کراچی میں ای چالان سسٹم کے تحت جاری کردہ اعداد و شمار سامنے آگئے ہیں، جن کے مطابق اب تک 589 سرکاری گاڑیوں کے خلاف ای چالان جاری کیے جاچکے ہیں۔
اعداد و شمار کے مطابق سندھ پولیس کی 118 موبائل اور دیگر سرکاری گاڑیوں کو بھی ٹریفک قوانین کی خلاف ورزی پر چالان کیا گیا۔ مجموعی طور پر شہر بھر میں 61 ہزار 850 سے زائد ای چالان جاری کیے گئے ہیں۔رپورٹ کے مطابق خلاف ورزی کرنے والی 964 ہیوی گاڑیوں کا ای چالان کیا گیا، جبکہ بغیر ہیلمٹ سفر کرنے والے موٹر سائیکل سواروں کو 11 ہزار سے زیادہ چالان موصول ہوئے۔ سیٹ بیلٹ نہ باندھنے پر 41 ہزار 431 افراد کے خلاف کارروائی کی گئی۔
مزید اعداد و شمار کے مطابق سگنل توڑنے پر 2 ہزار 200 چالان جاری ہوئے، ڈرائیونگ کے دوران موبائل فون استعمال کرنے پر ایک ہزار 447 ڈرائیورز کو چالان کیا گیا، جبکہ سیاہ شیشوں کے استعمال پر بھی 795 ای چالان جاری کیے گئے ہیں
پنجاب فرانزک سائنس ایجنسی کے ڈیٹا پرسائبر اٹیک کی کوشش ناکام
جسٹس کامران ملاخیل قائم مقام چیف جسٹس بلوچستان ہائیکورٹ مقرر
ملتان کو نیا پی ایس ایل کنٹریکٹ نہیں ملا، پی سی بی نے وجوہات بتا دیں