غزہ میں اسرائیلی فوج کے بدترین مظالم کا سلسلہ تھم نہ سکا۔ گزشتہ 24 گھنٹوں کے دوران صہیونی حملوں میں مزید 49 فلسطینی شہید ہو گئے، جن میں امداد کے منتظر 17 افراد بھی شامل ہیں، جبکہ 369 افراد زخمی ہوئے۔
قطری نشریاتی ادارے کے مطابق غزہ کی وزارت صحت نے بتایا کہ اسرائیل کے پچھلے حملوں میں تباہ شدہ عمارت کے ملبے سے 2 شہید فلسطینیوں کی لاشیں نکالی گئیں۔ وزارت نے یہ بھی بتایا کہ بھوک کے باعث ایک اور بچہ شہید ہو گیا، جس کے بعد بھوک سے شہادتوں کی مجموعی تعداد 240 ہو گئی ہے، جن میں 107 بچے شامل ہیں۔وزارت صحت کے مطابق 7 اکتوبر 2023 سے جاری اسرائیلی جارحیت کے نتیجے میں اب تک 61 ہزار 827 فلسطینی شہید ہو چکے ہیں، جبکہ زخمیوں کی تعداد ایک لاکھ 55 ہزار 275 تک پہنچ چکی ہے۔
رپورٹ میں مزید بتایا گیا کہ 27 مئی کو اسرائیل نے امریکی ادارے جی ایچ ایف کے ذریعے امداد کی تقسیم کا نیا نظام متعارف کرایا تھا، جس کے بعد سے اب تک امداد کے منتظر ایک ہزار 898 فلسطینی شہید ہو چکے ہیں، جبکہ 14 ہزار 113 سے زائد افراد زخمی ہوئے۔غزہ میں انسانی بحران سنگین صورتحال اختیار کر چکا ہے، جہاں خوراک، پانی، ادویات اور بنیادی سہولیات کی شدید قلت ہے۔ عالمی برادری کی خاموشی اور امدادی اداروں کی محدود رسائی نے مظلوم فلسطینیوں کی مشکلات میں مزید اضافہ کر دیا ہے۔
وزراء و اراکین پارلیمنٹ کو ایوارڈز دینا آئین کی خلاف ورزی ہے، ماہرین قانون
پیپلز پارٹی خیبرپختونخوا کے عوام کے ساتھ ہے، شرجیل میمن
ٹرمپ، پیوٹن سربراہی اجلاس کے لیے الاسکا روانہ، جنگ ختم کرنے پر زور