فلمسٹار انجمن نے کہا ہے کہ میں اپنے مداحوں کے اصرار پر دوبارہ ایکٹنگ شروع کروںگی ، مجھے کسی اچھے پراجیکٹ کی تلاش ہے اگر مجھے ملتا ہے تو یقینا میں کروںگی مجھے انکار بالکل بھی نہیں ہے۔ انہوں نے کہا کہ مجھے اگر کوئی اچھا ڈرامہ بھی آفر ہوا تو میں ضرور کروںگی۔ لیکن بنیادی طور پر میں فلم کی بندی ہوں ، میں چاہتی ہوں کہ کسی فلم میں مجھے اچھا کردار آفر ہو، اور ایسا کردار ہو کہ پتہ چلے کہ ہاں انجمن کی فلموں میں واپسی ہوئی ہے۔ انہوں نے کہا کہ مجھے میرے مداحوں نے ہمیشہ ہی بہت محبت دی ہے۔ میرے فینز خود سے ہی مجھے پرموٹ کررہے ہوتے ہیں، حالانکہ مجھے شہرت کی ضرورت نہیں ہے خدا نے پہلے ہی بہت شہرت اور عزت دے رکھی ہے۔ انہوں نے کہا کہ پاکستان میں اس وقت حالات بہت خراب ہیں لوگ پریشان ہیں۔ لوگوں کی زندگیاں دکھوں اور پریشانیوں سے بھری پڑی ہیں۔
انہوں نے کہاکہ ”دکھ بہت زیادہ ہیں خوشیاں تو بہت کم رہ گئی ہیں” میری دعا ہے کہ پاکستان ایسا ملک بن جائے جو کہ جنت کا ٹکڑا ہو۔ اور دنیا ہم پر رشک کرے اور مجھے امید ہے کہ پاکستان میں ایک بار پھر خوشحالی آئیگی لوگ اپنی زندگیوں میں خوشیاں منائیں گے دکھوں کا خاتمہ ہو جائیگا۔
