بالی وڈ اداکار ابھیشیک بچن اپنی حالیہ انٹرویو میں برس پڑے ہیں نوجوانوں پر، انہوں نے کہا کہ میں دیکھ رہا ہوں کہ نوجوانوں کو سکس پیکس بنانے کی پڑی ہوتی ہے. وہ اداکاری پر توجہ نہیں دیتے . حالانکہ اداکاری پر توجہ دینی چاہیے، بھئی سکس پیک بنائیں ضرور بنائیں لیکن اگر اداکاری پر توجہ نہیں دیں گے اور اچھی اداکاری نہیں کریں گے تو سکس پیکس کا کیا فائدہ . انہوں نے کہا کہ اداکار وہ ہوتا ہے جو اپنے کام اپنی کرافٹ پر دھیان دے ، اچھا نظر آنا اچھی بات لیکن اداکاری اچھی نہیں ہو گی تو یقینا باکس آفس پر پٹ جائیں گے.
انہوں نے مثال دیکر کہا کہ ”عامر خان جو کہ دھوم تھری میں بہت ہی سلم سمارٹ نظر آئے اور انہوں نے دنگل میں اپنا وزن بڑھا” یہ ہوتا ہے اداکار جو اپنے کردار کو کرنے کےلئے کسی بھی حد تک چلا جاتا ہے. انہوں نے نوجوانوں کو مشورہ دیتے ہوئے کہا کہ خدا کے لئے خود پر کم اور اداکاری پر زیادہ توجہ دیں . یاد رہے کہ ابھیشک بچن کے کیرئیر کو 23 برس ہو چکے ہیں اور وہ مسلسل اپنے کام کی بہتری کے لئے کوشاں نظر آتے ہیں.
