سابق وزیر مملکت علی محمد خان کی جانب سے خیبرپختونخوا میں مقدمات اور انکوائریز کی تفصیل کے لیے پشاور ہائیکورٹ میں درخواست دائر کی گئی تھی جس پر جسٹس عتیق شاہ اور جسٹس وقار احمد نے سماعت کی۔وکیل درخواست گزار علی زمان ایڈووکیٹ نے عدالت کو بتایا کہ علی محمد کو ایک کیس میں ضمانت ملنے کے بعد دوسرے میں گرفتار کیا جاتا ہے اور مختلف ادارے اس طریقے سے علی محمد خان کو ہراساں کررہے ہیں، اس لیے علی محمد خان کے خلاف درج مقدمات اور انکوائریز کی تفصیل فراہم کرکے مزید کسی کیس میں گرفتار نہ کرنے کا حکم دیا جائے۔عدالت نے کیس میں مختصر تحریری فیصلہ جاری کرتے ہوئے نیب، اینٹی کرپشن اور پولیس کو احکامات جاری کیے کہ 18 جولائی تک علی محمد خان کسی مقدمے میں گرفتار نہ کیا جائے جبکہ حکومت کو 7 روز میں علی محمد خان کے خلاف تمام مقدمات اور انکوائریز کی تفصیل ہائیکورٹ میں جمع کرانے کا حکم دے دیا۔
Tag: 9 مئی
رہنما تحریک انصاف شہریار آفریدی کی ضمانت درخواست مسترد
راولپنڈی کی انسداد دہشت گردی عدالت میں جی ایچ کیو حملہ کیس کی سماعت ہوئی، سماعت جج حامد حسین نے کی، اس موقع پر ملزم شہریار آفریدی کو عدالت کے سامنے پیش کیا گیا،خصوصی عدالت کے جج حامد حسین نے فیصلہ سنا دیا اور رہنما تحریک انصاف شہریار آفریدی کی ضمانت درخواست مسترد کردی۔عدالت نے ملزم شہریار آفریدی کے جوڈیشل ریمانڈ میں 24 جولائی تک توسیع کر دی، جب کہ جی ایچ کیو حملہ کیس میں گرفتار ملزمان کا چالان بھی پیش کرنے کا حکم دے دیا۔واضح رہے کہ پی ٹی آئی کے رہنما شہریار آفریدی اور دیگر کے خلاف جی ایچ کیو حملہ کیس کا مقدمہ تھانہ آر اے بازار پولیس نے 9 مئی کو درج کیا تھا۔دوسری جانب پشاور ہائی کورٹ میں پی ٹی آئی رہنما سابق وفاقی وزیر شہریار آفریدی اور سابق صدر سٹی پشاور عرفان سلیم کی درخواستوں پر سماعت ہوئی، جسٹس سید ارشد علی اور جسٹس وقار احمد نے سماعت کی۔
درخواست گزاروں کی جانب سے شاہ فیصل اتمانخیل اور ارشد علی ایڈوکیٹ عدالت میں پیش ہوئے۔وکیل شاہ فیصل اتمانخیل نےعدالت سے استدعا کی کہ درخواست گزاروں کے خلاف جتنے مقدمات اور انکوائریز درج ہیں اس کی تفصیل فراہم کی جائے۔ عدالت نے صوبائی حکومت سے کل تک درخواست گزاروں کیخلاف درج مقدمات اور انکوائریز کی تفصیل طلب کرکے کیس سماعت کل تک ملتوی کردی،
9 مئی واقعات میں ملوث ایک اور شرپسند گرفتار
9 مئی کو فوجی تنصیبات پر جلاؤ گھیراؤ اور توڑ پھوڑ میں ملوث ایک اور اہم شرپسند محمد ارسلان کو گرفتار کرلیا گیا۔
باغی ٹی وی: 9 مئی کے واقعات کی مذمت کرتے ہوئے ارسلان کے والد نے کہا کہ 9 مئی کو جو ہوا غلط ہوا، نوجوانوں کو ایسا نہيں کرنا چاہیے،جبکہ ارسلان کی والدہ نے کہا کہ 9 مئی کو بچوں کو اکسایا گيا، سب کچھ پلاننگ کے تحت کیا گيا، وہ ان واقعات کی مذمت کرتی ہیں۔
واضح رہے کہ رواں برس 9 مئی کو پی ٹی آئی چیئرمین عمران خان کی گرفتاری کے بعد پی ٹی آئی کارکنوں نے ملک کے مختلف شہروں میں احتجاج اور جلاؤ گھیراؤ کیا تھا پی ٹی آئی کارکنوں نے جناح ہاؤس لاہور سمیت فوجی تنصیبات، تاریخی عمارتوں، سرکاری املاک اور گاڑیوں کو آگ لگا دی تھی، ان واقعات میں ملوث ملزمان کے خلاف آرمی ایکٹ اور آفیشل سیکرٹ ایکٹ کے تحت ٹرائل جاری ہے۔
کراچی میں وقفے وقفے سے بارش کا سلسلہ جاری،مزید بارش کی پیشگوئی
دوسری جانب چیئرمین پی ٹی آئی کو 9 مئی کے پُرتشدد واقعات کے دوران جلاؤ گھیراؤ اور جی ایچ کیو پر حملے کے کیس میں نامزد کیا گیا ہے پولیس کے مطابق چیئرمین پی ٹی آئی کو 9 مئی کے روز جلاؤ گھیراؤ، توڑ پھوڑ اور جی ایچ کیو پر شرپسندوں کے حملے کے خلاف تھانہ آر اے بازار اور نیو ٹاؤن میں درج مقدمات میں نامزد کیا گیا جی ایچ کیو پر شرپسندوں کے حملے کا مقدمہ تھانہ آر اے بازار میں درج ہے اور اس مقدمے میں پی ٹی آئی رہنما راجہ بشارت سمیت 15 افراد پہلے ہی نامزد ہیں۔
نواز شریف کی واپسی کیلئے قانونی مشاورت جاری ہے،عطا تارڑ
عمران خان 9 مئی کے واقعات میں بھی ملزم نامزد
پی ٹی آئی چیئرمین عمران خان کو جی ایچ کیو حملہ کیس میں حساس تنصیبات اورمیٹروسٹیشن جلانے کے مقدمات میں بھی ملزم نامزد کر دیا گیا-
عمران خان کو راولپنڈی کے تھانہ آراے بازاراورتھانہ نیوٹاؤن میں درج انسداد دہشت گردی اوردیگر دفعات کے تحت درج کئے گئے دو مقد مات میں نامزد کیا گیا 9 مئی کو ہونے والے پرتشددواقعات میں راولپنڈی پولیس نے جی ایچ کیو پر حملے کے الزام میں تھانہ آراے بازارمیں ایف آئی آرنمبر 208 ،سابق وزیرقانون پنجاب راجہ بشارت سمیت پی ٹی آئی کے 15 نامزد اور دیگر 300 نامعلوم کارکنوں کے خلاف سب انسپکٹر ملک محمدریاض کی مدعیت میں درج کی تھی –
آئی سی سی کی سالانہ میٹنگز میں شرکت کیلئےذکا اشرف کل جنوبی افریقا جائیں گے
جب کہ تھانہ نیوٹاؤن میں ایف آئی آرنمبر2106 سب انسپکٹر طارق جاوید کی مدعیت میں راجہ راشد حفیظ سابقہ ایم پی اے ،چودھری عاطف تنویر ، عمران حیات ، رانا سیف اللہ سمیت 42نامزد اوردیگرنامعلوم ملزموں کے خلاف حساس تنصیبات، دفاتر پر حملہ ، شدید پتھراؤ کرنے اور سکستھ روڈ میٹرو سٹیشن کو آگ لگانے کے الزام میں درج کی گئی تھی-
فیصل آباد میں بھی سانحہ نو مئی کے مقدمات میں چئیرمین پی ٹی آئی کو ضمنی رپورٹ میں شامل کرلیا گیا ، حساس ادارے پر حملے کے مقدمے چئیرمین پی ٹی آئی کو ضمنی رپورٹ میں شامل کیا گیا تھانہ سمن آباد میں درج وفاقی وزیر داخلہ رانا ثناءاللہ کے گھر پر حملے کی ضمنی میں چئیرمین پی ٹی آئی کو نامزد کیا گیا ہے
واضح رہے کہ 9 مئی کے حوالے سے راولپنڈی میں درج ہونے والے 28 مقدمات میں سے قبل ازیں عمران خان کسی پرچے میں نامزد نہ تھے-
عمران خان 9 مئی کے واقعات میں بھی ملزم نامزد
علاوہ ازیں سانحہ 9 مئی کے ایک اور انتہائی اہم شرپسند حسان شاکر کو گرفتار کرلیا گیا،شرپسند کے والد اور اہلیہ نے نو مئی واقعات کی مذمت کرتے ہوئے کہا ہے کہ چیئرمین تحریک انصاف کی گرفتاری کے بعد جو کچھ بھی شرپسند عناصر نے کیا ایسا ہرگز نہیں ہونا چاہیے تھا۔
عمران خان اور بشریٰ بی بی کے خلاف غیر شرعی نکاح کیس میں نظر ثانی …
حسان شاکر کے والد کا کہنا ہے کہ شر انگیز واقعات سے خاندان دلی دکھی ہے ، ہم پاک فوج کے ساتھ اظہارِ یکجہتی کرتے ہیں، افواجِ پاکستان ہمارے محسن ہیں اور ہمیں ان پر فخر ہے ایسا دشمن بھی نہیں کرتا جو شرپسندوں نے 9 مئی کو کر دکھایا، ہم سب کو یہی نصحیت کرینگے کہ ایسے شرپسند عناصر سے دور رہیں۔
پاکستان کے مقامی قرضوں کے حجم میں مزید اضافہ ریکارڈ
تھانہ شادمان نذر آتش کیس،اعجاز چوہدری کے جوڈیشل ریمانڈ میں توسیع
تھانہ شادمان نذر آتش کیس میں پاکستان تحریک انصاف (پی ٹی آئی) کے رہنما اعجاز چوہدری کے جوڈیشل ریمانڈ میں 18 جولائی تک توسیع کردی گئی۔
لاہور کی انسدادِ دہشت گردی عدالت میں اعجازچوہدری کےخلاف تھانہ شادمان نذر آتش کیس کی سماعت ہوئی عدالت نے پی ٹی آئی رہنما کے جوڈیشل ریمانڈ میں 18 جولائی تک توسیع کردی انسداد دہشت گردی عدالت نے آئندہ سماعت پر تفتیشی افسر سے رپورٹ طلب کرکے سماعت ملتوی کردی۔
واضح رہے کہ 9 مئی کو چیئرمین تحریک انصاف کی گرفتاری پر ملک بھر میں جلاؤگھیراؤ اور پُرتشدد احتجاج کیا گیا تھا جس کے بعد قانون فانذ کرنے والے اداروں نے پی ٹی آئی کے متعدد رہنماوں اور کارکنوں کو گرفتار کیا۔
کراچی میں قبضہ مٸیر لاکر بیٹھا دیا ہے،حافظ نعیم
دوسری جانب چیئرمین تحریک انصاف کی 9 مئی کو گرفتاری پر ملک بھر میں جلاؤ گھیراؤ اور پُرتشدد احتجاج میں ملوث ایک اور شرپسند کی فیملی کا اعترافی بیان سامنے آگیا،قانون نافذ کرنے والےاداروں کیجانب سےتحقیقات کا سلسلہ جاری ہے سانحہ 9 مئی کا ایک اور شرپسند حیدر محمود گرفتار کرلیا گیا ہے جس کے ماموں کا اعترافی بیان سامنے آیا ہےجس میں کہا گیا ہےکہ جی ایچ کیو پرحملہ، پاکستان پر حملے کےمترادف ہے۔
بارش برسے تو رحمت بنے، زحمت نہ بنے، یہی ہماری کوشش ہے،مرتضیٰ وہاب
انہوں نے مزید کہا کہ جی ایچ کیو سمیت کسی بھی ملکی ادارے پر حملہ ناقابل قبول ہے، کسی سیاسی جماعت کی پاک آرمی کے مقابلے میں کوئی حیثیت نہیں ہے چیئرمین پی ٹی آئی سب کو لیکچر دیتے ہیں، کیا 9 مئی کو کینٹ پر حملے کی ہدایات نہیں دی تھیں۔
لیہ اراضی میں کرپشن کے معاملے پرعمران خان طلب،نوٹس رہائش گاہ زمان پارک پر …
سابق صوبائی وزیر عاطف خان کا پی ڈی ایم کو پیغام
پاکستان تحریک انصاف پشاور ریجن صدر عاطف خان نے پولیس کی جانب سے انکے گھر پر چھاپوں کو غیر قانونی قرار دے کر اپنے ایک ٹوئیٹر پیغام میں پی ڈیم ایم اور نگران حکومت کو یاد دہانی کرائی ہے کہ آپ کے 3 ماہ گزر چکے ہیں لہذا اب آپ کے تمام احکامات غیر قانونی اور غیر آئینی ہیں۔ بیوروکریسی اور پولیس کو بھی یہی بتانا ہے جو ان کے غیر قانونی احکامات پر عمل درآمد کرتے ہیں۔واضح رہے کہ 9 اور 10 مئی کے واقعات کے بعد پی ٹی آئی کے پی کے کے بہت سارے ارکان روپوش ہے لیکن پولیس کی جانب سے ان کے رہائش گاہوں پہ چھاپوں کا سلسلہ مسلسل جاری ہے گزشتہ رات پشاور میں سابق وزیر عاطف خان کے گھر پر پولیس کا چھاپہ پڑا تھا لیکن کوئی گرفتاری عمل میں نہیں لائی گئی تھی،جس کے رد عمل میں عاطف خان کی طرف سے سوشل میڈٰٰیا کے زریعے نگران حکومت اور پی ڈی ایم کے اس کاروائی کو گیر قانونی قرار دیا ہے،
عدالت نے تحریک انصاف کے رہنما علی محمد خان کو 14 روزہ جو ڈیشل ریمانڈ پر جیل بھیج دیا
ترقیاتی اسکیموں میں غبن کے الزام میں گرفتار سابق وزیر مملکت علی محمد خان کو پولیس نے عدالت میں پیش کیا، ڈیوٹی مجسڑیٹ مردان ذیشان گل نے کیس کی سماعت کی۔تفتیشی افسر نے عدالت کو بتایا علی محمد خان نے اپنے حلقے میں ترقیاتی اسکیموں کے من پسند ٹھیکیداروں کو زیادہ قیمت پر ٹھیکے الاٹ کیے تھے، مقدمے میں سابق صوبائی وزراء عاطف خان، طفیل انجم اور لوگل گورنمنٹ کے افسران سمیت 15 ملزمان نامزد ہیں۔
تفتیشی افسر نے مؤقف پیش کرتے ہوئے استدعا کی کہ ملزمان نے ٹھیکوں کی غیر قانونی الاٹمنٹ سے سرکاری خزانے کو ایک کروڑ 78لاکھ روپے نقصان پہنچایا ہے، عدالت سے درخواست ہے کہ ملزم کو مزید تفتیش کے لئے جسمانی ریمانڈ پر پولیس کے حوالہ کیا جائے ،سماعت کے دوران وکیل صفائی ندیم شاہ ایڈوکیٹ نے عدالت کو بتایا کہ ملزم کو سیاسی انتقام کا نشانہ بنایا جا رہا ہے، حکومت نے ہائیکورٹ میں تفصیل جمع کی ہے کہ علی محمد خان کے خلاف کوئی کیس نہیں ہے، لیکن گزشتہ روز اُنہیں رہا ہوتے ہی دوبارہ گرفتار کرلیا گیا۔عدالت نے دلائل مکمل ہونے کے بعد ملزم کو 14 روزہ جوڈیشل ریمانڈ پر جیل بھیج دیا
اکرم چیمہ بھی پی ٹی آئی سے علیحدہ ہو گئے
کراچی: سابق رکن قومی اسمبلی اکرم چیمہ نے پی ٹی آئی سے علیحد گی کا اعلان کردیا۔
باغی ٹی وی: کراچی میں پریس کانفرنس کرتے ہوئے اکرم چیمہ نے تحریک انصاف کی رکنیت اور عہدے چھوڑنے کا اعلان کیا انہوں نے کہا کہ سانحہ 9 مئی کے تمام واقعات کی پرزور مذمت کرتا ہوں اور پی ٹی آئی کی رکنیت سے مستعفی ہوتا ہوں جو سپاہی حفاظت پر مامور ہے اس کو ڈی موریلائز کرنے کی کوشش تھی، فورسز ہی ہیں جنہوں نے کراچی اور ملک میں امن قائم کیا-
اکرم چیمہ نے کہا کہ سانحہ 9 مئی کا ہدف صرف مسلح افواج نہیں تھی، کیپٹن کرنل شیر خان کے مجسمےکو ٹارگٹ کیا گیا،بے حرمتی کی گئی، دشمن نے بھی کرنل شیر خان کی بہادری کا اعتراف کیا تھا 9 مئی کے ملوث عناصر کوعبرت کا نشانہ بنایا
جائے اس سے کم پر بات نہیں ہوگی، اگر ملک نے آگے چلنا ہے تو ان واقعات میں ملوث ملزمان کو کٹہرے میں کھڑا کرنا پڑے گا۔واضح رہے کہ رواں ماہ انویسٹی گیشن پولیس کی جانب سے اکرم چیمہ کو ڈی ایس پی کی پولیس موبائل جلانے کے الزام میں گرفتار کیا گیا تھا حکام کے مطابق اکرم چیمہ کے خلاف مقدمہ دہشت گردی ایکٹ کی دفعات کے تحت درج کیا تھا، تاہم بعد ازاں انہیں ضمانت پر رہا کردیا گیا
سوات: پی ٹی آئی کے مئیرسٹی اورسابق صوبائی وزیر گرفتار
سوات: خیبرپختونخوا پولیس نے پاکستان تحریک انصاف (پی ٹی آئی) کے سابق صوبائی وزیر برائے ہاؤسنگ ڈاکٹر امجد اور سٹی میئر شاہد علی خان کو گرفتار کرلیا۔
باغی ٹی وی: پولیس ترجمان کے مطابق ڈاکٹر امجد کے گھر پر چھاپہ مار کر 9 مئی کے مقدمات میں نامزد دونوں رہنماؤں کو گرفتار کیا گیا ہے ڈاکٹر امجد کو گرفتار کر کے جیل منتقل کیا جارہا ہے،سابق سوبائی وزیر ہاؤسنگ ڈاکٹر امجد کو ان کے حجرے سے گرفتار کیا گیا جبکہ سٹی میئر شاہد علی خان کی گرفتاری بھی ان کی رہائش گاہ سے عمل میں آئی۔
ذرائع کے مطابق میئر شاہد علی خان کے خلاف نشاط چوک میں احتجاج پر مقدمہ درج کیا گیا، جبکہ ڈاکٹر امجد پر عمران خان کی گرفتاری کے بعد کارکنوں میں اشتعال دلانے کا الزام ہے۔
سعودی عرب، متحدہ عرب امارات سمیت خلیجی ممالک میں عیدالاضحیٰ منائی جا رہی ہے
پولیس کے مطابق پاکستان تحریک انصاف (پی ٹی آئی) کے دونوں رہنماؤں کو تھری ایم پی او کے تحت گرفتار کیا گیا ہے پولیس کے مطابق دونوں کے خلاف 9 مئی کو نفرت انگیز تقاریر اور حساس اداروں کے خلاف بیانات پر مقدمات درج ہیں۔
ڈاکٹر امجد کے اہل خانہ کا کہنا ہے کہ سابق صوبائی وزیر نے9 مئی مقدمات میں عدالت سے حفاظتی ضمانت لے رکھی تھی، پولیس بغیر وارنٹ کے رات کو گھر میں داخل ہوئی اور انہیں زبردستی اپنے ساتھ لے گئی ہمیں پولیس نے کچھ بھی نہیں بتایا اور انہیں نامعلوم مقام پر اپنے ساتھ لے گئے۔
محمد گوندل اور احسان اللہ ٹوانہ نے بھی تحریک انصاف سے علیحدگی اختیار کرلی
دوسری جانب جھنگ میں پی ٹی آئی رہنما شیخ وقاص اکرم کے گھر پر بھی چھاپا مارا گیا تاہم سابق وزیر گھر پر موجود نہیں تھے، پولیس کی جانب سے گھر کی تلاشی بھی لی گئی۔
ساہیوال سے پی ٹی آئی کے 21 ٹکٹ ہولڈرز نے پارٹی کو خیر باد کہہ دیا
پاکستان تحریک انصاف کی وکٹیں گرنے کا سلسلہ تاحال جاری، پنجاب کے ضلع ساہیوال سے گزشتہ 12 گھنٹوں میں پی ٹی آئی کے مزید 21 ٹکٹ ہولڈرز نے پارٹی کو خیر باد کہہ دیا-
باغی ٹی وی: ضلع ساہیوال سے پی ٹی آئی کے 21 امیدواروں، رہنماؤں اور تمام پارٹی کارکنان نے علیحدگی کا اعلان کردیا، پاکپتن کے امجد جوئیہ،امیر حمزہ، ناصر حمید، اور ماجد ڈوگرسمیت 9 اراکین نے پارٹی کو خیر باد کہہ دیا،امجد این اے 140،امیرحمزہ پی پی194اور ماجد پی پی 195 سے ٹکٹ ہولڈر تھے اور تینوں کو پاکپتن میں مضبوط سیاسی شخصیت کے طور پر جانا جاتا تھا۔
اوکاڑہ سے چوہدری وسیم، عبدالحمید، اور سرفراز سمیت 6 ارکان پارٹی عہدوں سے مستعفی ہوگئے جبکہ ساہیوال کے محمدخاں، چوہدری اصفر اور شاہد سمیت 6 سے زائد ارکان سمیت ساہیوال ریجن کے تمام کارکنان نے سانحہ 9 مئی کے نتیجہ میں پارٹی عہدوں سے استعفیٰ دے دیا۔
سعودی عرب میں مناسک حج کا آغاز،منی میں دنیا کی سب سے بڑی خیمہ بستی …
دوسری جانب ڈی جی آئی ایس پی آر میجر جنرل احمد شریف نے کہا ہے کہ نو مئی کے واقعات میں اپنی ذمہ داریوں کی ادائیگی میں ناکامی پر لیفٹیننٹ جنرل سمیت 3 افسروں کو نوکری سے برخاست کردیا گیاہے جب کہ ایک ریٹائرڈ فوراسٹار کی نواسی احتسابی عمل سے گزررہی ہے۔
نیوز کانفرنس سے خطاب کرتے ہوئے انہوں نے کہا کہ آرمی ایکٹ کے تحت 102 شرپسندوں کے خلاف ٹرائل جاری ہے اور جاری رہے گا،فوج نے روایت کے مطابق خود احتسابی کا عمل مکمل کرلیا ہے 3میجرجنرل اور 7بریگیڈیئرز سمیت 15 افسران کیخلاف تادیبی کارروائی مکمل کی جاچکی ہے۔ مزید کہا کہ تمام ملزمان کومکمل قانونی حقوق حاصل ہیں،فوج میں جتنا بڑا عہدہ ہوتاہے اتنی ہی بڑی ذمہ داری نبھائی جاتی ہے۔
تاحیات نااہلی ختم کرنےکابل پاس کرکے آئینی اور پارلیمانی سیاست کو نٸی زندگی دی گئی،فردوس …
ڈی جی آئی ایس پی آر نے کہا کہ 9 مئی کا واقعہ پاکستان کیخلاف بہت بڑی سازش تھی، جس کی جتنی مذمت کی جائے کم ہے۔ تحقیقات سے ثابت ہوا اس واقعہ کی کئی ماہ سے منصوبہ بندی کی جا رہی تھی،جو کام دشمن 75سالوں میں نہ کرسکے،وہ مٹھی بھر لوگوں کے سہولتکاروں نے کردکھایا ملک بھر میں 17اسٹینڈنگ کورٹس کام کررہی ہیں،پہلے سے قائم فوجی عدالتوں میں 102شرپسندوں کا ٹرائل کیاجارہاہے،سول کورٹس نے ان شرپسندوں کا کیس ملٹری کورٹس کو منتقل کیا، تمام ذمہ داروں کو آئین پاکستان کے تحت سزائیں دی جائیں گی۔
علاوہ ازیں مصدقہ ذرائع سے معلوم ہوا ہے کہ حکومت نے سانحہ 9 مئی کے بعدبیرون ملک مقیم پاکستانیوں کے خلاف گھیرا تنگ کرنے کا فیصلہ کر لیا ہے اس ضمن میں ریاست مخالف سرگرمیوں اور پروپیگنڈا کرنے والے غیرملکی شہریوں کے خلاف کارروائی جلد شروع کر دی جائے گی۔
جہانگیر ترین کے خلاف گھناؤنی سازش کے مرکزی کردار چیئرمین پی ٹی آئی اور ثاقب …
