حکومتِ پاکستان نے معروف یوٹیوبرز کے بینک اکاؤنٹس غیر ملکی فنڈنگ کے الزام میں منجمد کر دیے.
باغی ٹی وی کے مطابق حکومتِ پاکستان نے سخت کارروائی کرتے ہوئے چند معروف یوٹیوبرز کے بینک اکاؤنٹس منجمد کر دیے ہیں۔ ذرائع کے مطابق ان یوٹیوبرز پر غیر ملکی فنڈنگ کے ذریعے ملک دشمن بیانیہ پھیلانے کا الزام ہے۔متاثرہ یوٹیوبرز میں صدیق جان، معید پیرزادہ، صابر شاکر اور عمران ریاض خان شامل ہیں۔ ان پر الزام ہے کہ وہ بیرونِ ملک سے مالی امداد حاصل کر کے سوشل میڈیا پر پاکستان کے اداروں اور ریاستی پالیسیوں کے خلاف پروپیگنڈا کرتے رہے ہیں۔
اس حوالے سے ذرائع کا کہنا ہے کہ ایف آئی اے اور دیگر حساس اداروں نے مشترکہ تحقیقات کے بعد ان یوٹیوبرز کے مالیاتی ریکارڈز کی جانچ کی، جس میں مبینہ طور پر بیرونی ممالک سے لاکھوں روپے کی فنڈنگ کے شواہد ملے۔سرکاری ذرائع کے مطابق یہ یوٹیوبرز ’آزادی اظہار‘ کی آڑ میں سوشل میڈیا پر ریاست مخالف بیانیے کو فروغ دے رہے تھے، اور انہیں مبینہ طور پر دشمن ممالک سے مالی مدد مل رہی تھی۔
یاد رہے کہ ان میں سے اکثر یوٹیوبرز حکومتی پالیسیوں اور اسٹیبلشمنٹ پر شدید تنقید کے لیے جانے جاتے ہیں اور سوشل میڈیا پر ایک بڑی فالوونگ رکھتے ہیں۔اس معاملے پر تاحال متاثرہ فریقین کی جانب سے باضابطہ ردِعمل سامنے نہیں آیا، تاہم سوشل میڈیا پر ان کے حامیوں اور مخالفین کے درمیان گرما گرم بحث جاری ہے۔
خیبر پولیس کی وردی تبدیل،شلوار قمیض کی جگہ،شرٹ پتلون کا حکم
فلسطین میں نسل کشی ، اسرائیل کے ساتھ تعلقات منقطع کیے،روسی قونصل جنرل
وزیراعظم آج دورۂ ترکیہ کے لیے روانہ ہوں گے
کینال منصوبے کے خلاف احتجاج، آلو، پیاز کی ترسیل متاثر
پی ٹی آئی سوشل میڈیا ایکٹوسٹ عمران لالیکا نے معافی مانگ لی، پاک فوج زندہ باد کے نعرے