Tag: یونان

ایتھنز: یونان کا سرکاری نشریاتی ادارہ پیٹرول چوری کرنے کا طریقہ بتانے پر عوام کی تنقید کی زد میں آگیا۔

باغی ٹی وی :"عرب نیوز” کے مطابق دنیا بھرکی طرح یونان میں بھی پیٹرولم مصنوعات کی قیمتوں میں تیزی سےاضافہ ہوا ہے جس کے باعث شہری پریشان ہےایسےحالات میں سرکاری نشریاتی ادارے پرپائپ کے ذریعے گاڑی سے پیٹرول چوری کرنے کا بتانے کی ویڈیو نشر کردی گئی۔

Πως να κλέψετε βενζίνη με 2 απλούς και κατανοητούς τρόπους
by ΕΡΤ pic.twitter.com/nJtDfAVPXn

— Ιερώνυμος boss (@JeronymoBoss2) June 22, 2022

اسٹیشن کے رپورٹر کوسٹاس سٹاماؤ نے 22 جون بدھ کے روز ERT کے مارننگ نیوز پروگرام سنڈیسیس کے دوران کہا، "یہ کوئی انتہائی پیچیدہ چیز نہیں ہے پروگرام میں رپورٹ نے بتایا کہ یہ بہت زیادہ مشکل کام نہیں، درحقیقت آپ کو تو کسی خصوصی ٹیوب کی بھی ضرورت نہیں، ایک عام پائپ سے بھی گاڑی سے پیٹرول نکالا جاسکتا ہے۔

رپورٹ کے مطابق گاڑی سے پیٹرول کو نکالنے کے طریقہ کار کا مظاہرہ کرنے کے بعد ایک مکینک نے ان جگہوں کی نشاندہی بھی کی جہاں سے گاڑی کے پیٹرول ٹینک سے ایندھن کو ‘چرایا’ جاسکتا ہے۔

سوشل میڈیا صارفین نے تنقید کا نشانہ بناتے ہوئے کہا کہ کیا آپ لوگ اپنے دماغ میں صحیح ہیں؟ لوگوں کو پٹرول چوری کرنے کی تجاویز دے رہے ہیں؟پٹرول کو آسانی سے چوری کرنے کے دو طریقوں سے متعلق سبق کے بعد، ERT اب تالے کھولنے اور بٹوے چوری کرنے کے طریقے کے بارے میں نئے طریقے تیار کر رہا ہے-

خیال رہے کہ یونان میں حالیہ مہینوں میں ایندھن کی قیمتوں میں اضافہ ہوا ہے اور اس وقت ایک لیٹر پیٹرول کی قیمت521.57 روپے ہے
یونانی حکام نے ایندھن پر ٹیکس کم کرنے کے مطالبات کے خلاف مزاحمت کی ہے، اس کے بجائے کم مالدار کار اور موٹر سائیکل مالکان کو 30-50 یورو سبسڈی دینے کا انتخاب کیا ہے-

یوکرینی افواج کو سیویروڈونٹسک سےانخلا کا حکم:روسی افواج فاتح بن کرشہرمیں داخل ہونے لگیں

تہران :ایران نے یونانی آئل ٹینکر قبضے میں لے لیے، یونان کا بحری قزاقی کا الزام،اطلاعات کے مطابق ایران نے یونانی پرچم بردار دو جہازوں کو پکڑا ہے جبکہ یونان نے ایران پر بحری قزاقی کا الزام عائد کیا ہے۔ چند روز قبل ہی یونان نے کہا تھا کہ وہ بحیرہ روم میں ایک روسی ٹینکر سے قبضے میں لیا گیا ایرانی تیل امریکا بھیجے گا جبکہ ایران نے کہا تھا کہ وہ اس واقعے میں ملوث ہونے پر یونان کے خلاف کارروائی کرے گا۔

ایرانی پاسداران انقلاب نے اپنی سرکاری ویب سائٹ پر ایک بیان میں تصدیق کی ہے کہ اس کی افواج نے خلیج فارس میں دو آئل ٹینکرز کو خلاف ورزیوں کا مرتکب ہونے پر قبضے میں لیا ہے جس کے ردعمل میں یونان نے ایران پر بحری قزاقی کا الزام عائد کرتے ہوئے بطور احتجاج ایرانی سفیر کو طلب کرکے احتجاج کیا۔

یونانی وزارت خارجہ نے اپنے پہلے بیان میں کہا تھا کہ ایک ایرانی ہیلی کاپٹر اس کے بحری جہاز ڈیلٹا پوزیڈون پر اترا تھا جس کے بعد مسلح افراد نے جہاز کے عملے کو یرغمال بنا لیا۔ یہ واقعہ ایرانی ساحل کے قریب تقریباً 22 ناٹیکل میل کے فاصلے پر بین الاقوامی حدود میں پیش آیا۔

یونانی وزارت خارجہ کے بیان میں مزید کہا گیا ہے کہ ایران کے ساحل کے قریب ہی دوسرے یونانی پرچم بردار بحری جہاز پر بھی ایسا ہی واقعہ پیش آیا جس پر سات یونانی شہری سوار تھے۔ یونانی حکام نے بحری جہاز کے پکڑے جانے کے وقت اس پر سوار افراد اور عملے کی شہریت کے حوالے سے کوئی تفصیل نہیں بتائی۔

ایک یونانی اہلکار نے خبر رساں ادارے اے پی کو بتایا کہ دوسرے جہاز کا نام پروڈنٹ واریئر ہے۔ اس یونانی جہاز کی مالک کمپنی پولمبروس شپنگ نے اپنے بیان میں کہا کہ وہ صورتحال کو مؤثر طریقے سے حل کرنے کے لیے ایرانی حکام کے ساتھ تعاون کر رہی ہے۔

ادھر ایک امریکی دفاعی اہلکار نے خبر رساں ادارے اے پی کو بتایا ہے کہ دونوں بحری جہاز ایرانی سمندری حدود میں چلے گئے تھے اور دونوں جہازوں نے اپنی ٹریکنگ ڈیوائسز (راستے کی معلومات فراہم کرنے والے آلات) کو بند کر دیا تھا۔ ان میں سے کسی بھی جہاز نے کسی کو کوئی اطلاع بھی نہیں دی تھی۔

دوسری جانب یونانی وزارت خارجہ نے خبردار کیا ہے کہ اس واقعے سے دو طرفہ تعلقات متاثر ہونے کے ساتھ ساتھ ایران کے یورپی یونین سے تعلقات پر بھی منفی اثرات مرتب ہوں گے۔