پاکستان اسپورٹس بورڈ (پی ایس بی) نے شاندار کارکردگی دکھانے والے قومی کھلاڑیوں اور اسپورٹس فیڈریشنز کی حوصلہ افزائی کے لیے کیش انعامات اور گرانٹس تقسیم کرنے کی تقریب منعقد کی، جس میں مشیر بین الصوبائی رابطہ رانا ثناء اللّٰہ نے بطور مہمانِ خصوصی شرکت کی۔
تقریب کے دوران پاکستان کا نام عالمی سطح پر روشن کرنے والے 36 کھلاڑیوں میں مجموعی طور پر 82 لاکھ روپے کے کیش انعامات تقسیم کیے گئے، جبکہ 22 اسپورٹس فیڈریشنز کو 6 کروڑ 39 لاکھ روپے کے چیک دیے گئے۔معروف جیولن تھرو ایتھلیٹ ارشد ندیم کو شاندار کارکردگی پر 20 لاکھ روپے کا انعام دیا گیا، جبکہ ایتھلیٹکس فیڈریشن آف پاکستان کو 1 کروڑ روپے کی خصوصی گرانٹ جاری کی گئی۔
فیڈریشنز کو جاری کی گئی دیگر گرانٹس درج ذیل ہیں:
الپائن کلب: 21 لاکھ
پاکستان بیڈمنٹن فیڈریشن: 11 لاکھ
باڈی بلڈنگ فیڈریشن: 25 لاکھ
ہینڈ بال فیڈریشن: 50 لاکھ
جوڈو فیڈریشن: 10 لاکھ
جوجٹسو فیڈریشن: 20 لاکھ
کراٹے فیڈریشن: 30 لاکھ
کبڈی فیڈریشن: 30 لاکھ
تائیکوانڈو فیڈریشن: 11 لاکھ
نیشنل رائفل ایسوسی ایشن: 20 لاکھ سالانہ + 50 لاکھ خصوصی گرانٹ
پاکستان رگبی یونین: 11 لاکھ
ونٹر اسپورٹس فیڈریشن: 20 لاکھ
اسکواش فیڈریشن: 50 لاکھ
سوئمنگ فیڈریشن: 22.5 لاکھ
ٹیبل ٹینس فیڈریشن: 22.5 لاکھ
ٹینس فیڈریشن: 10 لاکھ
ٹین پن باؤلنگ فیڈریشن: 25 لاکھ
والی بال فیڈریشن: 50 لاکھ
ریسلنگ فیڈریشن: 30 لاکھ
ووشو فیڈریشن: 10 لاکھ
اس موقع پر حکام نے کہا کہ حکومت کھلاڑیوں اور کھیلوں کی ترقی کے لیے بھرپور تعاون جاری رکھے گی تاکہ پاکستان کھیلوں کے میدان میں بین الاقوامی سطح پر مزید کامیابیاں حاصل کر سکے۔
12 دن بعد بیت المقدس میں مقدس مقامات دوبارہ کھل گئے، عبادات بحال
شہادت کی افواہ، ایرانی جنرل تہران میں جشن میں شریک، ویڈیو وائرل
ڈیرہ غازی خان: محرم سیکیورٹی انتظامات کا اعلیٰ سطحی جائزہ اجلاس
24 گھنٹوں میں ً74 فلسطینی شہید، مجموعی تعداد 56 ہزار سے تجاوز کر گئی