انٹرویو

کے بعد سوشل میڈیا پر دلچسپ تبصرے ہوئئے زیادہ تر نے یہی کہا ہےکہ ایسا لگتا ہے کہ اداکارہ کو انگلش نہیں‌آتی. کسی نے کہا کہ انہیں انگلش آتی ہے لیکن وہ انگلش لفظ کا اردو نہیں‌بتا پائیں . جبکہ کسی صارف نے کہا کہ کسی لفظ کا مطلب نہ آنے کا مطلب یہ نہیں ہے کہ کسی کو انگریزی نہیں آتی. یاد رہے کہ فیروز خان پر جب ان کی سابقہ اہلیہ نے تشدد کرنے کے الزامات لگائے تو اقراء عزیز ہی وہ پہلی اداکارہ تھیں جنہوں نے انکے ساتھ کام کرنے انکار کر دیا تھا اور کہا تھا کہ میں ایسے شخص کے ساتھ کام نہیں‌کر سکتی جو عورتوں کی عزت نہیں‌کرتا ان پر ہاتھ اٹھاتا ہے.

اداکار اور میزبان یاسر حسین ہیں بہت پریشان کیونکہ ان کے پاس جو پیسے تھے وہ ہو چکے ہیں ختم . بقول یاسر حسین ان کے پاس جتنے بھی پیسے تھے انہوں نے اس کی گاڑی خرید لی ہے. تفصیلات کے مطابق یاسر حسین نے اپنی سالگرہ کے موقع پر اپنی پسند کی ایک گاڑی خریدی اور گاڑی کافی مہنگی ہے. یاسر حسین نے اس گاڑی کی تصویر سوشل میڈیا پر شئیر کرکے لکھاکہ میری سالگرہ کے موقع پر میں نے خود کو ایک گاڑی گفٹ کی ہے اور یہ میری پسند کی گاڑی ہے میرے پاس جتنے پیسے تھے میں نے گاڑی پر لگا دئیے اور اب میرے پاس پیٹرول ڈلوانے کے لئے بھی پیسے نہیں ہیں کیا کروں. یاسر حسین کی اس پوسٹ کے بعد انہیں ان کے مداحوں کی جانب سے مختلف مشورے دینے کا سلسلہ شروع ہو گیا اور

ان کے مداحوں نے بتایا کہ وہ اس مشکل گھڑی میں کیا کریں. یاد رہے کہ یاسرحسین کا شمار ان شوبز سلیبرٹیز میں ہوتا ہے جو بغیر سوچے سمجھے بول دیتے ہیں . لیکن پچھلے کچھ عرصے سے یاسر احتیاط سے بات کررہے ہیں . دوسری طرف انہوں نے فیروز خان کے گھریلو تشدد والے معاملے میں واضح پوزیشن لیتے ہوئے اداکار کا بائیکاٹ کرنے کا اعلان کیا ان کی اہلیہ اقراء عزیز نے بھی فیروز خان کے ساتھ پراجیکٹس کرنے سے منع کر دیا ہے.

چھوٹی سکرین کی بڑی اداکارہ جنہوں نے اداکار فیروز خان کے ساتھ کام کرنے سے انکار کرنے کی وجہ بتاتے ہوئے حالیہ انٹرویو میں کہا ہے کہ میں فیروز خان کے ساتھ کام کرکے ریلیکس محسوس نہیں‌کرتی تھی اس لئے میں نے ان کے ساتھ کام کرنے کا فیصلہ پہلے ہی کر لیا تھا اور مجھے اس فیصلے پر کوئی پچھتاوا نہیں ہے جس کو ان کے ساتھ کام کرنا ہے وہ کرے میں نہیں کرنا چاہتی جب مجھے اس کے ساتھ کام کرکے ذہنی سکون نہیں‌ملتا میں کیوں کام کروں. جس کو میرے فیصلے پر اعتراض ہے رہے میں اپنی مرضی کی مالک ہوں. یہاں تک کہ میں اور میرے شوہر یاسر‌حسین ایک دوسرے کے فیصلوں پر اثر انداز نہیں ہوتے وہ اپنی رائے اور مرضی کے مطابق بات کرتے ہیں اور میں اپنی مرضی اور موڈ کے مطابق بیان دیتی ہوں یا

فیصلے کرتی ہوں . انہوں نے کہا کہ مجھے فی الحال فلموں کی آفر نہیں آئی اور بھارت سے تو بالکل بھی فلموں کی آفر نہیں آئی میں بلاوجہ جھوٹ نہیں بول سکتی کہ مجھے آفر آئی تھی لیکن میں نے کام نہیں‌کیا. مجھے میرے ملک نے بہت عزت دی ہے لیکن یہ بات بھی ساتھ ہے کہ فنکار اور فن کی کوئی سرحد نہیں ہوتی. یاد رہے کہ گھریلو تشدد کے الزامات کے بعد اقرا عزیز نے فیروز خان کے ساتھ کام کرنے سے انکار کر دیا تھا اور حالیہ انٹرویو میں اس فیصلے کی وجہ بھی بتا دی ہے.

اداکار یاسر حسین جو کوئی نہ کوئی ایسی بات کہہ دیتے ہیں کہ خبروں میں آجاتے ہیں. یاسر اقرا سے بے حد محبت کرتے ہیں اور اپنی بیوی اور بیٹے کو لیکر کافی حساس ہیں. یاسر حسین نے حال ہی میں فیروز خان کے معاملے پر اپنی رائے دی ہے اور کہا ہے کہ آج اگر میں اپنی بیوی پر ہاتھ اٹھائوں گا تو نوے فیصد چانسز ہیں کہ میرا بیٹا بھی کل کو اپنی بیوی پر ہاتھ اٹھائے اسکو جانوروں‌کی طرح مارے گا. میاں بیوی میں لڑائی جھگڑا ہونا نارمل بات ہے لیکن ایک دوسرے کو جانوروں کی طرح مارنا نارمل نہیں ہے، میں گھریلو تشدد کے سخت خلاف ہوں ، پھر وہ چاہے عام انسان کرے یا کوئی سٹار کرے. ، میری دعا ہے کہ علیزے اور اسکی فیملی کو جلد از جلد انصاف ملے. علیزے اللہ

آپ کو جلد مشکلات سے نکالے اور آپ کی زندگی میں‌سکون لائے. یاسر حسین کی اس جذباتی پوسٹ کے بعد سوشل میڈیا صارفین نے طرح طرح‌کے کمنٹس کئے اور زیادہ تر نے فیروز خان کے خلاف ہی بات کی ان کے تشدد کے عمل پر تنقید کی اور کہا کہ ان کا بائیکاٹ کیا جائے کوئی بھی ان کے ساتھ کام نہ کرے. یاد رہے کہ یاسرحسین عورتوں کی آزادی کے قائل ہیں‌یہی وجہ ہے کہ انہوں نے اپنی اہلیہ کو کام کرنے سے منع نہیں کیا.

دا لیجنڈ آف مولا جٹ جس جس نے بھی دیکھی ہے خصوصی طور پر شوبز سٹارز نے تو انہوں نے تعریف ہی کی ہے. عدنان صدیقی کے بعد امر خان اور نہ جانے کئی سٹارز ابھی تک دا لیجنڈ آف مولا جٹ کی کھل کر تعریف کر چکے ہیں. اب یاسر حسین بھی آگئے ہیں میدان میں انہوں نے بھی دا لیجنڈ آف مولا جٹ کی کھل کر تعریف کی ہے انہوں نے تو یہاں تک کہہ دیا ہے کہ اگر 1992 کے ورلڈ کپ کے بعد کوئی اچھی چیز ہوئی ہے تو وہ ہے دالیجنڈ آف مولا جٹ کا بننا اور پھر اسکا ریلیز ہونا. یاسر حسین نے کہا کہ مولا جٹ کی ہیروئین ماہرہ خان ہی ہوسکتی

تھی. انہوں نے یہ بھی کہا کہ ناصر ادیب نے کمال انداز میں ایک بار پھر مولا جٹ کو لکھا ہے. انہوں نے انسٹاگرام اکائونٹ پر یہ بھی لکھا کہ مولا جٹ کا کریکٹر بہت مشکل کریکٹر تھا. سلطان راہی کے بعد اس کردار کو کرنا ناممکن تھا لیکن فواد خان نے یہ کردار کیا اور یہ ہمارے جدید دور کے مولا جٹ ہیں. نوری نت ہوں یا ، نئیر اعجاز ، حمائمہ ملک ، گوہر رشید سب نے اپنی اپنی جگہ بہت اچھا کام کیا ہے. ریشم اور بابر علی کی اینٹری بھی زبردست ہے. بلال لاشاری نے بہت اچھی ڈائریکشن کی ہے عمارہ حکمت کی پروڈکشن اور ناصر ادیب کی رائٹنگ نے فلم کو چار چاند لگا دئیے ہیں . سب کو یہ فلم دیکھنی چاہیے.

جاوید اقبال ٹو بننے جا رہی ہے اور اس چیز کی تصدیق یاسر حسین نے اپنے انسٹاگرام اکائونٹ پر فلم کے سیکوئل کا پوسٹر شئیر کر کے کیا ہے. فلم کو 2023 میں ریلیز کیا جائیگا . جاوید اقبال میں یاسر حسین نے مرکزی کردار ادا کیا تھا جبکہ جاوید اقبال پارٹ ٹو میں بھی یاسر حسین ہی مرکزی کردار ادا کریں گے. یاسر حسین نے اپنی پوسٹ کا ایک کیپشن یوں لکھا ” میری نئی فلم کا انتطار کیا جائے، جس میں شائقین پوری اور مکمل کہانی دیکھ سکیں گے”۔فلم بنانے کے لئے حوالے سے فلمساز اور او ٹی ٹی کے درمیان معاملات طے پا چکے ہیں.

جاوید اقبال جس کوابو علیحہ نے ڈائریکٹ کیا تھا اس کے سیکوئل کو بھی وہی ڈائریکٹ کریں گے. ان کا کہنا ہےکہ اس بار جاوید اقبال سینما کے لئے نہیں‌بلکہ او ٹی ٹی پلیٹ فارم کے لئے بنائی جا رہی ہے اس میں‌صحیح سٹوری کو دکھایا جائیگا.ابو علیحہ کی جاوید اقبال کو آج تک پاکستانی سنیماز میں‌ریلیز نہیں‌کیا گیا اس لئے وہ سمجھتے ہیں کہ اس بار انہیں پاکستانی سینما اور فلم سنسر بورڈ‌کے پاس جانا چاہیے. جاوید اقبال ٹو میں یاسر حسین کے علاوہ باقی کاسٹ میں کون ہو گا اس بارے میں ابھی تک کچھ نہیں بتایا گیا اور نہ اس حوالے یاسر حسین اور ڈائریکٹر ابو علیحہ نے معلومات فراہم کی ہیں.

اداکار اور اقراء عزیز کے شوہر یاسر حسین اکثر سوشل میڈیا پر ایسی پوسٹیں کرتے رہتے ہیں کہ جن کو پڑھ کر بے اختیار ہنسی آجاتی ہے. یاسر حسین اکثر اپنے ناقدین کو بھی جواب دیتے رہتے ہیں اور جواب بھی ایسا دیتے ہیں کہ یہ گِھر جاتے ہیں کنٹرورسی میں. ھال ہی میں یاسر حسین نے اپنے انسٹاگرام اکائونٹ سے ایک پوسٹ جاری کی پوسٹ میں انہوں نے ایک تصویر لگائی اور تصویر میں‌یاسر حسین اپنی اہلیہ اقراء عزیز کو اٹھائے ہوئے ہیں اور انہوں نے

اس کا کیپشن لکھا کہ ” بے بی کہتا ہوں تو سچ میں خود کو بے بی سمجھ لیا ، گھر پہ کبیر اور یہاں یہ ” اور ساتھ ہی انہوں نے دل والا ایموجی بھی بنایا. یاسر حسین کی اس پوسٹ اور اس کیپشن کو بہت زیادہ سراہا جا رہا ہے . سوشل میڈیا صارفین طرح طرح کے دلچپسپ تبصرے کررہے ہیں. یاد رہے کہ اقراء حسین یاسر حسین کی نسبت زرا سوشل میڈیا سے دور ہی رہتی ہیں لیکن یاسر حسین تو سوشل میڈیا کا ریگولر استعمال کرتے ہیں. حال ہی میں یاسر حسین نے کینڈا میں ہم ایوارڈز کی ہوسٹنگ کی اس پہ بھی ان کو سوشل میڈیا صارفین نے آڑھے ہاتھوں لیا جس پر یاسر حسین کو کہنا پڑا کہ جیسے تو اور ہر کوئی کام کرتا ہے ویسے ہی میں بھی کام کرتا ہوں ابے اپنے کام سے کام رکھ نا.

کینڈا میں ہونے والے ہم ٹی وی کے ایوارڈز پر مسلسل تنقید جاری ہے، ہمارے فنکاروں‌کو سوشل میڈیا پر ٹرول کیا جا رہا ہے، حال ہی میں ایک سوشل میڈیا صارف نے لیا یاسر حسین کو سوشل میڈیا پر آڑھے ہاتھوں لکھا کہ ”دوسروں کو تو بہت بھاشن دیتے ہو ہر چیز میں اب کی بار خود منہ اٹھا کر کنیڈا چلے گئے” ۔ اس کے جواب میں یاسر حسین نے لکھا کہ کام سے آیا ہوں بھائی جیسے تو جاتا ہوگا کام پہ، جیسے کرکٹ ٹیم میچ کھیل رہی ہے، جیسے سنیما کا ٹکٹ بیچنے والا اپنا کام کر رہا ہے اور باقی سب بھی، ویسے تو بھی اپنے کام سے کام رکھ نا۔یاسر حسین کے اس کمنٹ کے بعد بہت سارے سوشل میڈیا صارفین نے یاسر حسین کا ساتھ دیا لیکن بہت ساروں نے تنقید بھی کی لیکن ان کی اور اقراء عزیز کی دوست سجل

علی آگئیں میدان میں اور سوشل میڈیا پر ایک سٹوری پوسٹ کی جس میں انہوں نے لکھا کہ ” صحیح ” یعنی سجل علی نے اپنے ساتھی فنکار کی حمایت کی اور ان کے جواب کو بالکل ٹھیک قرار دیا. ہم ایوارڈز کی تقریب کو ملک میں آنے والے حالیہ سیلاب کی وجہ سے تنقید کا نشانہ بنایا جا رہا ہےبہت سارے سوشل میڈیا صارفین نے تو یہاں تک مطالبہ کر دیا تھا کہ ایوارڈز کی تقریب کا بائیکاٹ کر دیا جائے.