Tag: 9 مئی

پشاور انسداد دہشت گردی عدالت نے 9مئی کو احتجاج کے دوران اداروں کے خلاف نازیبا زبان استعمال کرنے کے الزام میں گرفتار پی ٹی آئی کارکن شہریار کو ضمانت پر رہا کردیا انسداد دھشتگردی عدالت نے شہریار کے درخواست ضمانت پر سماعت کی، عدالت نے ملزم شہریار کی ضمانت منظور کرتے ہوئے رہا کرنے کا حکم دے دیا۔ پولیس کے مطابق ملزم شہریار نے 9 مئی کو پرتشدد احتجاج کے دوران اداروں کے خلاف نازیبا زبان استعمال کی تھی۔ ملزم کی ویڈیو سوشل میڈیا پر وائرل ہوئی تھی, اس پر گرفتار کیا گیا۔ پولیس کے مطابق گرفتاری سے بچنے کے لئے ملزم نے بھیس بدلا، مونچھیں منڈوائی تھی۔

پشاور انسداد دھشتگردی عدالت نے نو مئی کو احتجاج کے دوران اینٹی نارکوٹکس فورس کے گاڑی کو نذر آتش کرنے کے الزام میں گرفتار پی ٹی آئی کے تین کارکنان کو ایک روزہ جسمانی ریمانڈ پر پولیس کے حوالے کردیا ،اے ٹی سی جج ڈاکٹر عامر نذیر نے تینوں ملزمان کو تفتیش کے ایک روزہ جسمانی ریمانڈ پر پولیس کے حوالہ کردیے۔تفتیشی افسر کے مطابق ملزمان ضرب اللہ ، جعفر علی اور محمد نور نے نو مئی کو احتجاج کے دوران اینٹی نارکوٹکس کے گاڑی کو آگ لگائی تھی ۔ ملزمان کی ویڈیوز اور تصاویر وائرل ہوگئی تھی ۔ تفتیشی افسر کے مطابق تینوں ملزمان دیگر ساتھیوں کو پرتشدد احتجاج پر ورغلا رہے تھے ۔ تفتیشی افسر نے استدعا کی کہ ملزمان سے تفتیش کی ضرورت ہے لہذا جسمانی ریمانڈ پر دیا جائے ۔ عدالت نے تینوں ملزمان کو تفتیش کے لیے ایک روزہ جسمانی ریمانڈ پر پر پولیس کے تحویل میں دیدیا ۔

9مئی کے توڑ پھوڑ اور جلاؤ گھیراؤ مقدمے میں پی ٹی آئی کے 101کارکنوں کی ضمانتیں منظور ہوگئیں جبکہ انجینئر نگ یونیورسٹی کے اسسٹنٹ کنٹرولر محمداسماعیل سمیت 4کارکنوں کی ضمانت مسترد ہوئیں 9مئی کے واقعات کے درج مقدمہ نمبر 833میں گرفتارکارکنوں کی ضمانتوں کے لئے پی ٹی آئی کی لیگل ٹیم ریاض پائندہ خیل،جواد علی خان،محمد اسلام وردگ،اظہر رحیم وغیرہ نے ہفتہ کے روز انسداددہشت گردی کے جج سید عبیداللہ کی عدالت میں 105کے لگ بھگ کارکنوں کی ضمانتوں کے لئے درخواستیں جمع کرائی تھیں عدالت نے 101ملزمان کی درخواست ضمانت منظورکردیں ان میں پی ٹی آئی کے تحصیل جنرل سیکرٹری ساجد اقبال مہمند،سابق چیئرمین ضلعی زاکواۃ کمیٹی طارق آریانی،چیئرمین حاجی نورگل مہمند، گوہرعلی شاہ ،چیئرمین وارث خان اورعلی گوہرلالاسمیت د یگر کارکن شامل ہیں عدالت نے جن چار ملزمان کی ضمانتوں کی درخواستیں مسترد کردیں ان میں انجینئرنگ یونیورسٹی کے اسسٹنٹ کنٹرولرمحمد اسماعیل،سیف سٹی کیمرے توڑنے کے الزام میں گرفتار زاہد اوردیگر دو کارکن صدیق اورمدثر باچہ شامل ہیں۔

9 مئی کے واقعات کے الزام میں گرفتار ملزمان کے کیسز ملٹری کورٹ میں چلانے کے خلاف درخواستیں سماعت کے لیے مقرر ہوگئیں۔

باغی ٹی وی: پشاور ہائیکورٹ میں جسٹس اشتیاق ابراہیم اور جسٹس صاحبزادہ اسد اللہ پر مشتمل دو رکنی بینچ آج کیس کی سماعت کرے گا پشاور ہائیکورٹ میں دائر درخواست میں وفاقی و صوبائی حکومت، سیکرٹری ہوم، آئی جی پولیس اور آئی جی جیل خانہ جات کو فریق بنایا گیا ہے۔

کینیڈا کے جنگلات میں آگ،امریکا میں بھی شدید فضائی آلودگی کا انتباہ جاری

درخواست میں مؤقف اختیار کیا گیا ہے کہ شہریوں کے مقدمات ملٹری کورٹس میں چلانا ناصرف بنیادی انسانی حقوق کی خلاف ورزی ہے بلکہ انٹرنیشنل قوانین کی بھی خلاف ورزی ہے مقدمات میں آرمی ایکٹ 1952 کےسیکشن 59 اور آفیشل سیکرٹ ایکٹ کے سیکشن 3 کو شامل کیا گیا ہے جب کہ عام شہریوں کے خلاف آرمی ایکٹ کے تحت مقدمات درج کرنا غیر قانونی ہے اور یہ نا صرف بنیادی انسانی حقوق کے خلاف ورزی ہے بلکہ انٹرنیشنل قوانین کی بھی خلاف ورزی ہے۔

تحریک اصلاحات پاکستان کو ن لیگ میں ضم کرنے کی دعوت

دوسری جانب پاکستان بار کونسل کا بھی کہنا ہےکہ کسی سویلین کا ٹرائل ملٹری کورٹ میں نہیں ہونا چاہیے وائس چیئرمین پاکستان بار کونسل ہارون الرشید کا کہنا تھا کہ تمام بارز نے اس بات پر اتفاق کیا کہ پارلیمنٹ کو آئین سازی کا مکمل اختیار ہے پارلیمنٹ سے بنے قانون کو عدلیہ کالعدم یا حکم امتناع جاری کردیتی ہے –

چئیرمین ایگزیکٹو کمیٹی حسن رضا پاشا کا کہنا تھا کہ کافی دنوں سے ہم وکلا قیادت کو اکٹھا کرنا چاہ رہے تھے آج ہمارے ساتھ پاکستان بھر کی بارز کے نمائندے موجود ہیں ہم نے کچھ قرادایں متفقہ طور پر منظور کی ہیں اجلاس میں نو مئی کےواقعات کی شدید مذمت کی گئی متفقہ قرارداد میں کہاگیا کہ تمام ملوث کرداروں کوسول کورٹس میں ٹرائل ہوناچاہیےکسی سویلین کا ٹرائل ملٹری کورٹ میں نہیں ہوناچاہیے، جسٹس مظاہر نقوی کیخلاف جوڈیشل کونسل نے کارروائی کا آغاز شروع کردیا ہے جوڈیشل کونسل کی کارروائی کو طویل نہیں کرنا چاہیے-

وزیراعظم کی ہدایات پرسگریٹ اسمگلرزکیخلاف کارروائیاں ،کروڑوں روپےمالیت کی اسمگل شدہ سگریٹس برآمد

9 اور 10 مئی کے پر تشدد واقعات میں ملوث 248 سرکاری ملازمین کی نشاندہی کی گئی ہے،پولیس کے مطابق ملازمین کا تعلق محکمہ تعلیم،صحت،پی ڈی اے اور دیگر محکموں سے ہے، پولیس حکام کے مطابق تمام ملازمین کو تمام شواہد ویڈیوز ،تصاویر اور متعلقہ محکموں کی مدد سے لی گئی ہے پولیس نے مزید بتایا کہ اب تک کے کاروائی میں 30 سرکاری ملازمین کو معطل کر دیا گیا ہے انہوں نے کہا کہ پر تشدد واقعات میں ملوث افراد کی نشاندہی کا عمل جاری ہے جس کے لئے خصوصی انوسٹی گیشن ٹیم بھی تشکیل دی گئی ہے جس کی مدد سے 9 اور 10 مئی کے واقعات میں ملوث لوگوں کو جلد قانون کے کٹہرے میں لایا جا ئے گا،واضح رہے کہ خیبر پختونخوا میں جلاؤ گھیراّؤ کرنے والوں کے خلاف سخت قانونی کاروائی عمل میں لانے کا سلسلہ جاری ہے،جس کے نتیجے میں نجی اور سرکاری اداروں کے ملازمین کو گرفتار کیا جا چکا ہے جبکہ آخری شر پسند کے گرفتاری تک یہ سلسلہ جاری رہے گا،