Baaghi TV

Tag: یونائیٹڈ

  • پی ایس ایل7،لاہور قلندر ز نے اسلام آباد یونائیٹڈ کو شکست دے دی

    پی ایس ایل7،لاہور قلندر ز نے اسلام آباد یونائیٹڈ کو شکست دے دی

    کراچی :پی ایس ایل7،لاہور قلندر ز نے اسلام آباد یونائیٹڈ کو شکست دے دی

    لاہور قلندرز نے اسلام آباد یونائیٹڈ کو 8رنز سے شکست دی ، لاہور قلندرز نے اسلام آباد یونائیٹڈ کو جیت کے لیے 175 رنز کا ہدف دیا تھا عبداللہ شفیق 44،فخرزمان38اورہیری بروک37رنزکی اننگزکھیلی ،اسلام آباد یونائیٹڈ175 رنز کے تعاقب میں 166 رنز بنا سکی ، کولن منرواور شاداب خان کی نصف سنچریاں رائیگاں چلی گئیں لاہور قلندرز کے حارث رﺅف نے 2 ، شاہین ، زمان اور راشد نے ایک ایک وکٹ لی .

    لاہور قلندرز آج کا میچ جینے پر پوائینٹس ٹیبل پر دوسرے نمبر پر آگئی۔۔ملتان سلطانز پہلے اور کراچی کنگز آخری نمبر پر موحود ہے۔

    نیشنل سٹیڈیم کراچی میں کھیلے جانیوالے میچ میں اسلام آباد یونائیٹڈ کے کپتان شاداب خان نے ٹاس جیت کر لاہور قلندرز کے کپتان شاہین شاہ آفریدی کو بیٹںگ کی دعوت دی۔

    لاہور قلندرز بیٹنگ:

    لاہور قلندرز کے اوپنر بلے بازوں نے جارحانہ انداز میں بیٹنگ کا آغاز کیا، فخر زمان اور عبداللہ شفیق نے 81 رنز کی شرکت داری قائم کی۔ عبداللہ شفیق 24 گیندوں پر 44 رنز بنا کر شاداب خان کی گیند پر آؤٹ ہوئے۔ فخر زمان بھی زیادہ دیر تک ٹیم کو سہارا نہ دے سکے اور 38 رنز پر شاداب کی گیند کا شکار بنے۔

    اس دوران مڈل آرڈر لڑکھڑا گیا اور ایک بعد ایک بلے باز پویلین لوٹ گیا۔ محمد حفیظ 5، کامران غلام 1، فل سالٹ 2 رنز بنا کر آؤٹ ہوئے۔

    تاہم ڈیوڈ ویزے اور ہیری بروک نے جارحانہ انداز اپناتے ہوئے سکور کو آگے بڑھایا، ڈیوڈ ویزے 20 سکور بنا کر پویلین لوٹے، بروک کی اننگز 37 سکور پر ختم ہوئی۔ شاہین شاہ آفریدی 4 رنز بنا کر پویلین لوٹے۔ حارث رؤف صفر پر آؤٹ ہوئے، راشد خان 13 رنز بنا کر ناٹ آؤٹ رہے۔

    لاہور قلندرز نے مقررہ اوورز میں 174 رنز بنائے۔ شاداب خان اور وقاص مقصود نے 4.4 شکار کیے۔

    اسلام آباد یونائیٹڈ

    اسلام آباد یونائیٹڈ کی ٹیم میں کپتان شاداب خان، ایلکس ہیلز، پال اسٹرلنگ، کولن منرو، آصف علی، اعظم خان، مبصر خان، فہیم اشرف، محمد وسیم، حسن علی اور وقاص مقصود شامل ہیں۔

    لاہور قلندرز

    لاہور قلندرز کے سکواڈ میں فخر زمان، عبد اللہ شفیق، کامران غلام، محمد حفیظ، فل سالٹ، ہیری بروک، ڈیوڈ ویزے، راشد خان، شاہین شاہ آفریدی، حارث رؤف، زمان خان

    یاد رہےکہ اس سے پہلے آج کراچی کے نیشنل اسٹیڈیم میں کھیلے جارہے ایچ بی ایل پی ایس ایل کے 7ویں ایڈیشن کے 12ویں میچ میں اسلام آباد یونائیٹڈ نے لاہور قلندرز کے خلاف ٹاس جیت کے فیلڈنگ کا فیصلہ کیا اور قلندرز کو بیٹنگ کی دعوت دی تھی ۔

  • پی ایل ایس 7: سنسنی خیرمقابلے کے بعد اسلام آباد یونائیٹڈ کوشکست:ملتان سلطانزکی چوتھی مسلسل فتح

    پی ایل ایس 7: سنسنی خیرمقابلے کے بعد اسلام آباد یونائیٹڈ کوشکست:ملتان سلطانزکی چوتھی مسلسل فتح

    لاہور:پی ایل ایس 7: سنسنی خیرمقابلے کے بعد اسلام آباد یونائیٹڈ کوشکست:ملتان سلطانزکی چوتھی مسلسل فتح ،اطلاعات کے مطابق پاکستان سپر لیگ (پی ایس ایل) کے ساتویں ایڈیشن میں بیٹرز ٹم ڈیوڈ اور ریلی روسو کی طوفانی اننگز کی بدولت ملتان سلطانز نے اسلام آباد یونائیٹڈ کو 218 رنز کا ہدف دیا تھا جو اسلام آباد کی پہنچ سے کچھ دور رہا اور ملتان سلطانز نے محمد رضوان کی قیادت میں پی ایس ایل میں مسلسل چوتھی فتح حاصل کرکے اپنی سبقت سب بھی واضح کردی

    218رنز ہدف کے تعاقب میں اسلام آباد یونائیٹڈ کی جانب سے پال سٹرلنگ اور الیکس ہیلز نے اننگز کا آغاز کیا جبکہ رومان رئیس نے ملتان سلطانز کی طرف سے پہلا اوور کرایا۔

    اسلام آباد یونائیٹڈ کی ٹیم 218 رنز کا ہدف حاصل کرنے میں ناکام رہی، پال سٹرلنگ 19سکور بناکر ڈیوڈ ویلی کی گیند پر انور علی کو کیچ دے بیٹھے،دوسرے آؤٹ ہونے والے بیٹر الیکس ہیلز تھے جو23 سکور بناکر ڈیوڈ ویلی کی ہی گیند پر کیچ دیکر پویلین لوٹ گئے،رحمان اللہ گرباز15 اور فہیم اشرف صفر پر آؤٹ ہوئے،آصف علی 15 اور اعظم خان 12 رنز بناکر وکٹیں گنوا بیٹھے۔

    یونائیٹڈ کے کپتان شاداب خان نے 9 چھکوں اور 5 چوکوں کی مدد سے 42 گیندوں پر 91 رنز کی جارحانہ اننگز کھیلی مگر وہ اپنی ٹیم کو فتح نہ دلاسکے اور رومان رئیس کی گیند پر ٹم ڈیوڈ کے ہاتھوں کیچ آؤٹ ہوگئے۔

    ملتان سلطانز کی جانب سے خوشدل شاہ نے شاندار باؤلنگ کا مظاہرہ کرتے ہوئے 4 کھلاڑیوں کو پویلین کی راہ دکھائی جبکہ ڈیوڈ ویلی نے 2 وکٹیں حاصل کیں۔

    پی ایس ایل 7 کے آٹھویں میچ میں اسلام آباد یونائیٹڈ نے شاداب خان نے ٹاس جیت کر حریف ٹیم ملتان سلطانز کے قائد محمد رضوان کو بیٹنگ کی دعوت دی۔

    ملتان سلطانز اننگز

    ملتان سلطانز کی جانب سے کپتان محمد رضوان اور شان مسعود نے اننگز کا آغاز کیا جبکہ اسلام آباد یونائیٹڈ کے حسن علی نے پہلا اوور کرایا۔

    رضوان اس بار بھی بدقسمت ثابت ہوئے اور 12 رنز بنا کر رن آؤٹ ہو گئے، 65 کے مجموعی سکور پر شان مسعود 43 رنز کی باری کھیل کر پویلین لوٹے، صہیب مقصود کی اننگز کا خاتمہ 13 سکور پر ہوا، بیٹر بھی رن آؤٹ ہوئے۔

    12 اوورز میں 92 سکور تھا تاہم اس دوران ٹم ڈیوڈ اور ریلی روسو نے جارحانہ انداز اپناتے ہوئے اسلام آباد یونائیٹڈ کے باؤلرز کی خوب درگت بنائی اور حریف ٹیم کوبے بس کر دیا۔ دونوں بیٹرز کے درمیان 50 گیندوں پر 110 سکور کی پارٹنر شپ بنی۔

    سنگا پور سے تعلق رکھنے والے ٹم ڈیوڈ نے 29 گیندوں پر 71 رنز کی طوفانی باری کھیل کر آؤٹ ہوئے، اس باری میں انہوں نے 6 چھکے اور 6 چوکے شامل تھے۔ خوشدل شاہ نے 3 گیندوں پر 8 رنز بنائے۔ ریلی روسو نے 67 رنز کی ناٹ آؤٹ اننگز کھیلی۔ملتان نے مقررہ اوورز میں 217 رنز بنائے۔ حسن علی، وسیم جونیئر اور ڈی لنگے نے ایک ایک وکٹ حاصل کی۔

    پاکستان سپر لیگ (پی ایس ایل) کے ساتویں ایڈیشن میں اسلام آباد یونائیٹڈ نے ٹاس جیت کر ملتان سلطانز کے خلاف فیلڈنگ کا فیصلہ کیاتھا ۔

    یاد رہے کہ ملتان سلطانزکی کپتانی محمد رضوان کے ذمے ہے جبکہ اسلام آباد یونائیٹڈ کے کپتان شاداب خان ہیں۔

    ملتان سلطانز نے پی ایس ایل کے اس ایڈیشن میں اب تک 3 میچز کھیلے ہیں اور تینوں میں کامیابی حاصل کی۔

    واضح رہے کہ اسلام آباد یونائیٹڈ اور ملتان سلطانز 9 بار ایک دوسرے کے مد مقابل آئے جس میں سے 5 میچز یونائیٹڈ نے جیتے جبکہ 4 میچز میں سلطانز کو فتح نصیب ہوئی۔

    یونائیٹڈ کا ملتان سلطانز کے خلاف بہترین اسکور 185 ہے جبکہ ملتان سلطانز کا بہترین اسکور 180 ہے۔ملتان سلطانز کا اسلام آباد کے خلاف کم اسکور 94 ہے جبکہ اسلام آباد کا کم اسکور 91 ہے۔

     

     

    https://twitter.com/thePSLt20/status/1488516482644467714?ref_src=twsrc%5Etfw%7Ctwcamp%5Etweetembed%7Ctwterm%5E1488516482644467714%7Ctwgr%5E%7Ctwcon%5Es1_&ref_url=https%3A%2F%2Furdu.dunyanews.tv%2Findex.php%2Fur%2FCricket%2F639363

    اسلا آباد یونائیٹڈ سکواڈ

    ملتان سلطانز کے خلاف اسلام آباد یونائیٹڈ کے سکواڈ میں کپتان شاداب خان، الیکس ہیلز، پال سٹرلنگ، رحمان اللہ گرباز، مبصر خان، آصف علی، اعظم خان، فہیم اشرف، محمد وسیم جونیئر، حسن علی اور مرچنٹ ڈی لینگ شامل ہیں۔

    ملتان سلطانز

    اسلام آباد یونائیٹڈ کے خلاف میچ میں ملتان سلطانز کے سکواڈ میں کپتان محمد رضوان، شان مسعود، صہیب مقصود، ریلی روسو، ٹم ڈیوڈ، خوشدل شاہ، ڈیوڈ ویلی، عباس آفریدی، عمران طاہر، انور علی اور رومان رئیس شامل ہیں۔