سیکیورٹیز اینڈ ایکسچینج کمیشن آف پاکستان (ایس ای سی پی) نے مئی 2025 میں 3,609 نئی کمپنیوں کی رجسٹریشن کے ساتھ ایک نیا ریکارڈ قائم کر دیا ہے۔ یہ تعداد جنوری 2025 میں بنائے گئے 3,442 کمپنیوں کے سابقہ ریکارڈ کو پیچھے چھوڑ چکی ہے۔
ایس ای سی پی کی جانب سے جاری کردہ اعلامیے کے مطابق، مئی کے مہینے میں رجسٹر کی گئی کمپنیوں نے مجموعی طور پر 2.7 ارب روپے سے زائد سرمایہ اکٹھا کیا، جبکہ 99.9 فیصد رجسٹریشنز ڈیجیٹل پلیٹ فارم کے ذریعے مکمل کی گئیں۔ یہ رجحان ایس ای سی پی کی ڈیجیٹل اصلاحات کی کامیابی اور سرمایہ کاروں کے اعتماد کا مظہر ہے۔
ایس ای سی پی کا کہنا ہے کہ وہ ریگولیٹری فریم ورک کو مزید بہتر بنانے، شفافیت بڑھانے اور ایک سرمایہ کار دوست ماحول کے فروغ کے لیے پرعزم ہے۔ اس تازہ اضافہ کے بعد ملک میں رجسٹرڈ کمپنیوں کی مجموعی تعداد 2 لاکھ 55 ہزار سے تجاوز کر گئی ہے۔
اعلامیے کے مطابق، نئی رجسٹریشنز میں 59 فیصد پرائیویٹ لمیٹڈ کمپنیاں، 37 فیصد سنگل ممبر کمپنیاں، اور بقیہ 4 فیصد پبلک ان لسٹڈ کمپنیاں، نان پرافٹ آرگنائزیشنز، گارنٹی لمیٹڈ اور ایل ایل پیز شامل ہیں۔
شعبہ جاتی جائزے کے مطابق سب سے زیادہ رجسٹریشنز آئی ٹی اور ای کامرس سیکٹر میں ہوئیں، جہاں 718 کمپنیاں شامل ہوئیں۔ ٹریڈنگ سیکٹر میں 506، جبکہ سروسز سیکٹر میں 447 نئی کمپنیاں رجسٹر کی گئیں۔
خواجہ آصف کی اپنی حکومت پر تنقید، اضافہ ’مالی فحاشی‘ قرار
ترسیلات زر میں ریکارڈ اضافہ، 11 ماہ میں 34.9 ارب ڈالر پاکستان منتقل
ممبئی میں دنیا کے امیر ترین بھکاری کا انکشاف، 460 کروڑ روپے نقد برآمد
امریکا، چین تجارتی معاہدہ؛ خام تیل کی قیمت بلند ترین سطح پر پہنچ گئی