پاکستان کرکٹ ٹیم نے نیوزی لینڈ کے خلاف ٹی ٹوئنٹی میں 200 سے زیادہ رنز کا ہدف حاصل کرکے منفرد ریکارڈ بھی اپنے نام کر لیا ہے۔
باغی ٹی وی کے مطابق پاکستان نے 205 رنز کا ہدف محض 16ویں اوور میں ہی حاصل کر لیا جو ٹی ٹونٹی کرکٹ کی 20 سالہ تاریخ میں ایک ریکارڈ ہے۔ اس سے قبل، 2007ء میں جوہانسبرگ میں جنوبی افریقا نے ویسٹ انڈیز کے خلاف 17.4 اوور میں 200 سے زیادہ رنز کا ہدف حاصل کیا تھا۔پاکستان نے 2021ء میں جنوبی افریقہ کیخلاف سنچورین میں 200 سے زیادہ رنز کا ہدف 18 اوورز میں پورا کیا تھا۔
واضح رہے کہ قومی ٹیم نے سیریز کے تیسرے ٹی ٹوئنٹی میچ میں نیوزی لینڈ کو 9 وکٹوں سے شکست دے کر میچ میں کامیابی حاصل کی۔ اوپنر محمد حارث 41 رنز بنا کر آؤٹ ہوئے۔ اوپنر حسن نواز نے 105 رنز اور کپتان سلمان علی آغا نے 51 رنز کی ناقابل شکست اننگز کھیلی۔
ونڈ فال ٹیکس،چار ہفتوں میں 34.5 ارب سے زائد رقم وصول
ملک بھر میں لاکھوں فرزندان اسلام اعتکاف میں بیٹھ گئے
نواز شریف کا بلوچستان کی موجودہ صورتحال پر گہرے دکھ اور تشویش کا اظہار