Baaghi TV

Tag: یو اےای

  • امریکا کی متحدہ عرب امارات کیلئے برآمدات میں خصوصی سہولتیں اور رعایت

    امریکا کی متحدہ عرب امارات کیلئے برآمدات میں خصوصی سہولتیں اور رعایت

    امریکی صدر ڈونلڈ ٹرمپ نے متحدہ عرب امارات کو برآمدات کے لیے خصوصی سہولتوں اور رعایت حاصل کرنے والے ممالک کی فہرست میں شامل کرلیا۔

    امریکی صدر ڈونلڈ ٹرمپ کی انتظامیہ نے متحدہ عرب امارات (یو اے ای) کو برآمدات کے لیے خصوصی سہولیات حاصل کرنے والے ممالک کی فہرست (اے-5 کیٹیگری) میں شامل کر لیا ہے، اس اپ گریڈ کے تحت متحدہ عرب امارات کی جدید امریکی ٹیکنالوجی، بشمول طاقتور مصنوعی ذہانت (AI) چپس، دفاعی آلات اور تجارتی سیٹلائٹس تک رسائی بہت آسان ہو گئی ہے۔

    اماراتی حکومت اور وہاں کی منظور شدہ تجارتی کمپنیاں اب متعدد حساس امریکی اشیاء اور آلات انفرادی برآمدی لائسنس کے بغیر حاصل کر سکیں گی متحدہ عرب امارات اس خصوصی سہولیات کی درجہ بندی حاصل کرنے والا خلیجی خطے کا پہلا اور ترکیے کے بعد دوسرا اسلامی ملک بن گیا ہے-

    یہ سہولت ان شعبوں کے لیے بھی اہم سمجھی جا رہی ہے جہاں جدید امریکی ٹیکنالوجی استعمال ہوتی ہے جن میں تیل و گیس کی پیداوار، سمندری پانی کو میٹھا بنانے کے منصوبے، سول جوہری توانائی، مصنوعی ذہانت، جدید کمپیوٹنگ، نیم موصل اور خلائی ٹیکنالوجی شامل ہیں۔

    امریکی محکمہ تجارت کے مطابق یہ درجہ بندی دونوں ممالک کے دفاعی اور اسٹریٹجک تعلقات کو فروغ دینے کے لیے دی گئی ہے، تاہم، اس فیصلے پر کانگریس میں تنقید بھی کی جا رہی ہے اور اسے متنازع قرار دیا جا رہا ہے-

    دوسری جانب ایران نے امریکی فیصلے پر سخت ردعمل ظاہر کیا ہے ایران کے نائب وزیر خارجہ کاظم غریب آبادی نے کہا کہ متحدہ عرب امارات کو دی گئی یہ رعایت دراصل ایران کے خلاف امریکی اور اسرائیلی کارروائیوں میں تعاون کا صلہ ہے،امریکا نے برآمدی پابندیوں میں نرمی سیاسی اور عسکری حما یت کے بدلے کی ہے اور اس معاملے پر امارات کو جواب دہ ہونا چاہیے۔

    امریکی فیصلے پر بعض امریکی قانون سازوں اور ماہرین نے بھی تحفظات کا اظہار کیا ہے ناقدین کا کہنا ہے کہ حساس ٹیکنالوجی کی منتقلی سے قومی سلامتی کے خدشات پیدا ہو سکتے ہیں تاہم امریکی انتظامیہ کا مؤقف ہے کہ مناسب حفاظتی اقدامات اور برآمدی نگرانی کے نظام کے باعث یہ خطرات قابو میں رہیں گے۔

  • یو اے ای میں چھٹی صدی عیسوی کا قدیم گمشدہ شہر دریافت

    یو اے ای میں چھٹی صدی عیسوی کا قدیم گمشدہ شہر دریافت

    متحدہ عرب امارات (یو اے ای) کے ماہرین آثار قدیمہ نےقدیم گمشدہ شہر دریافت کیاہے۔

    باغی ٹی وی : یو اے ای کے شہر ام القیوین میں کام کرنے والے ماہرین کے خیال میں یہ قدیم گمشدہ شہر Tu’am ہوسکتا ہےزمانہ قدیم میں یہ شہر ایک ایسےخطےکا دارالحکومت تھاجسے اب متحدہ عرب امارات کےنام سےجانا جاتا ہےاور یہ شہر سچے موتیوں کی تجارت کے حوالے سے جانا جاتا تھاچھٹی صدی عیسوی میں یہ شہر اپنے عروج پر پہنچا اور قدیم عربی تحریروں میں اس کا ذکر ملتا ہے۔

    طاعون اور خطے میں مختلف تنازعات کے باعث یہ شہر گمنام ہوگیا مگر اب ماہرین کا ماننا ہے کہ اسے دریافت کرلیا گیا ہے اس خطے میں ایک گاؤں اور مذہبی عمارت کے آثار گزشتہ چند برسوں کے دوران ملے ہیں،رواں برس ماہرین آثار قدیمہ نے ایسے آثار دریافت کیے جو بڑی عمارات کی جانب اشارہ کرتے ہیں جن کے اردگرد تنگ گلیاں تھیں،اس سے یہ اندازہ ہوتا ہے کہ زمانہ قدیم میں یہ ایک گنجان آباد شہر تھا جہاں کا سماجی نظام مختلف طبقات میں تقسیم تھا۔

    وزیر اعلیٰ پنجاب کا والد سے محبت کے عالمی دن پر پیغام

    اس شہر میں دریافت ہونے والی عیسائی عبادت گاہ ممکنہ طور پر چھٹی صدی عیسویٰ کے آخر یا 7 ویں صدی کے شروع میں تعمیر کی گئی تھی پہلے ماہرین کا خیال تھا کہ یہ بستی عیسائی پادریوں کا مسکن تھا مگر اب تک کے تحقیقی کام سے عندیہ ملتا ہے کہ یہ بہت بڑا شہر تھا۔

    ایم کیو ایم پاکستان نے بجٹ کو مسترد کرتے ہوئے شہری اور سندھ دشمن …

    ماہرین کے مطابق یہ یو اے ای میں اب تک دریافت ہونے والا سب سے بڑا تاریخی مقام ہے اور یہ وہ شہر تھا جس کا ذکر ابتدائی اسلامی جغرافیائی ذرائع میں بھی کیا گیا اور اسے اب تک دریافت نہیں کیا جاسکا تھا یہ شہر کافی بڑا تھا اور اس کے موتیوں کی تجارت کے باعث یہاں کے رہائشی کافی امیر تھے جن کا طرز زندگی شاہانہ تھا،یہاں کے تاجروں کا نیٹ ورک عرق، ایران اور بھارت تک پھیلا ہوا تھا۔

    وزیراعظم شہباز شریف اور تاجکستان کے صدر درمیان ٹیلیفونک رابطہ،عید الاضحیٰ پر مبارکباد