لاہور: گزشتہ رات مینار پاکستان جلسے میں پاکستان تحریک انصاف کے چیئرمین عمران خان کی تقریر کے دوران کئی رہنما اورکارکن پنڈال چھوڑ کر چلے گئے-

باغی ٹی وی : عمران خان کی تقریر کے دوران پنڈال چھوڑ کر جانے والوں میں ڈاکٹر یاسمین راشد،قاسم سوری،راجہ بشارت اور پرویز خٹک شامل ہیں جب میڈیا نمائندے نےڈاکٹر یاسمین راشد سے سوال کیا کہ ابھی عمران خان کی تقریر جاری ہے، آپ آپ تقریر چھوڑ کر جا رہی ہیں؟ کارکنان بھی واپس جا رہے ہیں کیا معاملہ ہے؟ پہلی دفعہ ایسا ہو اہے تو یاسمین راشد نے کہا کہ میں بالکل تقریر چھوڑ کر نہیں جا رہی میری طبیعت ٹھیک نہیں،میرا خیال ہے کہ یہ کوئی ایسی بات نہیں اب آپ خبربنائیں گے؟

عثمان ڈار چنگچی رکشے میں بیٹھ کر مینار پاکستان پہنچے،ویڈیو

یہ ہی سوال سابق ڈپٹی اسپیکر اور پی ٹی آئی رہنما قاسم سوری سے کیا گیا تو انہوں نے جواب دیا کہ عمران خان کی تقریر ختم ہو چکی ہے تو ہی میں جا رہا ہوں واپس-

معشیت کو ٹھیک کرنے کیلئےعمران خان نے 10 نکاتی پلان پیش کر دیا

لاہور:نگران وزیر اطلاعات پنجاب عامر میر کا کہنا ہے کہ پاکستان تحریک انصاف کے کارکن علی بلال عرف ظل شاہ کے کیس میں عمران خان اور یاسمین راشد بھی گرفتار ہوں گے۔

باغی ٹی وی: عامر میر نے نجی ٹی وی سے گفتگو کے دوران کہا کہ ظل شاہ کیس پر یہ کہانی بنانے اور جوڑنے کی کوشش کر رہے ہیں، آپ ظل شاہ کی لاش کو اسپتال چھوڑ کر بھاگ کیوں گئے، تین دن سے پتہ تھا تو چھپ کیوں رہے تھے-

ظل شاہ کی والدہ نے پی ٹی آئی کو بیٹے کا قاتل قرار دے دیا

عامر میر نے کہا کہ یہ بات ثابت ہو گئی ہے کہ خان صاحب اس معاملے میں رنگے ہاتھوں پکڑے گئے ہیں، عمران خان شرمندہ ہونے کے بجائے مزید ریلیوں کی کال اور جوڈیشل کمیشن کا مطالبہ کر رہے ہیں۔

انہوں نے کہا کہ جوڈیشل کمیشن تو ایسے معاملے میں بنتا ہے جہاں کوئی ابہام اور تنازع ہو، کیس کے تمام شواہد اور ثبوت موجود ہیں، شواہد مٹانے اور مسخ کرنے کے جرم کی کوشش کا مقدمہ درج ہو چکا ہے، ایک آدھ دن میں پولیس گرفتاری کرے گی، اس کیس میں راجہ شکیل زمان، یاسمین راشد اور عمران خان بھی گرفتار ہوں گے انہوں نے مل جل کر سب کچھ کیا ہے۔

ہنگامی لینڈنگ کرنیوالاغیر ملکی طیارہ 2 روز بعد کراچی سے دبئی روانہ

لاہور میں دفعہ 144 کے نفاذ کے حوالے سے نگران وزیر اطلاعات کا کہنا تھا لاہور میں تین بڑے ایونٹ ہونے جا رہے تھے تو تحریک انصاف نے ریلی کا اعلان کر دیاکوئی بھی سیاسی جماعت 8 مارچ یا آج کوئی بھی سیاسی سرگرمی کرتی تو اسے روک دیا جاتا، اس معاملے کا تحریک انصاف اور ن لیگ سے موازنہ نہ کریں میرا نہیں خیال کہ کل لاہورمیں دفعہ 144 لگے گی، کل تحریک انصاف ریلی نکالنا چاہتی ہے تو ضرور نکالے۔

میری گرفتاری کی صورت میں پارٹی کی پلاننگ تیار ہے،عمران خان

پی ٹی آئی ورکر ظل شاہ کی ہلاکت سے متعلق سوال پر پی ٹی آئی رہنما ڈاکٹر یاسمین راشد گڑبڑا گئیں-

باغی ٹی وی: نجی خبررساں ادارے کے پروگرام میں ظل شاہ کی موت کے حوالے سے گفتگو کرتے ہوئے ڈاکٹر یاسمین راشد نے کہا کہ ظل شاہ کو اسپتال لانے والی گاڑی کے مالک کا 2 دن پہلے سے پتہ تھا-

عمران خان کا کل لاہور میں انتخابی ریلی کی قیادت کا اعلان

میزبان نے کہا کہ میڈٰیا کو کیوں نہیں بتایا؟ جس پر یاسمین راشد گڑبڑا گئیں اور کہا کہ آپ کا کیا خیال ہے کہ میں صرف سوشل میڈٰیا دیکھتی ہوں میرے پاس اور بھی کرنے کیلئے بہت سے کام ہیں،جھوٹ پر جھوٹ پھیلایا جا رہا ہے-

پنجاب کی سابق صوبائی وزیر صحت اور تحریک انصاف کی رہنما یاسمین راشد ظل شاہ کی موت کے بارے میں جانتے ہوئے بھی خاموش رہیں انہوں نے ظل شاہ کی موت کا علم ہونے کے باوجود اسکو چھپائے رکھا اور وجہ نہ بتائی بلکہ تحریک انصاف کی پروپیگنڈہ ٹیم کا حصہ بنی رہیں جو پولیس پر الزامات لگاتی رہی۔ عوامی حلقوں نے یاسمین راشد کے خلاف کاروائی کا مطالبہ کیا ہے تو دوسری جانب پنجاب کے نگران صوبائی وزیر اطلاعات عامر میر کا کہنا ہے کہ یاسمین راشد کو اس کیس میں گرفتار کیا جا سکتا ہے

یاد رہے کہ نگران وزیراعلیٰ پنجاب محسن نقوی اور آئی جی پنجاب عثمان انور نے مشترکہ پریس کانفرنس کرتے ہوئے دعویٰ کیا کہ ظلِ شاہ کی موت گاڑی کی ٹکر سے ہوئی، جس گاڑی میں اس کی لاش اسپتال لائی گئی اس کا مالک پی ٹی آئی سینٹرل پنجاب کا رکن راجا شکیل ہے، اسی نے یاسمین راشد کو معلومات دی کہ گاڑی سے بندہ ہٹ ہوا، یاسمین راشد نے راجا شکیل کو کہا آپ میرے ساتھ کل زمان پارک چلیں، ڈرائیور کو گاڑی میں چھوڑ کر راجا شکیل یاسمین راشد کے ساتھ زمان پارک گئے، وہاں یہ سازش رچائی گئی۔

انہوں نے کہا کہ ڈرائیور کو گاڑی میں چھوڑ کر راجا شکیل یاسمین راشد کے ساتھ زمان پارک گئے، یاسمین راشدزمان پارک کےاندرگئیں اورباہر آکر راجاشکیل کوکہاکہ بے فکر ہوجائیں۔

بعد ازاں نگراں وزیراعلیٰ پنجاب اور آئی جی پنجاب کی پریس کانفرنس کے ردعمل میں ویڈیو لنک سے خطاب میں عمران خان نے عمران خان نے ظل شاہ کی کار حادثے میں ہلاکت کے بیان کو مسترد کردیا اور کہا کہ ظل شاہ کو پولیس نے دوران حراست تشدد کرکے شہید کیا۔

صوبائی وزیرسردار عبدالرحمان کھیتران رہا

عمران خان کا کہنا تھا کہ ظل شاہ کوشہید کیاگیا میں اس کی ویڈیوزسوشل میڈیا پردیکھتا رہا،26 سال کی سیاست میں مشکل سے مشکل وقت آیا 25 مئی کو بھی ہمارے کارکنوں پر بڑا ظلم ہوا 11سال کے بچے کو پکڑ کر لے گئے خواتین پر تشدد کیا گیا، 25 مئی کو ہمارے دو کارکن شہید کیے گئے تب بھی یہ درندے پولیس والے تھے-

انہوں نے کہا کہ ظل شاہ کی شہادت سے صرف مجھے نہیں قوم کو تکلیف ہوئی، 25 مئی کو انھوں نے ظل شاہ کا بازو توڑ دیا تھا وہ اپنی دنیا میں رہنے والا شخص تھا، پولیس اسے وین میں ڈال کر لے گئی، ڈیڑھے گھنٹے اس کے ساتھ کیا کیا؟ بعدازاں اس کی لاش سڑک سے ملی ذہن نہیں مانتا کہ یہ کس طرح کے درندے تھے، ظل شاہ کی تصویریں دیکھیں اس کے ساتھ ظلم کرکے لاش سڑک پر پھیینکی گئی ظل شاہ کے جسم پر 60 جگہ تشدد کے نشانات ہیں،ایسے شخص کو وزیراعلیٰ بنایا گیا جس کے ذہن میں ہمارے خلاف زہر تھا،پہلے یہ ظل شاہ کا قتل مجھ پر ڈال رہے تھے آج یہ پریس کانفرنس میں کہتے ہیں کہ ظل شاہ کے ساتھ حادثہ ہواہے-

ایم پی اے سردار یار محمد رند کے فرزند کے قافلے پر حملہ،دو محافظ جاں بحق ایک زخمی

لاہور: پی ٹی آئی کارکن اورسنئیر رہنما یاسمین راشد کی نوشین نامی پی ٹی آئی کارکن کے ساتھ ایک مبینہ آیڈیو لیک ہوئی ہے جس میں پی ٹی آئی کا گھناؤںا چہرہ سامنے آیا ہے-

باغی ٹی وی: پی ٹی آئی کا رکن نوشین یاسمین راشد سے کہتی ہیں کہ آپ سے ڈسکشن کرنی تھی لیڈیز کو رات گئے تک زمان پارک میں نہیں رکنا چاہیئے-

یہ آتی ہی شام کو ہیں دن کو آتی ہی نہیں اور پھر یہ ساری رات 1 ڈیڑھ 2 بجے تک مردوں کے خیموں میں گھسی رہتی ہیں،میں نے آج ان کی حوصلہ شکنی کی تو میرے خلاف محاذ بنا دیا گیا-

نوشین نے کہا کہ آپ نے کہا تھا نا کہ 10 بجے کے بعد عورتیں نا رکیں،ڈاکٹر یاسمین کہتی ہیں کہ اگر وہ رکیں تو اپنے رسک پر رکیں ہماری طرف سے نہ رکیں اس کے باوجود بھی رکتی ہیں تو کوئی مسئلہ ہوا تو ان کا ہو گا آپ نے تو ان کو روکا اور پیغام پہنچا دیا اس کے باوجود کوئی مسئلہ ہوا تو وہ خود ذمہ دار ہوں گی-

نوشین نے کہا کہ دن میں کوئی ڈیوٹی نہیں دیتا سب کو ایٹریکشن ہوتی ہے کہ رات کو جائیں،یاسمین راشد نے کہا کہ چھوڑو ان کو جو جس وقت آنا چاہے آئے عورتیں جب چاہیں آئیں تھوڑی بہت عورتیں دن کو بھی ضرور ہونی چاہیئں-پی ٹی آئی کاکارکن نوشین کہتی ہیں تھوڑی ہوتی ہیں نا آپا کوئی تھوڑا بہت ڈسپلن بھی کرنا ہے کہ نہیں ،یاسیمن راشد کہتی ہیں جو کرتی ہیں کرنے دو بیٹا بس تم اتنی مہربانی کرنا کہ ان کے پاس حاضری لگوا دیا کرو،تم چھوڑو فکر نا کرو جو جس وقت آنا چاہے آئے،تم میری طرف سے انہیں تسلی دے دینا کہ میں حاضری لگانے آئی ہوں اور تم لوگوں کے ساتھ ہوں-

صوبائی وزیر صحت ڈاکٹر یاسمین راشد اچانک سروسز ہسپتال لاہورپہنچ گئیں

صوبائی وزیر صحت ڈاکٹریاسمین راشدنے ایمرجنسی،آپریشن تھیٹرز سمیت مختلف شعبہ جات کادورہ کرکے طبی سہولیات کاجائزہ لیا۔صوبائی وزیر صحت نے صفائی ستھرائی کے انتظامات مناسب نہ ہونے کے باعث اے ایم ایس کی سرزنش کی اور کارکردگی بہتربنانے کے لئے وارننگ دی۔ صوبائی وزیر صحت ڈاکٹر یاسمین راشدنے سروسزہسپتال لاہورکے دورہ کے موقع پر مریضوں کی عیادت بھی کی۔

صوبائی وزیر صحت ڈاکٹریاسمین راشد نے اس موقع پر اظہارخیال کرتے ہوئے کہاکہ پنجاب کے کسی بھی سرکاری ہسپتال میں مریضوں کے علاج و معالجہ میں کوتاہی کو کسی صورت برداشت نہیں کریں گے۔سروسز ہسپتال لاہور میں مریضوں نے ادویات کی فراہمی بارے اطمینان کا اظہارکیا ہے۔حکومت عوام کو صحت کی بہتر سہولیات فراہم کرنے کیلئے سرکاری ہسپتالوں کو اربوں روپوں کا بجٹ دیتی ہے۔ ڈاکٹر یاسمین راشد نے کہاکہ پنجاب کے سرکاری ہسپتالوں کو بہترعلاج گاہیں بنانے کامشن ہے۔پنجاب کے سرکاری ہسپتالوں کے حالات بہترکرنے کی ہرممکن کوشش کررہے ہیں۔پنجاب کے سرکاری ہسپتالوں کی ایمرجنسی میں مریضوں کو ہرقسم کی ادویات مفت فراہم کررہے ہیں۔ وزیر صحت نے کہا کہ پنجاب کی عوام کو صحت سہولت کارڈ فراہم کرنے کا مقصد ہی صحت کی بہتر سہولیات فراہم کرنا ہے۔ پنجاب کے سرکاری ہسپتالوں میں مریضوں کی شکایات پر متعلقہ انتظامیہ کے خلاف سخت ایکشن لیا جائے گا۔پنجاب کے مختلف سرکاری ہسپتالوں کا اچانک دورہ کرکے طبی سہولیات کا جائزہ لیاجائے گا۔

ڈینگی ایس او پیز کی خلاف ورزی پر کارروائی جاری، 68 افراد گرفتار،639 مقدمات درج

پنجاب ہیلتھ کیئر کمیشن نے الائزا ڈینگی ٹیسٹ کی قیمت 1,500روپے مقررکر دی

ڈینگی کا ڈنگ تیز، ہسپتال بھر گئے

لاہور میں ڈینگی کیسز کی شرح میں کمی

صوبائی وزیرصحت ڈاکٹریاسمین راشد اسلام پورہ بازارپہنچ گئیں۔ڈاکٹریاسمین راشدنے خودعزاداروں کو سبیل تقسیم کی۔اس موقع پر جہانگیرخان، جاویداکرام ٹونی، عبدالغفورپپو اورمعظم بیگ موجودتھے۔

صوبائی وزیرصحت ڈاکٹریاسمین راشد نے کہا کہ حضرت امام حسین کے فلسفہ شہادت کواپنی زندگیوں میں اپنانے کی ضرورت ہے۔ حضرت امام حسین کی شہادت سے ہمیں باطل کے سامنے حق کیلئے ڈٹ جانے کاسبق ملتاہے۔ حضرت امام حسین کی زندگی ہمارے لئے مشعل راہ ہے۔ حضرت امام حسین نے عظیم قربانی پیش کرکے شریعت محمدی صلی اللہ علیہ وآل وسلم کوبچالیا۔تحریک انصاف فلسفہ حسین کے مطابق باطل کے سامنے آوازحق بلندکرنے کاجذبہ رکھتی ہے۔

قبل ازیں وزیراعلی پنجاب چوہدری پرویز الہی کی ہدایت پرصوبائی وزیر صحت ڈاکٹریاسمین راشد نے ننکانہ صاحب کا دورہ کیا، صوبائی وزیر صحت ڈاکٹریاسمین راشدنے ننکانہ صاحب کے ڈپٹی کمشنر دفترمیں امن و امان کے اجلاس کی صدارت کی اور مرکزی جلوس کادورہ کیا۔اجلاس میں سابق وفاقی وزیربرگیڈئیر(ر)سیداعجازشاہ،ڈپٹی کمشنر احمرنائیک،ڈی پی او ودیگرمتعلقہ اداروں کے افسران نے شرکت کی۔ ڈپٹی کمشنر اور ڈی پی اوننکانہ صاحب نے اجلاس کے دوران صوبائی وزیر صحت ڈاکٹریاسمین راشدکو10محرم الحرام کے سلسلہ میں ضلع میں امن ومان بارے بریفنگ دی۔ڈاکٹریاسمین راشدنے ڈی ایچ کیوہسپتال ننکانہ صاحب کا بھی دورہ کرکے مریضوں کی عیادت کی اور طبی سہولیات کاجائزہ لیا۔

صوبائی وزیر صحت ڈاکٹریاسمین راشد نے کہا کہ وزیر اعلی پنجاب چوہدری پرویزالہی کی ہدایت پر ننکانہ صاحب میں محرم الحرام کے حوالہ سے انتظامات کا جائزہ لیاہے۔ ننکانہ صاحب میں محرام الحرام کے سلسلہ میں حفاظتی انتظامات تسلی بخش ہیں۔ حضرت امام حسین ؑنے حق کی سربلندی کی خاطر اپنی اور اپنے خانوادہ کی عظیم قربانیاں پیش کیں۔ حضرت امام حسینؑ نے رہتی دنیاتک یزیدکانام و نشان مٹادیا۔

ڈاکٹریاسمین راشد۔کا کہنا تھا کہ حضرت امام حسین ؑ نے باطل کے مقابلے میں حق پرڈٹ جانے کا سبق دیا۔ڈی ایچ کیو ہسپتال ننکانہ صاحب میں مریضوں کے علاج معالجہ کیلئے طبی سہولیات مزیدبہترکریں گے۔ پنجاب میں نئے اور بڑے23ہسپتال بنائے جارہے ہیں۔

صوبائی وزیر صحت ڈاکٹریاسمین راشداچانک گنگارام ہسپتال میں زیر تعمیرمدراینڈچائلڈ بلاک پہنچ گئیں، سیکرٹری صحت علی جان خان،وائس چانسلر فاطمہ جناح میڈیکل یونیورسٹی پروفیسرڈاکٹرخالدمسعودگوندل،سپیشل سیکرٹری محمد عثمان،ایم ایس گنگارام ہسپتال ڈاکٹراطہر،چیف پلاننگ آفیسرعبدالحق بھٹی،شیخ اعجاز،سی اینڈڈبلیوسمیت متعلقہ محکمہ جات کے افسران موقع پرموجودتھے۔

سیاست میں عزت و احترام کے قائل ہیں،چودھری پرویزالٰہی

صوبائی وزیر صحت ڈاکٹریاسمین راشدنے زیرتعمیرمدراینڈچائلڈ بلاک میں جاری پیش رفت کاجائزہ لیا۔ سیکرٹری صحت علی جان خان،وائس چانسلر پروفیسرڈاکٹرخالدمسعودگوندل اور متعلقہ افسران نے ڈاکٹریاسمین راشدکو زیرتعمیرمدراینڈچائلڈ بلاک میں جاری پیش رفت کی تفصیلات سے آگاہ کیا۔

صوبائی وزیر صحت ڈاکٹریاسمین راشدنے متعلقہ تمام افسران کو زیرتعمیرمدراینڈچائلڈ بلاک کو مقررہ وقت پر ہر صورت مکمل کرنے کی ہدایت کردی۔صوبائی وزیرصحت ڈاکٹریاسمین راشدنے زیرتعمیرمدراینڈ چائلڈ بلاک کے مختلف شعبہ جات کا تفصیلی دورہ کیا۔

کورونا وائرس کے مثبت کیسز کی شرح میں کمی ریکارڈ

صوبائی وزیر صحت ڈاکٹریاسمین راشد نے کہا کہ گنگارام ہسپتال میں زیرتعمیرمدراینڈ چائلڈ بلاک کو مقررہ طے شدہ وقت پر مکمل کریں گے، گنگارام ہسپتال میں زیرتعمیرمدراینڈچائلڈ بلاک کو جلدمکمل کرکے عوام کیلئے کھول دیں گے، تمام متعلقہ افسران کوزیرتعمیرمدراینڈ چائلڈ بلاک جلدازجلد مکمل کرنے کی ہدایت کردی ہے۔

ادویات کی قیمتوں میں 40 فیصد اضافہ ہونے کا امکان

ڈاکٹریاسمین راشد کا کہنا تھا کہ زیرتعمیرمدراینڈچائلڈ بلاک میں کسی قسم کی کوتاہی یا تا خیر برداشت نہیں کی جائے گی، پنجاب میں اسٹیٹ ف دی آرٹ مدراینڈ چائلڈ ہسپتال عمران خان کے وعدے کی تکمیل ہیں، پنجاب کی عوام کو 23نئے سرکاری ہسپتالوں کا تحفہ دیں گے، پنجاب میں تمام زیر تعمیر مدراینڈ چائلڈ ہسپتالوں کا دورہ کرکے جاری پیش رفت کاجائزہ لیاجائے گا۔

ڈاکٹریاسمین راشد نے مزید کہا کہ پاکستان میں ہرسال ہزاروں مائیں اور بچے دوران زچگی زندگی کی بازی ہارجاتے ہیں، پنجاب میں اسٹیٹ آف دی آرٹ مدراینڈچائلڈ ہسپتالوں کے ذریعے ہزاروں ماؤں اور بچوں کی زندگی کو محفوظ بنایاجائے گا۔

پاکستان تحریک انصاف سینٹرل پنجاب کی صدرڈاکٹر یاسمین راشد نے چیئرمین سنی اتحاد کونسل صاحبزادہ حامد رضا پی ٹی ائی سنٹرل پنجاب کے جنرل سیکرٹری حماد اظہر سیکرٹری اطلاعات عندلیب عباس امیدواران ملک ظہیر عباس کھوکھر اور شبیر گجر کے ہمراہ پی پی 167 کے الیکشن آفس اللہ ھو چوک میں پریس کانفرنس کی ۔ چیئرمین سنی اتحاد کونسل صاحبزادے حامد رضا کی پی ٹی آئی کو ضمنی انتخابات میں غیر مشروط سپورٹ کا اعلان کیا اور کہاکہ میں یاسمین راشد ،حماد اظہر کا شکریہ ادا کرتا ہوں۔

شیخ رشید کے گرد گھیرا تنگ، اینٹی کرپشن نے طلب کر لیا

ڈاکٹر یاسمین راشد نے پریس کانفرنس کرتے ھوئے کہاکہ سید حامد نے ہماری سپورٹ کی بات کیوں کی کیوں کہ ہم ملک کو امن ترقی کی بات کرتے ہیں۔ ہم ملک کی بیس سیٹوں پر جیت رہے ہیں۔ اس وقت عوام کو پتا چل گیا ہے انکا ہمدرد کون ہے۔ چیف الیکشن کمشنر ہمیں کلیرنس دیں یہ الیکشن شفاف ہونگے۔یہ شوشل میڈیا کا ٹائم ہے جو کریں گے واضح ہو جائے گا۔ ایڈمنسٹریٹرز کو کوئی اوچھے ہتھکنڈوں سے باز رہنا ہوگا۔ ہر قسم کے دروازے سے ریکوسٹ کروں گی لوگ جان گئے ہیں دھندلی کیسے ہوتی ہے۔ انہوں نے کہا کہ ایکسٹرا بیلٹ پیپرز کہاں جا رہے ہیں۔ میں امید کرتی ہوں سارے ادارے نیوٹرل رہیں گے۔

دھاندلی حکمرانوں کو مہنگی پڑے گی،فواد چوہدری کی پرویز الہی سے ملاقات

سید حامد رضا نے کہاکہ جھنگ کے حلقے سے 10000 ووٹوں کی لیڈ سے پی ٹی آئی کی جیت ہو گی۔ آپ نے جشن آج کرنا ہے یا 17 کو آپ کی مرضی۔ سیاست اور مذہب کا چولی دامن کا رشتہ ہے۔ہمارے کارکنان ہر پولنگ سٹیشن میں انکی سہولت کاری کریں گے۔ میں حمزہ شہباز کے ساتھ نہیں بیٹھ سکتا وہ برائے نام وزیر اعلیٰ ہے۔

عمران نے جو اسلام کا انٹرنیشنل لیول پر کام کیا وہ قابل تعریف ہے ۔ اگر مذہبی رواداری کی بات کی جائے وہ سہرا بھی عمران کے سر ہے۔ ہم ثنا اللہ اور لوٹے راجہ ریاض کو وہی بتائے گے آپ کا انجام کیا ہو گا۔ گزشتہ رات جو ملک نواز اعوان کے حلقہ میں ہوا وہ سراسر غلط تھا ۔موجود وزیر داخلہ میرے حلقہ کا ہے۔ انکو کالعدم جماعتوں کی مکمل سپورٹ حاصل ہے۔ امن کی طاقت سب سے بڑی طاقتوں میں سے ایک ہے۔ سیاست اور مذہب کا چولی دامن کا رشتہ ہے۔ عمران نے جو اسلام کا انٹرنیشنل لیول پر کام کیا وہ قابل تعریف ہے۔ اگر مذہبی رواداری کی بات کی جائے تو وہ سہرا بھی عمران کے سر ہے۔اللہ ہو چوک والی پریس کانفرنس میں مقبول گجر خالد گجر صاحبزادہ حامد رضا جبکہ سنی اتحاد کونسل سے پیر طارق ولی مفتی امان اللہ شاکر مفتی شفاعت علی ہمدانی مفتی عرفان نعیمی قاری عبدالرؤف مفتی نعیم احمد موجود تھے