پاکستان ٹیلی کمیونیکیشن اتھارٹی (پی ٹی اے) نے جدید وائی فائی 7 ٹیکنالوجی کے لیے 6 گیگا ہرٹز بینڈ کے استعمال کی منظوری دے دی ہے۔
پی ٹی اے کے اعلامیہ کے مطابق آئندہ آنے والی تمام وائی فائی جنریشنز کے لیے بھی 6 گیگا ہرٹز بینڈ میں استعمال کی اجازت دی گئی ہے، جس کے بعد پاکستان ایشیا کے ان اولین ممالک میں شامل ہوگیا ہے جو اس جدید ٹیکنالوجی کو اپنارہے ہیں۔اعلامیہ میں بتایا گیا کہ وائی فائی 7 تیز ترین ڈیٹا ریٹس، نہایت کم لیٹنسی اور شاندار کارکردگی فراہم کرتا ہے، جو جدید انٹرنیٹ ضروریات کو پورا کرنے میں مددگار ثابت ہوگا۔
پی ٹی اے کے مطابق یہ ٹیکنالوجی گھروں، چھوٹے کاروباروں، تعلیمی اداروں، صحت عامہ کے مراکز اور اسمارٹ سٹی منصوبوں میں تیز تر اور قابلِ اعتماد کنیکٹیوٹی کو یقینی بنائے گی۔ماہرین کے مطابق وائی فائی 7 کا اجرا ڈیجیٹل پاکستان کے وژن کی جانب ایک بڑا قدم ہے جو ملک میں جدید آئی ٹی اور ٹیلی کام انفراسٹرکچر کی ترقی کو مزید تقویت دے گا۔
پاکستان میں سیلاب سے تباہی، چین کا بھرپور امداد کا اعلان
غزہ کے انتظامی امور کی قیادت ٹونی بلیئر کو ملنے کا امکان
امریکی بحری جہاز یو ایس ایس وین ای میئر کا کراچی کا دورہ مکمل
غزہ میں نیتن یاہو کا خطاب زبردستی سنانے پر اسرائیلی فوج اور اہل خانہ برہم