Tag: anwar maqsood

ریاست مدینہ بن گئی تو کیا ہوگا انور مقصود نے بتا دیا
حال ہی میں کراچی آرٹس کونسل میں ماہرہ خان کے اعزاز میں ایک تقریب رکھی گئی جس میں انہیں انور مقصود نے انٹرویو کیا. انور مقصود نے ماہرہ خان سے سوال کیا کہ اگر آپ پاکستان کی وزیراعظم بن گئیں تو کیا کریں گی تو انہوں نے کہا کہ میں اگر وزیراعظم بنی تو وہ میری فلم ہے نا قائداعظم زندہ باد اس میں قوی خان کا ایک ڈائیلاگ ہے جس میں انہوں نے کہا تھا کہ خدایا کوئی معجزہ ہوجائے حرام اور حلال کی کمائی میں فرق ہو. اس پر انورمقصود نے کہاکہ اکیلا ایماندار آدمی کچھ نہیں کر سکتا. اس کے بعد پلٹ کر ماہرہ خان نے انور مقصود سے سوال کیا کہ آپ اگر وزیراعظم بن جائیں تو کیا کریں گے تو اس پر انہوں نے کہا کہ میں تمام بے ایمانوں کو معاف کر دوں گا ، اور اگر ریاست مدینہ بن گئی تو پھر تو
30 کروڑ کی آبادی میں سے 19 کروڑ کو ہتھکڑیاں‌لگ جائیں گی. انور مقصود کی یہ بات سن کر ماہرہ خان اور ہال میں موجود لوگ ہنستے رہے. ماہرہ خان اور انور مقصود کو اس انٹرویو کے بعد سوشل میڈیا پر کافی تنقید کا سامنا ہے. کیونکہ اس میں انہوں نے ان سیاستدانوں کی تعریف کی ہے جن کو وہ پسند کرتے ہیں اور جن کو ناپسند کرتے ہیں ان پر طنز کی ہے.
مارچ 22, 2023
ماہرہ خان کس سیاستدان کو سپورٹ کرتی ہیں اداکارہ نے بتا دیا
پاکستان کی جانی مانی اداکارہ ماہرہ خان کے اعزاز میں کراچی آرٹس کونسل نے ایک تقریب رکھی اس تقریب کی میزبانی کے فرائض انور مقصود نے انجام دئیے انہوں نے ماہرہ خان سے کئی سوال کئے ، ایک سوال یہ بھی کہا کہ وہ کس سیاسی لیڈر کو پسند کرتی ہیں تو اس پر انہوں نے کہا میں پٹھان ہوں لیکن چاہتی ہوں کہ جو بھی اس ملک پر حکمرانی کرے وہ ایماندار ہو جو ایسا ہو گا وہی میرا پسندیدہ بھی ہوگا . انہوں نے کہا کہ میں بچپن سے ہی اداکاری کا شوق رکھتی تھی لیکن میری نانی بہت مخالفت کرتی تھیں، تاہم اب ایسا نہیں ہے. مجھے جب فلم بول کے لئے شعیب منصور کی کال آئی تو میرے تو زمین پر پائوں ہی نہیں لگ رہے تھے. اتنے بڑے ڈائریکٹر کے ساتھ کام کرنا یقینا
مجھ جیسی نیو کمر کےلئے اعزاز کی بات تھی . انہوں نے کہا کہ میں اپنے کام سے کام رکھنے والی خاتون ہوں ، میں سوشل میڈیا پر ہوں لیکن وہاں‌پر زیادہ سیاسی ٹویٹس دیکھتی ہوں تو بھاگ جاتی ہوں. انہوں نے کہا کہ میں نے ابھی تک جتنا بھی کام کیا ہے اس سے بہت مطمئن ہوں اور سب سے زیادہ اہم بات یہ ہے کہ میں آج جو بھی ہوں اپنے مداحوں کی سپورٹ کی وجہ سے ہوں. یاد رہے کہ اس تقریب کے اختتام پر صدر آرٹس کونسل آف پاکستان کراچی نے آرٹس کونسل کی جانب سے ماہرہ خان کو کلچرل ایمبیسڈر آف پاکستان کا ایوارڈ بھی دیا۔
مارچ 20, 2023
لاہور میں پہلی بار سٹیج پلے کرنے آیا ہوں ساجد حسن
سینئر اداکار ساجد حسن جوکہ آج کل لاہور میں ہیں اور لاہور میں ہیں انور مقصود کے سٹیج پلے ساڑھے 14 اگست کے لئے . اس ڈرامے میں انہوں نے ایک اہم کردار ادا کیا ہے. اداکار ساجد حسن نے اس موقع پر انٹرویو دیتے ہوئے کہا کہ میں لاہور میں‌پہلی بار کوئی سٹیج پلے کرنے کے لئے آیا ہوں اس سے پہلے میں نے کبھی بھی لاہور میں اس طرح سے پرفارم نہیں کیا. ساجد حسن کے کہا کہ لاہور کے لوگ ہمیشہ ہی بہت زیادہ پیار دیتے ہیں ، میں یہاں آیا ہوں اور بہت زیادہ پرجوش ہوں ، یہاں نوجوانوں کا جوش و جذبہ دیکھ کر کافی دل خوش ہوا ہے. انہوں نے مزید کہا کہ انور مقصود کے ساتھ میرا بہت پرانا تعلق ہے ہم نے ایک ساتھ بہت زیادہ کام کیا ہے. اور جب بھی کام کیا ہے وہ
یادگار ہی رہا ہے. میں ساڑھے 14 اگست کے لئے بہت زیادہ پرجوش ہوں. ساجد حسن نے مزید کہا کہ انور مقصود اس ملک کا اثاثہ ہیں ، انہوں نے جب اورجو بھی لکھا اس نے دیکھنے پڑھنے اور سننے والوں کو سوچنے پر مجبور کر دیا . میں یہاں اپنی اہلیہ کے ساتھ آیا ہوں امید ہے کہ یہاں‌ سٹیج پر کام کرنے کا تےتجربہ بہت اچھا رہے گا .
مارچ 2, 2023
سجاد علی نے اپنی اہلیہ اور بیٹی کے ساتھ انور مقصود کا سٹیج پلے دیکھا
معروف گلوکار سجاد علی کو الحمراء میں دیکھ کر لوگ حیران رہ گئے جب وہ وہاں انور مقصود کا سٹیج ڈرامہ دیکھنے کے لئے پائے گئے. سجاد علی کے ساتھ ان کی اہلیہ اور بیٹی بھی تھیں. اس موقع پر میڈیا سے گفتگو کرتے ہوئے سجاد علی نے کہا کہ میں‌اپنی زندگی میں پہلی بار کسی سٹیج پلے کو دیکھنے کےلئے آیا ہوں. چونکہ میرا انور مقصود کے ساتھ بہت اچھا تعلق ہے اور ان کے کام کا میں کیا ساری دنیا دیوانی ہے وہ جب بھی کچھ لکھتے ہیں وہ سبق آموز ہوتا ہے اسلئے آج میں خاص کر یہ ڈرامہ دیکھنے کے لئے آیا ہوں. سجاد علی نے کہا کہ انور مقصود نے جب مجھے کہا کہ آپ یہ ڈرامہ دیکھنے آئیں تو مجھے لگا
کہ یقینا اس میں کچھ الگ ہی بات ہو گی ، میں نے سٹیج ڈرامہ دیکھا ہے بہت اچھا ہے جس طرح سے ڈرامے کو سٹیج کیا گیا ہے وہ قابل ستائش ہے ، ڈرامے کے تمام کرداروں نے بہت محنت کی ہے. سجاد علی نے کہا کہ سبق آموز سٹیج پلیز نوجوان نسل کو دکھائے جانا وقت کی اہم ضرورت ہے . میں نے کبھی سٹیج پلے دیکھا نہیں تھا لیکن آج دیکھا ہے تو بہت مزا آیا ہے. ڈرامہ دیکھتے ہوئے بہت بار ایسا ہوا کہ زہن اُن وقتوں میں چلا گیا جب تقسیم ہند ہو رہی تھی .
مارچ 2, 2023
انور مقصود کا ساڑھے 14 اگست کا لاہور میں میڈیا شو
معروف رائٹر انور مقصود کا سٹیج پلے ساڑھے 14 اگست کا لاہور میں گزشتہ شب میڈیا شو کیا گیا.اس میں سجاد علی ، تجزیہ نگار امتیاز عالم ، ساجد حسن اور انکی اہلیہ، ڈاکٹر یونس ملک و دیگر نے شرکت کی ، ڈرامے کو دیکھنے کےلئے نوجوانوں کی ایک بڑی تعداد آئی. ساڑھے 14 اگست میں گاندھی اور محمد علی جناح کے آپسی مکالموں اور اُس وقت کے دور کو دکھایا گیا جب تقسیم ہو رہی تھی. ڈرامے کے ڈائیلاگز کمال مہارت کے ساتھ لکھے گئے ہیں ، ہر مکالمہ سننے والوں کے لئے ایک سبق ہے. ڈرامے میں جناح اور گاندھی کے خوبصورت مکالموں کو سن کو تقسیم ہند کے وقت کی یاد بخوبی آتی ہے اور آنکھوں کے سامنے وہ منظر دوڑ جاتا ہے اور محسوس ہوتا ہے کہ شاید ہم
اسی دور میں بیٹھے ہوئے ہیں جب یہ سب ہو رہا تھا. ڈرامے میں جناح اور گاندھی کا کردار نوجوان لڑکوں نے ادا کیا ہے. ساڑھے 14 اگست لاہور سے پہلے کراچی اور اسلام آباد میں پیش کیا گیا جہاں یہ ڈرامہ کئی ماہ تک چلا . لاہور میں یہ ڈرامہ تین سے چار ہفتے تک جاری رہے گا. بہت عرصے کے بعد کسی سٹیج پلے کو شائقین کی ایک بڑی تعداد دیکھنے کےلئے الحمراء کا رخ کررہی ہے.
مارچ 2, 2023
پاکستان لٹریچر فیسٹیول کا میلہ کل سے لاہور الحمراء میں سجے گا
تین روزہ پاکستان لٹریچر فیسٹیول کل سے لاہور میں شروع ہونے جا رہا ہے، ایونٹ کا افتتاح جمعہ 10 فروری شام 3 بجے الحمرا آرٹس کونسل لاہور میں نگراں وزیر اعلیٰ پنجاب محسن نقوی اور وزیر اعلیٰ سندھ سید مراد علیٰ شاہ کریں گے جب کہ پنجاب کے وزیر اطلاعات و ثقافت عامر میر اور سندھ کے وزیر ثقافت اور تعلیم سید سردار شاہ بھی شرکت کریں گے۔ فیسٹیول کے 50سے زائد سیشن ہوں گے جس میں تفریح، مزاح،موسیقی ، ڈانس کے علاوہ ادب،تعلیم، معیشت، کتابوں کی تقریب رونمائی،ملک کے معروف دانشوروں اور فن کاروں کے ساتھ گفتگو اور دیگر سنجیدہ سیشن بھی ہوں گے۔ صدر آرٹس کونسل پاکستان کراچی احمد شاہ کا کہنا ہے کہ آج ہمارے ملک کے دشمن زیادہ ہو گئے ہیں پاکستان میں یکجہتی کی بہت ضرورت ہے۔ کلچر اور ادب کے ذریعے ملک کی تمام اکائیوں کو جوڑا جا سکتا ہے۔ پاکستان لٹریچر فیسٹیول لاہور سے شروع ہو رہا ہے۔ انہوں نے کہاکہ انور مقصود کی مشاورت سے پاکستان اور بین الاقوامی سطح پر پاکستان لٹریچر فیسٹیول کا انعقاد کرنے جا رہے ہیں فیسٹیول کا افتتاح لاہور
سے کر رہے ہیں، لاہور ادبی و تہذیبی مرکز رہا ہے، یہ شہر اس ریجن میں سب سے بڑا ثقافتی مرکز تھا، دلی اور چندی گڑھ سے لوگ یہاں پڑھنے آتے تھے. فیسٹیول میں میوزک،ڈانس، اردو ادب، ادبی نشستیں شامل ہیں، جبکہ تعلیم،معیشت ، شاعری پر مختلف سیشنز ہیں، معاشرے میں سب مرغے لڑا رہے ہیں، دانشور ختم ہوتے جا رہے ہیں، شاعر ادیب کا حکومت سے رشتہ نہیں رہا. ہم نوجوان نسل کو آپس میں جوڑ رہے ہیں، لاہور کے بعد گوادر،مظفر آباد،گلگت،پشاور، اسلام آباداور کراچی میں اس فیسٹیول کا انعقاد ہو گا،اس کے بعد امریکہ کے چار مختلف شہروں میں جائیں گے، ہیوسٹن، نیویارک، شکاگو سلیکان ویلی، ڈیلس اور ٹورنٹو میں پاکستان لیٹریچر فیسٹیول کا انعقاد کیا جائے گا.
فروری 9, 2023
پاکستان لٹریچر فیسٹیول کے حوالے پریس کانفرنس
آرٹس کونسل آف پاکستان کراچی کی جانب سے دس تا بارہ فروری الحمراء آرٹس کونسل لاہور میں منعقد ہونے والے پاکستان لٹریچر فیسٹیول کی پریس کانفرنس کا آج لاہور میں انعقاد ہوا. پریس کانفرنس میں صدر آرٹس کونسل محمد احمد شاہ ،صوبائی وزیر اطلاعات و ثقافت عامر میر نے شرکت کی۔ معروف ادیب و دانشور انور مقصود اور ذوالفقار زلفی نے میڈیا کو سہہ روزہ اس ایونٹ کی بریفنگ دی.صدر آرٹس کونسل کراچی محمد احمد شاہ نے کہا کہ ہماری کوشش ہے کہ ہم لوگوں کو ادب سے قریب رکھیں چاہے حالات کچھ بھی ہوں.انہوں نے کہا کہ میں وزیر ثقافت و اطلاعات جناب عامر میر کا شکر گزار ہوں یہ میری درخواست پر یہاں تشریف لائے ہیں۔ادب کی خدمات کے لئے اس طرح‌ کی تقریبات میں گزشتہ سولہ برس سے کررہا
ہوں.پاکستان میں کلچر کے فرغ کے لئے اس طرح‌کے ایونٹس کا انعقاد بے حد ضروری ہے. انور مقصود نے کہا کہ میں نے احمد شاہ سے پوچھا کہ پاکستان میں جو حالات ہیں ایسے میں اسطرح‌ کے ایونٹس کے انعقاد کا حوصلہ کہاں سے لاتے ہیں؟ تو انہوں نے کہا کہ جس ملک میں ادب زندہ رہتا ہے وہ کہیں نہیں جاتا۔انور مقصود نے کہا کہ لاہور نہ ہوتا تو پاکستان میں اردو نہ ہوتی۔ ہر آدمی کا حق ہے کہ کہ اس کا آنے والا دن اچھا ہو۔حالات برے ہیں لیکن ہمیں اچھے کی امید رکھنی چاہیے. نوجوان ہمارا مستقبل ہیں.
فروری 9, 2023