Tag: یورپین یونین

وزیراعلیٰ پنجاب حمزہ شہباز شریف سے یورپی یونین جی ایس پی پلس مانیٹرنگ مشن کے پرنسپل ٹریڈ ایڈوائزر گوس ہوٹن (Mr. Guus Houttuin) کی قیادت میں وفد نے ملاقات کی.
ملاقات میں جی ایس پی پلس کے بارے میں مختلف کنونشنز پر عملدرآمد کے حوالے سے تبادلہ خیال گیا.وزیر اعلی پنجاب حمزہ شہباز نے جی ایس پی پلس کے بارے میں مختلف کنونشنز پر عملدرآمد کے حوالے سے حکومتی اقدامات سے وفد کو آگاہ کیا

وزیراعلیٰ پنجاب حمزہ شہباز شریف نے کہا کہ خواتین اور اقلیتی برادریوں کو مساوی حقوق کی فراہمی ہماری حکومت کی ترجیح ہے۔ نئے بلدیاتی نظام کا بل پنجاب اسمبلی سے منظور ہو چکا ہے۔لوکل گورنمنٹس کے نئے نظام میں خواتین، اقلیتوں اور یوتھ کے لئے مخصوص نشستوں میں اضافہ کیا گیا ہے۔ پنجاب میں خواتین اور اقلیتوں کو با اختیار بنانے کے لئے ہمارے سابقہ دور میں ضروری قانون سازی کی گئی-

حمزہ شہبازکا کہنا ہے کہ وزیر اعظم شہباز شریف کے دور وزارت اعلی میں پنجاب حکومت نے اینٹوں کے بھٹوں سے چائلڈ لیبر کا خاتمہ کیا ۔ اینٹوں کے بھٹوں پر کام کرنے والے 85ہزار بچوں کو سکولوں میں داخل کرایا ۔ ان بچوں کو مفت تعلیم کیساتھ ماہانہ وظیفہ بھی دیا ۔چائلڈ لیبر کے خلاف اسی عزم کے ساتھ کے ساتھ کام کریں گے، جس طرح ہماری حکومت نے سابق دور میں کیا۔ پاکستان میں بلاامتیاز سب شہریوں کو یکساں حقوق حاصل ہیں۔

حمزہ شہبازکا کہنا تھا کہ پاکستان نے دہشت گردی کے چیلنج کا بہادری کیساتھ سامنا کیا ہے سیاسی وعسکری قیادت کے اتفاق رائے سے کئے گئے فیصلوں کے باعث دہشت گردی کے خلاف جنگ میں شاندار کامیابیاں ملیں ۔ قائد اعظم کے پاکستان میں انتہا پسندی اور دہشت گردی کی کوئی گنجائش نہیں۔ تحمل،برداشت، بھائی چارے اور رواداری پر مبنی پاکستان ہماری منزل ہے۔ یورپی یونین کے ممبر ممالک نے پاکستان کو جی ایس پی پلس کا درجہ دلانے میں بھرپور حمایت کی – یورپی یونین کے ممبر ممالک کے ساتھ تجارت کو فروغ دینا چاہتے ہیں۔

صوبائی وزراء سردار اویس احمد خان لغاری،ملک محمداحمدخان، عطاء اللہ تارڑ، چیف سیکرٹری،انسپکٹر جنرل پولیس، ایڈیشنل چیف سیکرٹری داخلہ،متعلقہ سیکرٹریز اور اعلی حکام بھی اس موقع پر موجود تھے

جی ایس پی پلس اسٹیٹس کے معاملے پریورپی یونین کے مانیٹرنگ مشن نے پنجاب سول سیکرٹریٹ میں منعقد ہونے والےاجلاس میں شرکت کی، چیف سیکریٹری پنجاب کامران علی افضل نے مشن کو نوترجیحی شعبوں سے متعلق صوبائی حکومت کے اقدامات بارے آگاہ کیا۔ مشن نے صوبے میں انسانی حقوق، چائلڈ لیبر، لیبر رائٹس، ماحولیاتی تحفظ سمیت دیگر امور کا جائزہ لیا۔

اس موقع پر چیف سیکریٹری پنجاب کامران علی افضل نے کہا کہ پاکستان یورپی یونین سے شراکت داری کو بہت اہمیت دیتا ہے۔ جی ایس پی پلس اسٹیٹس پاکستان کی معیشت کیلئے نہایت فائدہ مندہے۔ چیف سیکرٹری پنجاب نے کہا کہ2014میں جی ایس پی پلس اسٹیٹس ملنے کے بعد پاکستانی مصنوعات کو یورپی منڈیوں تک آسان رسائی ملی۔ وفاقی اور صوبائی حکومتیں بین الاقوامی کنونشنز پر عملدرآمد کے سلسلے میں متعلقہ قوانین کا نفاذ یقینی بنا رہی ہیں۔

چیف سیکریٹری پنجاب کامران علی افضل کا مزید کہنا تھا کہ صوبہ میں انسانی حقوق، لیبر رائٹس، ماحولیات اور دیگر شعبوں میں اصلاحات کا عمل جاری ہے۔ لیبر انسپکشنز کیلئے انفارمیشن ٹیکنالوجی کو بروئے کار لاتے ہوئے جدید نظام وضع کیا گیا ہے۔ چائلڈ لیبر کے خاتمے کیلئے ٹھوس اقدامات کئے جا رہے ہیں۔ پنجاب میں چائلڈ لیبر سروے مکمل کر لیا گیا ہے۔

آئی جی پنجاب راؤ سردار علی خان نے بتایا کہ ملزمان پر پولیس کی حراست میں تشدد کے سلسلے میں زیرو ٹالرنس کی پالیسی ہے۔ مقدمات سائنسی بنیادوں پر تفتیش کیلئے پنجاب فارنزک سائنس ایجنسی سے مدد لی جاتی ہے۔

چیف سیکریٹری نے مشن کو ہیومن،وویمن، منارٹی رائٹس، سوشل ویلفیئر سے متعلق کئے جانیوالے خصوصی اقدامات بارے بھی آگاہ کیا۔ مشن نے بین الاقوامی کنونشنز پر عملدرآمد کے سلسلے میں پنجاب حکومت کی کوششوں کو سراہا۔ مشن میں یورپی ایکسٹرنل ایکشن سروس اور یورپی کمیشن کے ڈائریکٹوریٹ جنرل برائے تجارت، روزگار، سماجی امور کے حکام شامل تھے۔اجلاس میں ایڈیشنل چیف سیکرٹری داخلہ، ہیومن رائٹس، لیبر، ماحولیات اور متعلقہ محکموں کے ایڈمنسٹریٹو سیکرٹریز نے اجلاس میں شرکت کی.