اداکار اکشے کمار اور جانی لیور نے حال ہی میں ٹوئنکل کھنہ کے شو میں شرکت کی ان دونوں نے کہا کہ پتہ نہیں لوگوں کو کیوں لگتا ہے کہ ہم اصل زندگی میں بھی ایسے ہی ہیں کہ اگر ہمیں کہا جائے کہ ہنسو تو ہم ہنسیں گے اور اگر کہا جائے گا کہ ڈانس کرو تو ہم ڈانس کریں گے ، لوگوں کو لگتا ہے کہ ان کے پاس ہمارا کوئی بٹن ہے اور اس بٹن کو دبایا جائیگا تو ہم وہی کرنا شروع کر دیں گے جو وہ چاہتے ہیں۔ اکشے کمار نے اپنے بچپن کا ایک واقعہ یاد کرتے ہوئے کہا کہ میں جب پانچ چھ سال کا تھا تو ہمارے گھر میں جو بھی رشتہ دار آتا تھا اسکے سامنے میرے والد مجھے

کہتے تھے بیٹا زارا بریک ڈانس تو کرو ،انہوں نے والدکے اس عمل کو لیکر کہا کہ سمجھ نہیں آتی کہ ہمارا ہی مجرا کیوں کروایا جاتا تھا۔ جانی لیور نے کہا کہ میں ایک بار ایک جنازے میں شریک تھا وہاں میں نے وہاں ایک شخص کو دیکھا جو کہ رونے اور ہنسنے کی ایکٹنگ کررہا تھا ، اسکو لگ رہا تھا کہ میں اس موقع پر بھی مذاق ہی کروں گا اور میں ہر وقت مزاحیہ ہی رہتا ہوں۔یاد رہے کہ اکشے کمار نے 1991 میں فلم سوگندھ سے بالی وڈ میں ڈیبیو کیا اکشے کا فلمی کیرئیر تین دہائیوں پر مشتمل ہے اور اپنے تین دہائیوں کے طویل کیریئر میں، کھلاڑی کمار نے ہیرا پھیری، ویلکم، نمستے لندن، بھول بھولیا، اور سنگھ از کنگ جیسی فلموں میں کئی یادگار پرفارمنس دی ہیں۔

بالی وڈ کی ماضی کی مشہور جوڑی اکشے کمار اور روینہ ٹنڈن جن کی ایک وقتوں میں منگنی بھی ہوئی تھی لیکن اکشے کمار جو کہ بھنورے کی سی طبیعت رکھتے تھے انہوں نے اس منگنی کو ختم کرتے ہوئے اگلہ افئیر شروع کر لیا ۔ جب اکشے کمار نے روینہ ٹنڈن کو دھوکہ دیا انہوں نے اکشے سے کنارہ کشی اختیار کر لی لیکن وہ ٹوٹ کر رہ گئیں تھیں ، اکشے کمار کے بعد انہوں نے کسی کی طرف نہ دیکھا نہ دوستی کی صرف اپنے کام پر توجہ دی اور پھر شادی کر لی ۔ ایک دوسرے سے بریک اپ کے بعد دونوں ایک دوسرے کے ساتھ کبھی دوبارہ نہیں ملے ، ایک دوسرے کے بارے میں کبھی میڈیا نے سوال بھی کیا تو دونوں نے اگنور کیا۔ اکشے کمار سے حال ہی ان کی فلم کی پرموشن کے دوران روینہ ٹنڈن

کے حوالے سے سوال ہوا تو انہوں نے کہا کہ مجھے کچھ یاد نہیں رہتا۔ اتنی پرانی بات کہاں یاد ہو گی ۔ روینہ ٹنڈن نے بھی حالیہ انٹرویو میں کیا تھا کہ اتنی منگیاں ہوتی ہیں ٹوٹتی ہیں صرف ایک منگنی کے ٹوٹنے کی گونج تیس سال کے بعد بھی کیوں۔ تاہم اب کئی سال کے بعد دونوں کو ایک ساتھ دیکھا گیا ہے دونوں حال ہی میں ایچ ٹی انڈیا کے موسٹ سٹائلش ایوارڈ 2023 میں موجود تھے ایک دوسرے کے ساتھ بیٹھے نظر آئے بلکہ دونوں کافی زیادہ خوشگوار موڈ میں تھے اور ایک دوسرے کے ساتھ ہنس ہنس کر گفتگو کررہے تھے ان دونوں کو ایک ساتھ دیکھ کر شائقین میں خوشی کی لہر دوڑ گئی ۔