Baaghi TV

Tag: actor

  • عمران خان کی گرفتاری ایک شرمناک عمل ہے اعجاز اسلم

    عمران خان کی گرفتاری ایک شرمناک عمل ہے اعجاز اسلم

    پاکستان تحریک انصاف کے چئیر مین عمران خان کی گرفتاری کے بعد شوبز حلقوں میںکافی تشویش پائی جاتی ہے کیونکہ فنکاروں کی ایک بڑی تعداد عمران خان کو سپورٹ کرتی ہے ۔ اس گرفتاری پر جہاں بہت سارے فنکاروں نے رد عمل دیا ہے وہیں اعجاز اسلم بھی پیچھے نہیں رہے انہوں نے بھی شدید رد عمل دیا ہے۔ انہوں نے کہا ہے کہ عمران خان کی گرفتاری ایک شرمناک عمل ہے جس کی جتنی مذمت کی جائے کم ہے ۔ انہوں نے کہا کہ گرفتاری کے وقت جس طرح سے ان کو کھینچا گیا اسکو دیکھ کر دکھ ہوا کیا وہ کریمینل تھے؟ جو ان کو کریمنیلز

    کی طرح گرفتار کیا گیا ، موجودہ حکومت کو اس وقت صرف الیکشنز میں نہیں جانا اسکی ترجیھات میں اس وقت الیکشنز میں نہ جانا ہے لوگوں کی فلاح و بہبود کی اسکو پرواہ نہیں ہے۔ جو کچھ کیا جا رہا ہے اس سے ملک کو مزید نقصان پہنچے گا ۔ اللہ ہمارے ملک کو محفوظ رکھے۔ اعجاز اسلم نے بھی صرف عمران خان کی گرفتاری کی بات کی لیکن عمران خان کے حامی پورے ملک میں جو توڑ پھوڑ کررہے ہیں آگ لگا رہے ہیں اس پر نہیں بولے ان کو اس حکومت پر تنقید کرنا یاد ہے لیکن جو کچھ پی ٹی آئی کی طرف سے کیا جا رہا ہے وہ نہ یاد ہے نہ وہ اس پر بات کرنا چاہتے ہیں۔

  • سلمان خان نے خوبصورت اور جوان نظر آنے کا راز بتا دیا

    سلمان خان نے خوبصورت اور جوان نظر آنے کا راز بتا دیا

    بالی وڈ اداکار سلمان خان کسی نہ کسی حوالے سے چرچا میں‌رہتے ہیں کبھی وہ اپنی سپر ہٹ فلموں کو لیکر چرچا میں‌رہتے ہیں ، کبھی اپنے تعلقات اور کبھی اپنی خوبصورت کو لیکر چرچا میں رہتے ہیں. اداکار سے حال ہی میں کسی تقریب میں سوال ہوا کہ آپ اتنے جوان اور خوبصورت ہیں اور یہ خوبصورتی اور جوانی دن بہ دن بڑھتی جا رہی ہے لیکن کیسے ؟ کیا کرتے ہیں؟ اس پر سلمان خان نے جواب دیا کہ میں کچھ بھی نہیں کرتا بس ہر اچھی چیز کو ڈبل کر دیا ہے اور ہر بری چیز کو کم کر دیا ہے. سلمان خان نے کہا کہ میں ہر کسی کے لئے اچھا سوچتا ہوں ، جو مجھ سے اچھا مشورہ مانگتا ہے میں اسکو اچھا اور بہترین مشورہ مانگتا ہوں. انہوں نے یہ بھی کہا کہ انسان کو اپنی غلطیوں سے سیکھنا چاہیے اور میں بھی

    سیکھنے کی کوشش کرتا ہوں. یاد رہے کہ سلمان خان کی فلم کسی کا بھائی کسی کی جان آج کل ہے کافی چرچا میں ، ساتھ ہی ساتھ شہناز گل کے ساتھ ان کی دوستی بھی چرچا میں ہے لیکن سلمان خان نے ہمیشہ شہناز گل کے ساتھ اپنے تعلق سے انکار کیا ہے اور کہا ہے کہ میں اسکو صرف مشورہ دیتا ہوں .

  • پرائیڈ آف پرفارمنس کیسے ملتا ہے اب سمجھ لگی ہے سلیم شیخ

    پرائیڈ آف پرفارمنس کیسے ملتا ہے اب سمجھ لگی ہے سلیم شیخ

    اداکار سلیم شیخ جو کہ جاوید شیخ کے چھوٹے بھائی ہیں انہوں نے اپنا فلمی کیرئیر فلم چیف صاحب سے شروع کیا ، انہیں کافی شہرت ملی ، لیکن انکا فلمی کیرئیر بہت لمبا نہ چل سکا تاہم انہوں نے ٹی وی ڈراموں میں کام کیا. سینئر اداکار کو ایک گلہ ہے جس کا اظہار انہوں نے اپنے حالیہ انٹرویو میں کیا ہے انہوں نے کہا کہ انور علی ، شگفتہ اعجاز جیسے سیگر سٹارز ہیں جنہوں نے اپنی زندگی اس شعبے کو دیدی ، لیکن ان کو پرائیڈ آف پرفارمنس نہیں مل سکا . ان کا جتنا تجربہ ہے اس سے کم عمر کے لڑکے لڑکیوں کو پرائیڈ آف پرفارمنس مل چکا ہے لیکن ان کو نہیں‌ملا، انہوں نے کہا کہ

    مجھے تو اب سمجھ لگی ہے کہ پرائیڈ آف پرفارمنس کن بنیادوں پر ملتا ہے، مجھے یہی سمجھ لگی ہے کہ آپ کے پاس جتنی تگڑی سفارش ہو گی اتنی ہی جلدی آپ کی پرائیڈ آف پرفارمنس ملے گا. انہوں نے کہا کہ ہم نے ساری زندگی صرف کام کیا ہے اور اچھا کام کیا ہے لیکن ہمیں اندازہ نہیں تھا کہ ایوارڈز حاصل کرنے کےلئے سفارش کی ضرورت ہوتی ہے ہم نے تو یہی دیکھا اور جانا تھا کہ ایوارڈ کام کرنے پر ملتا ہے.لیکن اب محسوس کرتے ہیں آج کل ایسا نہیں ہے.

  • خالد عباس ڈار کی ٹی وی پر واپسی

    خالد عباس ڈار کی ٹی وی پر واپسی

    سینئر اداکار خالد عباس ڈار نے کئی برس کے بعد ٹی وی کا رخ کر لیا ہے اور اس بار وہ پاکستان ٹیلی ویژن سے اداکاری میں واپسی کررہے ہیں، جی ہاں خالد عباس ڈار نے پی ٹی وی پر اپنی واپسی کر لی ہے اور لاہور سٹیشن سے وہ ڈار اور ڈارلنگ کے نام سے ایک شو کررہے ہیں ، پروگرام کو بہت زیادہ پذیرائی مل رہی ہے جس پر اداکار کافی خوش ہیں۔ انہوں نے اس پروگرام کے حوالے سے بات کرتے ہوئے اپنے حالیہ انٹرویو میں کہا ہے کہ میں بہت خوش ہوں کہ میری ٹی وی پر واپسی ہوئی ہے اور پی ٹی وی جہاں کام کرکے میں نے شہرت حاصل کی آج کئی برسوں کے بعد وہیں دوبارہ کام

    شروع کرکے مجھے بہر اچھا لگ رہا ہے میں سمجھتا ہوں کہ پی ٹی وی کی رونقیں بحال ہو سکتی ہیں لیکن اس کے لئے یہاں سینئرز کو واپسی کرنی ہو گی ، انہوں نے کہا کہ مجھے انداہ نہیں تھا کہ میرے پروگرام کو اتنی پذیرائی ملے گی۔ میرے پروگرام کے پرڈیوسر آغا قیصر ہیں ان کے ساتھ کام کرکے بہت اچھا لگ رہا ہے۔ خالد عباس ڈارنے کہا کہ میں نے معیار پر کبھی بھی سمجھوتہ نہیں کیا ، میں ڈار اور ڈارلنگ پروگرام کے لئے مطمئن ہوا تو میں نے اسکو کرنے کےلئے حامی بھری اور میں سمجھتا ہوں کہ میرا یہ فیصلہ اچھا ہے۔

  • عورت کو ہی ولن اور ہیرو دکھایا جا رہا ہے نبیل قریشی

    عورت کو ہی ولن اور ہیرو دکھایا جا رہا ہے نبیل قریشی

    سینئر اداکار نبیل نے ڈراموں کی موجودہ صورتحال پر بات کرتے ہوئے کہا ہے کہ موجود ہ دور کے ڈراموں کا کینونس بہت چھوٹا ہو گیا ہے اب ڈراموں میں عورت کو ہی ہیرو اور عورت کو ہی ولن دکھایا جا رہا ہے۔ جو کہ مناسب بات نہیں ہے، ہر طرح کا کردار ہر ایکٹر کو ملنا چاہیے۔ انہوں نے کہا کہ تکنیکی اعتبار سے ڈرامہ اچھا ہو گیا ہے لیکن ویسے ڈرامے کا معیار تھوڑا نیچے آیا ہے۔ ریٹنگ کے چکر نے ڈرامے کو برباد کردیا ہے۔ ریٹنگ کی خاطر خواتین کو رلایا جاتا ہے، ڈرامہ بنانے والوں کو لگتا ہے کہ عورت کو رلائیں گے تو ہی ریٹنگ آئیگی لہذا عورت کو رلایا جاتا

    ہے اور کہانی کو کامیاب بنانے کی کوشش کی جاتی ہے۔ نبیل قریشی نے کہا کہ ہم نے جس دور میں کام کیا تب کہانیوں کے مضبوط ہونے پر فوکس کیا جاتا تھا صرف عورت کو رلانا ہے اس پر زور نہیں رکھاجاتا تھا۔ نبیل نے کہا کہ اس کے باوجود پاکستان میں ڈرامہ آج بھی اچھا بن رہا ہے اور پوری دنیا میں اسکو پسند کیا جاتا ہے۔نبیل نے مزید کہا کہ ہمارے ہاں فنکار بہت زیادہ باصلاحیت ہیں، مشکل سے مشکل کردار بھی زبردست انداز میں نبھاتے ہیں۔جونئیر فنکاروں کی فنکارانہ صلاحیتیں دیکھ کر میں حیران رہ جاتا ہوں۔

  • بھارت معافی مانگے ورنہ …. شان شاہد

    بھارت معافی مانگے ورنہ …. شان شاہد

    اداکار شان شاہد بھی بھڑک اٹھے ہیں بھارتی وزیر خارجہ جے شنکر کے بیان پر انہوں نے ٹویٹ کرتے ہوئے مطالبہ کر دیا ہے بھارت معافی مانگے اور اپنی حکومت سے کہا ہے کہ جب تک انڈیا معافی نہ مانگے، دونوں ملکوں کے درمیان معاملات آگے نہیں چلنے چاہیں، انہوں نے اپنے ٹویٹ میں واضح انداز میں لکھا کہ میں بحیثیت پاکستانی، حکومت پاکستان کے توسط سے بھارتی وزیر خارجہ کے بیان پر تحریری معافی نامے کا مطالبہ کرتا ہوں، اس وقت مزید سفارتی تعلقات نہیں، احترام باہمی ہونا چاہیئے۔ پاکستان کو مضبوط بیانیے کے ساتھ جواب دینا چاہیے. انہوں نے اس بات پر بھی

    زور دیا کہ ہم سب پاکستانی ہیں اور پاکستان پہلے ہے، اس کے بعد ہر چیز ہے. ہم سب کو پاکستان کے معاملے پر اکٹھے ہوجانا چاہیے اور سیاسی اختلافات کو بھلا کر انڈیا سے پر زور طریقے سے مطالبہ کرنا چاہیے کہ وہ معافی مانگے جب تک وہ معافی نہ مانگے تب تک ان کے ساتھ کسی قسم کی بات نہ کریں . شان شاہد کی اس ٹویٹ پر بہت سارے سوشل میڈیا صارفین نے کمنٹس کئے اور کہا کہ ہم شان شاہد کی اس بات سے اتفاق کرتے ہیں اور انڈیا جب تک معافی نہ مانگے تب تک مزید کسی معاملے پر کوئی بات نہ کی جائے.

  • جونیرز کا کام دیکھ کر دل سے خوشی ہوتی ہے نئیر اعجاز

    جونیرز کا کام دیکھ کر دل سے خوشی ہوتی ہے نئیر اعجاز

    سینئر اداکار نئیر اعجاز نے حال ہی میں سپر پنجابی کے میوزک اور ٹریلر لانچ میں شرکت کی اس موقع پر انہوں نے کہا کہ میں بہت خوش ہوں کہ سپر پنجابی ریلیز ہونے جا رہی ہے ، افتخار ٹھاکر میرا دوست ہے اور اس نے جب جب جو جو کام کیا ہے وہ بہت اچھا متاثر کن رہا ہے. انہوں نے کہا کہ محسن رباس حیدر کی اداکاری دیکھ کر خوشی ہوتی ہے ، اداکار نہایت ہی باصلاحیت ہے. انہوں نے کہا کہ پاکستان فلم انڈسٹری اس وقت ڈانوں ڈول ہے،اسے سپر ہٹ فلموں کی ضرورت ہے اور مسلسل فلمیں بنتی رہنی چاہیں اسی میں فلم انڈسٹری اور ہم سب کی بقاء ہے. انہوں نے مزید

    کہا کہ میں نے ہمیشہ کوشش کی ہے کہ میں ایسے پراجیکٹس کا ھصہ بنوں جن کی کہانی دیکھنے والوں کو کوئی پیغام دے. فلم کسی نے بھی بنائی ہو ہم سب کو اسے سپورٹ کرنا چاہیے، کیونکہ ہم سب ایک ہی شعبے سے تعلق رکھتے ہیں اور ایک ہی کام کررہے ہیں پہلے ہم سب ایک دوسرے کے پراجیکٹس کو سپورٹ کریں گے لوگ بھی کریں گے. یاد رہے کہ نئیر اعجاز کی گزشتہ سال فلم گھبرانا نہیں ہے ریلیز ہوئی تھی اس میں انہوں نے ایک اہم کردار ادا کیا تھا.

  • شاہ رخ خا ن کی فلم ڈنکی کی وڈیوز لیک ہو گئیں ، اداکار پریشان

    شاہ رخ خان ان دنوں کافی پریشان ہیں کیونکہ ان کی نئی آنے والی فلم ڈنکی کی کچھ وڈیوز سوشل مٰڈیا پر لیک ہو گئی ہیں ، جو وڈیوز لیک ہوئی ہیں وہ فلم ڈنکی کا ایک گانا ہے، شاہ رخ خآن کافی زیادہ ڈپریشن اور غصے میں ہیں . اس سے پہلے ان کی فلم جوان کی بھی وڈیوز سوشل میڈیا پر لیک ہو گئی تھیں ، اس حوالے سے انہوں نے کورٹ سے رابطہ کیا تھا اور دہلی کورٹ نے کاپی رائٹ مواد سوشل میڈیا سے ہٹانے کا حکم جاری کیا تھا. اور حکم جاری ہونے کے بعد ہی کنگ خان کی نئی فلم ڈنکی کے گانے کی لیک ویڈیو سامنے آگئی ہے۔سوشل میڈیا پر اس کلپ کو شیئر کرتے ہوئے، صارف نے

    دعوی کیا کہ یہ شاہ رخ خان کی فلم ڈنکی میں اریجیت سنگھ کے گائے ہوئے گانے کا سین ہے۔کہا جا رہا ہے کہ وڈیوز لیک کس نے کی شاہ رخ خان اسکی تلاش میں ہیں اور وہ آج کل کشمیر میں‌ فلم ڈنکی فلم کی ہی شوٹنگ میں مصروف ہیں. یاد رہے کہ شاہ رخ خان کی دونوں فلمز ڈنکی اور جواب دونوں اسی سال ریلیز ہونے جا رہی ہیں اور اداکار انکی کامیابی کے لئے بھی بہت زیادہ پر امید ہے.

  • عثمان خالد بٹ نارض ہو گئے کس سے اور کیوں؟‌

    عثمان خالد بٹ نارض ہو گئے کس سے اور کیوں؟‌

    اداکار عثمان خالد بٹ جو کہ ایک بڑی فین فالونگ رکھتے ہیں ان کے والد کا ھال ہی میں انتقال ہوا ، ان کے والد کے انتقال کے بعد جہاں ان کے قریبی دوستوں اور رشتہ داروں نے ان کے ساتھ افسوس کا اظہار کیا وہیں انہیں کسی نے بھیج دیا ایک طویل تعزیتی پیغام. عثمان خالد بٹ نے اس پیغام پر غصے اور ناراضگی کا اظہار کیا ، انہوں نے ایک ٹویٹ کے زریعے اپنے مداحوں کے ساتھ شئیر کیا کہ میرے والد کا انتقال ہوا ہے. میں شدید پریشان اور اداس ہوں ، ایسے میں مجھ سے تین لمبے لمبے پیراگرافوں پر مشتمل ایک تعزیتی نوٹ موصول ہے. انہوں نے یہ لکھ کہا کہ ابو کے

    انتقال کے بعد ہونے والی سب سے غیر متوقع مزاحیہ چیزوں میں سے ایک یہ تھی کہ مجھے تین پیراگراف پر مشتمل ایک تعزیتی پیغام ملا جس کا مجھے 99.9 فیصد یقین ہے کہ یہ ChatGPT سے لکھوایا گیا پیغام تھا۔ عثمان خالد بٹ نے اپنے ٹوئٹ میں یہ نہیں بتایا کہ انہیں یہ طویل پیغام کس نے بھیجا تھا۔عثمان خالد بٹ نے جب یہ ٹویٹ کی تو سوشل میڈیا صارفین نے ان سے کمنٹ باکس میں پوچھا کہ نام تو بتائیے یہ حرکت کس سمجھدار نے کی ہے لیکن عثمان خالد بٹ نے نام لینے احیتراظ کیا .

  • ہمایوں سعید کس لڑکی کو دیکھنے ٹرین میں جا پہنچے

    ہمایوں سعید کس لڑکی کو دیکھنے ٹرین میں جا پہنچے

    اداکار و پرڈیوسر ہمایوں سعید نے اپنے ایک انٹرویو میں انکشاف کیا ہے کہ انہیں پہلی محبت 18 سال کی عمر میں ہوئی تھی ، ہمایوں سعید بتاتے ہیں کہ وہ لڑکی ان کے ساتھ والے گھر میں رہتی تھی ، اس پر ایک دن نظر پڑی تو وہ مجھے بہت اچھی لگی، پھر میں ہر روز بالکنی میں جا کر کھڑا ہوجاتا کہ شاید وہ آجائے اور میں اسکو دیکھ سکوں . ایک آدھ بار اس نے مجھ پہ نظر ڈالی تو مجھے خوش فہمی ہو گئی کہ وہ بھی مجھے پسند کرتی ہے. لیکن ایسا نہیں تھا. ایک دن ایسا ہوا کہ وہ ٹرین پر اپنی سہلیوں کے ساتھ کہیں‌جا رہی تھی ، میں بھی اسکے پیچھے پیچھے اسٹیشن جا پہنچا ، میں

    اسکو ایک بار خدا حافظ کہنا چاہتا تھا لیکن وہ اگلی بوگی میں تھی ،میں اسکو ہاتھ بھی نہیں ہلا سکتا تھا. میں نے کوشش کرکے ٹرین پر چڑھ گیا کہ کسی طرح خدا حافظ بول دوں لیکن میں اس تک نہ پہنچ سکا ، مجھے مجبورا ٹرین سے اترنا پڑا. اور گھر واپس آگیا ، میرے پاس پیسے تو ان دنوں میں ہوتے نہیں تھے اس لئے بہت مشکل سے گھر پہنچا. ہمایوں سعید نے کہا کہ میں آج اس واقعہ کو یاد کرتا ہوں تو بے وقوفی معلوم ہوتی ہے.