پاکستان تحریک انصاف (پی ٹی آئی) نے لاہور کی انسداد دہشت گردی عدالت کے 9 مئی مقدمات کے فیصلے کو مسترد کرتے ہوئے اسے چیلنج کرنے کا اعلان کیا ہے۔
عدالت نے تھانہ شادمان نذر آتش کیس اور راحت بیکری کے باہر جلاؤ گھیراؤ کیس کا فیصلہ سناتے ہوئے شاہ محمود قریشی کو بری کر دیا، جبکہ میاں محمود الرشید، عمر سرفراز چیمہ، ڈاکٹر یاسمین راشد، اعجاز چوہدری اور عمران خان کے گارڈ حافظ ارشد کو 10، 10 سال قید کی سزا سنائی۔اسی کیس میں پی ٹی آئی پنجاب کی چیف آرگنائزر عالیہ حمزہ اور صنم جاوید کو 5، 5 سال قید کی سزا دی گئی۔ تھانہ شادمان کیس میں 13 ملزمان کو سزا اور 12 کو بری کیا گیا، جبکہ راحت بیکری کیس میں 7 ملزمان کو سزا اور 10 کو بری کیا گیا۔
فیصلے پر ردعمل دیتے ہوئے پی ٹی آئی ترجمان نے ایکس پر بیان میں کہا کہ 9 مئی کے پرتشدد واقعات میں پارٹی قیادت اور کارکنوں کو دی گئی سزائیں انصاف اور عدل کے منہ پر طمانچہ ہیں۔
پنجاب میں دریائے ستلج اور ندی نالوں میں ممکنہ سیلاب کا الرٹ
شوگر مافیا نے کسانوں کے 3 ارب سے زائد دبالیے، آڈٹ میں انکشاف
بھارت نے جنگ چھیڑی تو نہ پیچھے ہٹیں گے نہ جھکیں گے، بلاول بھٹو