کوئٹہ میں وزیر اعلیٰ بلوچستان میر سرفراز بگٹی کی زیر صدارت نوجوانوں کی بہبود سے متعلق اعلیٰ سطحی اجلاس منعقد ہوا، جس میں وزیر اعظم یوتھ پروگرام کے چیئرمین رانا مشہود احمد خان، صوبائی وزیر زراعت علی حسن زہری، چیف سیکرٹری شکیل قادر خان اور دیگر حکام نے شرکت کی۔
اجلاس میں فیصلہ کیا گیا کہ بلوچستان میں وزیر اعظم اور وزیر اعلیٰ کے یوتھ پروگرامز کو مشترکہ حکمتِ عملی کے تحت یکجا کیا جائے گا۔ تحصیل سطح پر نوجوانوں کے لیے فیسلیٹیشن سینٹرز اور چیف سیکرٹری آفس میں خصوصی معاونت سینٹر قائم کرنے کا بھی اعلان کیا گیا۔وزیر اعلیٰ میر سرفراز بگٹی نے کہا کہ صوبے کے نوجوانوں کو وزیر اعظم بلا سود قرضہ اسکیم سے مکمل آگاہی دی جائے گی۔ انہوں نے بتایا کہ سات اضلاع میں انٹرپرائزز ڈویلپمنٹ پروگرام شروع کر دیا گیا ہے، جس کے تحت 60 ہزار نوجوانوں کو تربیت فراہم کی جائے گی۔
انہوں نے کہا کہ بلوچستان کے نوجوان باصلاحیت ہیں، ان کی ترقی ہی صوبے اور ملک کی ترقی ہے
ایرانی پارلیمانی وفد پاکستان پہنچ گیا، ایاز صادق نے استقبال کیا
انسانی ہمدردی،ایران نے دو فرانسیسی شہریوں کو رہا کردیا
پاکستان اور ایران کا مشترکہ ڈراموں اور نشریاتی منصوبوں پر معاہدہ