Baaghi TV

Tag: 9 مئی

  • 9 مئی واقعات:عمران خان اور شاہ محمود قریشی کی ضمانت کی درخواستوں پر سماعت ملتوی

    9 مئی واقعات:عمران خان اور شاہ محمود قریشی کی ضمانت کی درخواستوں پر سماعت ملتوی

    اسلام آباد: 9 مئی واقعات میں سابق چیئرمین پی ٹی آئی عمران خان اور شاہ محمود قریشی کی ضمانت کی درخواستوں پر سماعت بغیر کارروائی ملتوی کر دی گئی۔

    باغی ٹی وی: خصوصی عدالت کے جج ابوالحسنات ذوالقرنین کے رخصت پر ہونے کے باعث سماعت نہ ہو سکی اسلام آباد کی انسدادِ دہشت گردی کی عدالت میں پی ٹی آئی وکیل خالد یوسف چوہدری عدالت میں پیش ہوئے،عدالت نے مزید کارروائی کے لیے سماعت 11 دسمبر تک ملتوی کر دی۔

    سابق چیئرمین پی ٹی آئی کی تھانہ کھنہ کے دو جبکہ تھانہ بہارہ کہو میں ایک مقدمے میں درخواست ضمانت دائر ہے ہائی کورٹ نے اے ٹی سی کو ضمانت کی درخواستیں دوبارہ سننے کی ہدایت کی تھی شاہ محمود قریشی کے خلاف تھانہ کھنہ میں درج 2 مقدمات میں درخواست ضمانت دائر ہے-

    کینیا کےٹی وی نے صحافی ارشد شریف کے قتل کی تحقیقاتی رپورٹ شائع …

  • سانحہ 9 مئی:مزید 29 افراد گرفتار،انسداد دہشتگردی عدالت میں پیش

    سانحہ 9 مئی:مزید 29 افراد گرفتار،انسداد دہشتگردی عدالت میں پیش

    لاہور: سانحہ 9 مئی میں ملوث مزید 29 افراد کو گرفتار کرکے انسداد دہشتگردی عدالت میں پیش کردیا گیا ہے۔

    باغی ٹی وی: تفصیلات کے مطابق عدالت نے 29 افراد کو شناخت پریڈ پر 14 دن کیلئے جیل بھیج دیا ہے،پولیس کا موقف ہے جناح ہاؤس مقدمہ میں ملوث افراد کو گرفتار کیا جا رہا ہے،ملزمان کی جناح ہاؤس موجودگی پائی گئی ہے،پولیس نے استدعا کی ملزمان کی شناخت پریڈ کی استدعا منظور کی جائے،انسداد دہشتگردی عدالت نے پولیس کی شناخت پریڈ کی استدعا منظور کرلی-

    دوسری جانب فیصل آباد کی انسداد دہشت گردی عدالت نے 9 مئی کو حساس ادارے کے دفتر پر حملہ کے مقدمے میں پاکستان تحریک انصاف کے چیئرمین عمران خان کے بعد مرکزی قیادت کو بھی نامزد کردیا جبکہ اسد عمر سمیت دیگر رہنماؤں کو عدالت میں طلب کرلیا گیا۔

    سیالکوٹ :تھانہ سمبڑیال کے علاقہ میں کھیت سے 2 نوجوانوں کی لاشیں برآمد

    انسداد دہشت گردی عدالت نے پی ٹی آئی رہنماؤں کو کو طلب کرلیا، جن رہنماؤں کو طلب کیا گیا ان میں اسدعمر، فرخ حبیب، حماداظہر، عمرایوب، شہبازگل، فواد چوہدری، مسرت چیمہ، جمشید چیمہ، علی امین گنڈا پور، زرتاج گل، یاسمین راشد، مراد سعید اور شبلی فراز شامل ہیں، اعظم سواتی، اسلم اقبال، اکرم ساہی، زین قریشی، صاحبزادہ حامد رضا، خیال کاسترو، لطیف نذر اور دیگر رہنما کو بھی عدالت میں طلب کرلیا گیا۔

    حکومت صاف شفاف انتخابات کے انعقاد کیلئے ہر قسم کا تعاون کرے گی،نگران وزیراعظم

  • 9 مئی حملہ: جیو فینسنگ فہرست میں دو پولیس افسران کے نام شامل

    9 مئی حملہ: جیو فینسنگ فہرست میں دو پولیس افسران کے نام شامل

    لاہور: 9 مئی کو جناح ہاؤس حملے میں موجود افراد کی جیو فینسنگ فہرست میں دو پولیس افسران کے نام سامنے آئے ہیں۔

    باغی ٹی وی : میڈیا ذرائع کے مطابق ایس پی ماڈل ٹاؤن انویسٹی گیشن کو فراہم کی گئی لسٹ میں دو پولیس افسران کے نام اور تصاویر بھی شامل ہیں،ڈی آئی جی آپریشنز لاہور سید علی ناصر رضوی کے پرسنل اسٹاف افسر انسپکٹر عاصم رفیع کا نام فہرست میں موجود ہے،ڈی آئی جی آپریشنز لاہور سید علی ناصر رضوی کے پرسنل اسٹاف افسر انسپکٹر عاصم رفیع کا نام فہرست میں موجود ہے-

     

    واضح رہے کہ ملک میں 9 مئی کو ہونے والی شرپسندی کے بعد قانون نافذ کرنے والے اداروں نے سخت ایکشن لیتے ہوئے متعدد شرپسندوں کو گرفتار کیا جب کہ اس موقع پر تحریک انصاف کے مرکزی رہنماؤں کو تھری ایم پی او کے تحت نظر بند کیا گیا۔

    آج تک میں شکیب کی بہت عزت کرتا تھا لیکن وہ سب کچھ کھو بیٹھا،اینجلو …

    پی ٹی آئی کے خلاف کریک ڈاؤن کے بعد اب تک پارٹی کے کئی نامور رہنما اسے خیرباد کہہ چکے ہیں جن میں فواد چوہدری، شیریں مزاری، عامر کیانی، علی زیدی، عمران اسماعیل، پرویز خٹک، محمود خان، فردوس عاشق اعوان، فیاض چوہان، ملیکہ بخاری، آفتاب صدیقی، محمود مولوی بھی شامل ہیں جب کہ پارٹی کے سیکرٹری جنرل اسد عمر بھی تمام عہدوں سے مستعفی ہوچکے ہیں۔

    بابا وانگا کی سال 2024 کے حوالے سے 7 پیشگوئیاں

  • نو مئی واقعات میں ملوث شرپسندوں کے خلاف کارروائی تیز کرنے کا فیصلہ

    نو مئی واقعات میں ملوث شرپسندوں کے خلاف کارروائی تیز کرنے کا فیصلہ

    نو مئی کے واقعات میں ملوث شرپسندوں کے خلاف کارروائی تیز کرنے کا فیصلہ کرلیا گیا ہے جبکہ پولیس کی خصوصی تفتیشی ٹیم نے مزید 124 ملزمان کی فہرست تیار کرلی گئی ہیں اور تفتیشی ٹیم نے فہرستیں متعلقہ تھانوں کے حوالے کردیں ہیں واضح رہے کہ گزشتہ دو دن میں نو مئی کے واقعات میں ملوث مزید 35 افراد کو حراست میں لیا گیا، جبکہ ذرائع نے بتایا کہ اڈیالہ جیل میں چیئرمین پی ٹی آئی سے تفتیش کیلئے پراسیکیوشن اور تفتیشی ٹیم نے جزئیات طے کرلیں ہیں.

    چئیرمین پی ٹی آئی سے تفتیش اور نو مئی کے واقعات کی تحقیقات کی نگرانی آر پی او سید خرم علی براہ راست کررہے ہیں اور راولپنڈی میں نو مئی کے واقعات کے خلاف مختلف تھانوں میں 19 مقدمات درج ہیں، ذرائع کا بتانا ہے کہ نو مئی کے واقعات میں مجموعی طور پر 444 ملزمان کو گرفتار کرکے اڈیالہ جیل منتقل کیا گیا ہے

    تاہم واضح رہے کہ جی ایچ کیو حملے میں اب تک 75 ملزمان کو گرفتار کیا گیا ہے، آرمی ایکٹ کے تحت نو مئی کے واقعات میں ملوث 8 ملزمان کو ملٹری کورٹس کے حوالے کیا گیا ہے، خیال رہے کہ 9 مئی کو بظاہر عمران خان کی گرفتاری کے ردعمل میں جو کچھ ہوا وہ افسوس ناک اور قابلِ مذمت تھا جبکہ اس حوالے متعدد رہنماء کہہ چکے ہم پاکستان کے ساتھ ہیں، فوج ہماری ے، کسی کے خلاف ہونے کی کوئی وجہ نہیں بنتی، احتجاج قانون کے دائرے میں ہونا چاہیے۔

  • پی ٹی آئی میانوالی کے صدر سلیم گل نے پارٹی کو خیرباد کہہ دیا

    پی ٹی آئی میانوالی کے صدر سلیم گل نے پارٹی کو خیرباد کہہ دیا

    میانوالی: پاکستان تحریک انصاف پی ٹی آئی میانوالی کے صدر سلیم گل نے پارٹی کو خیرباد کہہ دیا-

    باغی ٹی وی: سلیم گل 5 ماہ روپوشی کے بعد منظرعام پر آئے اور پریس کانفرنس میں پارٹی کو باد کہنے کا اعلان کرتے ہوئے کہا کہ چئیرمین پی ٹی آئی کومفاد پرست لوگوں نے مس گائیڈ کیا، موجودہ حالات میں پی ٹی آئی چھوڑنے کا اعلان کرتا ہوں 9 مئی کے واقعات کی بھی مذمت کرتا ہوں۔

    واضح رہے کہ پریس کانفرنس میں ضلعی صدر سلیم گل کے علاوہ محسن شہزاد صدر تحصیل عیسیٰ خیل، شوکت خان نائب صدر ، محمد افضل اور جمال خان بھی موجود تھے، اور موجود ساتوں رہنماؤں پر دہشت گردی کے مقدمات درج ہیں۔

    صداقت عباسی نے بھی عمران خان کو خیرآباد کہہ دیا

    قبل ازیں تحریک انصاف کے رہنماء صداقت علیی عباسی نے تحریک انصاف اور سیاست کو چھوڑنے کا اعلان کیا تھا نجی ٹی وی سے بات کرتے ہوئے انہوں نے کہا کہ میں کہیں غائب نہیں تھا بلکہ اپنے دوست کے ہاں گیا تھا کیونکہ 9 مئی واقعہ کے بعد پولیس نے پکڑ دکھڑ شروع کی ہوئی تھی، عمران خان کا بیانیہ جو اداروں کیخلاف تھا اسی کے نتیجہ میں 9 مئی کا واقعہ پیش آیا ہے اور اس سے قبل عمران خان کہتے تھے کہ ہماری لڑائی اداروں کیساتھ ہے۔

    رواں سال کا دوسرا اور آخری سورج گرہن 14 اکتوبر کو ہوگا

    انہوں نے یہ بھی کہا تھا کہ 4 مئی کو پلان ہوا کہ 6 مئی کو ایک ریلی ہوگی جس میں اداروں کو دباؤ میں لانا ہے کیونکہ عمران خان کو گرفتار کیا گیا تو پھر نشانہ حساس تنصیبات ہوں گی، جبکہ 7 مئی کو ایک اور میٹنگ ہوئی تھی جس میں عمران خان اور پارٹی رہنماؤں نے کہا کہ اگر عمران خان کو گرفتار کیا گیا تو پھر لوگ حساس اداروں کے خلاف کاروائی کریں اور ان کی بلڈنگ پر پہنچ کر توڑ پھوڑ کریں-

    نگراں وزیراعظم کی وزیرِ اعلیٰ بلوچستان سے ملاقات

  • 9 مئی کو فوجی تنصیبات پر حملوں کیلئے نوجوانوں سے حلف لیا گیا تھا،پرویز خٹک

    9 مئی کو فوجی تنصیبات پر حملوں کیلئے نوجوانوں سے حلف لیا گیا تھا،پرویز خٹک

    اسلام آباد: پی ٹی آئی پارلیمنٹرینز کے سربراہ پرویز خٹک نے کہا ہے کہ 9 مئی کو فوجی تنصیبات پر حملوں کے لیے الگ الگ ٹیمیں بنائی گئی تھیں۔

    باغی ٹی وی : سابق پی ٹی آئی رہنما پرویز خٹک کا 9، 10 مئی واقعات سے متعلق بیان میں کہا کہ جس وقت ہماری حکومت کا خاتمہ کیا گیا تو توڑپھوڑ کا منصوبہ بنایا گیا، نوجوانوں سے حلف بھی لےلیا گیا تاکہ ایک فورس تیار ہوجائے، فوجی تنصیبات پر حملوں کیلئے خیبرپختو نخوا میں بنائی گئی ٹیم میں مراد سعید اور علی امین گنڈا پور شامل تھے،دھرنوں اور جیل بھرو تحریک کا مقصد لاٹھی چارج اور جیلوں میں ڈالنے کا خوف ختم کرنا تھا، فوج کے خلاف ایسا حملہ ملک کی توہین ہے۔

    واضح رہے کہ گزشتہ روز ایک جلسے سے خطاب میں پرویز خٹک نے چیئرمین پی ٹی آئی کو تنقید کا نشانہ بناتے ہوئے کہا تھا کہ عمران خان فرعون تھا وہ تاحیات ملک کا بادشاہ رہنا چاہتا تھا،انھوں نے مزید کہا کہ جتنے راز ان کے پاس ہیں کسی کے پاس نہیں ہیں،عمران خان نہیں چاہتے تھے کہ پارٹی میں کوئی لیڈر ہو وہ اپنے آگے کسی کو لیڈر نہیں مانتے تھے، شاہ محمود اور اسد عمر کی حیثیت ٹکے کی نہیں تھی۔

    امریکا کی غلامی کرتے ہوئے عمران خان کو اندرکیا گیا،لطیف کھوسہ

    پرویز خٹک نے کہا تھا کہ چیئرمین پی ٹی آئی جہاں پھنس گئے ہیں وہاں سے نکلنا آسان نہیں۔ جھوٹ بول بول کر انھوں نے نوجوانوں کو خراب کر دیا، ایک وقت آئے گا پورا صوبہ پی ٹی آئی کو چھوڑ دے گا ساڑھے تین سال چیئرمین پی ٹی آئی کے ساتھ وقت ضائع کیا، تحریک انصاف نے اس ملک کے لئے کچھ نہیں کیا۔

    دُنیا کے کئی ممالک میں جمعرات کو سُپربلیو مون کا نظارہ کیا جاسکے گا

  • پی ٹی آئی چیئرمین ایک بار پھر 9 مئی کے واقعات سے منحرف ہو گئے

    پی ٹی آئی چیئرمین ایک بار پھر 9 مئی کے واقعات سے منحرف ہو گئے

    اٹک: 9 مئی کو ملک بھر میں ہونے والے جلاؤ گھیراؤ کے واقعات پر جے آئی ٹی نے چیئرمین پی ٹی آئی سے 6 مقدمات میں تفتیش کی ،جس میں پی ٹی آئی کے چیئرمین ایک بار پھر 9 مئی کے واقعات سے منحرف ہو گئے۔

    باغی ٹی وی: جوائنٹ انویسٹی گیشن ٹیم (جے آئی ٹی) نے اٹک جیل میں چیئرمین پی ٹی آئی سے 9 مئی کے واقعات سے متعلق 6 مقدمات میں تفتیش کی ڈی آئی جی انویسٹی گیشن عمران کشور سمیت پوری جے آئی ٹی ٹیم نے سابق وزیر اعظم سے سوالات کیے۔

    جے آئی ٹی نے پوچھا کہ 9 مئی کے بارے میں آپ کی جانب سے اشتعال دلانے کے شواہد موجود ہیں چیئرمین پی ٹی آئی نے جواب دیا کہ میں گرفتار ہو گیا تھا، کسی کو فون کر کے اشتعال نہیں دلایا۔

    یوکرین میں دوران پرواز 2 فوجی تربیتی طیارے آپس میں ٹکرا گئے،3 پائلٹ ہلاک

    ذرائع کا بتانا ہے کہ جے آئی ٹی نے سوال کیا کہ ایسی ویڈیوز اور کلپس ہیں جن میں مظاہرین آپ کا نام لیتے نظر آتے ہیں، جس پر سابق وزیر اعظم نے جواب دیا کہ کسی کو نہیں اکسایا سب اپنے طور پر کنٹونمنٹ کے علاقے میں گئے، جلاؤ گھیراؤ میں میری پارٹی کے کارکن نہیں، کوئی اور افراد تھے جے آئی ٹی نے چیئرمین پی ٹی آئی سے جمعے کو 30 منٹ اٹک جیل میں ملاقات کی۔

    آسٹریلیا کے ساحل کے قریب فوجی ہیلی کاپٹر گر کرتباہ

    سوال کیا گیا کہ لوگ کنٹونمنٹ کے علاقے میں کیوں گئے تھے چیئرمین نے جواب دیا کہ جنہوں نے پکڑا تھا انہی کی طرف جانا تھا آپ کے لوگ پکڑتے تو تھانوں کی طرف جاتےسوال کیا گیا کہ آپ کے اشتہاری ملزمان اسلم اقبال، حماد اظہر اور مراد سعید سے بھی رابطوں کے کچھ شواہد ملے ہیں چیئرمین نے جواب میں کہا کہ شواہد ہیں تو رابطے کرنا کون سا جرم ہے، آپ کو جو بات کرنی ہے میرے وکیل سے کریں جے آئی ٹی نے کہا کہ وکیل کو عدالت میں بلایئے گا ہم تفتیش کرنے آئے ہیں۔

    امریکا میں سفید فام شخص کی فائرنگ،3 سیاہ فام ہلاک

    واضح رہے کہ چئیر مین پی ٹی آئی پر 9 مئی سے متعلق دہشت گردی کے 6 مقدمات درج ہیں جس پر جے آئی ٹی چئیرمین پی ٹی آئی سے تفتیش کر رہی ہے۔

  • 9 مئی واقعات:پی ٹی آئی رہنما اعجاز چوہدری کے جوڈیشل ریمانڈ میں توسیع

    9 مئی واقعات:پی ٹی آئی رہنما اعجاز چوہدری کے جوڈیشل ریمانڈ میں توسیع

    لاہور : انسداد دہشتگردی کی عدالت نے پی ٹی آئی رہنما اعجاز چوہدری کے جوڈیشل ریمانڈ میں توسیع کردی۔

    باغی ٹی وی: لاہور کی انسداددہشتگردی عدالت میں 9 مئی کے روز عمران خان کی گرفتاری کے بعد تھانہ شادمان کو جلانے اور توڑپھوڑ کے کیس کی سماعت کی جس دوران جیل پولیس نے سینیٹر اعجاز چوہدری کو جوڈیشل ریمانڈ ختم ہونے پر عدالت میں پیش کیا،عدالت نے اعجاز چوہدری کے جوڈیشل ریمانڈ میں 13 روز کی توسیع کردی۔

    واضح رہے کہ اعجاز چوہدری کے خلاف تھانہ شادمان میں مقدمہ درج ہے، انہیں 11 مئی کو گلگت بلتستان ہاؤس سے 3 ایم پی او کے تحت گرفتار کیا گیا تھا۔

    لاہور ہائیکورٹ میں اعجاز چوہدری کو جیل میں بی کلاس سہولیات فراہم نہ کرنے کے خلاف دائر اپیل پر سماعت ہوئی عدالت نے پنجاب حکومت کے وکیل کی استدعا پر سماعت 28 اگست تک ملتوی کردی ، وکیل پنجاب حکومت نے کہا کہ اس اپیل میں سرکاری وکیل غلام سرور نہنگ نے پیش ہونا ہےانکی طبعیت ناساز ہے جس کی وجہ سے وہ پیش نہیں ہوسکتے –

    درخواست گزارکے وکیل نےکہا کہ عمر سرفراز چیمہ کو بی کلاس سہولیات دے دی تھی اعجاز چوہدری کو سہولیات فراہم نہیں کی گئی، وکیل پنجاب حکومت نے کہا کہ اعجاز چوہدری پر دہشت گردی کے مقدمات ہیں سنگین الزامات ہیں ،عدالت نے سرکاری وکیل کو ریمارکس دیئے کہ خدا کا خوف کریں عدالت آرڈر پاس کردیں تو پھر تو بی کلاس سہولیات دو گے ناں ،آپ متعلقہ حکام کو آن بورڈ لیں اور آگاہ کریں –

    جسٹس محمد وحید خان کی سربراہی میں دو رکنی بینچ نے اعجاز چوہدری کی اہلیہ کی درخواست پر سماعت کی

    حکومت شفاف انتخابات کیلئے اقدامات کر رہی ہے،نگران وزیراعظم

    دوسری جانب 9 مئی واقعات میں حساس ادارے پر حملے کے مقدمے میں نامزد مرکزی ملزم کو گرفتار کیا گیا ، یونین کونسل 18 کے سابق چیئرمین سجاد حیدر کو گرفتار کرکے تفتیش کے لیے تھانہ نیو ٹاؤن راو لپنڈی منتقل کر دیا گیا ، ملزم 9 مئی کو شمس آباد میں حساس ادارے کے دفتر کے گیٹ پر حملے کے بعد سے روپوش تھا ۔

    حملے کا مقدمہ تھانہ نیوٹاون میں دہشتگردی ایکٹ کے تحت درج ہے مقدمے میں سابق صوبائی وزیر راجہ راشد حفیظ تاحال روپوش ہیں، مقدمے میں گرفتار ملزمان کی تعداد 78 ہو چکی ہے۔ سابق وزیر شہریار آفریدی اور سابق خاتون ایم پی اے کو اس مقدمے سے ڈسچارج کر دیا گیا ہے۔

    جج ہمایوں دلاور نے ہدایت پر سزا سنائی،سپریم کورٹ میں درخواست

    خیال رہے کہ9 مئی کو قومی احتساب بیورو (نیب) نے چیئرمین پی ٹی آئی عمران خان کو القادر ٹرسٹ کیس میں اسلام آباد ہائیکورٹ کے احاطے سے گرفتار کیا تھا جس کے بعد احتجاج کرنے والے تحریک انصاف کے کارکنان نے فوجی تنصیبات اور سرکاری املاک پر حملے کیے جس میں جناح ہاؤس لاہور اور ریڈیو پاکستان پشاور کی عمارت کو بھی نذر آتش کیا گیا۔

  • 9 مئی واقعات میں ملوث مرکزی ملزم گرفتار

    9 مئی واقعات میں ملوث مرکزی ملزم گرفتار

    راولپنڈی: 9 مئی واقعات میں حساس ادارے پر حملے کے مقدمے میں نامزد مرکزی ملزم کو گرفتار کر لیا گیا۔

    باغی ٹی وی: پولیس ذرائع کے مطابق یونین کونسل 18 کے سابق چیئرمین سجاد حیدر کو گرفتار کرکے تفتیش کے لیے تھانہ نیو ٹاؤن راو لپنڈی منتقل کر دیا گیا ، ملزم 9 مئی کو شمس آباد میں حساس ادارے کے دفتر کے گیٹ پر حملے کے بعد سے روپوش تھا ۔

    حملے کا مقدمہ تھانہ نیوٹاون میں دہشتگردی ایکٹ کے تحت درج ہے مقدمے میں سابق صوبائی وزیر راجہ راشد حفیظ تاحال روپوش ہیں، مقدمے میں گرفتار ملزمان کی تعداد 78 ہو چکی ہے۔ سابق وزیر شہریار آفریدی اور سابق خاتون ایم پی اے کو اس مقدمے سے ڈسچارج کر دیا گیا ہے۔

    پرویز الہیٰ کا 8 روزہ جسمانی ریمانڈ منظور

    واضح رہے کہ پاکستان میں اس وقت ملک بھر میں بڑے پیمانے پر احتجاجی مظاہرے کیے گئے جب سابق وزیر اعظم اور پاکستان تحریک انصاف کے رہنما کو مبینہ بدعنوانی کے الزام میں گرفتار کیا گیا۔ اسلام آباد میں مظاہرین نے دارالحکومت کے اندر اور باہر ایک اہم شاہراہ کو بلاک کر دیا, لوگوں نے آگ بھی جلائی اور پتھراؤ بھی کیا۔

    جناح ہاؤس کیس:یاسمین راشد اورعمرسرفراز چیمہ کے جوڈیشل ریمانڈ میں توسیع

    حالانکہ جب ایسا ہوا تو کوئی پولیس نظر نہیں آئی کوئٹہ میں بھی ایک شخص جاں بحق ہو گیا, پشاور میں بھی مظاہرین نے سابق وزیراعظم عمران خان اور پاکستان تحریک انصاف کے رہنما کی گرفتاری کے خلاف احتجاج کرتے ہوئے ریڈیو پاکستان کے احاطے کو آگ لگا دی ریڈیو پاکستان پشاور کی ایک پرانی عمارت، راولپنڈی میں چار میٹرو بس اسٹیشن، لاہور میں کور کمانڈر ہاؤس، قومی ہیروز کی یادگاریں جلا دیں، کئی شہروں اور سیکیورٹی اداروں کے دفاتر میں توڑ پھوڑ کی گئی اور انہیں نذر آتش کیا گیا۔

    ایشیا کپ کیلئے 17رکنی بھارتی ٹیم کا اعلان کردیاگیا

  • پشاور ہائیکورٹ میں سابق پی ٹی آئی سینٹر اورنگزیب خان کے کیس کی سماعت

    پشاور ہائیکورٹ میں سابق پی ٹی آئی سینٹر اورنگزیب خان کے کیس کی سماعت

    پشاور ہائیکورٹ میں پی ٹی آئی سابق سینیٹر اورنگزیب خان سمیت 4 کارکنوں کی 3 ایم پی او کے تحت گرفتاری سے روکنے کے متعلق کیسز کی سماعت ہوئی ہے،
    سماعت جسٹس نعیم انور اور جسٹس خورشید اقبال پر مشتمل دو رکنی بنچ نے کی، حکومت کی جانب سے ایڈیشنل ایڈوکیٹ جنرل دانیال اسد چمکنی پیش ہوئے۔ عدالت کو وکیل درخواست گزار کی جانب سے کہا گیا کہ میرا موکل 9 مئی کے واقعات کے دوران پاکستان میں موجود نہیں تھا اور اورنگزیب خان11 مئی سے 18 مئی تک دبئی میں تھا، وکیل درخواست گزار نے مزید کہا کہ درخواست گزار کے پاسپورٹ سے بھی یہ واضح ہے کہ میرا موکل پاکستان میں نہیں تھا، وکیل درخواست گزار نے کہا کہ بیرون ملک ہونے کے باوجود 3 جولائی 2023 کو ڈی سی اوکزئی نے اس کے تین ایم پی او کے تحت وارنٹ گرفتاری جاری کئے ہیں، عدالت کو اے اے جی کی جانب سے کہا گیا کہ مذکورہ سینیٹر کے خلاف ایک کیس ہے، جس پر عدالت نے اورنگزیب خان سمیت دیگر 4 کارکنوں کو کیسز کی تفصیلات فراہم کرنے کا حکم کیا عدالت نے رکارڈ طلب کرتے ہوئے سماعت 23 اگست تک ملتوی کردی،