Tag: ashiqi

عاشقی فلم نوے کی دہائی کی سپر ہٹ فلموں میں سے ایک ہے ، یہ ایک ایسی فلم رہی کہ جس نے نئے لڑکے راہول رائے اور لڑکی انو اگروال کو راتوں رات سپر سٹار بنا دیا، اتنی بڑی ہٹ کے بعد لگ رہا تھا کہ راہول رائے اور انو اگروال بالی وڈ کے نئے سپر سٹارز بن گئے ہیں لیکن ایسا نہ ہو سکا ، بلکہ ان کا کیرئیر اس اونچائی کو برقرار نہ رکھ سکا جس پر وہ پہنچے تھے. انو اگروال نے اپنے ایک انٹرویو میں اس فلم کے ھوالے سے بات کرتے ہوئے کہا کہ میں کسی جگہ پر تھی کہ مجھے مہیش بھٹ نے دیکھا میں کھانا کھا رہی تھی ، وہ بولے تم تو ایک سٹار تو میں نے مذاق

سے کہا کہ جی ہاں میں سٹار ہوں ان دا گلیکسی ، مجھے انہوں نے کہا کہ فلم کرو گی تو میں نے کہا کہ نو میری فلموں میں دلچپسی نہیں ہے میں یہ کہہ کر چلی گئی ، پھر ایک دن مجھے مہیش بھٹ کی کال آئی بولے فلم کرو گی؟ میں نے کہا کہ نہیں بولے ٹھیک ہے میری ایک فلم ہے تم نہیں کرو گی تو میں بالکل بھی فلم نہیں بنائوں گا یہ فلم بنانے کا ارادہ ہی چھوڑ دوں گا، میں نے ان کی یہ بات سنی تو پھرمیں نے کچھ وقت مانگا اور پھر ہاں کر دی . مجھے نہیں پتہ تھا کہ میرا کردار کیا ہے لیکن میں نے ہاں کر دی اور فلم سپر ہٹ ہو گئی تو پھرمجھے لگا کہ مجھے فلموں میں‌ مزید کام کرنا چاہیے.