ہر طرف یوم آزادی کا جشن منایا جارہا ہے جبکہ یوم آزادی کو بھرپور طریقے سے منانے کیلئے بچے، نوجوان، خواتین سمیت سب ہی تیاریوں میں مگن ہیں اور سبز ہلالی پرچموں کی بہار ہے۔ جبکہ عمارتوں اور گھروں پر سب ہلالی پرچموں کی بہار اور ہر طرف اسٹالز بھی سجے ہوئے ہیں ،قومی پرچم، بیجز اور جھنڈیوں کی خریداری جاری ہے۔
بازار اور مارکٹیں تو اپنی جگہ ، شاہراوں کے اطراف بھی جا بجا اسٹالز سجے ہوئے ہیں۔ قومی پرچم، مختلف ڈیزائن کے بیجز،جھنڈیاں، اسٹیکرز اور سفید اور سبزرنگ والے ملبوسات کی فروخت جاری ہے۔ جبکہ دوسری جانب نورخان ایئربیس اور نیواسلام آباد ایئرپورٹ کے اطراف دفعہ 144 نافذ کردی گئی، جو 15 اگست تک نافذ رہے گی۔ اعلامیے کے مطابق کبوتربازی، پتنگ بازی،ڈرون اڑانے،لیزرلائٹ کے استعمال پرپابندی ہوگی۔
اسلام آباد پولیس نے آزادی نائٹ کے حوالے سے سیکیورٹی پلان ترتیب دیدیا، ٹریفک پولیس، ضلع پولیس اور ڈولفن فورس کی 5 ٹیمیں تشکیل دے دی گئیں۔ سیکیورٹی پلان میں ون ویلرز اور ہلڑبازی کرنے والوں کیخلاف کریک ڈاؤن کا فیصلہ کرلیا گیا، باجے اور ہارن فروخت کرنے اور بجانے پر دفعہ 144 نافذ کر دی گئی۔ موٹر سائیکل کے سائلنسر کھولنے اور روڈز بلاک کرنے پر بھی کارروائی ہوگی۔
دنیا کی بڑی طاقتوں سمیت بیشتر ممالک کی اہم شخصیات کی جانب سے پاکستان کے 76 ویں جشن آزادی کے موقع پر مختلف انداز میں مبارکباد پیش کی گئی ہے۔ جبکہ رپورٹس کے مطابق رکن امریکی کانگریس نے پاکستان کے ساتھ مستقبل میں بھی مل کر کام جاری رکھنے کا عزم ظاہر کیا ہے تو چین کا کہنا ہے پاکستان کے جشن آزادی میں وہ بھی شریک ہیں کیونکہ پاکستان اور پاکستانیوں کا تو کوئی جواب ہی نہیں، جبکہ متحدہ عرب امارات اور ایران کے سفراء نے بھی ڈھیروں دعاؤں کا تحفہ دیا ہے ۔
ڈونلڈ بلوم نے لکھا کہ؛ اسلام علیکم ، یوم آزادی مبارک، جبکہ کانگرس رہنما جیسمین کا کہنا تھا کہ؛ مجھے یقین ہے کہ ہمارے تعلقات مضبوط ہوتے جا رہے ہیں“آئیں مستقبل میں مل کر کام کرنا جاری رکھیں“یہ 76 سال اور بہت سے آنے والے سال مبارک ہوں، یوم آزادی مبارک۔
لاؤ ژیاؤ ،ڈپٹی ڈائریکٹر، بیجنگ جنتائی آرٹ میوزیم
اس سال طویل مدتی چین پاکستان اقتصادی راہداری کی 10 ویں سالگرہ کے ساتھ ساتھ چین کے ون بیلٹ روڈ اقدام کی 10 ویں سالگرہ بھی منائی جارہی ہے۔ ”میں پاکستان کے یوم آزادی کی تقریب میں شامل ہونے کے لیے اس پلیٹ فارم کو استعمال کرنا چاہتی ہوں۔
سن چاؤ، ہیڈ آف روڈ اینڈ بیلٹ پروگرام
پاکستان ایک متنوع ثقافتی ورثے، قدرتی وسائل، نوجوانوں کی آبادی اور قدرتی مناظر کے ساتھ ایک خوبصورت ملک ہےیہ انتہائی ملنسار اور گرم جوش لوگوں کا ملک ہے جو اپنے اتحاد ایمان اور نظم و ضبط کے لیے جانا جاتا ہےیہ سال دونوں ممالک کے لیے بہت خاص ہے۔
متحدہ عرب امارات کےسفیرحمادعبیدالزابی
خدا کرے کہ میری ارض پاک پہ اترے
وہ فصل گل جسے اندیشہ زوال نہ ہو
رضا امیری،پاکستان میں ایرانی سفیر
پاکستان کیلئے امن و اتحاد،استحکام و سلامتی اور خوشحالی کی دعا ہے شاد باد پاکستان،ایران پاکستان دوستی زندہ باد جبکہ پاکستان کے جشن آزادی پر دنیا بھر سے پیغامات کا سلسلہ اس بات کا بھی عکاس ہے کہ عالمی بساط پر ارض پاک کی اہمیت سے انکار بھلا کسی کیلئے ممکن کہاں ۔
مزید یہ بھی پڑھیں؛
لاہور:سفاک شوہر نے اپنی امریکن نیشنل اہلیہ کو تشدد کرکے قتل کردیا
ون ویلرز اور ہلڑبازی کرنے والوں کےخلاف کریک ڈاؤن کا فیصلہ
76 ویں یوم آزادی: پاکستان ملٹری اکیڈمی کاکول میں آزادی پریڈ کا انعقاد
گریٹر پارک میں یوم آزادی کی تقریب ،آتشبازی اور میوزیکل پروگرام کا انعقاد
