کل (27 اکتوبر) کو کشمیری عوام سے اظہارِ یکجہتی اور بھارتی قبضے کے خلاف احتجاج کے طور پر یومِ سیاہ منایا جائے گا۔ اس موقع پر مقبوضہ جموں و کشمیر، پاکستان اور دنیا بھر میں احتجاجی ریلیاں، واکس اور تقاریب کا انعقاد کیا جائے گا۔
یومِ سیاہ کے موقع پر صبح 10 بجے کشمیری شہداء کی یاد میں ایک منٹ کی خاموشی اختیار کی جائے گی۔ اسلام آباد میں دفترِ خارجہ سے ڈی چوک تک مرکزی یکجہتی واک نکالی جائے گی۔وفاقی دارالحکومت میں شاہراہِ دستور، پارلیمنٹ ہاؤس اور ڈی چوک پر ’’کشمیر بنے گا پاکستان‘‘ کے بینرز آویزاں کیے گئے ہیں۔ وزارتِ اطلاعات، وزارتِ خارجہ، پی ٹی اے اور اسلام آباد پولیس نے اس حوالے سے بھرپور انتظامات مکمل کر لیے ہیں۔اسلام آباد کی سڑکوں، چوراہوں اور سرکاری عمارتوں پر یومِ سیاہ کے پوسٹرز بھی نصب کر دیے گئے ہیں۔
یومِ سیاہ پر اسلام آباد، مظفرآباد، کراچی، لاہور اور پشاور سمیت ملک بھر میں ریلیاں اور واکس ہوں گی، جبکہ گلگت بلتستان، آزاد کشمیر اور چاروں صوبوں میں قومی یکجہتی کا مظاہرہ کیا جائے گا.
ٹک ٹاک معاہدے کی تفصیلات طے،چین سویا بین دوبارہ خریدے گا: امریکی وزیر خزانہ
آزاد کشمیر میں بڑی سیاسی ہلچل، پی ٹی آئی کے 5 وزرا پیپلز پارٹی میں شامل